طيب سؤال ثاني لو عندك وقت وتقدر تتكلم عن الجانب الذهني, مش البدني او التكنيكي.
ما ادري كيف اصيغ السؤال لاكن بعطيك مثال. بالمر اول ما جا تشيلسي ابدا ما توقعته يكون من احسن اللاعبين اللي شفتهم في النادي لان بكل بساطة ماهو احسن مراوغ شفته ولا عنده تسديدات لامبارد او بالاك, ولا عنده ال box crashing مثل لامبارد , ولاهو سريع عشان يجذبك من اول نظرة, ولاهو صانع العاب زي اوزيل وتقدر تشوف قدراته على طول.
لاكن اللي يميز بالمر من وجهة نظري هو ال IQ واتخاذه للقرار الصحيح خصوصا في الثلث الاخير.
امس استفاو في الشوط الاول كان يكرر نفس الحركة ويدخل على العمق رغم ان مرات كثيرة غوستو يفتح له, بالمر مكانه كان شفته مرات يناول لي غوستو ومرات يوسع للطرف لاجل يكون unpredictable. عارف هذي تجي مع الخبرة لاكن مش الكل يقدرون يسوون هذي الاشياء.
بالمقابل مودريك عنده كل الامكانيات اللي تخليه احسن من استفاو لاكن الادمي دايما ياخذ اسوء خيار... سؤالي هل الشيء هذا يبان في اللاعب وهو صغير؟
أنت قرأت Ao Ashi وأكيد شفت الجزئية اللي كانوا يتكلموا عن الvision فيها وكيف Ao Ashi بدون ما يدرك هو ينتبه لمحيطه ويتذكر كل شيء عكس باقي زملائه
قبل كل شيء، أنت كمتابع جالس في بيتك ومرتاح، تشوف المباراة من كاميرا علوية وبعيدة فيظهر لك كل شيء بطيء وتقدر تنتبه عليه وتلاحظه
لكن بالنسبة للاعب في أرض الملعب، كل شيء يصير بسرعة جنونية وفي أجزاء من الثانية
إذا، اللاعب في جزء من الثانية يحتاج:
1- متى الوقت المناسب ليرفع رأسه؟ كم مرة يحتاج يعمل scan للملعب؟ هل يقدر عقله يستوعب مواقع زملائه وخصومه ويتعرف على المساحات الخطيرة اللي ممكن يهاجم عن طريقها خصمه؟
2- كم خيار يقدر عقله يفكر فيه قبل وأثناء استلام الكرة؟ هل يعمل half-turn ويدخل لعمق ملعب الخصم؟ هل يمرر لأقرب لاعب؟ هل يهدي التمبو ويرجع للخلف؟ أي لاعب بIQ عالي دائمًا عنده أكثر من خيار
3- بعد ما فكر، حان وقت اتخاذ القرار.. أي خيار هو الأفضل؟ لكن الأهم من هذا واللي يفرق بين اللاعبين الجيدين والنخبة هو التوقيت الصح.... هل هذا هو الوقت الصحيح أو أنتظر نصف ثانية حتى يقترب مني لاعب الخصم أكثر وتفتح مساحة خلفه؟ أتذكر تمريرة لإستيفاو في الشوط الأول خلتني كذا Whooo
4- التنفيذ. هل يقدر ينفذ صح consistently وهو تحت الضغط وفي مساحات ضيقة؟ اللعب الجيد يسدد، الذكي يمرر، الأذكى يأخذ لمسة حتى يفتح لنفسه زاوية جديدة ثم يمرر
هذا كله يصير في أقل من ثانية (خصوصًا لما اللاعب يكون بالثلث الأخير وفي الcentral areas لأن هذه المناطق مزدحمة جدًا).
هل تظهر من الصغر؟ نعم وبنسبة كبيرة. هل تتحسن مع الخبرة واللعب أكثر؟ نعم، كثير جوانب من هذه يقدر يحسنها مدرب ممتاز. لكن كل شخص عنده قدرات إدراكية محددة perception، وعنده سرعة معالجة محددة، وقدرة على التعامل مع متغيرات عديدة ومعقدة تختلف عن البقية. مثالك عن بالمر وإستيفاو عبارة عن حاجة نسميها collective intelligence، بالمر فاهم المجموعة اللي حوله أكثر لأنه كان معهم ولعب معهم لفترة أطول بكثير من إستيفاو وأيضًا جزء منها خبرة أكبر.
أما مودريك فقدراته الإدراكية أقل منهم الاثنين وضعيف في فلترة الخيارات واتخاذ القرار الأفضل، وأيضًا الأهم من ذلك مودريك ما كان يقدر يتحكم باندفاعه، حتى لو كان هذا القرار سيء ومدرك لذلك، راح يندفع حتى يثبت نفسه بفعل أصعب شيء ممكن (الtrainer الممتاز يقدر يساعده في هذا الشيء ويحاول يضعه في مواقف ما يضطر يسوي حاجة صعبة).
