طبعا ريال مدريد هو أسوء فريق كرة قدم و عالة على الكرة القدم اصلا و انا ولله لا أبالغ ، من المحير أن فريق مثل هذا يمر عليه أشباه المدربين و لا يمتلك هوية كروية معينة يفوز بالبطولات بنحو مستمر ، أتحدى أي شخص قادر على تمييز سيستم معين لريال مدريد منذ رحيل مورينيو مثلا ، فريق يقوم على الفرديات هو بكل تاكيد لا يحب اخذه بعين الاعتبار أصلًا
مش كل المدربين عندهم ستايل لعب مبهر او كاريزما عالية قدام الجماهير والصحافة.. وهذول هم المدربين اللي مروا على الريال. ممكن تعيب على اسلوب لعب الفريق وان مافي هوية واضحة او قوية, بس ما تقدر تنكر بان المدربين امثال انشيلوتي وزيدان هم من افضل المدربين التكتيكيين على الاطلاق في اخر ٢٠ سنة..
لاكن كل الانجازات هذي بالفعل ماراح تتحقق لولا العناصر الفردية. بس غفلت عن نقطة الا وهي بان اهم عنصر في مدريد ماهو المدرب ولا حتى لاعب معين.. اهم عنصر هو بيريز
مع اني ما اشوف ستايل بيريز الافضل في كرة القدم وماهو مناسب للكل, لاكن ما ننكر انه فعال وقادر على خلق جيل ورى جيل ينافس على البطولات.
سياسة ادارة مدريد هي جلب افضل النجوم في كل مركز و افضل المواهب, طبعا اللاعبين قد ما يكونون بطلب من المدرب لاكن الادارة ماهي مهتمة.. فعشان كذا لو تلاحظ ادارة مدريد دائما تتجه للمدربين اصحاب المرونة التكتيكية واللي يقدرون يستغلون امكانيات اللاعبين الموجودين, مش بناء فريق من الصفر.
وطبعا نفس السستم كان ماشي عليه ابراهيموفيتش مع تشيلسي.. فعشان كذا ثقافة تغيير المدربين تنجح بشكل مستمر مع هذول الفريقين, طبعا مع مراعاة الفارق بين الاثنين
بس هل مدريد اسوء نادي في كرة القدم؟!
طبعا لأ. يقلك الشركة الناجحة هي اللي تستمر بتحقيق النجاح وما تكون معتمدة على شخص او عدة اشخاص.. شوف كيف لما فيرغسون اعتزل اليوناتيد طاح.
اللي حاب اوصله ان مش كل مدرب ممتاز راح يكون مناسب وملائم في بيئة عمل مثل كذا, فمدربين امثال غوارديولا اللي يحتاج يبني الفريق من الصفر وراح يخرج لاعبين نجوم لو دربهم.. وطبعا شفنا ضحايا كثير له, بس برضو ما يمنع بانه مدرب استثنائي والمفروض تدعمه وتلبي له كل طلباته.. بس النادي الوحيد اللي يقدر يقول لأ له هو مدريد.
من السهل انك تغير مدرب واحد.. لاكن صعب جدا انك تغير ١١ لاعب في ظرف كم سنة
