تعديل :
هاهاي مقلبتك يبوي !
ترا امزح انا ناوي ارد بس حبيت ارد الدعوة قبل الزحمة
بما انك اوفيشلي دن
ما كان يحتاج تجيب مقالة ويكيبيديا، عارف المفاهيم ذي كويس وعن ايش انت تحاول تتكلم، ماعندي اي سوء فهم من ناحيتها.
لكن براجع معاك مفهوم بسيط برضو، بألعاب الاكشن الجيدة بالعادة، تحتاج ان ضرباتك ونتائجها تكون consistent لتشتغل كلعبة اكشن بالمقام الاول ، لو تبغى جد جد تسوي محرك جاذبية سوبر دقيق وتخلي الاعداء ragdolls مثلا ، بتطلع نتائج فوضوية جدا حقيقة و finicky حتى بأحدث الاجهزة ،الشيء فعليا...ما يصلح بلعبة اكشن او فايتنج، ابحث عن اي لعبة فايتنج حديثة، يابانية او غربية، بيلتزموا بنفس القوانين، لأنه الconsistency جدا مهمة بالالعاب ذي و اي نتائج معينة بتخرب الاكشن والتنافسية بل وتقتلها، تمام؟ تمام انتهينا من النقطة ذي.
انا ويكيبيديا اللي يجيبون مقالاتي يبوجاسم
تمام .. وجميل بما اننا على نفس الصفحة والمفاهيم متفقين عليها .. نستعملها الان كاساس في النقاش بدون لخبطة .. وبما انك ما تبغاني استرسل في ذا الكلام .. نوقف عند اللي وصلنا له
نقطتك عن الكونزيستنسي اتفق معك عليها .. وجود النتيجة المتوقعة مطلوبة .. لكن بشكل جزئي.. ما اتفق معك انها اول ذا واي تكون ثابتة ومتوقعة في كل اصدام .. راح نتدرج خلالها مع النقاط اللي اردفتها مشكورا على اضافتك وجيفاتك ..
الهدف الاساسي من هالرد يكون توضيح لمطلبي وتعقيب تفصيلي لوجهة نظري اللي اتبناها وعلى اساسها اشوف تأخر الالعاب .. مو بالضرورة اقنعك برؤيتي .. لكن اشرح لك وش كنت اقصد عشان تكون الصورة كاملة
الشيء مهم بزيادة في سلسلة DMC، لأنها على عكس اغلب باقي العاب الاكشن حتى، تعتمد بشكل اساسي على الكومبوز الستايلش، والدقة عنصر مهم هنا، فبالتالي لازم لما استعمل هاي تايم، انا اتوقع وأبغى اسوي لانشر للعدو بالهواء، ما ابغى ضربة السيف لفوق تخليه يرجع لورا يطيح، او يشقلبه ليسار لأني لمست يده اللي رفعها بالغلط بفريم معين، أبغى ارفعه لفوق عشان اسوي كومبو هوائي زي كذا.
كلام جميل .. صحيح اسلوب وتوظيف دمك٥ للكومبو له طابع خاص .. ما نختلف .. لكن - وانا ما اطالب تكون الاجسام راق دولز بالضرورة هنا- ٦فيكتور اكسيس برضو محدودية في الكومبات .. وبريدكتبل بزيادة .. لان كل مرة نفس الضربة بتنتج نفس النتيجة .. ممكن تشوف ان الراق دول انجن بيسبب عشوائية وبتصير حركة الاجسام هايمة .. ذا تصور لمشكلة واردة .. وانا اتفق .. لكن فيه حلول لكل مشكلة
مشكلة التصادم في يد الوحش .. تقدر تخليها تنقطع مثلا .. تقدر تخلي العدو يسوي يسوي لانش تمام .. بس انميشن اللانش ياخذ لمسة اليد بعين الاعتبار
يعني انت ضربت لانش في يد الوحش اليمين .. خله يسوي لانش .. بس انميشن الريكويل يكون سبين من اليمين لليسار وهو طاير فوق ..
الحاصل ان انميشن اللانش ريكويل نفسه دايم ثابت .. دام اللانش في الجهة الحمرا من الصندوق .. بيعطي نفس الريكويل وبنفس التسارع بغض النظر السنتر اوف ماس .. يعني اذا الضربة صدمت اعلى الصدر تعطي نفس الحركة لو اسفل البطن
ك جودة لعبة : جيد .. ك تقدم لعنصر اللعب : متأخر
والشي ذا كله تضبيطه يدوي من المطورين، بالحقيقة هذه العملية اصعب بمراحل من جعله مجرد فيزيائية عشوائية وتترك الامر لمحرك الفيزكس يقوم بالباقي، هذا شيء حتى لعبة رخيصة زي Goat Simulator تقدر تعمله، واللعبة نكتة من المطورين لدفع حدود هذا الكونسبت، هل الشيء ينفع لأكشن؟ لا، أي لعبة اكشن كويسة بالسوق تعتمد على تضبيط الانيميشن اليدوي والتفاعل عشان تحقق النتائج المرجوة وتعطيك احساس الضربات بشكل صحيح، ينفع للعبة ما تهتم وتسويها بدافع الضحك او الاكشن عنصر جانبي فيها؟ نعم.
كلام جميل .. لكن تقرير ينفع ولا لا وجهة نظر شخصية ..
وجهة نظري .. they must figure somthing out .. الصناعة ذي تقدر بالبلايين .. ومردود الربح بالملايين .. بالنسبة لي اشوفه تعاطف في غير محله .. لو كابكوم اندي ولا استديو جديد معليه .. بس كم لهم بالصناعة؟ ٤٠ سنة؟
بالنسبة لي النتيجة اللي وصلو لها خلال ذي الفترة غير مرضية .. بغض النظر عن كيف انهم الان افضل مطورين من عدمه والعابهم جيدة
مع ذلك؟ لسه في تفاعلات باللعبة تعتمد بشكل كبير على البيئة والمكان وتفاعلات الاصطدام والارتداد، وليست مجرد set animations، شوف الحركة ذي:
الحركة ذي بالكامل تعتمد على مفهوم الارتداد والاصطدام للشعاع، تفاعل الحركة ذي بغرفة مغلقة ضيقة يختلف تماما عن تفاعلها لو سويتها ببيئة مفتوحة وتكون مرتدة بشكل اكبر، وبالتالي تفاعل الاعداء معهم بيختلف ايضا، بيتناثروا حسب المكان الصحيح ومن اي جهة ينضربوا
هذي كلها بارتكل ايفيكت وسمبل باونس فيزكس .. تختلف عن الكومبات .. وذا شي حتى اوكارينا وويكر سوته ..
العببب .. يلا بدا الجد..
هنا بالذات، انت مخطئ، موقع دانتي ماله تأثير؟ نفس الريكويل؟ راح اثبت العكس، بفوتج انا مصوره بنفسي، وزبطته، ما نشتغل بالرخص.
كبيييير! .. انا ما عندي نسخة البي سي ولا كان ما جلست احوس واتعب في نسخة البس٤ واحاول ٢٠ ساعة ازبط .. ولم تزبط معنا .. بس يلا فيك العشم
مع ان يمديني اقول انت مفبرك الفوتج ومختار اللي يناسب كلامك
بس امزح ترا ما اقول كذا بس استهبل .. لا تاخذها جد!
أحب هالحركة فاستخدمتها كمثال، بالمرة الأولى ضربته من أبعد ما يكون، الرصاص وصله، في دمج خافت بسيط ممكن تلاحظه باليسار، لأن الحركة من بعيد ما عملت أي أثر، كالمفترض أن يكون.
المرة الثانية رحت قربت منه شوي، سويت نفس الحركة، الآن صار في ريأكشن من العدو نفسه، الحركة قريبة منه وضربته بشكل اكبر، لكن ما طاح لسه.
المرة الثالثة، عملت الحركة بوجهه مباشرة، من اقرب ما يكون، قوة طلقة المسدس والريكول خلته ينطرح بالأرض لورا ويظل مستلقي بالارض.
طيب قبل لا تغلطني .. كلامي كان على الجيف الاول اللي انت حطيته .. وكنت اتكلم فيه عن موقع الجسم بالنسبة للجسم .. موضع .. ووضحت ان الريكويل :
ولا تفرق مكان الضربة وتوقيتها بالنسبة للجسم وحركته
مو جالسة تفرق حتى بمثالك هذا .. لو الوحش في وسط انميشن ضربة ولا انت واقف ولا متحرك ولا فوق ولا تحت .. ولا جبتها بعين الوحش ولا رجله .. النتيجة وحدة ..
اللي انت جالس تتكلم عليه في هذا المثال هو دامج كالكيوليتر .. لما تكون بعيد الدمج ١ .. اقرب الدمج ٥٠ .. ملاصق الدمج ١٠٠ .. مجرد حسبة قوة الدمج وعلى اساسه الارتداد يحصل .. لكن موضع لاندينق الضربة ما راح يغير شي بالنسبة للموف سيت حق ذي الضربة .. وريكويل الوحش راح يعتمد على الدامج .. ومنه راح يسوي الانميشن المختار لقوة الدامج
مثال ثاني
عملت حركة معينة وحدة، كنت قريب منه فانضرب بالضربتين عادي
الآن لأني كنت ابعد منه شوي، الضربة الثانية didn't connect ، مع اني عملت نفس الحركة بالضبط، وش اللي اختلف؟ موقعي ومكاني.
فنقطة ان مركز وموقع دانتي ما تفرق باللعب عموما ولا برياكشن الاعداء هي blatantly wrong، الشيء اللي كنت تنكره من البداية، أهو اثبتته بالدليل والواقع، هالشيء لحاله ينسف كلامك كله.
اثبتت لي الكوليجن ماسك؟ مو حنا متفقين من البداية ان الماسكات دقيقة على محور الجسم .. اذا مافي تلامس ما راح يحصل التصادم؟
لكن اساس كلامي يقول : ما راح يفرق في
حال التصادم موقع دانتي والمومنتوم تبعه ولا موضع التصادم نفسه .. اذا الحركة ١ على الوجه ينتج عنها انميشن ١ وهكذا
ما حقرت ولا قللت من شخصك، قلت انك تكذب او تعابط، اللي اتضح انه صح فعلا، ونعم يهم لو تكذب وتعابط اذا كلامك غلط، هو الشيء اللي يقلل من فكرتك انت.
بينما انت من البداية تستعمل اسلوب تحقير اصلا فيني وممشيها عادي، نص كلامك سخرية وبنبرة condescending ما أحبها ، بس لما اقول انك جد تعابط تجي تسوي زعلان وإني أهنتك بشيء
رد retha الأخير هنا يختصركل الكلام اعتقد.
سوء الفهم امشيه، بس أسلوبك خابره وأشوفه واضح للعيان هنا، هي مش نقطة ولا اثنين ولا ثلاث ولا اربع صار فيها "سوء فهم" ، لكن كثير، كثير اشياء اسالك عنها او تعطيني بديل لكن ما توضح،نقطة المهام والدنجنز، ما جاوبت، نقطة الاختلاف بالقوة والتاثير واختلاف الجيم ديزاين بين 4 و 5، ما جاوبت، نقطة تطور وورلد اللي بالبداية كانت متأخرة لكن فجاة صارت اصلا 3 كانت متقدمة اكثر، تراجعت عن كلامك، نقطة انه الرسوم والتفاعل والسرعة والجرافكس اللي في دمك5 موجودة بلعبة بس3 وقلت اعطيني مثال طيب حتى لو بس4، ما جاوبت، غيرهم، كلهم نقاط ترميها، وتتفادى تجاوب عليها بصراحة، ايش اسمي ذا؟ هو انت اللي خاش بدفاع مستميت اصلا من البداية، انا ما احب اي واحد يناقشني بشكل misleading اللي كنت تسويه من البداية ويحاول يستغفلني سواء بالتراجع عن نقاط او رمي كلام مبهم عام ليثبت انه صح.
وحابب انك ترمي اساءات مباشرة مبطنة تحت اسلوب "كان ممكن اقول كذا وانك مفلس وان ذوقك فاشل الخ، بس ما بقول كذا لأني محسن الظن"، بس ذا الشيء ما يمشي معي، اساءة مباشرة واضحة لي اكثر من اي شيء سويته سابقا
بس ما علينا من ذا كله، رمضان كريم.
خلاص ليت ات قو .. انت قلت انا قلت .. اسلوبي ميس ليدنق .. اسلوبك تحقيري .. وش الفايدة نثبت التهم .. اللي فات مات .. قفل موضوع الشخصنة .. كلنا رجال هنا بلاش نتصرف تصرفات اطفال
لكن يعلم الله وهو عالم الغيب والباطن وحده .. اني ما قصدت استنقص ولا اهينك واسئ لك برسالة مبطنة ترا .. انا كنت احاول اوضح نقطة : ان سهل نخليها بزرنة واقول من البداية الكلام اللي قلته
اذا زعلت منه وخذته بشكل شخصي انا اعتذر .. بالمقابل ترا الفاظ كذب عبط غباء الخ مو حلوة في وسط نقاش .. لكن انا اخذ الموضوع بحبية ومزوحية ترا .. لكن اتمنى ما نكمل على نفس الوتيرة
وسامحني اذا اسلوبي تحشيشي شوي .. ترا انا كذا .. لما نطلع الكورنيش بتشوف اني كذا ..
رمضان كريم علينا وعليك يبوحميد
