ASWD
True Gamer
عنوان غريب ومضحك بنفس الوقت خصوصا في زمنا هذ صح؟
قبل كنت اضحك على هالجملة لما اسمعها من احد ربعي اذا جا وقال لي فلان يبغا يسوي كذا وكذا.وماتوقعت اني بيوم من الايام بعايش هالوضع مع احد افراد العيلة لكنه صار
اخونا الكريم اللي ماكمل عمره 18 سنة راكب راسه وناوي يترك الدراسة ويشتغل.يقول انا صرت كبيير واقدر ادبر لي شغلة واعتمد على نفسي ومو محتاج دراسة
ههههههههههههههههههههههههههههههه
قبل لا يجي واحد ويقول لي لو هذ اخوي كنت كسرت راسه ألخ..جسمه ما اظن ظل فيه مكان سليم عشان ينضرب ما ظل احد من اخواني*منهم انا لول* ما طبع اصابع ايده على جسمه طبعا بعد ما جينا اله بالحسنى ومانفع
اول شي جلس يطلع من البيت على اساس انه بيروح المدرسة مع بقية الطلاب في الباص..لكن بعد فترة اكتشفنا انه يطلع مني ويروح يهيت وبعدها يرجع بوقت انتهاء الدراسة كانه فعلا جاي من المدرسة..طبعا عرفنا هالشي من خلال الزيارة الدورية اللي يعملها الوالد للمدرسة عشان يشوف وضعه لكنه للأسف انصدم..سألناه ايش السبب يافلان؟.قال المدرس الفلاني مخلي راسه براسي وحاط عناده معاي!!..اووه سلامات المدرس جالس يضايقك ويخليك تشرد من المدرسة؟. وش السبب عاد؟..قال مدري ماشفته اللا وهو يعاملني كذا..قلنا ايه تصير كثييير.. زين ليش ما شكيت عليه عند الادارة.قال مايصدقوني لانهم زملائه وكمان يفتكرو ان الطلاب كل يكذبون عليهم..آهاا.اجل وش الحل بنظرك قال ما ابغا اكمل دراسة..اوف اوف يعني مرة معقدنك ومخلنك تكره الدراسة مرة وحدة هاه!.قلنا طيب خل نروح نشوف المدرس ونحاسبه اول شي بعدها يصير خير.راح اخوي الكبير بدل الوالد لانه يعاني من الضغط والسكري*بعيد الشر عن الجميع*وما حبينا انه يخلي نفسه بالموقف هذ وتصيده صدمة من الواقع..لاننا كنا متاكدين مليون بالمية انه كذاب.
زين راح اخوي الكبير عشان يستفسر..يا استاذ ودي اكلمك بموضوع مهم..السالفة كذا وكذا فوش ردك عليها..على كلام اخوي من خلص سالفته واللا المدرس ينفجر من الضحك.حتى هو انحرج من المدرس لما شافه يضحك كذا..رد عليه المدرس انا اصلا ما اعرف اخوك ولا عمري درسته وانا ماني مشرف على تدريس المرحلة اللي اخوك فيها..اخوي الكبير طيب احنا من البداية نعرف انه يكذب لكن قلنا نقطع الشك باليقين وعشان كذا ودنا منك تسوي كذا وكذا..قال المدرس تم..كلمنا الاخ الكريم وقلنا له خلاص المدرس ماراح يضايقك مرة ثانية ووعد انه مايكلمك خير شر..سكت شوي*انصاد* وقال الحين بتخلوني ارجع المدرسة مرة ثانية؟..الجواب شي اكيد طبعا وهالمرة احنا راح نوصلك*ابوي يعني*.اخذنا مدة جلس ابوي يوصله لباب المدرسة..وبعد فترة بسيطة اجانا اشعار من المدرسة يفيد ان ابنكم المصون يشرد من المدرسة..كلمناه ليش عملت كذا وكذا..قال بصراحا انا ما ابغا اكمل دراستي ابغا اشتغل انا صرت رجال اقدر اعتمد على نفسي وش بستفيد من الدراسة؟..بالله عليك احلف؟..وما يكمل كلامه واللا يشوف الايادي تلعب على جسمه ولا تدري هذي ايد من ولا من..قاله ابوي بعد مافشلتنا مع المدرس واحنا كنا ندري من البداية انك كذاب جاي تقول لي ان السالفة كلها لعب بزرنة؟.الحبيب الحين مسوي نفسه زعلان وموراضي يطلع من الغرفة..يعني وخرو عني
المشكلة انه التعامل معاه قبل السالفة هذي كان بالتفاهم وبالهدوء بدون تعصب ولا شي خصوصا انه يمر بمرحلة حرجة مرة وخطر انك تعمل حاجة ممكن تنقلب لشي لاتحمد عقباه..لكنه مانفع معاه وخلى الكل يطلع عن صوابه معاه على شي لمصلحته بالمقام الاول والاخير..
يفكر ان الزمن هذ مثل اول اطلع من المدرسة وروح اشتغل..مثل زمن ابوتنا واجدادنا..مايدري ان الحين حتى اللي يملك شهادة محترمة يقاسي الامرين لين ما يحصل وظيفة عالاقل مقاربة لتحصيله العلمي ومساوية للتعب والجهد والمدة اللي قضاها في دراسته..ناهيك عن كثيير كمان عندهم تحصيل علمي محترم وجالسين يجاهدون للي ارفع كل هذ عشان اثبات الوجود..وهذ جاي لي مايملك حتى شهادة ثانوية ويقول لك ابغا اشتغل..رجال اخر زمن فعلا
الحين راح نخليه لمدة ونشوف وش يصير..يرجع لرشده ولا يظل على عناده وبعدها لكل حادث حديث
مدري لو احد منكم واجه*او واجه فعلا* موقف مثل هذ كيف بيكون ردة فعله..لان من جد ماتوقعت انا شخصيا يكون ردة فعلنا معاه كذا..خصوصا ان اغلبنا مايحبو العصبية ولا التفاهم بالضرب والقوة..
قبل كنت اضحك على هالجملة لما اسمعها من احد ربعي اذا جا وقال لي فلان يبغا يسوي كذا وكذا.وماتوقعت اني بيوم من الايام بعايش هالوضع مع احد افراد العيلة لكنه صار
اخونا الكريم اللي ماكمل عمره 18 سنة راكب راسه وناوي يترك الدراسة ويشتغل.يقول انا صرت كبيير واقدر ادبر لي شغلة واعتمد على نفسي ومو محتاج دراسة
ههههههههههههههههههههههههههههههه
قبل لا يجي واحد ويقول لي لو هذ اخوي كنت كسرت راسه ألخ..جسمه ما اظن ظل فيه مكان سليم عشان ينضرب ما ظل احد من اخواني*منهم انا لول* ما طبع اصابع ايده على جسمه طبعا بعد ما جينا اله بالحسنى ومانفع
اول شي جلس يطلع من البيت على اساس انه بيروح المدرسة مع بقية الطلاب في الباص..لكن بعد فترة اكتشفنا انه يطلع مني ويروح يهيت وبعدها يرجع بوقت انتهاء الدراسة كانه فعلا جاي من المدرسة..طبعا عرفنا هالشي من خلال الزيارة الدورية اللي يعملها الوالد للمدرسة عشان يشوف وضعه لكنه للأسف انصدم..سألناه ايش السبب يافلان؟.قال المدرس الفلاني مخلي راسه براسي وحاط عناده معاي!!..اووه سلامات المدرس جالس يضايقك ويخليك تشرد من المدرسة؟. وش السبب عاد؟..قال مدري ماشفته اللا وهو يعاملني كذا..قلنا ايه تصير كثييير.. زين ليش ما شكيت عليه عند الادارة.قال مايصدقوني لانهم زملائه وكمان يفتكرو ان الطلاب كل يكذبون عليهم..آهاا.اجل وش الحل بنظرك قال ما ابغا اكمل دراسة..اوف اوف يعني مرة معقدنك ومخلنك تكره الدراسة مرة وحدة هاه!.قلنا طيب خل نروح نشوف المدرس ونحاسبه اول شي بعدها يصير خير.راح اخوي الكبير بدل الوالد لانه يعاني من الضغط والسكري*بعيد الشر عن الجميع*وما حبينا انه يخلي نفسه بالموقف هذ وتصيده صدمة من الواقع..لاننا كنا متاكدين مليون بالمية انه كذاب.
زين راح اخوي الكبير عشان يستفسر..يا استاذ ودي اكلمك بموضوع مهم..السالفة كذا وكذا فوش ردك عليها..على كلام اخوي من خلص سالفته واللا المدرس ينفجر من الضحك.حتى هو انحرج من المدرس لما شافه يضحك كذا..رد عليه المدرس انا اصلا ما اعرف اخوك ولا عمري درسته وانا ماني مشرف على تدريس المرحلة اللي اخوك فيها..اخوي الكبير طيب احنا من البداية نعرف انه يكذب لكن قلنا نقطع الشك باليقين وعشان كذا ودنا منك تسوي كذا وكذا..قال المدرس تم..كلمنا الاخ الكريم وقلنا له خلاص المدرس ماراح يضايقك مرة ثانية ووعد انه مايكلمك خير شر..سكت شوي*انصاد* وقال الحين بتخلوني ارجع المدرسة مرة ثانية؟..الجواب شي اكيد طبعا وهالمرة احنا راح نوصلك*ابوي يعني*.اخذنا مدة جلس ابوي يوصله لباب المدرسة..وبعد فترة بسيطة اجانا اشعار من المدرسة يفيد ان ابنكم المصون يشرد من المدرسة..كلمناه ليش عملت كذا وكذا..قال بصراحا انا ما ابغا اكمل دراستي ابغا اشتغل انا صرت رجال اقدر اعتمد على نفسي وش بستفيد من الدراسة؟..بالله عليك احلف؟..وما يكمل كلامه واللا يشوف الايادي تلعب على جسمه ولا تدري هذي ايد من ولا من..قاله ابوي بعد مافشلتنا مع المدرس واحنا كنا ندري من البداية انك كذاب جاي تقول لي ان السالفة كلها لعب بزرنة؟.الحبيب الحين مسوي نفسه زعلان وموراضي يطلع من الغرفة..يعني وخرو عني
المشكلة انه التعامل معاه قبل السالفة هذي كان بالتفاهم وبالهدوء بدون تعصب ولا شي خصوصا انه يمر بمرحلة حرجة مرة وخطر انك تعمل حاجة ممكن تنقلب لشي لاتحمد عقباه..لكنه مانفع معاه وخلى الكل يطلع عن صوابه معاه على شي لمصلحته بالمقام الاول والاخير..
يفكر ان الزمن هذ مثل اول اطلع من المدرسة وروح اشتغل..مثل زمن ابوتنا واجدادنا..مايدري ان الحين حتى اللي يملك شهادة محترمة يقاسي الامرين لين ما يحصل وظيفة عالاقل مقاربة لتحصيله العلمي ومساوية للتعب والجهد والمدة اللي قضاها في دراسته..ناهيك عن كثيير كمان عندهم تحصيل علمي محترم وجالسين يجاهدون للي ارفع كل هذ عشان اثبات الوجود..وهذ جاي لي مايملك حتى شهادة ثانوية ويقول لك ابغا اشتغل..رجال اخر زمن فعلا
الحين راح نخليه لمدة ونشوف وش يصير..يرجع لرشده ولا يظل على عناده وبعدها لكل حادث حديث
مدري لو احد منكم واجه*او واجه فعلا* موقف مثل هذ كيف بيكون ردة فعله..لان من جد ماتوقعت انا شخصيا يكون ردة فعلنا معاه كذا..خصوصا ان اغلبنا مايحبو العصبية ولا التفاهم بالضرب والقوة..
