استفسارات كاستية رقم #2 (لكل من اختار الخيار الرابع)

[Khalid-S]

صراحه الرقم الي شفته في التصويت اذهلني .. 77 صوت .. عمركم ما اخذلوتي .. الله يخليكم لنا.

اوكي .. الآن المرحلة الثانية ...

الي اختار الخيار " ما اسمع الكاست لاني مو من النوع الي يسمع بود كاست في المواقع "

والي هم 32 .. والنسبة الاكبر من التصويت ... عندي سؤال واتمنى اني اشوف ردود لا تقل عن 30 رد.

السؤال هو "كيف نخليك تسمع كاست"؟

ترو جيمنج كاست مثل اي كاست آخر موجود بالانترنت للفيديو جيمز لكنه عربي .. اكيد على الاقل احد فيكم سمع كاست واحد من ترو جيمنج بين ال8 الي نزلوا تقريباَ ... فاهمين الوضع صح؟ يعني كذا نقاش بين الضيوف عن العاب او معرض وهكذا ..

ولكن .. مو لازم نتقيد مثل بطريقه معينه .. مو لازم نسوي مثل ما العالم تسوي ..

ايش هي الطريقه الي نخليكم تبداون تسمعون ترو جيمنج كاست. بشكل نقاط كذا اذكرها .. حتى لو نقطة وحدة صدقني بتساعد كثير.


بانتظار ال32 رد بهذا الموضوع. لا تخذلوني مدحت فيكم باول الموضوع :yuck:

 

[hussien-11]

تعرف خالد ، أنا أحب أسمع الكاست بس بآخر فترة ما عدت أتشجعله أبدا

مم ، نقاطي :

- لو الكاست يركز على موضوع واحد معين ، و يكون حلقة قصيرة مو طويلة ، أقصر من الحلقات الحالية عشان تحس مسألة انك تسمع حلقة طويلة بتصير مملة مهما كان الكلام جذاب
- لو يكون للكاست عنوان حماسي و مثير ( أو حتى ساخر ) ، مو ( كاست عن E3 )
- أتمنى فتح المجال لنقاشات حماسية اكثر و فيها جرأة أكبر !
- يكون فيه مواكبة أسرع بين الكاست و الموضوع ، يعني الفترة الزمنية بينهم تكون قصيرة ( اضرب الحديد وهو ساخن ! )

و بالتوفيق .

​

 

[Da S.O.S]

انا اسمع الكاستس حقتك تروقيمنق بشكل دائم .. وبشكل عام اصلا انا احب اني كاستس قبل ما انام بالآيبود او قبل ما انام سواء لتروقيمنق او لغيرها .. مشترك بكثير للأسف :yuck:
لكن المشكلة الوحيده والي فعلا تخلي حماسي يقل تدريجيا عن كاست تروقيمنغ هو انه مافي وقت محدد للكاست .. مافي زي ما قال حسين "تزامن"..
اعرف مدى صعوبه انك تسوي كاست مثلا كل أربعاء او خميس او اي يوم اسبوعي , لكن احسه فعلا شئ ضروري..
اهم شئ بالنسبه لي بالكاستس انها تنزل بوقت محدد وحتى لو كانت قصيره لكنها دايما موجودة كل اسبوع .. تخلي الحماس دايما موجود والترقب موجود بشكل دائم
هذي وجهة نظري انا على الأقل ما اعرف اذا في احد يتفق معي بهالنقطه

 

[Aoks]

واحد من اهم النقاط , ( انه ما في هايب كفايه يصير للكاست الي ينزل 🙂 )

لي رجعة مع نقاط مهمة أخرى
​

 

[pacino]

والله انا صراحه ما اسمع كاست تروجيمنج مو لانه مو بالمستوى المطلوب..لكن ما اسمع لأني بالاساس ما عمري اهتميت بكاست المواقع..لكن مثل ما يقولون الشباب لو يكون في وقت معين لصدور الكاست..وبعد لازم تسون له هايب مو بس اعلان صغير وخلاص :yuck: ..
غير جذي م اقدر اقول لاني بالاساس ما سمعت اي كاست من تروجيمنج لذلك ما اقدر احكم

ومشكور خالد عالمجهود الكبير 🙂

 

[R O C K Y]

بالنسبه لي ماسمعت الى 2 من الثمانيه

اسباب ممكن تخليني اسمع الكاست

1- تركيز على موضوع معين او لعبه واحده تناقشون سلبياته وايجابياتها
2- مقارنات (مثل جيم بلاي DMC و NG ) :yuck:

 

[SALAH]

الشباب ذكروا اهم نقطتين عشان ما بسمع الكاست :

واحد من اهم النقاط , ( انه ما في هايب كفايه يصير للكاست الي ينزل )

لكن ما اسمع لأني بالاساس ما عمري اهتميت بكاست المواقع

حتى بصراحة خالد انا ماكنت بعرف انه عندكم كاست لولا موضوع التصويت أصلا خخخخ :yuck:

 

[TenZen]

صعب اسمع كاست باستمرار .. بس اذا كان فيه اشياء متنوعه مثل اخبار عن :
1-مواضيع عن الgadgets
2-اي مواضيع عن انظمة التشغيل (windows,OSX,Linux...etc)
3-مشاكل وحلول واقتراحات (للجيمرز على الPC,OSX او الاجهزة المنزلية)
4- RSS خاص للكاست فيه وصلات التحميل المباشرة باحجام مختلفة
حتى ان الواحد ممكن يحمل الكاست مباشرة من الموبايل او الي جهاز محمول اخر.


سمعت تقريبا كاست واحد .. مو متأكد اذا الاشياء الي ذكرتها صارت موجودة لاحقا ولا لا .

 

[Zero]

قلت في الموضوع السابق كبر حجمه + النت الميت اللي عندي يخلوني ما أحمله .. بس كيف تخلوني ؟ أنا ودي اسمع ما يحتاج "تخلوني" ..

شي ممل أني أحمل ملف صوتي حجمه يتعدى 40 ميجا بايت .. يعني لو تنزلوه بصيغة wma مثلا يكون حجمه أقل .. أو حتى بصيغة rm ووقتها لو حبيت اسمعه في MP3 Player وأحطه في السيارة مثلا .. أقدر أحوله للصيغة اللي أبغاها .. بس المهم أني ما أحمل شي كبير بالنسبة لملف صوتي مهما كان طوله ..

اعتقد تعدد الصيغ شيء جيد .. أكيد ناس تبغى تسمع الملف الأصلي من دون تغيير ولا شي .. لذلك أفضل لو تجيبوا واحد بصيغة MP3 وآخر بصيغة أخرى أقل حجمها ( بليز ابعدوا عن الـWAV لأن حجمه بيطلع أكبر على الفاضي )

 

[m7tram]

نفس الحاله اهني كنت اسمع كل كاست ينزل بس أخر شي مليت ولان المده تلعب دور تقريبا 45 دقيقه كاست مو شويه لو تكون مابين الـ15 - 20 دقيقه تكون ممتازه ومثل ما قال حسين يكون مواكب مع المنتدى وبنفس الفتره الزمنيه .

ويعطيكم العافيه على الجهود الي تسونها 🙂 .

 

[Colorization]

انا اسمع عادي لكن، لو يصير أسبوعي او بالأسبوعين مرة ومدة الحلقة 20 دقيقة بالكثير راح يكون افضل. بكذا تكون اخبار الكاست up-to-date ومدتها معقولة للي مو متعود يسمع podcasts

 

[Alucard]

اتفق مع Aoks في النقطة اللى ذكرها عن الهايب ..

ممكن انكم تعملون موضوع يسبق الكاست بأيام تحمسون فيه الأعضاء عشان يسمعونه وتوعدوهم بخبر حصري في الكاست مثلا .. يكون في سبب يخلي الشخص ينتظر الكاست بفارغ الصبر الى ان تنزلوه ..

وايضا نقطة ثانية .. ممكن انكم تتطرحون موضوع معين مناسب للنقاش بين 3 او 4 اعضاء مثل ما تعماون دائما .. لكن في وسط النقاش تتوقفون و تحطون فقرة معمولة مسبقا على شكل سؤال ينطرح لمجموعة أخرى من الأعضاء ( 8 او 9 اعضاء ) يجاوبون فيها على السؤال بشكل سريع ... وطبعا انتوا راح تسالوا كل شخص لحاله وبعدين تحطون الاجابات ورأي كل عضو في هذي الفقرة اللى بتكون سريعة ( 3 دقائق ؟ ) وبعد ذلك ضيوف الحلقة يكملوا النقاش بعد ما يكونوا سمعوا اراء الأعضاء وممكن بهذي الطريقة يتغير محور النقاش.. صعبة شوية اعرف وتاخذ وقت كثير واحتمال ما ممكن تعملوها .. بس هذا كان مجرد اقتراح 🙂

 

[Mista Koo]

^
أؤيد كلام الشخص اللي فوقي

 

[Dark Link]

اعرف مدى صعوبه انك تسوي كاست مثلا كل أربعاء او خميس او اي يوم اسبوعي , لكن احسه فعلا شئ ضروري..
اهم شئ بالنسبه لي بالكاستس انها تنزل بوقت محدد وحتى لو كانت قصيره لكنها دايما موجودة كل اسبوع

واحد من اهم النقاط , ( انه ما في هايب كفايه يصير للكاست الي ينزل 🙂 )

لي رجعة مع نقاط مهمة أخرى
​

انا اسمع عادي لكن، لو يصير أسبوعي او بالأسبوعين مرة ومدة الحلقة 20 دقيقة بالكثير راح يكون افضل. بكذا تكون اخبار الكاست up-to-date ومدتها معقولة للي مو متعود يسمع podcasts

and i have a couple of things to add....
like Aoks said... there's no "hype".. i didnt even know that there was a podcast:cryy: .. and the other thing is, i think being able to listen to it "streaming" is better and easier than downloading it... it would be LOVELY
cuz i listen to podcasts while browsing

 

[squall leonhart]

الحلقه تصير اقصر يعني 5 دقايق على الكثير .. لكن تكون اسبوعيه عشان تكون اخبارها فرش .. التركيز على موضوع واحد فقط مع ذكر الاخبار الاخرى بشكل سريع

 

[Hardcore Gamer]

عن نفسي ...فكره الكاست بشكل عام تستهويني مهما كان الموقع سواء عربي ولا غربي ...

لكن ما ايمنع اني اسمع كاست لو كان فيه هايب عليه ... لان هالشي اكيد بيحمس الواحد يسمع

 

[Black]

هممم .. ايش الي يخليني أسمع كاست >.> ؟
- يكون عن موضوع يهمني .
- مدته حلوة ( 15 - 20 دقيقة )
- ينزل بأوقات محددة .
- هايب !

 

[Yaz3D]

- لو الكاست يركز على موضوع واحد معين ، و يكون حلقة قصيرة مو طويلة ، أقصر من الحلقات الحالية عشان تحس مسألة انك تسمع حلقة طويلة بتصير مملة مهما كان الكلام جذاب
- لو يكون للكاست عنوان حماسي و مثير ( أو حتى ساخر ) ، مو ( كاست عن E3 )
​

وأزيد على كلام حسين: الهايب .. مجرد إنكم تحطون إعلان الكاست فوق ما يشجع ترا ..

 

[Old School]

سمعت كاست واحد الي هو كان عن E3 وسمعتة لسبب واحد اني كنت متأخر ومدري وش صار بالمعرض والكاست كان متميز to update me وكان رائع

بالنسبة لي اشوف ان الكاست افضل موعد له يكون ورا المعارض او المؤتمرات والتحدث عن الاشياء الجديدة او يكون كاست كامل عن لعتبين ثلاث وبالكثير مدتة 20 دقيقة يعني يذكر ويعطي معلومات كثيرة وشاملة عن لعبة معينه ويناقش عن اسباب نجاحها وفشلها الممكن

وما اشجع نهائيا يطلع الكاست بعيد عن الفيدو جيمز والشركات الثلاث الكبرى وبقية المطورين

 

[ZiZ]

اشتروا لي آي بود >.>;

 

[Ash Storm]

هممم بالنسبة لي:

- اختاروا مواضيع حساسة و ساخنة و مشوقة و تكلموا فيها حتى الناس تتحمس, و لو تخلوا الحلقة تتكلم عن موضوع واحد بس يكون افضل و مدة اقصر ..

- ياليت المواضيع الي تختاروها تكون لها علاقة بأحداث جديدة حاصلة حتى الحماس يصير اكبر! و لو ما كان في مواضيع جديدة تستحق انها تكون موضوع للكاست فختاروا موضوع نقاشي اخر بس المهم يكون مبني على النقطة الاولى ..

- كل مرة يصير مذيع شكل, مش بس شخص واحد, حتى ما نحس بالملل ..


و الله يوفقكم

 

[The Shark]

أنا مو من النوع الي يسمع الكاستس أصلا ما أحبها ...
لكن يفضل في الكاست الابتعاد عن الأشياء الي احنا عرفناها عن طريق هالمنتدى او مواقع الجيمز ... أو أراء الأعضاء الي غالبيتنا عارفينها .. و الاقتصار على الاستعراضات عن لعبة أو مجموعة ألعاب أحسن و أفضل ...

 

[Emirates]

- صرت ما اسمع البود كاست حتى الكاست الاخير نزلته والى اليوم ما سمعته ( مع العلم ما سمعت ولا بودكاست الا ترو جيمينج )

والسبب يكون متزامن مع معرض شفناه واستمتعنا باخباره وعروضه مثلا ( كل شي واضح )

باقي البود كاست استعراض اراء منها تخالف رايي ومنها توافقه ... لذلك ما فيه سبب يدفعني اسمع بود كاست مره اخرى

هذا لا يمنع اني اوجه الشكر للقائمين عليه واتمنى لهم التوفيق

....