hits counter

أول لعبة أصلية شريتها بفلوسك

ما أتذكر ايش كانت بالضبط بس على الأغلب لعبة بلايستيشن 3.
 
فيفا 2001 على الـ PS2

السبب : ماحصلت المنسوخ بالسوق


40553081-item-big-PS2-FIFA2001-A-1.jpg
 
ب 2007 اول مانجحت من ثاني ابتدائي شريت سوني 2، رحت جمعت وشريت لعبة ناروتو وتكن
 
،Wii sports resorts مو عشان عيون اللعبة الصراحة XD بس عشان كنت ابي اجرب كيف تحكم السيوف بيكون كاستعداد لزيلدا الجاية (سكايوورد سورد) و كنا مسافرين الكويت فمع الحماس اخذتها اصلية ويا قطعة الموشن بلس XD

بس اول لعبة أصلية اخذتها عشان عيون اللعبة نفسها كانت Zelda a link between worlds و من يومها اغلب العابي صارت اصلية.
 
اول لعبة أصلية اشتريتها بفلوسي كانت Gran Turismo 4 على ال PS2 ، من اجمل الألعاب و أقربها لقلبي + الغلاف لليوم احبه و اراه مميز 🤍

xiu6f1k.jpeg
 
لا اعتقد ايام البس 3 لأن شغلي على المستعمل كان كبير جدا هناك واشك ان اشتريت اي لعبة جديدة بالسعر الاصلي كنت شوي وافتح لي محل العاب من كثر ماكنت اتاجر في الالعاب المستعملة بيع وشراء ههه

اتوقع اذا ما خاب ظني هي هذي الاسطورة اول لعبة اشتريها بسعرها الكامل المكمل بنقودي .
header.jpg
 
ميتال جير 2 .. ومن العاب طوكيو في مكة المكرمة
كان الوالد رايح العمرة وقبل ما ينزل تهكير البلاي 2
 
66696fa349557f77646317af-restored-god-of-war-2-ps2-refurbished.jpg


God of War II، نسخة الكوبي كانت توقف بنص اللعبة تقريبا، ما كنت أعرف الا محل واحد يبيع ألعاب أصلية و كان بدبي، رحت مع العائلة المول اللي فيه المحل و سألته إذا عنده و طلعها من تحت الطاولة :|

بس أول لعبة أصلية خذيتها كانت Jak and Daxter من نفس المحل، بس كانت بفلوس الوالد الله يرحمه
 
MGS 3لان نسخ الكوبي كان فيها مشكلة
 
اوكي تذكرت لعبة ثانية، بوكيمون يلو (اللي كان الكارتريدج لونه اصفر ههه) كان شي جبار على وقته
 
لو الأصلي 100% فكانت أنشارتد الأولى اشتريتها مع البلايستيشن 3.
قبل هذا العصر كله مقرصن من بداية ألعاب النيس لحتى الاكس بوكس 360 ..
وبعدها ما أخذت أي لعبة مقرصنة.
 
Biohazard Outbreak File 1 and 2 ( PS2 )

شريتها عشان العب الاونلاين ولعبته وكان غالي صراحه
 
إذا من مصروفي الي أخذه من الأهل فهي

Pokémon Stadium على ال 64

( مادري كيف نظام العاب الجيم بوي كولر والادفانس يعتبر ، لان أتذكر ان boxes الألعاب وشكل الاشرطه كان يبين اصلي ! بس السعر كان ٨٥ ريال !!! يخليني اشك بالسوق وقتها )

إذا من مصروفي الخاص :

Mario 64 DS مع إطلاق ال DS

مع احترامي لباقي جماهير الاجهزه الثانيه لكن صعب تلقى معجبين للننتيندو ما ينظرون لألعاب الشركه الي يحبونها على أنها كنوز في عالم الالعاب

🥹
 
253_front_64b0ec5b-39b9-4cee-90c8-04a712b92c17.jpg



اخذتها ب٥٠ ريال من فلوس نجاحي بالمدرسة..وقتها ال٥٠ ريال كانت شي كبير::laugh::
 
أول شريط أصلي اشتريته بفلوسي كان pocket fighter أو super gem fighter :

6478646


السالفة إني كنت رايح محل الألعاب و بعد العيد (مجمع عيدياتي ناوي اشتري اشرطة كثير لول) و حصلت الشريط هذا قدامي ، لما سألت هل فيه نسخة كوبي من اللعبة قلي اليماني مافيه و أخذته ، حتى افتكر إنه كان مستعمل لأني اشتريته لو ماني غلطان بخمسين ريال (أسعار الكوبي كانت ١٠ ريال للديسك الواحد ، يعني العاب زي فف٧ و ٨ تلاقي اسعارها على ٣٠ و ٤٠ ريال).

و كانت تجربة جديدة عليي إني أحصل بعلبة الشريط كتيب و إعلانات لالعاب ثانية ، كان شيء حلو الحقيقة.
 
التعديل الأخير:
البس٢ بديته وختمته بالقرصنة.
العاب سيجا وسوبر ننتندو والجيمبوي اظن بتكون بتمويل عائلي؟ @@
شكله مع بداية البس٣ ولا اتذكر ايش بتكون اللعبة.
 
أظن أول لعبة أصلية كانت على PS3
طبعًا لأنه ما كان (معدّل) مثل أجهزة Xbox 360 & Wii & PSP وقتها في سوقنا 😂
إما Assassin's Creed Brotherhood أو Call of Duty: Modern Warfare 2 أو inFamous

طبعًا ما حسبت ألعاب GameBoy أو 3DS
 
Crash team racing nitro fueled بعد اسبوع من نزولها

ياخي ذي السلسلة لازم تكون الاولى بكل شيء
اول لعبة لعبتها بحياتي كراش
اول لعبة عالبلايستيشن ٤ هي كراش
اول لعبة اشتريها بفلوسي كراش
اول بلاتينيوم هو كراش
اول لعبة طلب مسبق هي كراش
اول بلاتينيوم على البلايستيشن ٥ هو كراش
 
لعبة بلات فورم على سيجا جنسس اسمها High Seas Havoc
هذي اذكر اني اشتريتها اصلية بفلوسي لما كنت صغير
 
يجب تسجيل الدخول أو التسجيل كي تتمكن من الرد هنا.
عودة
أعلى