زيلدا سكايوارد سكاي, كانت رهيبة بالبداية, وانا كنت مقبل عليها وفي بالي اساسات البيرفكشن كلها نظرا لأن اللعبة ماخذة 10ـات في مواقع عديدة والكل ينظر لها على أنها أحسن زيلدا. للأسف اُحبطت لما كملت فيها 10 ساعات كذا, ولسى كملتها وانا مُحبط بشكل كبير إلى النهاية. اُعطت اكثر من حقها, ولو اني تمنيت انها تكون مثل زيلدا اوكارينا اوف تايم.
فف13 انواع الإحباط من ناحية القصة. لكن الباتل سستم وصعوبة الأعداء ومتعة صيد الوحوش خلت اللعبة إلى حد ما مقبولة. لكن من ناحية القصة, إلى ماانتهت اللعبة والقصة زبالة. اللي يقهر أن اللعبة كان فيها بيسنغ قصصي رهيب وطويل وكلاسيكي. اللحين صار كل شيء يصير بسرعة, واللعبة بكبرها صارت قصيرة مرة مقارنة بالأجزاء القديمة. هذا بحد ذاته أكثر شيء مُحبط.
فف13-2 كملت الإحباط ذا وشالت حتى الروعة في اسلوب القتال, لأنه راح حس الإنبهار بسبب إعادة الأسلوب مع تعديلات طفيفة. لذلك الشيء الوحيد اللي حسسني انها لعبة فف هو الساوندتراك. وإلا الباقي زبالة :/
ماجن آند ذا فورسيكن كنجدوم, لعبة عظيمة. أقبلت عليها والمواقع والناس كلها مسحت فيها البلاط. لكن لما جربتها وخلصتها كاملة مع البلاتينيوم, اكتشفت ان الشركة شكلها ماعطت كم موقع كبير زيادة قرشين علشان الهايب. اللعبة مااخذت حقها ابدا, وبالنسبة لي افضل كجيم بلاي وفكرة واتموسفير من زيلدا سكايورد المهيبة على غير سنع >.>"
اساسن كريد برذرهودز. اللي لعب الجزء الثاني ولاحظ النقلة النوعية والمتعة في هذاك الجزء, لما يلعب برذرهود مع فكر ان هالجزء مع الهايب وكل شيء راح يكون بمثل اسطورية الثاني, راح يرمي اللعبة من أول 3 ساعات لعب. جربت اكمل اللعبة بس ماقدرت, وصلت سيكونس 8 وبعتها مُباشرة. اكره يوبي سوفت على حركات الكوبي بيست علشان بس ينزلون إصدارات جديدة مع تغييرات طفيفة بالمحرّك ونفس اسلوب اللعب بالضبط, وتركيز خرافي على الأونلاين :/
أنتشارتد 2, أول جزء لعبته في السلسلة وماقدرت اكمله. اللعبة قص ولصق من تومب رايدر. بالعكس تومب رايدر كاميرتها واسلوب التحكم فيها اصعب وامتع وفيه إحترافية اكثر وفلة اكثر. احب لما تكون الألعاب تفرض عليك صعوبة بطريقة مختلفة عن "حط على اعلى صعوبة والأعداء يصيرون مايموتون إلا بـ 32 طلقة" احب لما تكون الصعوبة تقترن بأسلوب التحكم (تومب رايدر, ايب اسكيب...ألخ كلها تفرض تحكم صعب وتحكم كاميرا اصعب يعطيك فرصة انك تجرب الصعوبة بطريقة مبتكرة وممتعة اكثر) نفس الموضوع مع طريقة التحكم بالكاميرا, لو انتشارتد فيها اسلوب تحكم باللعبة اصعب من انها فيكسد كاميرا (مثل ريزدنت ايفل الكلاسيكية, سلسلة ميتل جير..ألخ) هذي ألعاب تخلي الصعوبة نفسها في الكاميرا.. لما ماتتوقع وش بيكون في نهاية الممر لأن الكاميرا ببساطة ماتعطيك الحرية الكاملة, هنا تصير الصعوبة امتع من أنك تمشي والكاميرا تتغير علشان تساعدك في اللعبة أكثر من انها تخرب عليك. يمكن كثير يقولون "وش تبي؟" لكن انا احب الكلاسيكية في الألعاب, والأساليب في التسهيل هالجيل مخربة اغلب الألعاب للأسف, ومن بينها انتشارتد 2 اللي حسستني بضجر من سهولتها وحسّ التكرار فيها.
دارك سايدرز, لما يجتمع الريل انجن مع لعبة هاك آند سلاش = لعبة ماقدرت اتحمل العبها, لأني شغلتها وانا في بالي اني بلعب حاجة مثل ديفل ماي كراي, اقل شيء بالفريم ريت. لكن للأسف ماجت مثل التوقعات.
فانكويش وكيل زون 3, نفس السبب... فيهم حسّ تكرار خرافي. يمكن أنا مالي في الشوتر من الأساس, لكن الغريب أن بوردرلاند لعبتها وانا ماعندي أية توقعات, وصارت اللعبة أحد أفضل مالعبت هالجيل! يمكن لأن الأونلاين فيها رهيب جدا؟ ماعندي فكرة >.>"
الكينكت, في البداية تشوفه رهيب وكل شيء, كم شهر وتقول هذا ابيخ طرفية على الإطلاق! للأسف شكلها بالدعايات رهيب, ولما تلعبها في المحل برضوا ماتزال رهيبة. لكن لما تمتلكها ويروح حس الإنبهار, تصير حاجة عبيطة جداً وماتستاهل سعرها الفلكي اول مانزلت (سعرها كان بسعر العدس اللحين. وتف؟)
