استشارة في طابعة

[إبراهيم 906]

‏السلام عليكم ورحمة الله وبركاته حياكم الله جميعا أبغى استشيركم في طابعه جيدة في مبلغ لا يتعدى 500 ريال
بصراحة أنا متردد هل اشتري أصلا أو أتعامل مع محل تصوير يطبع لي أفضل أحيانا اقول المبلغ اللي بدفع المحل التصوير يكافئ الطابعة أو ممكن أوفر في بعض الحالات
وإذا أنتم تقترحون طابعة جيدة يا ريت تفيدوني فيها شكرا لكم

 

[Eye]

مهمة مستحيلة

انت وش تحتاجها فيه بالزبط؟ طباعة فقط؟
وهل تطبع صور ولا بس نصوص

 

[إبراهيم 906]

مهمة مستحيلة

انت وش تحتاجها فيه بالزبط؟ طباعة فقط؟
وهل تطبع صور ولا بس نصوص

‏قلت مهمة مستحيلة لأن الطابعة كيان مزعج لو كانت إنسان لكانت من أبثر الناس
‏تغثك التعريفات وكل شوي يخلص الحبر وما تطبع
بسرعة
أبغاه طباعة اسود وأبيض نصوص فقط ما أبغى صور ولا ملون

 

[الأصيل الجميل]

خذ الطابعات اللي فيها tank مش cartridge .
مع اني اشوف لو نصوص تطبعها من المحل أفضل ( طابعات ليزر ، أسرع ) ، لكن لو تبي خصوصية اِشترلك طابعة.
او اذا كنت طالب في الجامعة انصحك بالطابعة ، لان يمكن التاسك يكون عندك وقت متأخر وتحتاج تطبع للضرورة القصوى بدل الذهاب الى المكتبة وتضييع وقت

 

[Eye]

‏قلت مهمة مستحيلة لأن الطابعة كيان مزعج لو كانت إنسان لكانت من أبثر الناس
‏تغثك التعريفات وكل شوي يخلص الحبر وما تطبع
بسرعة

من اصدق ما قرأت

أبغاه طباعة اسود وأبيض نصوص فقط ما أبغى صور ولا ملون

اجل نصيحتي خذ لك ارخص طابعة ، لان كلهم علل الا اللي مرة فوق ميزانيتك

بس اذا تبي واي فاي ابعد عن اتش بي ، تجاربي معهم تعيسة جدا

 

[Jasmine]

شراء طابعة أفضل يختصر وقت وجهد لا سيما لو تحتاج تطبع باستمرار.

اللي عندي hp laserjet p1005، جيدة ولها أكثر من ١٠ سنوات عندي.
أداة الحبر الخاصة بها تطبع ١٥٠٠ ورقة ثم تتغير، يعني ممكن تقعد ٣ أشهر بالراحة باستخدام مكثف.
وأكيد الآن في موديلات أحدث وبأسعار مناسبة.

لو أفكر أغيرها فقط عشان مسألة السلك ثم الألوان.

 

[Zorro]

EcoTank L3250​

رابطها في الشركة الأم إيبسون

الرابط في امازون Amazon.SA

كنت ادورعلى طابعة ليزر ، لكن شفت اسعارها غالية ، فشفت هذه الإبسون و قريت انطباعات عنها بالصدفة واشتريتها العام بشهر يونيو
الطابعة صارت اكسسوار مهم عشان المدارس ، أو اللي عنده معاملات حكومية و يحتاج يزورهم بشكل شخصي
افتكيت من مشاوير المكتبة الأسبوعية ، الوقت اللي اضيعه بالانتظار و زحمة المواقف وخذ معاك فلاشة او ارسل الملف بالواتس في المكتبة نسيتها .. كانت قروشة
أخذتها ب 650 تقريبا تفسيط ، واخذت معاها حبر تجاري ب 30 ريال من سوق الجملة ، استخدمتها و خبيت الأصلي على جنب
حبرها التجاري للحين ما خلص (لها اكثر من سنة بشهرين) ، وفوق هذا رحت خففت اعدادت الطباعة زيادة ، سواء بالأبيض و الأسود أو الملون
فيها واي فاي للجوال بس للأمانة ماقد استخدمته للآن ، وفيها ماسح ضوئي ( سكانر )

عيبها :
- انه لازم تطبع اي شي في الاسبوع ورقة او ورقتين عشان الراس ماينشف وهذه مشكلة مريت فيها مرة واحدة وحليتها بسهولة ( وماعاد واجهتها بحمد الله من بعد عرفت الفكرة)
- يقال فيه اسفنجة لازم تغيرها كل مدة (للحين ما مريت فيها) ..

اسعارها الحين حول ال550 ريال ..

بالنسبة تثبيت التعاريف مافي اسهل منه ..
عرفتها كذا مرة على ويندوز 7 و كذا مرة على ويندوز 11 ( من كثرة تغيير النظام )
كل المطلوب منك تنسخ تعريف الطابعة على جنب و تخبيها عشان الزمن ..

أما طريقة تعبئة الحبر سهل جدا ..

انصحك فيها عن تجربة..


اضافة :
قبل ما تاخذ أي طابعة من أي شركة كانت ، اسأل على سعر حبرها في سوق الطابعات ، وهل فيه في السوق حبر من شركات طرف ثاني ولا لا ..
لأنه مب معقولة الواحد ياخذ طابعة مميزاتها ممتازة و بعدين تكسر الجيب في سعر الحبر ..


موفق ..

 

[prince khalid]

EcoTank L3250​

رابطها في الشركة الأم إيبسون

الرابط في امازون Amazon.SA

كنت ادورعلى طابعة ليزر ، لكن شفت اسعارها غالية ، فشفت هذه الإبسون و قريت انطباعات عنها بالصدفة واشتريتها العام بشهر يونيو
الطابعة صارت اكسسوار مهم عشان المدارس ، أو اللي عنده معاملات حكومية و يحتاج يزورهم بشكل شخصي
افتكيت من مشاوير المكتبة الأسبوعية ، الوقت اللي اضيعه بالانتظار و زحمة المواقف وخذ معاك فلاشة او ارسل الملف بالواتس في المكتبة نسيتها .. كانت قروشة
أخذتها ب 650 تقريبا تفسيط ، واخذت معاها حبر تجاري ب 30 ريال من سوق الجملة ، استخدمتها و خبيت الأصلي على جنب
حبرها التجاري للحين ما خلص (لها اكثر من سنة بشهرين) ، وفوق هذا رحت خففت اعدادت الطباعة زيادة ، سواء بالأبيض و الأسود أو الملون
فيها واي فاي للجوال بس للأمانة ماقد استخدمته للآن ، وفيها ماسح ضوئي ( سكانر )

عيبها :
- انه لازم تطبع اي شي في الاسبوع ورقة او ورقتين عشان الراس ماينشف وهذه مشكلة مريت فيها مرة واحدة وحليتها بسهولة ( وماعاد واجهتها بحمد الله من بعد عرفت الفكرة)
- يقال فيه اسفنجة لازم تغيرها كل مدة (للحين ما مريت فيها) ..

اسعارها الحين حول ال550 ريال ..

بالنسبة تثبيت التعاريف مافي اسهل منه ..
عرفتها كذا مرة على ويندوز 7 و كذا مرة على ويندوز 11 ( من كثرة تغيير النظام )
كل المطلوب منك تنسخ تعريف الطابعة على جنب و تخبيها عشان الزمن ..



انصحك فيها عن تجربة..

موفق ..

دخلت أنصح بـEpson EcoTank كذلك، أسهل طريقة أن تبحث عن الخيارات المتوفرة وتقارن السعر وتبحث عن المراجعات لتعرف عدد الأوراق وسعر المداد، لكن إجمالًا خيار ممتاز جدًا.

 

[Veeto]

تجربتي طابعه Brothers ممتازة .. عملية .. سهلة
وبهالحدود سعرا اللي طلبته .. عندنا بالبحرين تقريبا 54 دينار يعني 540 ريال

HP ما انصحك .. بسرعه يخلص الحبر .. Epson بهدلتني ما ادري يمكن اخذت موديل غلط .. حبرها سائل وطريقة اضافته (( بهدلتني ولعوزتني ))

 

[Hugo]

عندي هذي الطابعة من فترة ليست بالقصيرة واسمها HP tank 510 وصراحة استفدت من تقنيه تعبئة الحبر الاسود والالوان كثيرا وسدوني فترة طويلة. فيها scan ايضا وحجمها ليس بالكبير انصح بها بشدة.

 

[Hugo]

عفوا ما المقصود بطابعة ليزر ؟

انا الآن اعرف الطابعات انواع

 

[Veeto]

عفوا ما المقصود بطابعة ليزر ؟

انا الآن اعرف الطابعات انواع

فيه طابعات حبر جاف .. حبر سائل .. والاحدث الليزر هذي للشركات تكون قوية وتطبع بالمئات من الاوراق وبسرعه

 

[إبراهيم 906]

تجربتي طابعه Brothers ممتازة .. عملية .. سهلة
وبهالحدود سعرا اللي طلبته .. عندنا بالبحرين تقريبا 54 دينار يعني 540 ريال

HP ما انصحك .. بسرعه يخلص الحبر .. Epson بهدلتني ما ادري يمكن اخذت موديل غلط .. حبرها سائل وطريقة اضافته (( بهدلتني ولعوزتني ))

تقدر تذكر لي للموديل

 

[Zorro]

عفوا ما المقصود بطابعة ليزر ؟

انا الآن اعرف الطابعات انواع

نوع الطابعة اللي معك حبر سائل زي معظم انواع الطابعات الثانية
طابعة الليزر حبرها في الاصل بودر ومثل قال فيتو ميزتهم تطبع بسرعة و حبرها يدوم ، وايضا لو تترك الطابعة بدون استخدام لفترة طويلة ماراح يضرها ، عيبها سعرها عالي مقارنة بالانواع الثانية
و سعر الحبر عالي لكنه يغنيك لفترة طويلة ..
عموما الطابعات الحديثة الشركات مطورين تقنياتها و تخلي الحبر يطول ..

المهم الواحد قبل ما ياخذ أي طابعة من أي شركة كانت ، يسأل على سعر حبرها في سوق الطابعات ، وهل فيه في السوق حبر من شركات طرف ثاني ولا لا ؟
لأنه مب معقولة الواحد ياخذ طابعة مميزاتها رهيبة و بعدين تكسر الجيب في سعر الحبر !

 

[Veeto]

تقدر تذكر لي للموديل

T520W

 

[سيفروس سنيب]

لأن الطابعة كيان مزعج لو كانت إنسان لكانت من أبثر الناس
‏تغثك التعريفات وكل شوي يخلص الحبر وما تطبع

صادق، فيه إجماع على إن الطابعة من أكثر الأجهزة المكروه التعامل معها.

خصوصا صوتها ليش مزعج صوتها ليش؟ ترى كل الي مطلوب من هذه الآلة ترش حبر على ورق فقط.

مرات أشك إن كل الي شغالين في تصنيع الطابعات أصلا من قسم الغسالات.

 

[Obsidian]

انصحك بشراء طابعة ليزر, اي ماركة لكن حبدا لو كانت brother
الطابعات العادية دات الحبر السائل مجرد زبالة و ثقب اسود لهدر مالك

 

[إبراهيم 906]

يوم شفت الاخ @Veeto يشتكي من حبر الطابعة تذكرت إني استشرتكم في طابعة
وأحببت أن أعيد رفع الموضوع
وقع الاختيار على طابعة brother فقط طابعة أسود ليزر بدون ماسح أو ناسخ لأني لا احتاجها
واستخدمتها استخدام يسير وأرى أنها تؤدي المطلوب سعرها 380 مع الخصم شريتها من نون

كما هي واضحة في الصورة شكرا لكم جميعا

 

[s3rorh]

Brother HL-1110 Mono Laser Printer - Single Function, USB 2.0, Compact, A4 Printer​

و اقطع

شريتها حق بنتي و تطبع سريع و تعمر بشكل طويل

 

[Kain]

عندي هالطابعة

ازعجتني بعطلاتها و احتاج بديل لها الى عنده فكرة عن طابعة جيدة

 

[Veeto]

عندي هالطابعة

ازعجتني بعطلاتها و احتاج بديل لها الى عنده فكرة عن طابعة جيدة

Brother افضل واسهل واحسن

 

[Kain]

Brother افضل واسهل واحسن

اخذ الي قلت عنها T520W او الاصدار الاحدث 530 ؟

 

[DINO CRISIS]

عندي هالطابعة

ازعجتني بعطلاتها و احتاج بديل لها الى عنده فكرة عن طابعة جيدة

سبحان الله

جيت بنصح صاحب الموضوع ما يشتري طابعة كانون
غالية وحبرها غالي خصوصا الملون

 

[Veeto]

اخذ الي قلت عنها T520W او الاصدار الاحدث 530 ؟

كيفك .. انت وميزانيتك بس كتجربة وما اسمعه عن brother تقدر تعتمد عليهم

 

[Kain]

سبحان الله

جيت بنصح صاحب الموضوع ما يشتري طابعة كانون
غالية وحبرها غالي خصوصا الملون

الطابعة الي عندي رخيصة عموما سعرها بحدود 100 دولار و الحبر رخيص ما استعمل الاصلي لكن حتى الاصلي و يدوم كثير اقتصادية لكن مشاكل في سحب الورق و رسائل خطأ و عدم سحب الورق للطباعة مزعجة معاها

كيفك .. انت وميزانيتك بس كتجربة وما اسمعه عن brother تقدر تعتمد عليهم

تم الطلب . شكرا على النصيحة

 

[DINO CRISIS]

الطابعة الي عندي رخيصة عموما سعرها بحدود 100 دولار و الحبر رخيص ما استعمل الاصلي لكن حتى الاصلي و يدوم كثير اقتصادية لكن مشاكل في سحب الورق و رسائل خطأ و عدم سحب الورق للطباعة مزعجة معاها

تم الطلب . شكرا على النصيحة

ذكرتني فيها كانت فعلاً تعلق

طابعة مزعجة

 

[Kain]

و صلتني قبل قليل لسى ما قمت بتعبئة الحبر و تشغيلها .