hits counter

احد اختبر IELTS من قبل ؟؟

Painkiller Q8

Painkiller Q8

True Gamer
السلام عليكم ... شباب انا مطلوب مني نتيجه في اختبار الــIELTS .. وبصراحه ماجربت هذا الاختبار من قبل .

ielts_logo.gif


انا اللغه عندي جيده جدا ومافي مشاكل .. بس الناس يقولون الــIELTS مو بس لغه ... فيه "طرق"/"اسرار"/"Tricks" وبصراحه ماعرف عن هذا الموضوع شيء ..

طبعا انا دافع مبلغ 70 دينار كويتي ... واختباري 20 نوفمبر 2010 .. وعندي مايقارب 3 اسابيع !!

اذا فيه احد اخذ الاختبار وعارف اسراره ابيه يفيدني واذا ممكن يدلني على موقع متخصص في الــIELTS والنولج عنه !!

وعندي كم سوال طياري:
1 - اختبار الآيلس ... (سهل - عادي - متوسط - صعب - تعجيزي) ؟؟
2 - عادتا تكون مواضيع التعبير عن شنو بالضبط ؟
3 - هل الوقت المحدد لكل اختبار كافي او لا ؟
4 - المقابله الشخصيه (اي معلومات عنها) ؟
 
اختبرته قبل 20 يوم.. كان بالنسبة ليي سهل، الlistening و الreading ما بتواجه معاهم أي مشكال إذا كنت لغتك جيدة

المشكلة مع الwriting و الspeaking.. السبب إن بتحس روحك ما عندك معلومات عن اللي بتكتب أو بتتكلم عنه و ممكن تبدي تخربط
بس هذا هو اللي كثير ناس ما يدروا عنه، إن مو مهم إذا اللي بتكتبه أو بتقوله صحيح أو لا.. الهدف من هالقسمين هو تقييم قدرتك على الكتابة/التكلم بgrammar صحيح و مدى استخدامك للvocabulary و طبعاً بالنسبة للكتابة الspelling و المقابلة صحة نطقك للكلمات

الكتابة بتجيك موضوعين، واحد 150 كلمة عادةً عن graph أو statistics أو شي مشابه و الثاني و هو الأهم لأن عليه ضعف درجات الموضوع الأول، 250 كلمة عادةً عن argument... نصيحتي تدرب تكتب هالعدد من الكلمات من دون ما تقعد تعدهم و تضيع وقتك
تدرب تستخدم vocab بشكل ذكي و مش بس ترمي كلمات وبس و لا تهتم كثير هل انت تتفق مع الفكرة أو لا أو هل بتذكر معلومات صحيحة أو لا لأن ما يهتموا بهالشي، أهم شي عندهم زي ما قلت إن يشوفوا مدى معرفتك بالgrammar و الspelling إلخ

المقابلة بتقعد في غرفة مقابلك مختبِر بيسألك كم سؤال عنك انت و بعدين بيعطيك موضوع بيطلب منك تتكلم عنه، انت و حظك مع الموضوع، بيعطيك دقيقة تقدر تكتب فيها نوتات و تجمع أفكارك بعدين لازم تتكلم عن هالموضوع لفترة و هو بيقول لك متى توقف (عادةً دقيقتين إلى 3)
بصراحة ما ادري ايش انصحك للمقابلة غير تدعي ما يقابلك واحد بلهجة ما تفهم عليها و الموضوع يكون عن شي قريب لاهتماماتك و بتقدر تتكلم عنه (الحمد لله سألني عن أفلام :laugh:: )
 
Painkiller Q8 قال:
1 - اختبار الآيلس ... (سهل - عادي - متوسط - صعب - تعجيزي) ؟؟
2 - عادتا تكون مواضيع التعبير عن شنو بالضبط ؟
3 - هل الوقت المحدد لكل اختبار كافي او لا ؟
4 - المقابله الشخصيه (اي معلومات عنها) ؟
أنقر للتوسيع...
1- يعتمد على حسب اللغة إلي عندك لكن غالباً يكون متوسط
2- يكون موضوعين دائماً (Graph تشرحة + تعبير 250 كلمة عن Problem and Solution او Advantages and Disadvantages
3- الوقت كافي لكل قسم إلى الريدنق
4- المقابلة مواضيع عادتً تكون سهله إلى القسم الأخير ممكن يكون فيه صعوبة (على فكرة المقابلة أسهل شيء في الـ IELTS)
 
^
الي خذيته اكاديمك آيلتس .. ولا جينيرال ؟؟

شوف انا بالمحادثه والكتابه ممتاز .. بس السماع والكتابه عادي .. ماني خايف من الامتحان .. انا بس خايف اني ما اجيب سكور المطلوب (من وظيفتي)..
عموما انا راح اتدرب عليه بشكل عام... وان شاءالله خير

بس ماتقدر تقولي كم جبت فيه؟ :sweat: حتى لو بالخاص؟ ادري سوال ثقيل.. بس انا ابي اعرف المتوسط من السكو لاكثر الناس الي اسالهم ! (تقدر ماتجاوب) عادي ^^
 
ماخذ الأكاديمك, بخصوص السكور انا أمتحنت الأمتحان قبل سنه تقريباً و ما كنت أعرف شيء عنه ابداً و لا كان عندي فكرة شاملة و طريقة الأسألة و جي, كل إلي كنت أعرفة عنه أنه ماتحان أنجليزي ويتكون من 3 أقسام فقط و السكور 5 لكن حالياً عندي فكرة كافية عن الإمتحان و عندي امتحان الشهر في اهذا الشهر و إن شاء الله 6 و أعلى
ما عليك ترى الأمتحان وايد سهل لكن لازم يكون عندك فكرة عنه حتى لو الأنجليزية عندك قوية لازم يكون عندك فكرة عن الإمتحان لأن نظامة غير شوي
 
^ لول كنت أسأل Kaizoku بما انه توه مخلص الاختبار ...

عموما.. كلامك حلو .. وانا الانجليزي عندي تمام .. بس مثل ماذكرت في الموضوع .. الناس يقولون لازم عندك فكره وتعرف الــTricks للإختبار

مثال: يقول واحد اذا انت اول مره .. ماراح تهتم كثيرا في الListening .. بس المفروض انك تاخذ نوته وتسجل بسرعه بسرعه اي معلومه مهمه ...الخ

والقرائه.. في نوع مادري شنو اسمه .. الي فيه Skipping ,,, تقرى المضمون فقط بشكل سريع ومتفهم ...الخ وماياخذ وقت !

انا مو خايف .. بس تدري مابي اجيب سكور اقل من المطلوب واروح ادفع نفس المبلغ مره ثانيه .... 70 دينار فيها إكس بوكس سلم :sarcastic:
 
Painkiller Q8 قال:
^
الي خذيته اكاديمك آيلتس .. ولا جينيرال ؟؟

شوف انا بالمحادثه والكتابه ممتاز .. بس السماع والكتابه عادي .. ماني خايف من الامتحان .. انا بس خايف اني ما اجيب سكور المطلوب (من وظيفتي)..
عموما انا راح اتدرب عليه بشكل عام... وان شاءالله خير

بس ماتقدر تقولي كم جبت فيه؟ :sweat: حتى لو بالخاص؟ ادري سوال ثقيل.. بس انا ابي اعرف المتوسط من السكو لاكثر الناس الي اسالهم ! (تقدر ماتجاوب) عادي ^^
أنقر للتوسيع...
اخدت اكاديميك، بما إني طالب فما بيفيدني الجنرال بأي شكل من الأشكال و ماعندي فكرة ايش الاختلافات بينه و بين الاكاديميك
جبت 7.5 الحمد لله.. مع إن شوي مو عاجبتني و لو إني فاضي و الاختبار مهو غالي مرة كان دخلته مرة ثانية بما إني خبصت شوي في الwriting لأن الظاهر اللي كتبته كان قصير :laugh::

و مش مرة مهم كم بتجيب إذا السكور نفس المرغوب..
 
Kaizoku قال:
اخدت اكاديميك، بما إني طالب فما بيفيدني الجنرال بأي شكل من الأشكال و ماعندي فكرة ايش الاختلافات بينه و بين الاكاديميك
جبت 7.5 الحمد لله.. مع إن شوي مو عاجبتني و لو إني فاضي و الاختبار مهو غالي مرة كان دخلته مرة ثانية بما إني خبصت شوي في الwriting لأن الظاهر اللي كتبته كان قصير :laugh::

و مش مرة مهم كم بتجيب إذا السكور نفس المرغوب..
أنقر للتوسيع...

ماشاءالله عليك .. 7.5 ممتاز ... عل عموم انا بشد حيلي هل يومين وبتمرن على نمط الاختبار .. والله يسهل الامور ان شاءالله
اشكرك جدا على المعلومات !

BioMario قال:
Skipping ؟ لول تقصد Scanning و Skimming
أنقر للتوسيع...

اي لاتضحك علي ... انا قلت مادري شنو اسمه :laugh::
بالضبط الــscanning او skimming .. هذي القرائه المفضله في الاختبار لكسب الوقت !
 
سبحان الله انا امس مختبر ال TOEFL .. ليش ما تدخله بما ان الي اعرفه ان الاثنين تقريبا يعادلون بعض في اغلب الاماكن .. و الي اعرفه ان التوفل اسهل .. عموما تركيبة الاختبار زي الاي لتس بس بدون مقابلة .. انا استعديت له ب 3 ايام فقط و لما دخلته كان مستوى الاسئلة من سهل- معقول جدا .. لكن بتواجه شوي صعوبة في الspeaking. لانو بيكون عندك 15 ثانيه تقريبا فقط عشان تجهز اجابتك و تبدا و تتكلم ..

عموما انا اشتريت كتاب اسمه kaplan يشرحلك الاختبار و يوريك اهم الاستراتيجيات فيه .. كتاب جدا شامل الحمد لله ما تفاجئت من اي نوع من الاسئلة في الاختبار لاني شفت منها كثير في الكتاب و بشكل اصعب ..

نصيحتي انك لازم تشوف لك كتاب يشرح لك الاستاتراتجيات و مشاء الله عندك وقت طويل تستعد انا اضطريت اخلص كتاب 400 صفحه ب 4 ايام -___- .. مثلا لو ما كنت قريت الكتاب ما كنت عرفت فايدة اخذ الملاحظات اثناء القرائه او الاتنباه لنبرة الصوت اثناء الاستماع ..

بالتوفيق عموما الاختبار سهل لو لغتك ممتازة و ما يحتاج لك الا انك تفهم التركات و اتواع اسئلتهم بس ..
 
ليش ما تدخله بما ان الي اعرفه ان الاثنين تقريبا يعادلون بعض في اغلب الاماكن .. و الي اعرفه ان التوفل اسهل
أنقر للتوسيع...

الي اعرفه بجامعة الملك سعود انها تبع الجامعات البريطانية والي تعتمد على الايلتس .. فـ ممكن عندنا بالخليج يهتمون بالايلتس اكثر

عموما انا بتابع هالموضوع لان عندنا بتحضيرية لو جبت 5 بالايلتس " من 9 " بتاخذ A+ بالانجليزي بكل الفصلين ! المشكله هالسنه خلوها اختياريه للطلاب ( قبل الي لفله 4 يختبرونه ) فـ المشكله الحين بعد ماخلوها اختياري انك ماتدري هل تنتظر حقين الاختبار يجون للجامعة ويعطونك خبر ولا انت بنفسك تروح للسفارة البريطانية وتطلب الاختبار وتدفع الرسوم ..
 
مثل ما قالوا الشباب اهم شي تعرف نوعية الاسئلة عشان ما تتفاجئ.
squall leonhart قال:
سبحان الله انا امس مختبر ال TOEFL ..
أنقر للتوسيع...

كم الدرجة اللي تحتاجها ؟ انا الاسبوع الماضي اختبرت وبكرة النتايج , الله يستر.
 
متى يجي اليوم واكتب مثل هالموضوع 🙁
 
الله يعينك ...... خاصةً لو كنت على الاكادمي 🙁
انا اذكر جبت فيه 6.5 و التخصص حقي كان ما يبغون اقل من 6 !!!! يعني على الحافه والله :/

شوف الـ speaking و الـ Reading سهلين جداً ....... لكن الـ writing صعب و يبغاله طولة بال..... خاصةً لو اعطوك موضوع argument بـ 250 كلمة, وانت المشكلة تقدر تكتبه بسطرين !! يعني يبغالك نفس طويييييل جداً... ولا تنسى تضيف الفوكابز و الكلمات الكبيره !!

الله يوفقك و يسهلك الدرجه اللي تتمناها 🙂
 
انا اختبرت الـ TOEFL .. وهو اصعب من الآيلس وجبت فيه 92 لذا بقولك ان الآيلس راح يكون زي شربة الموية عليك إن شاء الله! 🙂 جرب كم اختبار آيلس تجريبي في النت وشوف كيف طريقته.. التوفل مُعقد اكثر وفترة اطول.. لذا ماعندي فكرة عن الثاني بس اغلب الناس اللي حولي اللي مختبرين الآيلس ومجربين التوفل دائما يروحون للآيلس لأنه اسهل بمراااااااحل. لذا لا تشيل هم وتوكل 😉
 
الله يكون بعونك بين كيلر
 
يعطيكم العافيه شباب ... انا بطلوب مني 5.5 - 6 ... وإن شاءالله اجيب النتيجه :innocent::
 
انا اختبرته مرتين وما عندي كلام زيادة عن الاخوان
غير انصحك انك تدخل بعض المواقع الي تعطيك نماذج من الاختبار وابسط الطرق لحل المسائل عشان يكون عندك نبذه عن الاختبار واليوتيوب ابسط مثال
+ انصحك تدخل الاختبار بقلم رصاص اسهل بالكتابة وتقدر تصحح اخطائك
+ باختبار الريدينج اي سؤال يجيك حله بالورقه حقة الاجوبة مو ورقة الاسئلة لأن ماراح يعطيك وقت عشان تنقل الاجوبة اذا انتهى الوقت << صارت لي بالاختبار الاول وراح علي نص الاجوبة
 
إختبرته قبل كم شهر .. تقدم عليه بالمنصورية , أول شي تحجز لك موعد بالإنترنت وتدخل بياناتك كاملة وبعدها تشوف الإختبار أي تاريخ وتقوم تطبع الورقة (ضروري جدا جدا تطبعها وإلا راح يردونك ما ينفع الكود بس) تروح خلال 5 أيام من تاريخ الحجز تدفع المبلغ 69 دينار بالمنصورية يم نادي العربي شارع العربي .

راح يكون الإختبار الأول (إلي حجزت تاريخه بالموقع)في الجامعة الأمريكية بالسالمية لازم ما تلبس كبّوس(أو تلفه لي ورى) أو نظارات والتلفون ما تدخله معاك القاعة تتركه برة .
الإختبار الثاني (المقابلة) يعطونك موعده بعد ما تخلص الإختبار الأول ويكون يا بنفس اليوم العصر أو بعدها بجم يوم ويكون بنفس المكان إلي دفعت بالمنصورية .

بالنسبة للإختبار الأول :
مقسم حق 3 أقسام
قراءة وكتابة واستماع .
الاستماع : يعطونك سماعات تلبسها وراح تسمع حوار ويعطونك ورقة حق الإختيارات وورقة ثانية علشان تنقل فيها الإجابات , ضروري جدا جدا جدا إنك ما تتلخبط بالسؤال وإذا سرحت شوي تضيع برقم السؤال راح تتطشر حدك , اسمع عدل وركز والإختيارات تكون لكل سؤال بالترتيب يعني لا تحوس وتدور بخيارات ثانية لأنه كل شي بالترتيب .

القراءة : يعطونك فقرات طوال عليها أسئلة , البلوة إنه كل الفقرات دسمة بشكل خيالي ومصطلحات علمية وفنية أول مرة أشوفها بحياتي لول , الفطريات وحياة الحيوانات و البكتيريا في البطيخ و فلسفة الفن في القرن التاسع عشر وبلاوي زرقة ... يعطونك أسئلة على كل فقرة .

الكتابة مقسم قسمين : يعطونك موضوع ويقولون لك تكلم عنه بحدود 150 كلمة (شرايك بالناس إلي تتعالج علشان نفسها مو علشان المجتمع , هل هم مصلحجية؟ ليش؟) هذا الموضوع إلي ياني @@ !
القسم الثاني يحطون لك رسم بياني أو صورتين وفي فرق بينهم , يقول لك إكتب الفروقات الي بينهم بما لا يقل عن 200 كلمة , مثلا دوار الشيراتون 1990 و نفس المكان 2010 .


الإختبار الثاني وهو المحادثة وهو أسهل واحد , لا ترتبك وجاوب على كثر ما يطلب منك وبالنهاية راح يعطيك ورقة تكتب فيها ملاحظات ويخليك تتكلم مدة طويلة عن موضوع يختاره لك (سفرة مثلا) .

طبعا بكل الإختبار القواعد والأخطاء الإملائية كلها عليها درجات .

أتمنى أكون أفدتك والله يوفقك .

تحرير / ما شفت أسئلتك لول كتبت إلي عندي على طول


1 - اختبار الآيلس ... (سهل - عادي - متوسط - صعب - تعجيزي) ؟؟
على حسب مستواك وحتى لو مستواك ممتاز جدا إذا ما كنت مركز وما استغليت الوقت صح راح يصير صعب .
2 - عادتا تكون مواضيع التعبير عن شنو بالضبط ؟
ذكرت لك بردي , أشياء مليقة حيل .
3 - هل الوقت المحدد لكل اختبار كافي او لا ؟
بصراحة لأ خصوصا بالقراءة .
4 - المقابله الشخصيه (اي معلومات عنها) ؟
سهالة جدا بس لا تطق بريكات ولا تتنح عليه/عليها لأنه كل شي مسجل وحاطين مسجلة تسجل كلامك كله , جاوب على قد السؤال ومرات يطلب منك تجاوب زيادة على السؤال (مثلا شنو وظيفتك ؟ قلت له طالب , (يأشر لي يقول كمل .. ) طالب بالكلية الفلانية .
 
التعديل الأخير:
^
الله يعطيك الف عافيه يا اخ Snake-87 .. والله تم الإستفاده من كلامك .. ماباقي شيء وقدم الاختبار والله يسهل الامور :sweat:
 
التعديل الأخير:
جبت 90من 120 بعد استعداد يومين فقط ... هل النتيجة تعتبر جيده و لا ؟؟
 
اي النتيجة جيدة جدا وأغلب الجامعات في أمريكا يطلبون أقل من 90
 
إإإففففففففففف.......

اللعن ابوا الآيلس زين :angry::

اليوم قدمت الإختبار وحاس اني متوهق .. والله عطوني موضوع Reading أكثر من معفن ... عن Stepwall في الهند ؟؟ شنو السب وال ؟؟ لول والله قريت الفقرات كلها وانا ماني عارف شنو الستب وال !

المهم القطعه كانت محشوه بسخافات ومعتقدات هنديه وكلمات غريبه وطويله وانا الضحيه !!

والمقابله الشخصيه والspeaking .. احس اني خربطت مع اني قوي بالمحادثه وماعندي مشكله !!
اقصد لما جاني سوال المحادثه قالتلي سولف عن شيء كسرته في البيت وشلون صار الحادث وشنو العواقب ...الخ

قلت لها قصه من خيالي اني كنت اللعب Wii وتحمست وحذفت الوي مووت وكسرت التلفزيون .. لول مادري اساسا اهي تعرف شنو الوي ؟؟؟ احس انه عليها علامة تعجب ؟؟

يعني حظي الخايس اني اخترت موضوع Nerd شوي ..

الله يستر .. اسبوعين على النتيجه ... قمه الإحباط *face-palm*
 
طول عمري اقول اذا طلعت من الإختبار و تحس انك مزفت فأنت على ما يرام
روق إن شاء الله كل شي زين
 
يارب لك الحمد​

اليوم وصلتني نتيجة اختبار الآيلس عن طريق ARAMEX .. وجبت النتيجه المطلوبه ولله الحمد.

مع ذلك انا زعلان لاني داخل الاختبار بدون تحضير ولا حتى درست اي شيء .. دخلت على البركه
يعني لو شوي شاد حيلي وجاتني مواضيع غير معوقه كان جبت نتيجه أعلى :razz:: .. بس الحمدلله
 
انزين مدام كان عندك 20 يوم ليش ما شديت حيلك؟ :laugh::

مبروك، أهم شي جبت النتيجة اللي تبغاها
 
^ والله انشغلت .. + العاب "كينكت" + العيد + سافرت السعوديه يومين .. ماكان لي خلق ابدا ادرس او احضر شيء ..
عموما الحمدلله افتكيت منه .. واللع مع اني متوقع نتيجه تعيسه -_-
 
يجب تسجيل الدخول أو التسجيل كي تتمكن من الرد هنا.
عودة
أعلى