هذا الفرق بين مدرب يلعب منظومة - زي كل الفرق إلا تنجح في دورياتها حاليا- (سيموني و أليغري و كلوب...إلخ) إلا هو الشيء إلا الناس تحب تسميه "كرة عصرية" و مدرب يلعب كرة تقليدية. كل ما المنظومة كانت أعقد كل ما كانت أي تغييرات جذرية على أسلوب اللعب أعقد و تطلع مشاكل أكثر مما تحل. المدربين إلا يطالبوا بتغييرات جذرية في حيثية اللعب و الانتشار زي شيمدت و توخل و هازنهوتل ما يقدروا يواصلوا فترة طويلة لأن في شق يصير بينهم و بين اللاعبين على سوالف الإرهاق الذهني و الحاجات المشابهة. هو هالشيء نقطة ضعف في فرق إلا تلعب بمنظومة لأن الشيء بالأساس المفروض يشتغل بشكل أوتوماتيكي و بغض النظر عن جودة العناصر فعلا. التغييرات تاخذ وقت طويل لأن الكل في المنظومة يحتاج يتأقلم عليها. فالمنظومة لما تفشل ما في حل، ما فجأة بجي بيب و يقول " غيروا الانتشار بنلعب اقتطاع تمريرات و منكم لنفسكم إحزروا كيف تتوزعوا عشان تقتلوا هجمات الخصم" أو " بنلعب ضغط عالي و مرتدات من وسط الملعب و إجري يا ليفاندوسكي". فايدة الشيء بشكل أساسي إنه يقلص فجوة الجودة الفردية بين اللاعبين نفسهم و بين خصمهم. عشان كذا في بايرن كنت تشوف اللاعبين ينصابوا و يختفوا و لعب الفريق ما ينزل مستواه و ما يتغير. ليه؟ أي لاعب متعود يشتغل في المنظومة و يقدر يدخل فيها و يحل في المحل. الشيء له تسمية ثانية إلا هي total football و الأساس فيها بالمناسبة إن أي لاعب في الفريق يقدر يغطي أي مركز.
هالشيء المشكلة حقه إنه وقت ما يفشل، ما تقدر تصلحه. وقت ما يفشل ينهار. دورتموند (فافري) وقت ما خسر من أتلتكو قبل كم يوم طلع كأنه فريق حواري لأن منظومته فشلت و خلاص. هنا الواحد بقول طيف ليش ما الكل يلعب كرة تقليدية مافيها هالقيود يعني ( هو الكرة التقليدية نفس الشيء منظومة بس تكون أبسط و تعتمد على اللاعبين في الملعب) و الجواب بكون إن مو الكل ميلان أنشلوتي أو مدريد زيدان و عنده الجودة الفردية حق يعطي و بالمناسبة تقدر تشوف إن نجاح هالمدربين في الدوريات محدود لأن الفريق ما عنده رتم يشتغل عليه بشكل أوتوماتيكي في كل مباراة و يعطي نتائج.
الشيء مش بالبساطة إلا الناس تتخيلها، خصوصا في بايرن إلا الناس تقدس فيه جيل ذهبي ماله وجود. جيل بايرن الذهبي على الأطراف كان طول الوقت في العيادة. إلا صنع جيل بايرن الذهبي منظومة هاينكس، و إلا هو فريق عادي لو ناخذ روبن و ريبري و نوير و يمكن لام. هاينكس مدرب أحسن و ماعتقد أحد عنده شك، بس أي مدرب ثاني كان رح يفشل مع فريق احتاج يلعب نص موسم بدون أطراف هجوم و إحتاج يطلع كرة قدم تشتغل بألكانترا و مانذوكش و مولر.
نقدر نتكلم عن مواسم بيب مع بايرن أكثر بالمناسبة لو أحد حاب، لأن مافي أحد هنا تابع الفريق كثر ما أنا تابعته.
بايرن إلا خسر الدوري لدورتموند مرتين و صاح في نهائي الكأس ب5-2... ياه. هو مادري يعني بس الناس ما تفهم وش الفرق بين "فريق ماله منافس دائم" و فريق مسيطر على الدوري. بايرن عمره ما سيطر على الدوري بالشكل لا هذا. و لا حتى جيل لعبت فيه أساطير بايرن كلها و جاب الأبطال 3 مرات متتالية عمل هالشيء. بس ياه خلينا ننتقص من عمل مدرب خلا الفرق تبطل تلعب ضد بايرن عشان نرضي نفسنا ونقول عنه مدرب سيء.
أما سالفة الجيل الذهبي هذي، فمع احترامي هذي حاجة طلعت من أكثر مشجعين delusional في أوربا و عايشين وهم بفريقهم عشان الأبطال إلا جابها لهم ريتزولي. لما بايرن بيب يخسر يطلعوا "بيب مضيع جيلنا الذهبي" و بعد ما مشى كل ما بايرن خسر طلع لك مؤامرات الإتحاد الألماني القذر و تكالب أندية أوربا و اليويفا عليها. هم لو تسألهم من اللاعبين في الجيل الذهبي الخرافي هذا بقولوا لك الجناح الطائر مولر إلا لوحده ضيعهم و أخرجهم ضد أتلتكو مدريد. بايرن تشكيلته كويس كانت، بس جيل ذهبي؟ لا نضحك على بعض، أجنحة تنصاب أكثر من رويس وجندوجان فوق إنه واحد منهم كان يجيه إرهاق من توصل المباراة دقيقة 60 ( وللحين) و لازم بعدها يتبدل. ممكن نجادل كروس إلا المشجعين كانوا يشوفوه طفل و مايستاهل 8 مليون و طلع بعد أول موسم كان أحسن لاعب باستمرارية عندهم؟ بس لاعب واحد ما يفوز في المباريات لوحده.
فبليز يعني هو لو نرتاح من الفتاوى و خرابيط جماعة fcholywood و كورة بكون أحسن، لأن ماحد ديلوجنل أكثر منهم إلا هونيس نفسه.
هو بيب لعبة كلوب يعني، ما نختلف. بس فرق لاعبين؟ من جدك؟ ياخي نعال ماني بسترلينج و ساني و خيسوس فوق بعض.
