hits counter

ابي ازيد طولي!

وإلا طوله 166 وعنده إنحناء في ظهري يخليه يطلع بمظهر أقصر، ويش يسوي في دنيته؟ 😛

وقفت عن النمو من سن الـ14، على ما اعتقد. (طولي لما تخرجت من ثالث متوسط هو نفس طولي لما تخرجت من ثالث ثانوي)
 
D.K قال:
وإلا طوله 166 وعنده إنحناء في ظهري يخليه يطلع بمظهر أقصر، ويش يسوي في دنيته؟ 😛

وقفت عن النمو من سن الـ14، على ما اعتقد. (طولي لما تخرجت من ثالث متوسط هو نفس طولي لما تخرجت من ثالث ثانوي)
أنقر للتوسيع...
جسم الانسان ينمو الى ان يوصل عمرك 21 على ما اعتقد 😀 لو كنت لسة بالثانوي فيه مجال تطول ان شاء الله
اعطيك مثال اخوي تخرج من الثانوي و طولة 172 الحين تخرج من الجامعة طوله 179 :">
 
انا مااعتبر الطول شي مميز صراحه! المهم ان الطول يكون مناسب وخلاص

انا طويل واشوف ان هالشي عادي .. في الحقيقة اتمنى طولي يوقف
 
العب كرة سلة او اقولك حل افضل "القناعة كنز لايفني".
 
Eye قال:
يا شباب حطمتوا راعي الموضوع @__@
هو 170 ويبي يطول وولا واحد قال انه اقل ، كلكم 171+
وخصوصا فيه ناس تقولك مافي امل تطول زيادة ><

قلبي وعقلي معاك يا راعي الموضوع وطولي P:
أنقر للتوسيع...

ههههه ليش؟

عادي الشباب ما قصرو، اغلب اللي كتبوه بطبقه فعلاً. حالياً مقتنع بفكرة اني ماراح اطول! بس نجرب العلاقة وبقية نصائح الشباب.
 
القناعه والثقه بالنفس وبس,أنا الظاهر أني طولك كنت متضايق من هالشي بفترة من الفترات بعدين تقبلتها..

ترا القصر يعطيك خفه كبيرة وما تشيل هم أي مكان,أقدر أنام بأي كنب وبأي سيارة وأنا مرتاح,وبعدين مع التقدم العمري أو بالأصح إذا صرت شايب من اللي شفته أن القصار دايم أنشط من الطوال,والقصر يعطيك منظر مرح..

يالله عطيتك الإيجابيات كلها,وأنا لو قدرت أطول طلت بس اذا ما طلت فأنا مقتنع والحمدلله,أهم شي لا تحب وحدة طويلة.
 
بس عشق القصار الطويلات لول بعدين مافيها شي لو حب طويله عادي يحسن نسلة ويجيب عيال طوال
 
^
الا فيها شي,بعض الطويلات يبغالهن تسلق اذا كنت قصير.
 
يا حلو الطويلات الهبيلات الشمحوطات :inlove:
هههههههه يا جماعة اللي متحس على طوله و يبي يطول . صدقني ما تفرق لما تجي تبي تتزوج راح تلاحظ اغلب الحريم عندنا بالخليج مربوعات قصيرات لو كانت طويلة جداً توصل 166 و هذا عاادي بالنسبة لك :"> لهذا لحد يحاتي
 
انا مادري كم طولي صراحة .. ولا ادري وين اقيسه -.-
لكن اتفق مع الشباب اللي قالوا ان فرد وثني العمود الفقري يعطي ايهام بالطول والقصر. و طريقة والوقوف ( الكتوف خصوصا ) تساعد بعد.
الله يوفقك وان لقيت طريقة مافيه مانع تشاركنا p:
 
من صجك أنته طولك 170 و تبي تزيد طولك :laugh::؟

لووول أنا شيبة الي عمري 29 و طولي 165 ما فكرت أزيد :tongue:
 
132553579941-tumblr_lw6p18Zi6w1r1.jpg
 
أنا 164 (قصير) - 21 سنة
صفة القصر يمكن تكون مزعجة, لكن لازم تتكيف مع وضعك الي ربك خلقك عليك وترضى بوضعك
علشان ترضى بوضعك اكسر الحاجز.
أذا ما كنت راضي عن طولك الحالي أسئل نفسك (ليش).
أنا يوم كنت صغير ما كنت راضي عن وضعي, بسبب الإهانات وتقليل الشئن الي اتعرض له. وإلى يومك اتعرض لمضايقات من نفس النوع. الناس ما كبرت لكن نفسي انا الي كبرت. ممكن القصر يخلي الناس تستهين فيك بحكم ان حجمك يكون صغير. الي سويته أنا اني دخلت فن من فنون القتال و اشتركت بجيم. علشان يكون في جسمي القوة والمرونة و يكون عندي القدرة على القتال. لما يجتمعون هالأمرين عندي بإذن الله ما احد راح يقدر يتكلم. نتايج تماريني ممتازة إلى اليوم و قلق القصر والضعف قاعد يتضائل يوم بعد يوم.
لهالسبب اقترح عليك انك تلقى طريقة التكييف المناسبة الي بتقلل من انزعاجك من طولك.
في النهاية أنت طولك مرضي جدا (شوف مصايب الناس تهون عليك مصيبتك). أتمنى لو طولي 170🙂
 
انا اليوم حست المستشفى كله وانا ادور الجهاز لقياس الطول عشان احط النتيجة هنا ولا حصلته ... بس من تي جي اكسبو اذكر اني نظريا كنت اطول منك فهذا لمصلحتك @@
أشوف بصراحة 170 ممتاز وما فيه اي مشكلة خصوصا اذا الجسم كان متناسق فهذي يكفي .. لو بيدي اسلفك كم سنتي لأن طولي ووزني ما متناسبين ابدا !
موفق بمشاريعك التطويلية ولو اني اشوف القصر فيه ميزات اكثر بكثير من الطوال في حال ان ما طموحك بالحياة تصير حارس او لاعب كرة سلة @@
 
صادق انت لحد الحين على وزنك p:
 
لا زلت المواطن المطحون نفسه @@
 
Spartan-A34 قال:
عمرك 22 و طولك 170؟ ابتهج انت نفس طول توم كروز :tongue:
أنقر للتوسيع...
ايوه، و زي توم كروز إذا ودك تطول و عمرك أزيد من 20، البس جوتي سميكة :laugh::
 
Noah`s Ark قال:
في النهاية أنت طولك مرضي جدا (شوف مصايب الناس تهون عليك مصيبتك). أتمنى لو طولي 170🙂
أنقر للتوسيع...

+1

المشكلة بني آدم طمّاع, أنا لو طولي 172 بس, كان بتنحل مشاكل أزلية عندي مع اللبس, الإهتمامات...ألخ

وملاحظ ان الموضوع قلب تباهي/تمنّي, وماصار فيه أية تعليمات بخصوص زيادة الطول غير واحد أو أثنين مازالوا في نطاق الهدف الأصلي للموضوع.
 
^
^
لو طولك 172 ؟ ... ليش كم طولك :/
 
جرب تمارين الإستطالة ,,لكن بما أن نموك وقف يمكن تشد ظهرك وتزودك 1-2 سانت بالكثير
 
^
تمارين الإستطالة تزيد في المرونة وليس في الطول اخوي ماهر 🙂
 
واو طلعت طويل ونا مدري لول الحمدلله انا 180 و كنت ماني راضي مقدر اقولك غير "القناعة كنز لايفنى"
 
ارضى بطولك

- السفر متعب جدا بالطائرة أو الباص إلا لما تروح درجة أولى لأنك ببساطة رح تكون رجليك ضاربين بالمقعد اللي أمامك طول الوقت و خذ على وجع ركب.
أنقر للتوسيع...

او راسك اللي ماتعرف وين تقطه اذا رقبتك طويلة؟ وسادة سفر؟ ماتنفع اسفنج على الفاضي ، او اذا بترخي ركبك وتطق ركبك برجول المضيف\المضيفه طاولة الطعام
 
يجب تسجيل الدخول أو التسجيل كي تتمكن من الرد هنا.
عودة
أعلى