أهلاً عزيزي يزيد
في رأيي المتواضع، الي أنا أتوقعه من مُنتج مو مُرتبط "فقط" باللي يقدمه هذا المُنتج، فيه صناعة قاعدة تتطور باستمرار، آخر أنشارتد صدرت في 2011 قبل خمس سنوات
خلال فترة غيابها صدرت ألعاب ثيرد بيرسون ممتازة كثيرة، تومب رايدر، رايز اوف ذا تومب رايدر، فانتوم بين، ذا لاست اوف أس، ذا ايفل ويذن
الجنرا حصل لها تطوير على صعيد الجيمبلاي في عدة أصعدة
أنشارتد ببساطة تجاهلت تطور الجنرا
هذا ما يعني أن مش من حق غيري يحبها أو حتى يعتبرها أفضل مُنتج في الوجود، بس أنا حسيت بنقص فيها مقارنة مع تجاربي الأخيرة في الجنرا، وهذا شيء يمثلني و يمثل من يتفق معي في الرأي
يعني تخيل مثلاً تجيك لعبة فاينل فانتسي بنظام turn based كلاسيكي وشخصيات واقفة في سطر واحد زي ألعاب التسعينات؟
هل ينفع نقولك هذي هي اللعبة و الي ما يبغاها ما يشتريها لأنه إعلاناتها ما خدعت أحد ؟
أي لعبة متقدمة وعندها مكانة قيادية في مجالها، بديهياً تتوقع منها تطورات تواكب الي قاعد يصير في الجنرا
والدليل أن هذا أول جزء من السلسلة أشوف اعتراض عليه بهذا الحجم في المنتديات الأجنبية، وفي أكثر من منتدى، فالاعتراض من اللاعبين موجود وملموس
لكن في النهاية هي وجهات نظر أولاً وأخيراً
نوتي دوج عندهم فلسفتهم وتوجههم الخاص في لعبتهم، وأنا ما أعرف أصمم ألعاب أحسن منهم حتى أعلمهم كيف لازم يصمموا لعبتهم P:
بس بالنسبة لي كلاعب لاست اوف أس كانت شيء عظيم جداً، وأنشارتد4 أقل منها في كل شيء.
اتفق معاك اذا كنت تبغى تغييرات اكثر جرأة ماتمس بالاساس لكن انا توقعت انك تنتقد السلسلة كاملة بهذي النقطة
بالنسبة لي انشارتد 4 تتشابه مع دارك سولز 3 بنقطة انه اثنينهم ماحملوا اي تغييرات جريئة لكن كلهم اخذوا افضل العناصر مما سبق وجمعوها في باكج واحد للفانز
واتفهم الانزعاج لكن السلسلتين انتهت مع هذي الاجزاء بالنسبة للمطور, لذا بدل مايقدم شيء جديد عشان يكمل عليه قرر يقدم نفس التجارب الماضية في ابهى حله كـ وداعية للمحبين
كوجيما مثلا قدم شيء مختلف وجريء مع فانتوم بين في وداعيته للفانز وللاسف كثير منهم ماتقبلها وصرت اقرأ كلام عنه مايليق فيه للاسف, ولا كانه كان ولازال اسطورة في الصناعة وقدم كل مايملك للسلسلة طول هالسنين والاجيال
مثالك مااتفق معاه, لو مثلا سكوير قدمت سلسلة جديدة وبنتها على هذا الاساس نقول هذا الكلام مثل ماانشارتد سلسلة بدأت على اساس وتقدمه بكل جزء
لكن فاينل فانتاسي سلسلة من البداية تعودنا منها تتوجه توجه معين ولها فانز يحبون هالشيء ماينفع اتجاهلهم الحين
للامانة لاست اوف اس قللت قيمة انشارتد كثير عندي لدرجة كنت زعلان من اعلان الجزء الرابع وانه راح ياخر الجزء الثاني منها
لكن بعد مارجعت للاجزاء القديمة ولعبت الرابع عرفت انه انشارتد بتترك فراغ كبير جدا عندي وبالنسبة لالعاب المغامرات في الصناعة, اعتقد كل محبي الجنرا بيشتاقون لها دائما
ومين يدري ممكن انشارتد 4 تكون لعبة من انتقدها الآن يثني عليها بشدة بعد 10 سنين من الآن
هذي تثبت إيش هو ميكامي من مطور لجنرا السيرفايفل هيرور, متقن لها.
اتفق معاك, رغم نواقص اللعبة لكن فيها لمحات ولحظات تثبت انه ميكامي لازال استاذ في المجال, اتمنى يستفيد من الاخطاء السابقة ويقدم منتج اكثر اتقان المرة القادمة
مو بس كذا الموضوع من البداية ماحد تكلم عن محتواه
فعلا اتفق معاك واعتذر عن هالامر, شخصيا قرأت المجلة واعجبتني جدا وارسلت للفريق عدة ملاحظات واتمنى الكل يسوي مثل هالشيء
النقد البناء والثناء على مجهودهم في اثراء المحتوى العربي هو افضل هدية ممكن نقدمها لهم, الله يعطيهم العافية
عموما آخر نقطة بعلق عليها, عدا الخروج عن محتوى الموضوع ماافهم ليش ممكن احد يزعل من النقاش, بالاخير هو مجرد نقاش ودي بين اخوة ومش حرب وقتال بالسيوف
ممكن النقاش في جزء يكون مثري وفي جزء يكون لا, لكن هذا الغرض من وجود المنتديات انه الكل يتناقش ويوضح وجهة نظره ونظرته للامور
سواء اختلفنا او اتفقنا بالاخير يظل الاحترام المتبادل بيننا والمحبة هي العوامل اللي ماتتغير ابدا, لذا وسعوا صدوركم ياجماعة p:
