شفت التريلر وباحط كلامي على شكل نقاط:
-عمري ما كنت أعتبر نفسي فان لريزدنت إيفل بل على الرغم من حبي للعبة واحترامها، بذلك ما همني التوجه اللي ياخذه أي جزء لكن حتى هذا الشرط مقيد بشروط، من اللي شفته في التريلر مثلا؟ أتمنى ما تكون متأمركة أو فيها مشاهد متأمركة رخيصة!
-المدينة والزومبيز والظلام، هذا التخيل الذي لطالما تخيلت ريزدنت إيفل به، بجيم بلاي اللعبة اللي ظهر بالجزء الرابع وبالأجواء القديمة، مادري ليش ناس كانوا يحسسوني أنه مستحيل؟ ترى السالفة كلها تغيير أتموسفير ومناطق.
-اللعبة شكله راح يقل فيها شعور العزلة؟ مو شرط، اللعبة تقدر تستغل هالأمر بشيئين. قبل ما أذكرهم أحب أذكر أن اللعبة صار فيها شيء ما كان ممكن بقدرات الجيل ما قبل الماضي إلا على شكل مشاهد وسي جي، وهو منظر ناس عاديين يتحركوا في الأرجاء، هالشيء أعطى اللعبة "منطقية" أكثر، ولكن أتمنى أنه يبقى في أماكن محدودة في اللعبة، مثلا يكون مشهد مثله ببداية حدث معين وتوها صايرة الكارثة والكل يحاول يهرب، حتى تظل أنت بعدين وتلعب باقي اللعبة بشوارع وأزقة والناس شبه انعدموا علشان يرجع شعور اللعبة وتكون فعلا "سرفايفل".
-اللعبة رسوميا شكلها بتكون خارقة، ما عندي شك، لكن مكتوب بالتريلر على PS3 وX360، ما في نسخة PC؟ بيكون شيء غريب وما أتمناه صراحة!
-ظهور ليون أسعدني، أول ما شفته حسيت بشعور رهيب، السوبرمان كريس موجود
: الأصلع تصميمه ما عجبني وحسيته مجنرك بس يمكن يتغير هالشيء لما أشوف اللعبة جيدا.
-حركة التاريخ (إن كان موعد إصدار فعلا) حركة مستغربة بالنسبة لكشف أول، واضح أنهم ما كان ودهم يمللونا على ما يبدو، بصراحة ما لي خلق تيزرز وانتظر وتريلرز وE3 وTGS وانتظر مادري كم سنة... كفاية سكوير إينكس أشبعتنا بذلك.
-أحس الكل عنده مشاعر مختلطة وللحين مو مستوعب واللي هنا مجرد انطباعات سريعة قبل الهدوء، أتوقع كثيرين بتتغير أراءهم (سواء للأسوأ أو للأفضل) بعد ما يشوفوا أكثر + بعد الهدوء والترويق.
-أتفق مع حسين في سالفة الحركات الأكشنية، دائما كنت أقول أن أكثر ما يرعبني في لعبة الرعب هو "القيود" والإحساس "بالعجز" وهذا ما يعني تحكم مضروب أو كاميرا سيئة أو أنميشن تعبان يا أعزائي، بل هو موضوع مختلف تماما. مو معناه أني أمانع وجود هالحركات لو بستمتع باللعبة، لكن قطعا راح أستمتع بها أكثر وأتوتر أكثر لو كانت مقيدة بطريقة ما.
