ارتفاع سعر البيبسي في السعودية بنسبة 50%

[Solid Snake]

وصلني على الجوال:

ارتفاع مفاجئ في اسعار المشروبات الغازية من شركة بيبسي في المملكة بنسبة 50% ليصل سعر العلبة الواحدة الى ريال ونصف، ووزارة التجارة تطلب من الشركة توضيح الأسباب.

؟؟

 

[Da S.O.S]

ارتفاع مفاجئ في اسعار المشروبات الغازية من شركة بيبسي في المملكة بنسبة 50% ليصل سعر العلبة الواحدة الى ريالين شامل علكة باطوق فوق البيعه غصب لأنه ماعندنا انصاص، ووزارة التجارة تطلب من الشركة توضيح الأسباب.

تم الإصلاح.

 

[Jonas]

غريييييييييييييييب !!!
قبل شوي واحد يقولي الخبر .. مع ارتفاع الاسعار قبل فترة تقريباً شيئين فقط ما ارتفعت اسعارهم هم الدخان و البيبسي , و كلهم الآن ارتفعت اسعارهم..

 

[SAM]

ماتوقع تطول هالزياده

 

[Wild Fox]

أفا
.......

 

[Nintendo]

هذا الخبر المفروض يكون (عاجل)..

لول شباب البيبسي بالعالم كله اغلا من عندنا وبالعكس انا طول عمري كنت استغرب انه بريال واحد عندنا, حان وقت الانتقال لسن كولا

 

[hussien-11]

صارلها فترة تنباع عندنا بهذا السعر على فكرة ..
​

 

[Nintendo]

افاا اجل مؤامرة ضد الدول العربية

 

[Zero]

صارلها فترة تنباع عندنا بهذا السعر على فكرة ..
​

مو البيبسي عندكم من زمان قيمته تساوي ريالين؟

على العموم ، أتركوا عنكم المشروبات الغازية خصوصا البيبسي لأنها مضرة وكثرتها ما تجيب إلا الأمراض والبلاوي.

 

[Solay]

لول كويس اني كنت ناوي اقاطع المشروبات الغازيه مع بداية السنه الجديدة..

يالله سبب ثاني مقنع.

 

[Akilla]

بيطبقونها على البيبسي بس ولا كل المشروبات الغازيه ؟

لول .. الحمدلله ما اشرب بيبسي .. ماونتن ديو للأبد

 

[Niessu7]

لالالالا انا افكر بس في ماكينة البيبسي >.> ، انا ارفض هذا الاستغلال وخصوصاً لنا نحن اصحاب الكروش الكبيرة .

احين الخوفة من جد على سن كولا وسن توب لول .

على العموم ، أتركوا عنكم المشروبات الغازية خصوصا البيبسي لأنها مضرة وكثرتها ما تجيب إلا الأمراض والبلاوي

احنا ناس مو صحيين ونحب البيبسي ومانقدر نستغني عنه وخصوصاً مع وجباتنا الدسمة .

لول .. الحمدلله ما اشرب بيبسي .. ماونتن ديو للأبد

وش الفرق :w00t: ، ترى كلهم سيم سيم .

 

[Akilla]

^

الماونتن اخف بكثير من البيبسي :fd3:

 

[Bakloyd]

, حان وقت الانتقال لسن كولا

ههههههههههه


كويس ان سعر الببسي ارتفع، يمكن ابطل شويه منه

 

[Sky Walker]

[YOUTUBE]WWaLxFIVX1s[/YOUTUBE]

 

[Leon]

افاا اجل مؤامرة ضد الدول العربية

لول :laugh::


كان ممكن إني أزعل من الخبر هذا لو إنه صدر قبل 5 شهور , مقاااطع أي مشروب غازي من ذاك الوقت .. والحمدلله جداً مرتاح حالياً وان شالله على طول , حاولوا تقطعوا عنه على الأٌقل لمدة أسبوعين .. راح تحسون بالفرق فعلاً .

 

[BaKREee]

قبل شوي ولد عمي يقولي انه اخذ ماونتن ديو وقاله البايع " باقي ريال " هههههههههههههههههههههه

الله يخلي لنا

 

[Yaz3D]

بيطبقونها على البيبسي بس ولا كل المشروبات الغازيه ؟

لول .. الحمدلله ما اشرب بيبسي .. ماونتن ديو للأبد

ماونتن ديو, ميريندا, سفن أب, كلهم تبع بيبسي كولا.. لو أرتفع سعر البيبسي أتوقع بيرتفع الديو بعد


الكوكا كولا أرتفع سعرها طيب؟

 

[The Doctor]

على كذا آخذ لي هولستن أحسن

 

[Saadawii]

أتمنى تنخفض أسعار الحليب والمنتجات الصحية بالمقابل. مع أنه صعب.
اللي ما أتمنى يصير، هو رفع سعر الكوكاكولا في المطاعم.

 

[Akilla]

ماونتن ديو, ميريندا, سفن أب, كلهم تبع بيبسي كولا.. لو أرتفع سعر البيبسي أتوقع بيرتفع الديو بعد

اجل يله بدينا المقاطعه << اتكلم جد 🙁

 

[Superx]

ارتفاع مفاجئ في اسعار المشروبات الغازية من شركة بيبسي في المملكة بنسبة 50% ليصل سعر العلبة الواحدة الى ريالين شامل علكة باطوق فوق البيعه غصب لأنه ماعندنا انصاص، ووزارة التجارة تطلب من الشركة توضيح الأسباب.

لووووول
....

 

[RMADRID]

اليوم شريت ديو و ميرندا فراولة بريال
طبعا ما حصلت بيبسي
و أنا جايب أخوي من المدرسة قالي البقالة
و اوقفله رجعلي يقول البيبسي بريال و نص
قلتله هذا نصاب
و أتاري الهرجة جد
🙁 من جد شكلها سن كولا

 

[haMod07]

خلها ترتفع الحمدلله ان انا مو مدمني البيبسي ..
الله يخلي لنا Pink Cade

 

[Van]

زين الكوكاكولا لحقتها ؟ مستحيل أستغني عن الزيرو صراحة =(

 

[Dark soul]

هممم .. توني راجع من المطعم و ما شفت سعره تغير |= ..

لول متردد افتح القوطي الي في يدي ... شكلي بخليه لليوم الاسود

 

[Majeed]

حان وقت الانتقال لسن كولا

اقتباس للحقيقة ..

رجعت له قبل ثلاث أسابيع تقريباً .. كان مشروب الطفولة الأول 3> ..

 

[PS]

حاولو المحلات في أبوظبي رفع أسعار البيبسي لكن البلدية حاربتهم ومنعت هذا الشيئ بسكل سريع

 

[Lunar Poet]

الحمد لله لي 5-6 شهور ما أشرب بيبسي أو أي نوع ثاني من المشروبات الغازية، أو حتى عصائر البقالات اللي ما فيهم من العصير شي.

 

[SULTAN 3]

الحمد لله اني إنسان صحي ومقاطع الغازيات من اكثر من 8 سنوات .. وبالنسبه لي هالخبر عندي وجودة مثل عدمة 🙂