أيام الشحن في Aramex

[BioMario]

السلام عليكم

شباب عندي أستفسار ما عرفت وين أحطة -_- ..
المهم قلت بفتح موضوع يديد علشان الكل يستفيد ..

إلى أعرفة أن Aramex فرع أمريكا يشحن مرة في الاسبوع و الفرع البريطاني 3 مرات في الأسبوع
إلي أريد أعرفة أحد يعرف في أي الأيام يتم الشحن في الفرعين ؟

 

[Tomb raider]

أتوقع السبت ، البارحه وصل في بريدي غرض اشتريته واليوم انشحن.

 

[Lonely Heart]

على حد علمي الجمعه والاثنين ..

لكن يمكن تكون تغيرت/خطا علي

يمكن ماعندهم يوم محدد

 

[BioMario]

أتوقع السبت ، البارحه وصل في بريدي غرض اشتريته واليوم انشحن.

صح حتى أنا ..
لكن أبي أعرف شو هم الـ 3 أيام من بريطانيا
وشو هو اليوم إلي في أمريكا

 

[Snake-87]

هالأيام صاير آرامكس نصاب .. يوصلني شيئين بنفس اليوم ويشحنون الشحنة الأولى بيوم والشحنة الثانية باليوم الثاني مباشرة .
من إلي لاحظته طياراتهم السبت والثلاثاء والأربعاء والجمعة .. بين هالأيام الأربع .

 

[Superx]

هالأيام صاير آرامكس نصاب .. يوصلني شيئين بنفس اليوم ويشحنون الشحنة الأولى بيوم والشحنة الثانية باليوم الثاني مباشرة .

Same Here !

 

[ShinShadi]

هالأيام صاير آرامكس نصاب .. يوصلني شيئين بنفس اليوم ويشحنون الشحنة الأولى بيوم والشحنة الثانية باليوم الثاني مباشرة .
من إلي لاحظته طياراتهم السبت والثلاثاء والأربعاء والجمعة .. بين هالأيام الأربع .

هذا هو الحاصل معاي .. و كلمتهم عشان يعملو " hold " على الصندوق إلى أن تصل الطلبية بالكامل لكنها رفضوا وقالوا لي ( هذي الخدمة ألغيت من زمان و الأن نتبع سياسة جديدة و هي إرسال أي طرد يصل البريد الأمريكي مباشرة !! ) .. بالعربي سرقة عيني عينك ..​

 

[Snake-87]

و هي إرسال أي طرد يصل البريد الأمريكي مباشرة !!

كذب ... صندوقي فيه ستريت فايتر من 3 ايام وما شحنوه لي يومك

 

[DR3]

الظاهر طمعوا لما شافوا الناس طاحت عليهم
سوحقن اراميكس....

 

[TIAMAT]

كذب ... صندوقي فيه ستريت فايتر من 3 ايام وما شحنوه لي يومك

لا بو 87 كلام شاديVega صحيح أنا صار معي نفس الشي :
+ قاعد تشوف Ippo :razz:: ..... إستمتع بأحلى لحظات التصقيع الأليم :

 

[Dr MaD]

اليوم وصلتني شحنه للرياض وقبل يومين استلمت شحنة .. مع إنهم واصلين للبريد في أمريكا في نفس اليوم !! .. وحاطين التكلفة منفصله كأنها شحنتين

لما أستلمت الشحنة الاولى قلت للموظف ليش كذا .. يقولي لأنهم أرسلوها على خطوط طيران مختلف وشي زي كذا
اللي حاصل اني اعتذرت منه بس معليش دامها وصلت بنفس اليوم راح ادفع كأنهم بشحنة وحده .. الموظف ماقصر والله ولما استلمت شحنة اليوم دفعت 35 ريال بدل 65

 

[MAX9009]

طيب سؤال كم تقريبا ياخد الغرض لين يوصل ؟؟ .. امس طلبت من امازون الامريكي

 

[Megagarcon]

طيب سؤال، لما اطلب 3-5 ألعاب من أمازون كلهم بطلبية وحدة، أتوقع المفروض أمازون يرسلهم على البردي الأمريكي كلهم دفعة وحدة. هل أدفع سعر شحن لعبة لعبة ولا طلبية طلبية؟

 

[alz3abi]

طيب سؤال، لما اطلب 3-5 ألعاب من أمازون كلهم بطلبية وحدة، أتوقع المفروض أمازون يرسلهم على البردي الأمريكي كلهم دفعة وحدة. هل أدفع سعر شحن لعبة لعبة ولا طلبية طلبية؟

اذا اخترت دفعه وحده , ال package بيوصلك فيه 3-5 العاب على حسب انتا كم لعبه طالب وبسعر واحد على حسب الوزن .

 

[Snake-87]

لا بو 87 كلام شاديVega صحيح أنا صار معي نفس الشي :

يعني فيجا صح وانا كذاب : ؟
xD
يمكن بالكويت غير عنكم

+ قاعد تشوف Ippo :razz:: ..... إستمتع بأحلى لحظات التصقيع الأليم :

قاعد اشوفه للمرة الثانية ^^

 

[The.Boss]

ارامكس احياناً يخرف و احياناً يبدع .. فيه مره قعدت الشحنه في صندوق البريد الأميركي 5 ايام و بعدين دزووها لـيـ الكويت .. و في مره طلبت و بعد خمس ايام بالظبط وصلت عندي للبيت.. و في مره وحده طلبت و ما وصلتلي الطلبيه الا بعد 20 يوم ما اكذب << هاذي مره وحده صارت .. انا طالب اكثر من مره و اكتشفت انه نظامهم حده عشوائي ما عندهم نظام معين

 

[DR3]

انا وصلتني طلبيتين نفس اليوم شحنوا وحده التانيه لسه !!!!!!!!!!!!!!!!!!!!!!!!!!!

 

[DR3]

Cairo, Egypt 03/03/2009 08:04 AM Forwarding interruption - Shipment Misrouted

:crying::crying:
ابا العب كيل زون