إضافة جديدة قابلة للتنزيل في Blue Dragon (واو)

[NSider]

Having already released extra downloadable difficulty settings, Mistwalker and Microsoft have announced plans to release a random dungeon generator for Blue Dragon on April 27. The downloadable content is available in Japan only (no surprise, seeing as the full game is only available in Japan) and, according to a translation by Siliconera, will cost 300 MS points (¥444, US $3.75).

بعد إصدار صعوبة جديدة مجانية للعبة سابقاً، أعلنت مايكروسوفت وميستووكر عن إصدار مولد دنجنز عشوائي لـBlue Dragon في اليابان، مقابل 300 نقطة مايكروسوفت أو ما يعادل 3.75 دولار أمريكي، ويصدر في 27 أبريل.

هذي المايكروترانزاكشنز ولا بلاش! أنا ما أحب الدنجنز العشوائية، لكن هذي إضافة ممتازة للعبة وتطول من عمرها كثير بالنسبة للي يحب تحديات جديدة. بنتظر النسخة الأمريكية الفادمة في سبتمبر لما يصير عندي 360 بإذن الله.
​

 

[Naif]

حلو .. اتمنى تكون هذي الاضافات موجودة في النسخة الامريكية في ديسك اللعبة ..

 

[Aoks]

يعني ايش دنجن عشوائي ؟:roll:


edit : يعني مثل دارك كلاود 1 ؟
​

 

[NSider]

يعني ايش دنجن عشوائي ؟:roll:

دنجن تنشئه اللعبة عشوائياً ويختلف كل مرة تدخله من حيث الشكل والخريطة والوحوش والكنوز اللي فيه.

 

[Gon freeces]

الخبر معلن عنه من فبراير اذا اتذكر

ما احب الدنجنز العشوائية , اتمنى انه يكون عشوائي و فيه "نمط" للأدوار (زي اللي بسيمفونيا)

 

[Bounty]

الاضافه هذي بتكون موجوده بالنسخه الامريكيه بنسبة 50% تقريبا ..

معلومات عن الدنجن ..

- بيكون الدنجن الاضافي في منطقة الدنجن الاخير باللعبه ..
- بيكون فيه رؤساء جدد ..


و المعلومات الباقيه ذكرتها انت مثل التاريخ و السعر ..

 

[NSider]

الخبر معلن عنه من فبراير اذا اتوقع

أعتقد الصعوبة الجديدة هي اللي معلن عنها في فبراير..

 

[Aoks]

=____________= اكره هذه الدنجنز العشوائية ,,, كرهتني في دارك كلاود 1​

 

[Bounty]

=____________= اكره هذه الدنجنز العشوائية ,,, كرهتني في دارك كلاود 1​

لول هي اختياريه .. ما تبيها لا تنزلها :yuck:

 

[Gon freeces]

أعتقد الصعوبة الجديدة هي اللي معلن عنها في فبراير..

http://xbox360.gamespy.com/xbox-360/mistwalker-rpg/771848p1.html

at the moment, that content includes an entirely new dungeon and a dungeon randomize

 

[Aoks]

لول هي اختياريه .. ما تبيها لا تنزلها :yuck:

مين قالك اني بشتريها اصلا :yuck:
​

 

[NSider]

http://xbox360.gamespy.com/xbox-360/mistwalker-rpg/771848p1.html

طيب هذا كان في مارس وبدون تاريخ ولا سعر، وللحين حتى ما نعرف متى ينزل الدنجن الجديد كلياً.

 

[m7tram]

أحلى شي انها بـ300 بوينت مو العاب ثانيه يعطونك 800 او 600 بوينت على شي مايسوى .

 

[Xeno]

والله تقييم فامتسو (37) يخليني متفائل باللعبة حيل, انشالله ماتخيب ظني...
الدنجنز حركة حلوة وأتوقع يكون لها علاقة بالأتشيفمنتس الإضافية. (الـ250 اللي زائد الـ1000)

 

[The Sinner]

حركة النجنز العشوائية ما احبها فيه مثلها تقريبا بفاينل 12 بالنسبة للكنوز وكانت ترفع ضغطي هالحركة ممكن تكون مسلية بالنسبة للوحوش بس اذا انت مسترت اللعبة وش بيفيدك هالشي؟

عالعموم اللعبة من دون هالشي لازم العبها

 

[emperor-UAE]

هاي اللعبه ممكن تكون (اول) لعبة ار بي جي العبها فى حياتي(قبل كنت العب نص ساعه و خلاص ما ارجع للعبه ابد و جربت كثير من العاب الأر بي جي بس ما قدرت اكمل فيهم)

و ايضا افكر اجرب لوست اوديسي...بس خلهم ينزلون اول

 

[Ginko]

ياخي هالاضافه قاريها قبل فتره، بس مدري وين.

انا بشتري هالدنجن اول ما تنزل في الماركت بليس حق امريكا، حتى لو كنت لسه ما خلصت اللعبه.