hits counter

إلى الإمارات هذا العيد .. إلى أين أذهب ؟

Zero_IYAD

Zero_IYAD

True Gamer
بسم الله الرحمن الرحيم

صباح الخير جميعا ^__^
ليلة أمس وصلت إلى الرياض لقضاء عطلة عيد الأضحى مع الأهل ..
تفاجأت انهم مقررين يقضوا العيد في الإمارات بمشيئة الله
كون المغادرة راح تكون صباح بعد الغد ان شاء الله , فحابب أسأل عن أماكن معينة , و أي نصائح لأماكن ممكن زيارتها " مع الأهل " مرحب بها ..
طبعا عائلتي محافظة , فأماكن مثل Cosplay Cafe صعب زيارتها

أسئلتي :
- أذكر كان في مكتبة كبيرة , مليانة data books لألعاب كثيرة , مانجا , كتب أجنبية في مول ما في دبي ..
ايش اسم المكتبة و المول ؟ هل تكون فاتحة أيام العيد ؟ كم المبلغ يلي المفروض أحسب حسابي أكون حامله معي - ناوي آخذ عدة data books لألعاب MM , شوية مانجاز أو أي شيء ممكن يلفت انتباهي - .

- وين ممكن أحصل figurines , keychains , accessories لها علاقة بالـgaming و الأنمي ؟
كم وسطي أسعار هالأشياء ؟

- وين مكان سوق الـgaming ؟ هل مـمـكــن أحــصـــل ألعاب قديمة أو منقرضة مثل Trace Memory أو الألعاب يلي نزلت من أكثر من 3-5 سنين ؟
كيف ممكن تكون أسعار أشياء نادرة مثل هذي ؟ أقصد عادة النادر يكون غالي ..
لكن البعض يتعامل معها انها بضاعة قديمة فيكون عليها عروض بأسعار مقبولة جدا .

- وين في محلات جوالات ممتازة تكون داخل مولات أقدر أحصل فيها إكسسوارات للـGalaxy S ؟

- انصحوني بأماكن عامة / مولات / ملاهي / مطاعم محافظة .. أقدر أقضي وقت ممتع فيها مع الأهل 🙂
رجاء تنبهوني بالأماكن يلي ممكن تكون مسكرة فترة العيد .

حركتنا راح تكون بين دبي , أبو ظبي , الشارقة بشكل أساسي ..
أي شي ممكن يجاوب أسئلتي بين هالمدن الثلاثة , لا تبخلوا علينا 🙂

عطلة سعيدة و عيد مبارك للجميع ^__^
و لا تنسوا صيام يوم عرفة 😉​
 
حياك حياك!

- مكتبة Kinokunia في دبي مول، لازم طبعا الميزانية تكون كبيرة، بس انته قول لهم إنك تعرف (مستر سيف) و بيعطونك خصوم تصل إلى 20% إن شاء الله!

- أماكن الـGaming متنوعة، و كل واحد في بقعة و يحتاج إنك تعرف الأماكن بالضبط عشان توصل إلى أفضل المحلات!

- نفس السؤال السابق...

- دبي مول - إمارات مول - مركز دبي للبولينج - مركاتو - ابن بطوطة مول (أنا أقولك الأمكان اللي أنا أرتادها)

كلمني في المسنجر أحسن و بتحصل كل اللي تبغيه إن شاء الله!
 
دبي: مولات كثير و أمكان متنوعة جداً

- مكتبة Kinokuniya إلي فيها الكتب و المانجا و سوالف وايد في مول دبي وفيه بعد مدينة SEGA الترفيهية (أكبر و أفضل مول للعائلة)
- أبن بطوطة من أفضل المولات للعوائل بعد و تقريباً فيه كل شيء + فيه Imax (أفضل سينما 3D)
- مول الإمارات فيه القرية الثلجية + Virgin Megastore كبير جداً و فيه اي شي تبيه بخصوص الألعاب الرسمية و أفلام بلوراي و فيه سوالف شوي للألعاب مثل t-shirts و ميداليات


أبوظبي: أغلبها محلات بدل المولات وفيها كل شي تقريباً لكن مب مثل تنوع دبي

- مركز مدينة زايد + حامد سنتر بتحصل فيه ألعاب بالهبل قديمة و جديدة وكل شي تتوقعة للألعاب تقريباً و يبيعون Figures للأنميات و الألعاب ( بس صعبة تروحه ويا العائلة يعني ما أحس أنهم بيستانسون فيهم)
- مارينا مول همممم مول متنوع فيه كل شي بعد وهو أفضل مول في أبوظبي تقريباً
- الخالدية مول مطاعم بالهبل
- عالم فيراري في جزيرة ياس

الله يعينكم على الزحمة في العيد
 
ولا تنسى تزور الاطلانتس اياد, وتطلع برج خليفه (انا مسميه برج فاينل فانتسي).
 
@ Marche : دلني على مكان أو اثنين تعتقد انهم الأفضل و فاتحين فترة العيد ..
صعب جدا تلاقيني أون لاين هالفترة .. بين العائلة و الأصحاب و الطلعة و الدخلة و و و نادر جدا أقعد مدة طويلة على النت .

@ BioMario : ما قصرت علي 🙂
الزحمة هذي لا مهرب منها ×__×

@ Nintendo : هذي وين عمر ؟
و عجيب !! مو أنا الوحيد يلي يشبّه برج خليفة بالـCrystal Tower في FFIV :laugh::

ما عطيتوني فكرة عن وسطي أسعار المكتبة في مول دبي 🙁
 
Nintendo قال:
ولا تنسى تزور الاطلانتس اياد, وتطلع برج خليفه (انا مسميه برج فاينل فانتسي).
أنقر للتوسيع...
و خد لك شقة في طريقك، نزلوا الأسعار و بتكون لوحدك في طابق :laugh::
 
اطلانتس هاذي جزيرة النخله بدبي, فيه حوض مائي عملاق ومطاعم وخرابيط
 
أنا بعد رايح لدبي نهاية هذا الأسبوع ...وحاط في بالي هذي الأماكن
دبي مول - برج خليفه - ابن بطوطه - مدينة اتلانتس
اذا عندكم اماكن حق عوايل عطونا 🙂
 
انا رايح الامارات - بإذن الله -

طيب ممكن اسم اكبر و احسن ملاهي بدبي 😎:
 
أوبس
 
التعديل الأخير:
ما عطيتوني فكرة عن وسطي أسعار المكتبة في مول دبي 🙁 ​
أنقر للتوسيع...


امم , والله ان اشوف اسعارهم معقولة , ومرات تحصل اشياء سعرها ارخص من امازون ومواقع الانترنت .. بس لو انت ناوي تشتري كمية كبيرة من الكتب لازم تاخذ معاك مبلغ محترم .. فوق الـ500 درهم على الأقل .. وطبعاً هذا كله يعتمد على نوعية الكتب اللي انت بتشتريها , فلو بتاخذ games guides او اشياء شبيهة اعتقد بتكون اسعارها اغلى من بقية الكتب مثل الكوميكس والمانجا ..

المكتبة بتقدر تحصل فيها كل اللي تباه ان شاء الله , وفي قسم كبير للمجلات حق الجيمز والافلام والتقنية وكل شي ..

--​

أهم شي تروح دبي مول , اعتقد بتحصل فيه كل شي .. وفي مطعم اسمه FAT BURGER في نفس المول , بقولون من احسن المطاعم اللي تقدم برجرز في العالم .. ومافي منه الا في 8 او تسع دول في العالم بس.​

أيضاً ممكن تروح لـThe Walk عند شاطىء جميرا , فيه أكثر من 200 محل متنوع والأجواء هناك رهييبة .. بس زحمة اجانب على كيف كيفك .. لول , بس المكان يستاهل الزيارة.​

ولو تحب السوشي والاكل الياباني فعندك مطعم Manga Sushi اللي في شاطىء بلازا مقابل حديقة جميرا في دبي , تاكل وتقرا أنمي بنفس الوقت وكل شي في المطعم فيه اشياء تخص الانمي والمانجا , وبتستمتع بأجواء المطعم وايد .​

وطبعاً مثل ماقالوا الشباب فيرجن ميجاستور اللي في الامارات مول لاززم تروحه وبتحصل فيه ان شاء الله figures وميدالايت وتي شيرتس وحتى فيه قسم للألكترونيات والموبايلات واكسسواراتهم فيمكن تحصل case للجالكسي اس .. كبير جداً وفيه اشياء بالهبل .. بس مشكلة فيرجن الوحيدة اسعارهم النارية .. -_-​

اما اذا مريت أبوظبي تقدر تروح مدينة فراري اللي توهم فاتحينها بس اتوقع بتكون زحمة مب طبيعية لأن الكل بيروحها في العيد .. وفي بعد فرع لـ فيرجن ميجاستور في أبوظبي مول لاكنه اصغر من اللي في دبي بس بعد عنه اشياء كثيرة .. طبعاً دام انك جيمر لاتفوت عليك حامد سنتر ومركز مدينة زايد صدقني بتحصل بلااااوي .. لول واسعارهم رخيصة جدااً​

يلا رحلة ممتعة وان شاء الله تستمتعون في الامارات : )​
 
شكرا جميعا , ما قصرتوا ^___^
جاري التوجه للإمارات خلال ساعتين ان شاء الله 🙂
 
توصل بالسلامة

والشباب ما قصروا كفوا ووفوا بالوصف

انا توني جاي من دبي مول

افضل مول يليه مول الامارات
 
لاتنسى تروح الممشى the walk.خصوصا على جو هالايام يطلع حلو.
 
شباب اكتشفت شي ..جوازي منتهي !! :sweat:
وطول هالفتره كنت أدخل البحرين ببطاقة الأحوال ...أرجو أن تردو علي ضروري
الدخول بالبطاقه للإمارات تمشي الآن ولا لا ؟؟؟؟
 
أنا اسافر أي دولة في الخليج بي بطاقة الهوية مش مشكلة , بس السعودية مش مسموح.

للعلم أنا أماراتي :
 
توني قاري خبر التأكيد للمرة الثانيه انه الان اشتغلت .. شباب السعوديه هل احد جرب ؟؟
 
كلمت جمارك منفذ البطحاء شخصيا وقالو لي البطاقه ساريه المفعول وتدخلني الامارات 🙂
 
سلام شباب 🙂
عيدكم مبارك

سؤال مستعجل :
أريد محلات تبيع videogames قديمة في دبي / الشارقة .
محلات تبيع إكسسوارات للـGalaxy S في دبي / الشارقة .

غالبا غدا بيكون آخر يوم أقضيه في الإمارات , قضيت معظم الأمور و زرت معظم الأماكن يلي ذكرتوها , لكن للآن ما حصّلت محل يبيع ألعاب DS قديمة أو إكسسوارات للـGalaxy S ..
غدا ان شاء الله راح أقضيه بين دبي و الشارقة , لذلك يا ليت تنصحوني بأماكن تلبي طلبي 🙂

الانطباعات و الصور عند العودة للرياض ان شاء الله 😉
 
التعديل الأخير:
كيف تروح الإمارات ولا تروح محل "الطيور الصغيرة" اللي دائما نسمع عنه واللي يجيب الألعاب قبل غيره؟ :laugh::
نفسي أروح الإمارات يوم وأروح المحل هذا.
 
ودي بس اشوف وجه الشخص يوم قرر يسمي المحل بـ*الطيور الصغيره* ... بشنو كان يفكر وقتها -__-
 
بالنسبة للألعاب، في دبي :
الطلقة الذهبية : الرقم : 0097143931989
جويستك (الحرامي الكبير) : 0097143985444
كوكب الألعاب : (ماعرف رقمه)!
شارع الألعاب : 0097142892827

و شو محل الطيور الصغيرة هذا؟


و حاول تسوي الشي اللي قلت لك عنه لأنه في شي ضروري!!!
 
روح اي سينمت وخلاص 🙂

بالنسبه لي أحلا غيد مر علي من سنوات ... راح اكتب كل شيء بكرا .. بما اني لي الحين في مووود الاستمتاع ^^
 
التعديل الأخير:
عذرا على رفع الموضوع ^^"
حابب أتشكركم جميعا على النصائح .. تقريبا زرت كل المناطق يلي ذكرتوها في دبي , للأسف ما قضيت غير أول ليلة في أبو ظبي فما قدرت أزور حامد سنتر و مركز مدينة زايد .

باختصار , يلي يروح دبي بدون ما يزور دبي مول فقد فوّت على نفسه الكــــــثــــــيــــــــــر ..
المكتبة الأسطورية كينوكونيا , أكواريوم ضخم , كانديليشس , برج خليفة , سيجا ريبابلك , مطاعم و إلكترونيات و و و ..
بالفعل مكان رهيب تقضي فيه يومين من الصبح للمسا 🙂

صوّرت كل مكان رحته تقريبا .. لكن كوني في عطلة و باقي لي آخر 3 أيام في الرياض فما عندي الوقت أتكلم بالتفصيل ..
اذا في أحد مهتم فما عندي مشكلة أرفع صور للمكتبة أو غيرها , صورت فيها مليون مجموعة مانجا و غيره 3>

شكرا لكم .. كان عيد رائع فعلا 🙂
 
صورت فيها مليون مجموعة مانجا و غيره 3>
أنقر للتوسيع...
تتحداني إنه مجموعتي في البيت أكبر من المكتبة؟

و كلمني عالمسنجر في الليل!

لا صدق عندي تشكيلة كبيرة من المانجات فمادري وين أحطها، Akilla كان يطالبني فيها من زمان :
1- في هالموضوع.
2- موضوع جديد.
3- في موضوع المشتريات.

شرايكم؟ (عاد هم وايد مهتمين)
 
@@

zero_IYAD
لو تسوي موضوع عن رحلتك لدبي وتحط الصور بيكون الموضوع رهييييب >< صدقني
وخاصة المكتبه الي يعتبر المكان المفضل في المنتدى
 
يجب تسجيل الدخول أو التسجيل كي تتمكن من الرد هنا.
عودة
أعلى