((احذر)) شراء جوال من Sony Ericsson وقت اصداره

[Khalid-S]

اوكي اولا .. سحقاَ سوني.

ثانياَ .. احذر شراء اي جهاز توه نزل (بالاخص الجوالات او الاجهزه الي كل شهر ينزل منها شي جديد)

كان معي N95 (ولا زال الحمدلله) ... اول ما اشتريته (اول ما نزل) كان ودي احطه في خلاطه عصير واشربه البس ... buggy وقلق بقوه.

لكن كان قابل للاستخدام.

امس جتني "سيوله" ويدي حكتني .. اشتقت لاجهزه SE لاني زمااااان ما استخدمت واحد .. اخذت K850i (مع ان شكله مو مره .. لكن اخوي اخذ جهاز W جديد فما حبيت يكون عندي مثله)

الجهاز ازراره مو قد كذا لكن تتعود عليها .. فيها حركات توتش وحركات كذا زايده وحلوه بس مالها اهميه.

نزلت العابي الجوال عليها (فينكس رايت، قود اوف وار، لوست بلانت والطقه) ... جربتها وشغاله بشكل جيد.

اليوم. كل ما ادخل على الجيمز "قلت ابي العب شوي" (جافا بشكل عام .. البرامج يعني كمان) يطلع لي Operation Failed*.. هممم قلت يمكن لازم اطفي الجوال .. طفيته وشلت البطاريه والميموري ستيك والشريحه وشبتكتهم ونفس الشي .. حاولت اكثر من مره.

قوقلت ... طلعت المشكله تقريباَ في 70% من الاجهزه .. والي ما عنده المشكله بتصير له قريب .. المشكله من الفيرم وير نفسه .. نزل واحد من كم يوم ولا حله .. والحين يقولون في واحد بعد كم شهر يمكن يحله.

مو مشكله ... هذي العاب ما العب فيهم كثير .. لكن المشكله ان في ناس يقولون صارت تطلع لهم لمن يدخلون الاسماء، الرسائل !! واو ... طبعا الرساله هذي ما تروح .. تقعد لين ما ينزل فيرم وير جديد. في طرق حل ومعقده جدا لكن ترجع المشكله من جديد.


سحقاَ سوني ... بسبب سرعة اصدارهم للاجهزه صاروا ما ينزلون OS صلب ... يمشون كل شي بسرعه .. صارت تمشي على نظام "نزل الحين، صلح بعدين" عشان تلحق السوق.

قهر والله .. المهم لحد يشتري اي جوال اول ما ينزل (الا المتحمس مره لول) .. N95 نزلوا تحديث الشهر الي فات حل 80% من المشاكل والجهاز شغال زي الحلاوه آخر شي .... لكن هذا الابديت متى نزل .. بعد ما نزل الجهاز ب 4 شهور تقريباَ. او اكثر.

مين يبي K850i .. الجوال للبيع.


+ سحقاَ يوسف ( هو عارف ليش ) .. لكني كريم ورسلت لك اياها .. شيك gmail inbox.

 

[Humam]

حتى مع الK800i.. ثلاثة مرات والله الجهاز خرب علي بسبب الفيرم وير المضروب, وفي خلال أول شهرين من شرائي له.. اضطريت أوديه للمحل يصلحه على الضمان.

سوني اريكسون مع الأسف مستواها صار تعبان, يعني حتى أجهزتهم ماصار فيها ابقريد يستحق, قبل يومين جربت الK850i عند واحد من الشباب والحمد لله إني كنسلت فكرة شراؤه من زمان.

 

[Xeno]

أفا أفا ايش الكلام هذا, كنت ناوي يكون جهازي القادم. :/

 

[Leon]

اممم ما توقعت المشاكل هذه ! .. جربته عند واحد من أصحابي وعجبني كثير لكن بعد كلامك شكلي بأجله إلى ما يحلوا المشاكل .. ماني ناقص .

 

[king zell]

لول خالد سوري غلطتي.. يوم كنت تكلمني أنا كنت أقصد k770i.. عموما ما تفرق لأن المشاكل اللي انت تتكلم عنها موجودة في كل أجهزة سوني ايركسون تقريبا بغض النظر عن الموديل

 

[Dr MaD]

صحيح ان سوني اريسكون بدت تتبع سياسه تنزيل موديلات كثير بدون فروقات واضحه عن سابقتها (( اسلوب نوكيا )) .. لكن مهما بلغ سوء السوفتوير يظل أرحم من نوكيا !!

 

[Humam]

صحيح ان سوني اريسكون بدت تتبع سياسه تنزيل موديلات كثير بدون فروقات واضحه عن سابقتها (( اسلوب نوكيا )) .. لكن مهما بلغ سوء السوفتوير يظل أرحم من نوكيا !!

اقتباس للحقيقة.. أناما أفكر أرجع لنوكيا إطلاقا.

 

[BioMario]

الحمد لله بدايتي مع السوني اريكسون من اول ما نزل الـ K800i لين الـ K850i وهو معاي بدون اي مشاكل الحمد لله ..
جهاز جبار الصراحة ..

خالد شوف إذا في اخر تحديث حمله ..

 

[NSider]

لول خالد سوري غلطتي.. يوم كنت تكلمني أنا كنت أقصد k770i.. عموما ما تفرق لأن المشاكل اللي انت تتكلم عنها موجودة في كل أجهزة سوني ايركسون تقريبا بغض النظر عن الموديل

أنت قلت لي "مثل جهاز عبدالعزيز" يعني k770i (هذاك رهيب وأنيق من جد - اضغطني). الله يهديك محمد. خلاص خالد روح رجع الجهاز للمحل وخذ الـk770i.. ما لك يومين من شريته صح؟

خخخ وثانكس على الهدية.

 

[Tomb raider]

للأسف اخويه ماخذنه بعد ويقول وايد مشاكل فيه "لحد يقولي مافيه مشاكل" لما يتكلم بالتلفون بسبب شاشة اللمس ...بعد ما يسكر ، يشوف الشاشه يكون داخل علي الصور او الام بي ثري بسبب شاشة اللمس
ويشتكي من السنسرز اللي نفس الاي فون لازم يقلب التلفون بشكل اقوى شوي ويقول اليكمرا تكون تعيسه في بعض الاحيان !
وطبعا بعد ما سمعت كل هذا قلت لا خلاص اروح اشتري N95 8GB احسن لي
بكل صراحه وايد مرتاح معاه مع اني كنت اكره النوكيا بس الحين صار عادي ، الجهاز جدا ممتاز كتصوير وفيديو وواير ليس "جيد" ...+ 8GB

 

[Hardcore Gamer]

بصراحه كنت ناوي على واحد لكن يعطيك العافيه انك حذرت ... شكلي بقعد عالk800 لين الصيف او لين يكحكح زي اللي قبله (s700)

 

[pacino]

صار لي مدة كبيره مو مجدد فيها تلفوني ( من بعد ما مات k800i اثر سقوطه بالماء 🙁 )
لكن تلفوني الحالي مميزاته صخررر

- مقاوم للصدمات و الـ "حذفات"
-غير قابل للخدش
-يستخدم كسلاح
-بطارية تدوم وتدوم وتدوم...
-عنده مناعه من السرقات!

كل هذي المميزات واكثر فقط بـ 8 دنانير =100 ريال.. واااو !؟

 

[Hardcore Gamer]

صار لي مدة كبيره مو مجدد فيها تلفوني ( من بعد ما مات k800i اثر سقوطه بالماء 🙁 )
لكن تلفوني الحالي مميزاته صخررر

- مقاوم للصدمات و الـ "حذفات"
-غير قابل للخدش
-يستخدم كسلاح
-بطارية تدوم وتدوم وتدوم...
-عنده مناعه من السرقات!

كل هذي المميزات واكثر فقط بـ 8 دنانير =100 ريال.. واااو !؟

شاري واحد وحاطه على جنب ... والله جهاز جامد 😀 تمر علي مسكات استخدمه كم يوم لكني ازهق منه وارجع لجوالي الملون ...

 

[squall leonhart]

اشتريته باول يوم صدر فيه و هو ماشي معاي زي الحلازه .. و كل محد طلب مني نصيحة بجوال جديد k850 يكون على رأس القائمه .. جوال شكله حلو .. كاميرا ممتازه .. استخدامه سهل و رهيب .. و التتش البسيط سهل علي الانتقال من الايميت له ..

بالنسبة لي هو الجوال المثالي

 

[mohamed]

تصدقون عاد ما عندي جوال ولا أنوي أحصل واحد إلى أجل غير مسمى لأنه باختصار (من كماليات العصر).

 

[AMG]

غريبة انا اعرف اكثر من واحد اشترى الجهاز و ما واجه مشاكل ، عن نفسي ما حبيت شكل الجوال ولا هضمته

حاليا جوالي نوكيا 6500 SLIDE و مرتاح جدا معاه

تصدقون عاد ما عندي جوال ولا أنوي أحصل واحد إلى أجل غير مسمى لأنه باختصار (من كماليات العصر).

لووول بصراحة مرات افكر اسوي مثلك لان مرات ما ابي احد يوصلي ولا يزعجني ، فعلا الحياة من دون جوال فيها راحة و حرية

المشكلة حتى لو سكرت الجوال الناس يسألو ليش جوالك مسكر ؟؟ صداع ما له داعي

 

[kInGsIzE]

اخذت الـ K800 اول ما نزل و لا صارت لي معاه اي مشاكل ابدا الحمد لله وكمل معاي سنه و نصف .. والحين معاي W960i ايضا مرررررررررره مو شايف فيه اي عيب ..

مممممممممممممم عالعموم ما ادري اغلب اللي حولي كلهم معاهم سوني اريكسون و كلهم مبسوطين الا واحد معاه K850 يشتكي منه بس بيجرب يوديه الصيانه و يشوف ..

 

[The Last Fantasy]

^

ناوي على الـW960i، بس الموضوع خوفني شوي لول.

من كلامكم المشاكل في الـK بس.

 

[mohamed]

لووول بصراحة مرات افكر اسوي مثلك لان مرات ما ابي احد يوصلي ولا يزعجني ، فعلا الحياة من دون جوال فيها راحة و حرية

المشكلة حتى لو سكرت الجوال الناس يسألو ليش جوالك مسكر ؟؟ صداع ما له داعي

ما أظن بتصدق لو أقولك أن : أغلب اللي كانوا يستهزئون بي لأني ما أبغى جوال , بعد شهور لما اشتروا جوالاتهم قالوا لي ( الجوال لعنة أبدية لا تأخذه!!!!!!!!!!!) وبالنهاية حسدوني على قراري ولكن هيهات راحت عليهم , فمثلاً واحد منهم يحاول يقفله بأي طريقة ولكن يجيه توبيخ وإذا تعمد ترك الجوال في البيت عشان يروح لأصدقائه من دون إزعاج الأهل (أغراض , توصيل للسوق الخ) يجيه كل أنواع السباب والشتائم والحرمان اللي ممكن تتخيله!!.


ما أبغى أطلع برى الموضوع , عشان ما يجينا انفراكشن . انتهى

 

[Saadawii]

ما أواجه مثل هذي المشاكل مع سامسونج.

 

[Snake-87]

انا جهاز عمي k800i شاريه من فترة طويلة جدا .. في مشاكل لي الراس .. انا شريته بعده فترة .. الحمد لله ماكو شي .. خذى جهازك وداه الوكالة سووله آبديت وكل شي صار اوكي ..
بس مو كل مرة تضبط >.>

تصدقون عاد ما عندي جوال ولا أنوي أحصل واحد إلى أجل غير مسمى لأنه باختصار (من كماليات العصر).

اصبح من ضروريات الحياة وليس من الكماليات
خذ لك واحد يتصل ويستقبل و مو ملون ... إذا تبي تتصل بصاحبك تتصل على تلفون بيتهم ؟ NO WAY
أو إذا وصلت البيت راح تدق الجرس ؟

 

[pacino]

تصدقون عاد ما عندي جوال ولا أنوي أحصل واحد إلى أجل غير مسمى لأنه باختصار (من كماليات العصر).

- بشكل عام المراجعات الحكوميه تطلب تلفونك النقال
-اشياء سريعه ومستعجله تقدر بالتلفون تحلها..وإلا توقف عند اقرب بقاله وتدق؟
-اذا يبيك شخص او انت تبيه معقوله تدق على تلفون بيته واذا ما حصلته تروح له؟..وعامل الوقت وين راح؟
- كنت خارج البيت وصار لك ظرف طارئ...ما اظن في حل غير التلفون ؟

كل هذا وتقول من كماليات الحياه؟؟... يمكن الإضافات على الجوالات إلي خلته اجهزة ملتي ميديا لكن الجوال كجهاز مواصلات من ضرورات الحياة...

بنظري الشخصي إلي ما عنده تلفون يا يكون صغير بالسن او انه معزول اجتماعيا

 

[Captain Jack Sparrow]

والله انا جهازي سوني ايكسون k770 وعال العال وبصراحة ما اظن راح ارجع استخدم نوكيا <tgman> <tgman> <tgman> <tgman>

 

[King Wario]

ما أظن بتصدق لو أقولك أن : أغلب اللي كانوا يستهزئون بي لأني ما أبغى جوال , بعد شهور لما اشتروا جوالاتهم قالوا لي ( الجوال لعنة أبدية لا تأخذه!!!!!!!!!!!) وبالنهاية حسدوني على قراري ولكن هيهات راحت عليهم , فمثلاً واحد منهم يحاول يقفله بأي طريقة ولكن يجيه توبيخ وإذا تعمد ترك الجوال في البيت عشان يروح لأصدقائه من دون إزعاج الأهل (أغراض , توصيل للسوق الخ) يجيه كل أنواع السباب والشتائم والحرمان اللي ممكن تتخيله!!.

خخخخخ طبعا يقولونها وهم مب قاصدينها ..

مثلا الواحد احيانا يقول يا ليت ما عندي سيارة من كثر الاشغال .. بس شيل عنه السيارة ، منو بيخلص شغل اهله اذا هو ما خلصه ؟

 

[mohamed]

خخخخخ طبعا يقولونها وهم مب قاصدينها ..

مثلا الواحد احيانا يقول يا ليت ما عندي سيارة من كثر الاشغال .. بس شيل عنه السيارة ، منو بيخلص شغل اهله اذا هو ما خلصه ؟

واحد منهم يقول لا تأخذ جوال ويصر .

أتفق معك في مسألة ( شيل عنه السيارة أو الجوال وتراه يركض يدوره) لكن هذا بسبب التعود لدرجة ان هالشيء التحم بشخصيته وبعقله ولكن لو تسأله : هل تتمنى انك ما أخذت جوال أو سيارة من الأساس؟
الجواب في الغالب راح يكون : ( نعم ) والسبب المسؤوليات الجمة اللي طاحت عليه بعد ما حصل اللي يبغاه...

وهذا بالضبط اللي أنا بسويه , ماراح أدخل نفسي في عالم السيل فون عشان ما تغير من حياتي ولو شيء بسيط , أحب أكون حر طليييييييييييييييييييييييييق غير مرتبط بأي نوع من الالتزامات...

كل هذا وتقول من كماليات الحياه؟؟... يمكن الإضافات على الجوالات إلي خلته اجهزة ملتي ميديا لكن الجوال كجهاز مواصلات من ضرورات الحياة...

من ناحية ضرورة فهي ضرورة ولكن ليش ضرورة؟ اسأل نفسك! الناس هم اللي خلوا ذا الشيء ضرورة بأيديهم ولا بالأساس كانوا يقدرون يستغنون ( ما أعتقد صعبة توفر كابينات تلفون كل ثلاث شوارع مثل البقالات , كل ما عليك تدفع نص ريال أو ريال وتكلم بدل ما تصك الفاتورة 600 ريال ) , وإذا جيت بتقولي معاملات مع الناس وغيره فأنا أرد وأقول أصلاً المفروض ما يكون الجوال وسيلة اتمام امورك والتشاتنق مع الشباب وإنما يكون وسيلة للاتفاق على مكان المقابلة ( الو محمد وينك ؟ , أنا في البيت , اصبر لي أبغاك في موضوع ) <<<كذا , وكل هذا تقدر تسويه بتلفون ثابت...

الموضوع ما فيه مجال للنقاش , الجوال الناس فرضوه على أنفسهم , وليس العكس..وكان من الممكن الاستغناء عنه مثل ما كان عليه الحال يوم كانت شريحة الجوال بأسعار خرافية من زمان..

 

[Xeno]

لول الله يذكر البليب. p:

أنا أتفق تماما مع اللي يقول أن الجوال بدأ من الكماليات, لكنه صار ضرورة يومية مع الوقت, وبدونه تقدر تدبر نفسك لكن بتتعطل.

 

[persona]

زين نبهتني يالسميي ..والا كنت ناوي اشتري واحد لول

التلفون؟
كماليات حالياً؟
اذا ضرب عندك التاير(الكفر) وانت بوسط الصحره والا بالبر ..شف عاد منو بيفكك غير التلفون العزيز الصديق الصدوق حلال الازمات ..لول..

ماودي اعيش بطريقه نمط حياه معينه عشان اتفادى فواتير تلفون او كروت تعبئه او مكالمات تجيني ..وابتلش لانه ماعندي تلفون واتحسف اني ماشريته -.-..

عيش حياتك..العمر مره وحده يجي..

 

[iCon]

الجوال او مثل ما نقول عندنا الموبايل صار شي ضروري في حياتنا بما انى نقضي اكثر الوقت خارج المنزل و لازم نكون على اتصال مع الاهل او الاصحاب .. يعني مب حلوه لو حبيت تكلم صاحبك تتصل عليه من تلفون في الشارع او الدكان ...

احسن شي سويته السنه اني تخلصت من تلفوني من ماركة نوكيا .. عندي الحين اي فون .. صحيح انه ينقصه اشياء كثيرة .. لكن استخدامي للجوال بس في اجراء المكالمات .. يعني مناسب لي ..... ما شفت فيه لين الحين اي مشاكل و الحمدلله

 

[Colorization]

أنا أتفق تماما مع اللي يقول أن الجوال بدأ من الكماليات, لكنه صار ضرورة يومية مع الوقت, وبدونه تقدر تدبر نفسك لكن بتتعطل.

نفس الكلام. أكره الجوال بشكل كبير خصوصاً الإستخدام السخيف والبايخ للـSMS، اللي تحولت من short-message service إلى "هواية" عند البعض (ما احب إستخدام الخدمة للنكت وهذي الأشياء). لكن مثل ما قال بيرسونا، الجوال حلال مشاكل رهيب وانقذني بمواقف كثيرة، وبعد ما تعودت عليه صعب أتأقلم بدونه.

 

[Humam]

..أنا اختلف تماما مع مقولة ان الجوال من الكماليات, تطبيقات الحياة العملية أصبحت تفرض على الشخص انه يمتلك هاتف جوال.

منطق " الناس فرضوا على أنفسهم استخدام الشيء الفلاني " هذا منطق معتل تماما, لو بنمشي معاه ونطبقه مع كل البشر الحياة راح تتدهور ومصالح الأمم و الشعوب راح تنهار تماما, يعني على كدة السيارة من كماليات الحياة لأنه الانسان ممكن يوقف تاكسي ب 10 ريال او يمشي بدراجة أو مشيا على الأقدام.. طز في الوقت ما يهم صح ؟ السفر بالطيارة من كماليات الحياة ممكن أسافر بالبر عن طريق السيارة ( اخ نسيت انها من الكماليات برضه ).. لحظة لحظة البشر فرضوا على أنفسهم استخدام السيارة, والا ايش بها الجمال ماكانت تقوم بالواجب أيام زمان ؟ ( لول ).. الآلات الحاسبة البشر فرضوها على أنفسهم وعودوا نفسهم على استعمالها والا كل شيء ممكن بالحساب بالورقة والقلم و الأصابع !! بدل ما أخلص عملية التدقيق المالية في كم يوم أخلصها في سنة, ما يهم الوقت كله ماشي !

وكمان الانترنت من كماليات الحياة والناس عودت نفسها عليه, لأن الانسان ممكن يلاقي المعلومات في الكتب الموجودة في المكتبات والمراجع العملية لكن بفرق بسيييييييييط وهو انك بدل ما تقعد 5 دقائق في بحث عن معلومة وانت جالس على الكنبة في بيتكم راح تاخذ ساعات لين تنزل من البيت وتروح توقف تاكسي يوصلك للمكتبة, تدخل للمكتبة تدور بين الكتب, وتاخذ وقت لين تبيض المعلومة في ورقة خارجية, هذا اذا ما لقيت المكتبة مسكرة بسبب الالتزام بالدوام او الكتاب الي تبغاه جا واحد استعاره و ما رجعه .. يعني علشان تحصل على معلومة بدل 5 دقائق صارت ساعات و احتمال كبير تصير أيام.. جميل جدا !

الانسان ممكن يقول ببساطة أنا لا أحتاج الشيء الفلاني اما لأني لم أتعود على استخدامه, لا أعرف, طبيعة حياتي مختلفة .. الخ, لكن تعميم أساليب العيش من منطلق واحد ووجهة نظر فردية ضيقة شيء مرفوض جميلة و تفصيلا.. بل شيء كارثي مع احترامي الشديد.

الحمد لله الي خلق البشر مختلفين, والا لو كان كل واحد له مليون شبيه في التفكير قسم بالله كنا راح نضييييييييييييييييع..

edit: حبيت أضيف حاجة.. لكل شيء ايجابيات و عيوب.. وجود العيوب أو وجود حالات من الاستعمال الخاطئ ما تعني ان هذا الشيء سيء و نصنفه في قائمة اللا مرغوب.