إستفسارات عن تجهيز وتأثيث غرفة للالعاب والافلام

[Rare Games]

السلام عليكم ورحمة الله وبركاته

عندي غرفة بمساحة 4 × 3.85 متر مخطط انها تكون للالعاب والافلام والمسلسلات ...الخ

الي عنده مخطط بشكل عام لتجهيزها يا يفيدني ؟

ايش هو الاثاث الي احتاجه لتخزين الالعاب ؟ وايش طاولة التلفاز المناسبة ؟

ايش هي الكنبه (الصوفا) المناسبة للعب او المشاهدة ؟

وسؤال للكويتيين وين احصل المحلات المناسبة ؟

 

[idr]

موضوع جاف هذا يفيدك
http://www.neogaf.com/forum/showthread.php?t=1162688
وشيك على مواضيع السنوات السابقة

 

[s3rorh]

تذكر تجيب قياس التلفزيون المناسب ... برأيي تشتري الكنب و من ثم الطاولة أولا .... و بعدين تشتري قياس التلفزيون المناسب من بعد ما تعرف المسافة بين الكتبة و الطاولة ....

بخصوص موضوع جاف ... شفت هالصورة

شي رهيب انه قدر يخفي جميع الوايرات !!!! ... قريت انه مستخدم جهاز اسمه 5into 1 HDMI switch ... ما ادري هالشي وايرليس أم لأ !!! و لكن يبقى لغز واير الpower تبع التلفزيون كيف أخفاه !!

 

[prince khalid]

شي رهيب انه قدر يخفي جميع الوايرات !!!! ... قريت انه مستخدم جهاز اسمه 5into 1 HDMI switch ... ما ادري هالشي وايرليس أم لأ !!! و لكن يبقى لغز واير الpower تبع التلفزيون كيف أخفاه !!

الواضح أن كل الأسلاك خلف الخلفية البيضاء المركبة على الجدار.

 

[persona]

روح ايكيا الافنيوز وسوق الجمعة..تحصل تشكيلات هناك..

 

[Ray Gun]

روح ا ايكيا واختار الي يعجبك
اذا بنصحك بنصحك في البساطه، ابعد عن التكلف حاول دائما ان شكل الطاوله او شكل الرف يكون منتظم هندسياً مربع مستطيل مثلث
لاتختار غير اللون الابيض اللون الابيض انيق هادي مع مساحة الغرفة الصغيره اللون الابيض ماراح يحسسك بالضيق ابداً

 

[Clock Ender]

موضوع جاف هذا يفيدك
http://www.neogaf.com/forum/showthread.php?t=1162688
وشيك على مواضيع السنوات السابقة

ماشاء الله .. أول مرة اعرف ان بنيوجاف فيه ناس مطانيخ لهالدرجة && يارجل قاعد أشوف penthouses

مثل ما اقترح @Ray Gun , الستايلات البسيطة والبيسك سهلة التجميع والتجهيز ودائماً تطلع بشكل sleek وأنيق وعصري (كونه التوجه الحالي الآن) لكن ان كانت الميزانية تسمح (ومش بالضرورة يكون شئ غالي) فما شئ
رح يكون أكثر كوول من انه تكون الغرفة بثيم/ستايل لعبتك/ألعابك المفضلة. بإختصار اضرب دهان/بوية بنفس الألوان, ارسم بنفسك او جيب رسام أو حتى لوحة جدارية (mural) لعالم اللعبة أو خريطتها أو اياً مماشابه, وان كنت تقدر
اشتري replica لسلاح البطل او لاداة من ادوات اللعبة وعلقه عالجدار .. وبووم دن! غرفة زيلدا &&

وبخصوص الألوان صحيح اللون الأبيض أنيق وجميل, لكن سلبيته انه سهل الاتساخ ويفضح فإن ماكنت مهووس بالتنظيف اليومي على قد الكلمة فمانصحك فيه لأنه مارح يكون عملي خصوصاً ان كنت مثلي, تحب تاخذ سناك
أو تشرب أي شئ وانت تلعب. بالرغم من هذا خليك في دائرة اللون الأبيض: يعني الألوان الفاتحة لأنها دائماً تكبر الغرفة وتعطي اتموسفير مريح مهدّي للبال ونظيف

 

[The Doctor]

هذي الأشياء لازم تروح و تشوفها بنفسك و تجربها. مثل ما قالوا الشباب، إيكيا بداية جيدة، حتى لو ما عجبك أثاثهم بتلقى قطع و أدوات ترتيب و تنظيم تساعدك على تفادي فوضى الوايرات و غيرها... بس أيضاً خذ لك لفة على محلات الأثاث الثانية.
هو بشكل عام حتى لو رحت لمحل و ما لقيت شيء تشتريه من عندهم، ممكن تشوف فكرة تطبقها عندك. أو فكرة 100% لازم ما تطبقها عندك

 

[XORO]

جميل ان تكون عندك غرفة خاصة للألعاب والافلام

قبل فترة سويت ابجريد خفيف في غرفة النوم بدلت التلفزيون والطاولة + كرسي مريح 😉

 

[Rare Games]

اشكركم جميعا

في البداية راح اخلي اول خطوة هي ايكيا ان شاء الله وبروحلها

كنبه ليزي بوي موجودة في الكويت ؟هل تنصحون فيها عملية للالعاب خصوصا ؟

 

[Unknown]

اذا بيشغل لعبه لازم يجيب كرسي عشان يطلع للجهاز لول .. كان كبر الرف الي بين المشب والتلفزيون وحط الاجهزه فيه

 

[TrueMovie]

 

[بندول]

اذا بيشغل لعبه لازم يجيب كرسي عشان يطلع للجهاز لول .. كان كبر الرف الي بين المشب والتلفزيون وحط الاجهزه فيه

ترا الأجانب مو مثلي و مثلك قصار، بعضهم ينقز النخل من طوله.(&)

==

و انا اخوك نصيحة حتى اذا عندك ميزانية مفتوحة لا تكثر من الأغراض الي راح تشتريها، واحد من الشباب العام ماخذ له أغراض واجدة كنب و شاشات و سجاد و اول ما حطه في المقلط-الغرفة الي اصغر من المجلس- صارت ضيقة بشكل و هي قبل واسعة.

ايكيا عندهم شغلات حلوة لكن دور في المحلات الصغيرة الي واجهاتها راقية، و اخذ لك جلسة عربية مع الكنب عشان تغير من التجربة بين فترة و فترة.

 

[شيطون]

😱
ايش ذي الشاشة
اكبر من جدار الغرفة

 

[judge balthier]

السلام عليكم ورحمة الله وبركاته

عندي غرفة بمساحة 4 × 3.85 متر مخطط انها تكون للالعاب والافلام والمسلسلات ...الخ

ما ادري ليش احس انك مقبل على زواج ان شاء الله (اذا صحيح فمبروك مقدما )
مش انا الشخص الي يملك الخبرة في هالامور ، ولكن كل الي اقدر اقوله لا تبالغ في الاثاث ....البساطة اجمل شيء في الحياة.

 

[Rare Games]

ما ادري ليش احس انك مقبل على زواج ان شاء الله (اذا صحيح فمبروك مقدما )
مش انا الشخص الي يملك الخبرة في هالامور ، ولكن كل الي اقدر اقوله لا تبالغ في الاثاث ....البساطة اجمل شيء في الحياة.

بالفعل مقبل على الزواج ان شااء الله والغرفة الي ابغى اجهزها في شقتي الخاصة الي راح انتقل لها بعد الزواج ان شاء الله

 

[judge balthier]

بالفعل مقبل على الزواج ان شااء الله والغرفة الي ابغى اجهزها في شقتي الخاصة الي راح انتقل لها بعد الزواج ان شاء الله

ما شاء الله بالتوفيق ان شاء الله
كان عندي احساس
لان البعض من العزاب يعطي الامر اهمية اما البعض الاخر ما اهتم حتى الاجهزة تارك الغبار يتجمع عليها والالعاب تتكدس ولا همه لان مرده لهم و مردهم له

اما المقبلين على زواج الوضع مختلف تماما ، شوف وضعك الان ... ما شاء الله كاتب موضوع وتأخذ رأيي الاعضاء لانك مقبل على زواج وفي نفس الوقت ما تبي تخسر هواية الالعاب ، و حاب توازن بين الزواج والالعاب وخائف في النفس الوقت انك ما تقدر (هل كلامي صحيح ؟)

على العموم نصيحتي ما تغيرت ، البساطة و لا تبالغ خصوصا انك مقبل على زواج ان شاء الله، بالتوفيق.

 

[Rare Games]

اما المقبلين على زواج الوضع مختلف تماما ، شوف وضعك الان ... ما شاء الله كاتب موضوع وتأخذ رأيي الاعضاء لانك مقبل على زواج وفي نفس الوقت ما تبي تخسر هواية الالعاب ، و حاب توازن بين الزواج والالعاب وخائف في النفس الوقت انك ما تقدر (هل كلامي صحيح ؟)

على العموم نصيحتي ما تغيرت ، البساطة و لا تبالغ خصوصا انك مقبل على زواج ان شاء الله، بالتوفيق.

الله يجزاك خير
مافيه خوف ان ما اقدر اوفق بينهم كثير من اصحابي متزوجين ومازالوا يمارسوه هوايتهم في الجيمز وكثير هنا بالمنتدى متزوجين ومازالوا يلعبون عارف ان ساعات اللعب بتكون اقل وهذا شي طبيعي بسبب زيادة المشاغل لكن اقدر اتأقلم في هالظروف

 

[m7tram]

اما المقبلين على زواج الوضع مختلف تماما ، شوف وضعك الان ... ما شاء الله كاتب موضوع وتأخذ رأيي الاعضاء لانك مقبل على زواج وفي نفس الوقت ما تبي تخسر هواية الالعاب ، و حاب توازن بين الزواج والالعاب وخائف في النفس الوقت انك ما تقدر (هل كلامي صحيح ؟)

على العموم نصيحتي ما تغيرت ، البساطة و لا تبالغ خصوصا انك مقبل على زواج ان شاء الله، بالتوفيق.

الامر سهل جدا .. فقط اخذ ولدك الي عمره بحدود السنتين وعلقه بالجدار الخلفي وعطه يدة الاكس بوكس ون والعب انت عالبلاي4 P: .

لا تحاتي الامر مو ضخم لهدرجة مثل ما انت عندك هوايات ايضا زوجتك راح يكون عندها هوايات انت هوايتك على قدك وهي هوايتها تشتري جنطة بسعر كمبيوترك وتلفزيونك وجميع اجهزة العابك مع بعض.

اهم شي انك ماتقصر مع زوجتك وتعطيها وقتها من جلوس معاها وتطلعون الى مطعم/مجمع .. الخ فراح يكون لك وقت تلعب وتسوي هواياتك .

 

[Veeto]

بالفعل مقبل على الزواج ان شااء الله والغرفة الي ابغى اجهزها في شقتي الخاصة الي راح انتقل لها بعد الزواج ان شاء الله

الله يبارك ليك ان شاء الله .. اعتقد الشباب في خضم الاسئلة كلها تناسوا سؤال جوهري .. الغرفة هذي بتكون في شقة (( ملكك )) او ايجار ؟؟
اذا ايجار .. لا تفكر في حلول صعب تنقيلها .. اختار امور (( عملية )) وسهلة .. اذا شقة في بيت الوالد مثلا .. وملكك .. فـ إن شاء الله انت مو متاخر بالسؤال .. اذا كملت (( السيراميك )) بتخسر التمديد الخفي لـ وايرات السماعات
هذي عادة تخلي ليها (( بيبات )) تحت السيراميك .. وتخلي فتحاتهم في زوايا الغرفة علشان تختفي من عندك قصة الوايرات في كل مكان

بالنسبة لمكتبة التلفزيون .. نفس الشي .. انا رايي تعمل وحدة تفصيل اذا كانت الشقة ملكك .. اختار لك ورشة نجارة مميزة واعمل عندهم .. تسوى

 

[Rare Games]

الله يبارك ليك ان شاء الله .. اعتقد الشباب في خضم الاسئلة كلها تناسوا سؤال جوهري .. الغرفة هذي بتكون في شقة (( ملكك )) او ايجار ؟؟
اذا ايجار .. لا تفكر في حلول صعب تنقيلها .. اختار امور (( عملية )) وسهلة .. اذا شقة في بيت الوالد مثلا .. وملكك .. فـ إن شاء الله انت مو متاخر بالسؤال .. اذا كملت (( السيراميك )) بتخسر التمديد الخفي لـ وايرات السماعات
هذي عادة تخلي ليها (( بيبات )) تحت السيراميك .. وتخلي فتحاتهم في زوايا الغرفة علشان تختفي من عندك قصة الوايرات في كل مكان

بالنسبة لمكتبة التلفزيون .. نفس الشي .. انا رايي تعمل وحدة تفصيل اذا كانت الشقة ملكك .. اختار لك ورشة نجارة مميزة واعمل عندهم .. تسوى

الله يبارك فيك والشقة ملك الوالد

وكملت السيراميك من فترة اغلب الاساسيات انتهيت منها (سيراميك _ديكور_نافذه _الباب _الليتات) عموما السماعات والمسرح المنزلي مش مهتملها كثير

مكتبة التلفزيون راح تكون اول حاجه ابدا فيها في الغرفة ان شاء الله

 

[dro]

هذه غرفة افلام = سينما مصغرة .. مو غرفة العاب ...

@Rare Games ~ مبروك مقدما ما شاء الله و الله يسعدكم .. با النسبة للغرفة اطلع على فيديوات game room tour راح تلاقي افكار رهيبة و عملية ممكن تفيدك

 

[Tendo]

يخرب بيتكم وش ذا؟ أنا أهلي ناقدين علي بغرفتي ووو وآخرتها فيه ناس واصلين المستوى هذا؟ أول 3 أو 4 رواتب بعد التخرج رح أعمل شوية تحسينات بالغرفة.

 

[V Project]

اشوف الصور اللي هنا واشوف العزبة اللي انا العب فيها والتلفزيون كل شوي يقطع ما اقول الا الله يفرجها 😀

 

[Rare Games]

هذه غرفة افلام = سينما مصغرة .. مو غرفة العاب ...

@Rare Games ~ مبروك مقدما ما شاء الله و الله يسعدكم .. با النسبة للغرفة اطلع على فيديوات game room tour راح تلاقي افكار رهيبة و عملية ممكن تفيدك

الله يبارك فيك ويجزاك خير

راح اطلع على الفيديوات ان شاء الله