بعطيكم الOrigin والبداية (&)
كنت استخدم المنتديات الأجنبية أكثر شيء ومنتدى واحد كويتي كان اسمه TopDark، بس تركته وصار خاص، حسافة كان ممتاز بس صارت مشاكل،
@May-Be-Zig كان مشرف مع واحد من أصحابي، ايضا خالد Painkiller كان يستخدمه كثير.
Chrunchyroll من 2005، GameTrailers من 2007 وكنت استخدمه كثير، Top Dark من 2008، اذكر حتى لما نزلت فيه موضوع الإعلان عن Final Fantasy XV كنت مجهز الموضوع قبل الإعلان لانه تسرب قبلها.
My Anime List من 2009 وكان فيه قروب او Club أنمي عربي، خوش ناس تعرفت عليهم وكنت ادخل معاهم مكاملات Skype شباب بنات وما شاء الله فيهم مواهب مدبلجين رسامين ومغنيين. نسيت اسم حسابهم على اليوتيوب بس اذكر شيء Dark، هالحجي 2010-2012.
Neogaf من 2015 و Resetera من 2017، وبسنة 2020 قلت معقولة ماكو منتدى عربي؟ هالشيء فكرت فيه بعد ما غسلت ايدي من Era، تذكرت TrueGaming وللأمانة ما كنت استخدمت الموقع، بس ادري بوجوده، حتى المنتدى ومكسات.
في الصفحة الرئيسية شفت زر المنتدى، قلت أكيد ميت، المهم دشيت ولا انصدم.. المواضيع كأنها Gaf و Era بس بدون ما ترفع ضغطي، والشباب ذويقة وفاهمين ما شاء الله.
طبعا
@dro هو أكثر واحد لفت انتباهي لأنه حاط صورة Nomura، لما دخلت على ملفه الصدمة ×10. كل شيء Versus!؟ في واحد غيري عربي مجنون Versus لهالدرجة!
لول كانت صدمة حلوة، وبعد لاحظت
@White Soul حاط صورة بوكيمون قلت اوه هذا صديقي خلاص، و
@بندول حاط صورة تكحل العين قلت اووه هذا بعد صديقي خلاص.
@hussien-11 والBig Boss كنت أقرأ ردودهم في Era، فلما قابلتهم هني تفاجأت لول.
