hits counter

موضوع نقاشي استخدام تشات جي بي تي

lightq8

lightq8

True Gamer
السلام عليكم
لاحظت نفسي استخدام الذكاء الصناعية في حل الالغاز في الالعاب خاصة اذا طولت عندها مثل قفل في سايلنت هيل 2
احد يستخدمه في اشياء مثل هذي ؟ قمت اصور واقولها شنو الحل حتى ماقمت ادور الحل باليوتيوب
 
عن نفسي بالعادة استعمله لما أريد اخذ فكرة سريعة عن موضوع معين يعتمد على الاراء بحكم كونه مبني على كمية معلومات مهولة، مثلا أفضل لعبة بالجيل الفلاني ومرات آخذ وأعطي معاه وأضحك على خضوعه السريع لأي شي أقوله، مدير التسليك.

بس ما استعمله عشان يفيدني بلعبي لين الحين، فكرة طيبة بأمانة.
 
وعليكم السلام

الطريف اني استخدمته مع نفس اللعبة ::laugh::
بس قلت له يشرح لي فكرة اللغز اللي نشبت عنده بدون مايحرق الحل
 
ما أثق بالـAI عمومًا ولا أستخدمه إلا ما ندر.

لو عندي مشكلة بلغز معين أبحث في ريديت.
 
Nostalgic قال:
ما أثق بالـAI عمومًا ولا أستخدمه إلا ما ندر.

لو عندي مشكلة بلغز معين أبحث في ريديت.
أنقر للتوسيع...
ريديت منتديات؟ اذا اي شلون طريقة البحث فيه؟
 
lightq8 قال:
ريديت منتديات؟ اذا اي شلون طريقة البحث فيه؟
أنقر للتوسيع...
قريب من فكرة المنتديات لكن لكل شيء.

أسهل طريقة ابحث في جوجل عن أي شيء معين واكتب جنبه reddit.
 
وعليكم السلام
استخدمته يوم أعدت الدن رينج قبل كم شهر، اسأله عن بيلدات متنوعة عشان يختصر لي كل بيلد كيف اجيب سلاحها وميزاتها الخ. لان كان ودي اجرب اسلوب لعب مختلف تماما عن المعتاد Pure str build
ميزته مريح وسريع ودقيق
 
استخدمته في كود فيرونيكا علقت على لغز ولا فادني يألف حلول من عنده
يوتيوب أفضل في ذا الناحية لكن المشكلة أنك قد تتعرض لحرق في القصة
 
بعذره كوتاكو قرر يترك كتابة الاخبار و يحول على حلول الالعاب
شات جبت يعتبر زيارة لو هو يخش موقع عشان يجيب منه حاجة؟
 
أستخدمه فقط في الجانب القصصي يذكرني ببعض الاشياء وآخذ رأية في نهايات الالعاب واسقاطاتها الفلسفة بس والله ياهو نصاب لو تقولها وشرايك في نهاية فيفا بيقولك

" ستسلك نهاية فيفا في المرحلة الاخيرة جانب شخصي يركز على العلاقات الإنسانية بين البشر .."
 
ما قد استخدمته يعلمني حل في لعبة ولكن غالب استخدامي له للمساعدة في الcoding + troubleshooting و الأسئلة العامة. لكن طبعًا بعض الاسئلة ما اخذ اجابته فاكت 100%.

اجل واحد سأل Grok وقاله ماذا يحصل اذا صادف رمضان وقت الحج؟ وخلع فيه grok بالاجابة يقول قد صارت مرة! وقعد يفتي من راسه ::laugh::
 
عن نفسي ابدا ماستخدم لا Chatgpt ولا يوتيوب او اي شي آخر لحل لغز معين
شنو فايدة انك تلعب لعبة وغيرك يحل لك الالغاز او يفرش لك الطريق..!

نصيحة استمتعو باللعبة قد ماتقدرو وبتشوف نفسك مسوي انجاز لما تحل اللغز حتى لو كانت
امور مستعصية مثل لغز Silent Hill البيانو اللي اخذ مني اسبوعين الى ان عرفنا حل اللغز انا وصديقي

لكن تقدر تخلي الموضوع يكون حماسي اكثر هو انك تسئل عن اللغز اللي انت مستصعب تحله هنا بالمنتدى
ونعطيك hint خفيف ليما تحله بنفسك
 
Terminator قال:
عن نفسي ابدا ماستخدم لا Chatgpt ولا يوتيوب او اي شي آخر لحل لغز معين
شنو فايدة انك تلعب لعبة وغيرك يحل لك الالغاز او يفرش لك الطريق..!

نصيحة استمتعو باللعبة قد ماتقدرو وبتشوف نفسك مسوي انجاز لما تحل اللغز حتى لو كانت
امور مستعصية مثل لغز Silent Hill البيانو اللي اخذ مني اسبوعين الى ان عرفنا حل اللغز انا وصديقي

لكن تقدر تخلي الموضوع يكون حماسي اكثر هو انك تسئل عن اللغز اللي انت مستصعب تحله هنا بالمنتدى
ونعطيك hint خفيف ليما تحله بنفسك
أنقر للتوسيع...
اسبوعين ؟ مستحيل اصبر هالمدة حدي ساعتين
 
الألغاز نوعين نوع ما تدري وش يبي اصلاً و نوع أنت عارف إيش تبي توصل له لكن لازم تكتشف الطريقة

النوع الأول غير ممتع و له تسمية moon logic دائماً أجد نفسي أفقد صبري بسرعة معها و أبدأ بالبحث

عن حلها على الإنترنت
 
lightq8 قال:
اسبوعين ؟ مستحيل اصبر هالمدة حدي ساعتين
أنقر للتوسيع...
طبعا اتكلم عن سنة 1998 لا انترنت ولا يوتيوب ولا شي
فقط احلى سهرات الليالي ومحاولة حل الالغاز بنفسك او مع الاصدقاء, شعور لا يتكرر
 
استخدمه لما اعيد لعبة معينة قديمة وفي رمز قفل باب ومالي خلق دور وفكر وبكون ناسي الطريقة..
هذي الحالة الوحيدة لان هدفي بكون الجيم بلاي نفسه مش اعادة حل اللغز
 
يجب تسجيل الدخول أو التسجيل كي تتمكن من الرد هنا.
عودة
أعلى