ابغا فزعتكم بـــــــــــــــ(&)

[s3rorh]

السلام عليكم ورحمة الله وبركاتة

كيف حالكم شباب , سالفه الموضوع هي :
من قبل ربع ساعه كنت مندمج بتجربة بيبر ماريو على الـwii لأول مرة . وأندمجت ويا اللعب ووصلت لـ1-4 و وصلت/فزت على

محتوى مخفي

الـأفعي الأليه

بس كان مره سهل ما توقعت أول وحش يكون بهذى السهولة < نصاب طاروا من عنده حوالي 9 قلوب يالله فاز عليه

بالنسبة لطريقه الجيم بلاي , استغربت منها لأني توقعتها تكون مثل الاجزاء ألي فاتت ,جربت جزء الN64 و GC بس ما كملتهم < لأني ما كنت بالع طريقه القتال احسها بطيئة بزياده
وألي عجبني أكثر بهذا الجزء تحول اللعبه إلى ال3D من جد شغله ذكيه و تزيد اللعبه حلاوة
وو
وو
وو
وو

نسيت نرد لموضوعنا المهم ...
اي صح .. وبينما أنا مندمج ببيبر , جاني اتصال من صاحبي وكان كالتالي :

صاحبي : سويت الHomeWork
انا : همممم!!! وعليكم السلام , أنا بخير أنت شخبارك ؟؟ وبعدين أي واجب تقصد
صاحبي : >_> , والله كنت حاسس بأنك راح تنسى , على العموم بذكرك , الهوم ورك يا خيو هو تكتب المعدلات ألي طلبهم مننا دكتور مادة الحاسبات الإلكترونية ألي خزنهم على الflash memory , على هيئة صورة وقال لك واحد مننا يكتبهم مرة ثانيه
انا : ايييييييييي صح شلون كنت ناسي هالشي >_> , بس تعال ! ما اقدر اسوي copy للمعادلات و احطهم بملف ثاني ؟؟ على بو أني أنا ألي كاتبهم , واغير فيهم بس اشوي
صاحبي : لا تحاول حاولت قبلك بس الدكتور الـ@#%$% عقب ما كتب المعادلات ما ادري شنو سوا فيهم بالضبط وخلاهم على شكل صورة .. والنحيس فوق هذا ما سوا مسافات بين كل معادلة وثانيه وسواهم شوي اشكالهم غلط علشان انت تكتبهم مرة ثانيه
انا : اشكالهم غلط !! ما تعرف تنقي مفردات ويا ويهك , ما علينا انزين اشلون اسويهم
صاحبي : تستهبل !! انت مو سويت قبلها باسبوعين معادلات مشابهه بس كانت اسهل
انا : يا حلو هذاك قبل اسبوعين + هذاك كان برنامج word 2003 و إنجليزي + نسيت الطريقة :sealed:
صاحبي : اي شنو المشكله , نزله على جهازك واشتغل
انا : عندي اياه بس ما اعرف اشلون اكتب المعادلات , بمعني اصح اعرف اكتب بس ما ادل وين ادخل بالضبط
صاحبي : مشكلتك .. (( مواهاهاههاهاها ))
انا : يالله خلصني .... ولا اقولك راح امرك ألحين اقط عليك الفلاش ميموري وانت ضبطني
صاحبي : طييييييييييييييير ماني فاضي لك وراي طلعه ويا الشباب
انا : افا , وانا صاحبك .. تذكر لما اختربت سيارتك واييت وصلحتاه لك , يا ناكر للجميل !!
صاحبي : آي صلحتها!! ألي اذكرها بانها كانت مافيها بانزين >_>
انا : نفس الشي المهم انقذتك ,, أنزين تذكر لمــــ ............... ألو !! ألو !! احمدو وينك !! ألوو
أحمد aka صاحبي : ....................
أنا : ألوووووووووووووووووووووووووووووووووو!
صاحبي : ديد ديد ديد ديد <<<< سد التلفون بويهي

وبعد محاولة اتصال اخرى
رد على المجيب الألي وقال (( الجهاز مغلق أو خارج منطقه التغطية ... يرجى الاتصال بوقت لاحق ))

:evil:
هذى هي كل سالفتي ,,, وألحين أنا متوهق ما اعرف اشلون اكتب المعادلات .. وصاحبي نجلني

فا بغيت فزعتكم ببرنامج الوورد , والفزعه بتكون عن طريق ارشادي لكيفيه عمل معادلات من مثل هذا النوع بواسطة البرنامج الـword

وطبعا المعادلات ألي اقصدها مثل جذي

فا ياريت تعلموني الطريقه ألي تخليني اقدر اسوي المعادلات من مثل هذا النوع + مع مراعاه بأنه البرنامج ألي استخدمة word 2003 عربي الاصدار .. وهل يجب أنزل شغله من النت علشان اقدر اسوي هالشي

وألي أذكره لما كنت اسوي هذى المعادلات بالكلية كنت اختار كلمة microsoft word 3,0 أو شي جذي ماني متأكد ..


help :cryy:


ملاحظة :
سيناريو المحادثة من تأليفي وإخراجي <tgman>

 

[Humam]

مشكلتك بسيطة.. اتبع الخطوات التالية:

افتح الوورد >> إدراج >> حقل >> في مربع طويل على اليمين باسم ( أسماء الحقول ), اضغط ضغطة واحدة علىEq من القائمة, راح يظهر لك على اليسار مربع ( محرر المعادلات ) اضغط عليه وراح يطلع لك مربع أدوات مثل هذا:

و الباقي عاد عليك.. بالتوفيق

ملاحظة: احتمال ان الميزة هذي ما تكون محملة على الجهاز, فتحتاج تدخل CD الأوفيس حتى تنزلها.

 

[s3rorh]

P: ...............

 

[G7Ga7]

انا : يالله خلصني .... ولا اقولك راح امرك ألحين اقط عليك الفلاش ميموري وانت ضبطني
صاحبي : طييييييييييييييير ماني فاضي لك وراي طلعه ويا الشباب

لا تزعل بس ...
أمحق صديق والله -__-"

 

[Humam]

لول ايش هذا الرد المبدع.. أخجلت تواضعي

تسلم Mars, أهم شي تحل الهوم وورك صح

 

[s3rorh]

يا ساتر , 5 ايام من غير نت = مرض

لا تزعل بس ...
أمحق صديق والله -__-"

لووول في ملاحظة الظاهر نسيت تقراها ... وهي

ملاحظة :
سيناريو المحادثة من تأليفي وإخراجي

يعني كله من عندي < يحب يتكلم كثير
و ألحين نجي للبطل بتاعي Humam

لول ايش هذا الرد المبدع.. أخجلت تواضعي

تسلم Mars, أهم شي تحل الهوم وورك صح

واااو أيش التواضع هذا , من جد بطل :cryy: ,, لأ لأ لازم تصير البطل بتاعي:embarrassed: , ولا اقلك ,,, راح اسوي تعديل بقائمة الابطال بتوعي :: .. شوي واضبطها بررررب


..


..


..

..


باك <tgman>

من بعد مناوشات مع ابطالي ألي حاطهم باللست محد رضا يتنازل عن مكانه ومن بعد مفاوضات .. صرت انت المرتبة رقم 3 من بعد ما كان محتلتها Bubbles:cryy:

محتوى مخفي

وهل يخفى القمر اكيد معروفه بطيبة قلبها و تفهمها للأمور

فا ألف مبروووووووووك لك المرتبة الثالثة :kiss:

وبالنسبة للهوم وررك , أبشرك جبت فيه 19 من 10 ( 9 درجات Bouns )
وفوقهم

محتوى مخفي

وخليك مستعد ,, احتمال هاليومين بأطلب مساعده ثانية ببرنامج الـExcel يا بطلي <tgman>



ملاحظة هامة :

محتوى مخفي

للعلم !!
يمكن البعض يقول (( أيش به هذا !!! )) .. ولا يقول (( لا يكون يسئ لأحد أو يقصد الإساءه من ورا رده هذا !! ))
طبعا لكل منا طريقته لفهم الرد من زاويته الخاصة ... بالنسبة لزاويتي فا كتبت هذا الرد بداعي المزح *j/k* ليس إلا , ولا اقصد فيه الاساءه لأحد + لأنه المنتدى وجد للفرفشة أولاً + لأنني *مثل ما قلت من قبل* كثير الكلام :yuck: + من 5 ايام ما كتبت شي :cryy: