أول اختبارات أداء فعلية لجهاز Steam Deck ..

[Pineapple]

الاختبارات من مستخدم صيني حصل على الجهاز و عمل اختبار لعدد من الألعاب المعروفة و النتائج كالتالي ..


Steam Deck Gaming Performance Benchmarks:

• Shadow of The Tomb Raider (High) - 30+ FPS Average
• Shadow of The Tomb Raider (Custom) - 60+ FPS Average
• Doom Eternal (Custom) - 46 FPS Average
• Doom Eternal (Low) - 60 FPS Average
• DOTA 2 (High) - 47 FPS
• DOTA 2 (Low) - 80 FPS
• Cyberpunk 2077 (High) - 20 - 30 FPS

المستخدم حسب كلامه انه ما واجه اي مشاكل في الاستجابة في الالعاب و ان كل شي سلس ، الجهاز حرارته طبيعية و جيدة و حسب كلامه ان معظم المستخدمين يقدرون يحصلون على ٤-٥ ساعات لعب من الجهاز.

https://wccftech.com/steam-deck-han...0-fps-in-cyberpunk-2077-at-native-resolution/

 

[Santi caz]

والله الجهاز قام يغريني وبديت انوي عليه
عندي مكتبة كبيرة وكثير العاب يقدر عليها الجهاز بالراحة يمكن اقدر اخلص كثير منها عن طريقه
ولا يمكن هذا واساوس وبالاخير اجيبه واخليه يغبر 🙁

 

[Pineapple]

والله الجهاز قام يغريني وبديت انوي عليه
عندي مكتبة كبيرة وكثير العاب يقدر عليها الجهاز بالراحة يمكن اقدر اخلص كثير منها عن طريقه
ولا يمكن هذا واساوس وبالاخير اجيبه واخليه يغبر 🙁

نفسك لكن للأسف ان الجهاز مو متوفر في اسواقنا.

 

[Santi caz]

نفسك لكن للأسف ان الجهاز مو متوفر في اسواقنا.

لو توفر عندنا خوفك يدبلون سعره

 

[Pineapple]

لو توفر عندنا خوفك يدبلون سعره

ما أظن راح يتوفر حاله حال خوذة Index الى يومك هذا ما يبيعونها عندنا ، اذا وفروها اكيد الأفضل انهم يوفرونها عن طريق ستيم نفسه.

 

[wael5656]

صراحه الجهاز مثير لاهتمام حتى قدرته صراحه شئ جميل

لو توفر عندنا في الوطن العربي خذلك استغلال دبل سعره ما يبغالها اقل شئ صراحه

 

[Pineapple]

Devil May Cry 5 شغالة على الجهاز و الأداء يبدو ثابت جداً ..








Psychonauts 2




The Witcher 3




System Shock 2 كذلك

 

[Santi caz]

متحمس والله مقارنات ستيم ديك مع السويتش الحالي او المطور او الجيل الجديد مستقبلا اكثر من مقارنات Xboxsx وps5

 

[Pineapple]

Forza Horizon 5 شغالة على الجهاز يبدو بأداء طيب ..





اتوقع نشوف انطباعات قريباً للجهاز كون موعد اصداره على الشهر الجاي.

 

[s3rorh]

الجهاز الوحيد ألي من الممكن يحل لي ازمه الباكلوق

لانه حيل صار صعب علي اشغل الPC و اجلس عالكرسي أختم لعبة .. أو اني اشغل كونسول و اجلس على القنفة و اختم لعبه

الكونسول المحمول هو الحل !!! و يحلو أكثر بسالفه المحاكيات !!

 

[Othmane]

ادأه متواضع الصراحة... كنت اظن يجيب 60 اطار في اغلب الألعاب (مثل دوم على high مثلا؟)

لكن يبقى ممتاز جدا للألعاب الأندي والغير متطلبة... انا حاليا عندي قائمة اكثر من 30 لعبة متأكد تشتغل عليه بشكل ممتاز و راح تكون احلى بكثير بلوضع المحمول.

 

[Pineapple]

ادأه متواضع الصراحة... كنت اظن يجيب 60 اطار في اغلب الألعاب (مثل دوم على high مثلا؟)

مقارنةً بمواصفاته و انه يشتغل على 15 واط فأشوف أداءه ممتاز الحقيقة ، دووم ايترنال اعتقد شغالة على 60 اطار في احد المقاطع على اعدادات متوسطة ، على الأقل راح تطلع بأداء أفضل من السويتش ، FH5 أداءها 37-40 اطار ممكن تقفلها على 30 اطار.

 

[Othmane]

مقارنةً بمواصفاته و انه يشتغل على 15 واط فأشوف أداءه ممتاز الحقيقة ، دووم ايترنال اعتقد شغالة على 60 اطار في احد المقاطع على اعدادات متوسطة ، على الأقل راح تطلع بأداء أفضل من السويتش ، FH5 أداءها 37-40 اطار ممكن تقفلها على 30 اطار.

اظني انا رفعت امالي شوي عليه..... هو مدامه يتفادى الحرارة فهذا شي ممتاز بغض النظر على ادائه.

وضيف على هذا اذا كان هو جهاز الثانوي عندك راح يكون شي اسطوري مو ممتاز بس! العاب لا تحصى راه تكون تجربتهم خيالية عليه.

 

[Pineapple]

اظني انا رفعت امالي شوي عليه..... هو مدامه يتفادى الحرارة فهذا شي ممتاز بغض النظر على ادائه.

وضيف على هذا اذا كان هو جهاز الثانوي عندك راح يكون شي اسطوري مو ممتاز بس! العاب لا تحصى راه تكون تجربتهم خيالية عليه.

على اقل تقدير راح تحصل على العاب ما هي موجودة على السويتش تلعبها على المحمول ، العاب ريزدنت ايفل الحديثة مثلاً و غيرهم.

على العموم هذا الجهاز يعتبر جيل اول ، غالباً المواصفات راح تصبح افضل و اعلى مع الجيل الثاني و الثالث من الجهاز.

 

[s3rorh]

في احد طلبه ؟ لاني امس كنت ابي اتهور و احجز اعلى فئه .. بس خفت لا يكون فيه عيوب و قلت انتظر الانطباعات بالاول

 

[The Last Lombax]

في احد طلبه ؟ لاني امس كنت ابي اتهور و احجز اعلى فئه .. بس خفت لا يكون فيه عيوب و قلت انتظر الانطباعات بالاول

اذا منتظر انطباعات مطولة من لاعبين فراح تنتظر إلى فبراير او مارس ممكن وقت صدور الجهاز.

 

[Nanaki]

في احد طلبه ؟ لاني امس كنت ابي اتهور و احجز اعلى فئه .. بس خفت لا يكون فيه عيوب و قلت انتظر الانطباعات بالاول

اذا انت في بريطانيا، تقدر تحجزه الأن ب5 او 10 باوند، ما راح تدفع المبلغ كامل الا قبل الشحن.
انا حجزته شهر 9، الوقت المتوقع للشحن Q2 2022.

اذا تبي الجهاز هالسنة، احجزه من الأن. تقدر تتأكد اذا الجهاز فيه عيوب او لا من الناس اللي راح تحصله الشهر القادم.

 

[سيفروس سنيب]

يجزاك خير عالموضوع
راح أشتريه وأفتح منجم ستيم للفيجوال نوفل والألغاز
يمكن أأجل دانقان رونبا لين أقتنيه
من زمان أتمنى اهتمام أكبر ومنافسة على المحمول ...

 

[Pineapple]

 

[XORO]

الجهاز الوحيد ألي من الممكن يحل لي ازمه الباكلوق

لانه حيل صار صعب علي اشغل الPC و اجلس عالكرسي أختم لعبة .. أو اني اشغل كونسول و اجلس على القنفة و اختم لعبه

الكونسول المحمول هو الحل !!! و يحلو أكثر بسالفه المحاكيات !!

ايه والله تتكاسل تشغل PC او التلفزيون دائما وابدا كنت اميل
للمحمول للعب حتى لو في البيت او نفس الغرفة

عندي AYA NEO يكفيني خاصة انه يشغل كل المحاكيات

 

[s3rorh]

ايه والله تتكاسل تشغل PC او التلفزيون دائما وابدا كنت اميل
للمحمول للعب حتى لو في البيت او نفس الغرفة

عندي AYA NEO يكفيني خاصة انه يشغل كل المحاكيات

جهاز مثير للفضول !! و سعره كأنه توو متش مقارنة ب ستيم دوك

ألي عندك ايش موديله والنظام ألي عليه و كم سعره و ايش الالعاب ألي ممكن يشغلها ؟

اذا انت في بريطانيا، تقدر تحجزه الأن ب5 او 10 باوند، ما راح تدفع المبلغ كامل الا قبل الشحن.

انا حجزته شهر 9، الوقت المتوقع للشحن Q2 2022.



اذا تبي الجهاز هالسنة، احجزه من الأن. تقدر تتأكد اذا الجهاز فيه عيوب او لا من الناس اللي راح تحصله الشهر القادم.

بصراحة كنت قريب حيل اني احجز واحد .. بس بعدين اكتشفت انه نظام Linux و كأنما ما يمدحون تنزل وندوز عليه ... فا ترددت و قلت انتظر الانطباعات افضل !

 

[hussien-11]

اختبارات الأداء محبطة، و 30-40 إطار سيئة لحاسب شخصي لأن الframe pacing مش consistent مقارنة بجهاز ألعاب

يمكن الأجيال القادمة من الجهاز تكون أفضل و مرضية أكثر.

 

[Pineapple]

اختبارات الأداء محبطة، و 30-40 إطار سيئة لحاسب شخصي لأن الframe pacing مش consistent مقارنة بجهاز ألعاب

يمكن الأجيال القادمة من الجهاز تكون أفضل و مرضية أكثر.

حسين في خيار انك تقفل اللعبة على ٣٠ اطار او استخدام تقنية ابسكيل مثل FSR حالياً او XeSS مستقبلاً ، الحلول موجودة.

 

[hussien-11]

حسين في خيار انك تقفل اللعبة على ٣٠ اطار او استخدام تقنية ابسكيل مثل FSR حالياً او XeSS مستقبلاً ، الحلول موجودة.

أنا جربت أقفل ألعاب PC على 30 إطار و النتيجة سيئة في رأيي الشخصي و ليست مماثلة لتجربة كونسول مقفل على 30 إطار

FSR = خسارة واضحة لجودة الصورة على 1440p فما بالك بدقة عرض أعلى بقليل من 720p؟ أما الXeSS، هذا اسمه سراب و ليس "حل"، لما يتوفر و تتبناه الألعاب الي تبغى تلعبها و نشوف النتائج، وقتها يصير خير، أنا ضد بناء أي قرار شراء على شيء مجهول

الي أشوفه، أن الجهاز بيكون ممتاز للمحاكيات، و "يمشي الحال" لألعاب حقبة البلايستيشن4

و ما هو خيار حقيقي بأي شكل للألعاب الحديثة أو المتطلبة و أعتقد نتيجة CP2077 تتكلم عن نفسها.

 

[s3rorh]

يمشي الحال" لألعاب حقبة البلايستيشن4

ممكن تفاصيل اكثر حسين ... لانه هالنقطه هي ألي بتخصم قضية شراء الجهاز من عدمة

 

[hussien-11]

ممكن تفاصيل اكثر حسين ... لانه هالنقطه هي ألي بتخصم قضية شراء الجهاز من عدمة

تقدر توصل 60 إطار بألعاب الجيل الماضي عن طريق الإعدادات المنخفضة أو المتوسطة على ما يبدو، أو 30-40 إطار بإعدادات أعلى حبتين

هل هذا شيء مقبول بالنسبة لك أم لا، شيء يرجع لك هنا.

 

[Pineapple]

أنا جربت أقفل ألعاب PC على 30 إطار و النتيجة سيئة في رأيي الشخصي و ليست مماثلة لتجربة كونسول مقفل على 30 إطار

على مونيتور ممكن بس على شاشة مثل شاشة السويتش اعتقد التجربة راح تكون مشابهة للكونسول.

FSR = خسارة واضحة لجودة الصورة على 1440p فما بالك بدقة عرض أعلى بقليل من 720p؟ أما الXeSS، هذا اسمه سراب و ليس "حل"، لما يتوفر و تتبناه الألعاب الي تبغى تلعبها و نشوف النتائج، وقتها يصير خير، أنا ضد بناء أي قرار شراء على شيء مجهول

أيضاً على شاشة صغيرة ما اعتقد راح تفرق كثير جودة الصورة خصوصاً ان العاب كثيرة على السويتش دقة وضوحها اقل من دقة وضوح الشاشة اذا ما كانت مشكلة هناك فما اعتقد انها مشكلة هنا ، ال XeSS تقنية مصدر مفتوح تبقى حل موجود و كونها مصدر مفتوح نسبة تبنيها غالباً راح تكون اعلى.

الي أشوفه، أن الجهاز بيكون ممتاز للمحاكيات، و "يمشي الحال" لألعاب حقبة البلايستيشن4

اعتقد الجهاز راح يفاجئنا بأداءه بشكل عام حتى في الالعاب الحديثة.

 

[XORO]

جهاز مثير للفضول !! و سعره كأنه توو متش مقارنة ب ستيم دوك

ألي عندك ايش موديله والنظام ألي عليه و كم سعره و ايش الالعاب ألي ممكن يشغلها ؟

سعره تقريبا 3500 ريال عليه نظام ويندوز 10 ويقبل ويندوز 11

الجهاز ينطبق عليه كلام حسين جهاز يمشي الحال لالعاب بإعدادات منخفضة او عادية

 

[جون سيلفر]

تصميمه قبيح

 

[Ekhceed]

الطلب المسبق مو متوفر عندنا ؟