إشاعة: ريميك FF9 متعدد المنصات ومشروع "غير طموح"

[سِراج]

السلام عليكم ورحمة الله وبركاته،



إذا "غير طموح" يقصد ما يقعد اللاعب 15-20 سنة عشان يخلص الريميك كله ويلعبه فما أشوفها مشكلة.

 

[سِراج]

همم، قد أكون ما توفقت بالموضوع.

التغريدة لها أكثر من أسبوع مع ذلك ما شفت أي أحد يتناقلها قبل اليوم والمسرب لسه حديث نسبيًا وما له تاريخ كافي.

 

[MOSU]

هالشي غير مستبعد وانذكر العم حسون الموسى ابوعلي اعتقد تكلم عن هالشي ان المشروع مش ضخم ويمكن سكوير شافته مناسب لتوجه العبة
@hussien-11

 

[MH MD]

همم، قد أكون ما توفقت بالموضوع.

التغريدة لها أكثر من أسبوع مع ذلك ما شفت أي أحد يتناقلها قبل اليوم والمسرب لسه حديث نسبيًا وما له تاريخ كافي.

هو كلام متناقل من فترة ومش شيء جديد لحاله، وكلام منطقي عموما انه مش بسكيل 7

ايضا تاكيد زيادة من عمران خان

As far as I am aware (very easily could have heard wrong/someone underestimating), it's more Trials of Mana than Rebirth on the scale of remakes.

 

[بندول]

غير طموح معناته ما يروح يكون ثلاث بارتات

 

[Good Hunter]

ترا يمكن " غير طموح" عند سكوير يكون معناها نفس اللعبة بخلفياتها الثابتة بس بعوالم ومودلز 3D/HD.

من غير الإنصاف أننا نختزل سالفة الطموح في ريبيرث على أنها ثلاث أجزاء. ريميك/ريبيرث رفعت معايير فاينل فانتسي لآفاق عمرها ما كانت لتوصلها.

لو فف 9 ريميك بيكون ترولجي أنا مستعد أدعمه.

استغلال عالم فف٧ واليونفرس اللي صار فيه احسن شي صار بفاينل فانتسي. ٣ اجزاء احسن من ١.

 

[MOSU]

غير طموح معناته ما يروح يكون ثلاث بارتات

ماعتقد بس كذا اعتقد بيكون حتى خفيف والفريق الي خلفه صغير ومش كبير والتغييرات تحصلها قليلة وتقتصر بس على الجرافيكس

 

[abdullah-kh]

احسن لعبة وتخب اكثر عنوان بالسلسلة اوفرريتد هذه مكانته ويا حبذا يعطوه فريق صيني

 

[m7tram]

احسن لعبة وتخب اكثر عنوان بالسلسلة اوفرريتد هذه مكانته ويا حبذا يعطوه فريق صيني

كل يوم أكتشف ان ذوقك سلطه 🙁

الا فاينل فانتسي ٩ .. هي افضل فاينل اصلا من زين فاينلاتكم الباقيه 😡

بخصوص الموضوع .. انا عن نفسي راضي لو كان فقط مسوين لها عمليات تجميل .. مو لازم تكون بسكيل فف٧ ابدا.

 

[Invader Zim]

احسن لعبة وتخب اكثر عنوان بالسلسلة اوفرريتد هذه مكانته ويا حبذا يعطوه فريق صيني

كنت برجع العبها لكن بعد ذا الرد بطلت
شكلي بلعب 8

 

[Terminator]

اذا غير طموح من البداية ليش مايخلونه طموح

 

[S30D1999]

يعني اتمنى يحافظون على اللحظات السوداية فيه …. مابغى حركات ديزني مثل ريميك ٧

مدري هل الشخصيات التشيبي بيكون مظهرها كويس اذا مانعطت ميزانية تكون expressive اكثر وماتكون موديلز بلاستيكية مثل ستار اوشين.

 

[abdullah-kh]

كنت برجع العبها لكن بعد ذا الرد بطلت
شكلي بلعب 8

شوف فلم The Dark Crystal راح يختصر عليك القصة واحسن من الموجود باللعبة

كل يوم أكتشف ان ذوقك سلطه 🙁

بس أنا حبيت بلودبورن 🙄

 

[I B R A]

اذا غير طموح من البداية ليش مايخلونه طموح

المقصد انه تكلفة انتاجها ما راح تكون عالية مثل 7 ومش بالضرورة انهم ما راح ينتظروا منها ارباح

واعتقد هذا الشي متعلق بنسبة كبيرة في مبيعات 7 لو اقل من التوقعات اقدر اتفهم قرارهم

 

[Invader Zim]

شوف فلم The Dark Crystal راح يختصر عليك القصة واحسن من الموجود باللعبة

https://www.imdb.com/title/tt0083791/?ref_=nv_sr_srsg_0_tt_8_nm_0_q_the%20dark%20crys

هذا ؟

شفت المسلسل

 

[abdullah-kh]

https://www.imdb.com/title/tt0083791/?ref_=nv_sr_srsg_0_tt_8_nm_0_q_the%20dark%20crys

هذا ؟

شفت المسلسل

ايه المسلسل المفروض سيكويل من نفس الطاقم لكن الفلم واضح إلهامه لفف 9

 

[Aqua_]

الإشاعة بتكمل سنتين يخلونا نشوف اول وبعدين نحكم (&)
شكله موعد الكشف في يونيو.

 

[R E D]

شوف فلم The Dark Crystal راح يختصر عليك القصة واحسن من الموجود باللعبة

متى اخر مرة لاعبها؟

البداية على الأقل قول أول 5-7 ساعات حدها جميلة الأحداث والشخصيات والبيسينج بصراحة للحين مستغرب انك ما تحبها لهدرجة..

 

[S30D1999]

ايه المسلسل المفروض سيكويل من نفس الطاقم لكن الفلم واضح إلهامه لفف 9

زين ماستلهموا القبح منه * يتذكر الملكة ام غارنيت *

اسحب كلامي

 

[S30D1999]

متى اخر مرة لاعبها؟

البداية على الأقل قول أول 5-7 ساعات حدها جميلة الأحداث والشخصيات والبيسينج بصراحة للحين مستغرب انك ما تحبها لهدرجة..

اظن مشكلة عبدالله موب قصة قدر انها ماحاولت تجيب جديد gameplay wise كانت بيسك كلاسيكي

 

[R E D]

اظن مشكلة عبدالله موب قصة قدر انها ماحاولت تجيب جديد gameplay wise كانت بيسك كلاسيكي

اللي أعرفه كره المعارك البطيئة أكثر شي بس اللي مستغرب منه حتى القصة والشخصيات اللي فيها charm الفروض على جوه..

 

[m7tram]

بس أنا حبيت بلودبورن 🙄

تدري عاد ان حبك لفيتل فريم يعنيلي أكثر من حبك لبلودبورن XD

 

[Arashi]

"غير طموح"

هالشي متوقعته من اول اشاعه بس اتمنى يكون "شوي طموح" لو مب طموح جدا جدا @@

 

[Dark_N11]

تويست مجنون !!
طلعت هي المشروع التسليكي و ليس كود فيرونكا !!!

 

[Eye]

انا بس ابي افهم ، سياسة الحلب ذي متى بتنتهي

يعني مو مكفيهم ريماسترات؟ وش الاضافة اللي بتقدمها ٩ ريميك اللي مو موجودة ف ٩ ريماستر

بس جودة حياة؟

مع اني مو مهتم بالعنوان لكن السياسة الغبية ذي جالسة تفقع كبدي

 

[YazeedVx]

انا بس ابي افهم ، سياسة الحلب ذي متى بتنتهي

يعني مو مكفيهم ريماسترات؟ وش الاضافة اللي بتقدمها ٩ ريميك اللي مو موجودة ف ٩ ريماستر

بس جودة حياة؟

مع اني مو مهتم بالعنوان لكن السياسة الغبية ذي جالسة تفقع كبدي

فلوس اسهل، توفر تكلفة كتابة القصة وجزء كبير من التخطيط للمشروع وخلق شيء من الصفر

اللهم تشتغل كيف تحول الموجود لشيء جديد، الفانز بيشترون وممكن تدخل ناس جدد

مخاطرة اقل من فكرة جديدة مكلفة

 

[Eye]

فلوس اسهل، توفر تكلفة كتابة القصة وجزء كبير من التخطيط للمشروع وخلق شيء من الصفر

اللهم تشتغل كيف تحول الموجود لشيء جديد، الفانز بيشترون وممكن تدخل ناس جدد

مخاطرة اقل من فكرة جديدة مكلفة

للاسف كلامك صحيح ١٠٠٪؜

شي محزن ان شركة كانت شايلة الصناعة تتحول لشبح من هيئتها الاصلية وبطريقة رخيصة

 

[Ria]

كويس الجزء هذا مثل السادس ما يحتاج يكون HD/3D بمشروع كبير.


صراحة مو كل فاينل فانتسي تستاهل نفس معاملة السابع فما عندي مشكلة

 

[سِراج]

بس أنا حبيت بلودبورن 🙄

ومين ما يحب بلودبورن؟ 🤷‍♂️

 

[SuperC]

انا بس ابي افهم ، سياسة الحلب ذي متى بتنتهي

يعني مو مكفيهم ريماسترات؟ وش الاضافة اللي بتقدمها ٩ ريميك اللي مو موجودة ف ٩ ريماستر

بس جودة حياة؟

مع اني مو مهتم بالعنوان لكن السياسة الغبية ذي جالسة تفقع كبدي

تو أشوف الريماستر قبل شوي على اليوتيوب
الريميك مبرر حتى لو فقط رسوم محدثة لأن مظهر الريماستر قبيح على شاشة كبيرة