ألاعلانات العربيه .. تخلف مابعده تخلف !!

[The Last Fantasy]

راحت أيام دعايات بامبرز 😛 ..

كل الدعايات على بعضها سخيفة .. وبعضها ان دل على شي فهو يدل على تخلف مخرجها ..
اللي تعجبني بس هي دعايات سنيكرز .. خفيفة وسريعة .. وأنواع الهبال لول ..

 

[RIZE]

Lipton Ice Tea
دعايته لزيزة <<< يتكلم مصري .... لزيزة = لذيذه

يمكن لأنى احب هذا المشروب ^^

 

[N E R O]

يا كرهي للسكالاكاطكا..على فكرة الرجال ابو نظارات مثّل في دعاية مايونيز قديمة..يوم يقول لولده انسى الفكرة بعدين يشوف السندويش بالمايونيز و يعطيه مفتاح السيارة .. إلخ..شكله معجب بهالنوعية من الدعايات

بس محد جاب طاري دعايات الماونتن ديو..أوّي ألبك :yuck:

 

[Van]

كيف ولا واحد منكم جاب طاري دعايات "أيس كريم جمبو"؟!!

هههههه دعايات جمبو من العصور الغابرة تحسها.... على الأقل من سخفها تذكر بالدعايات اللي كانوا يحطونها اول في الأنميات المدبلجة بالعربي ( هداف و ماجد و .....)يعني تذكرني بأيام أول.... في النهاية دعايات جمبو قمة السخافة

 

[Evolution]

حبة حبة حبة

حبو حبو حبو


هذي دعاية الرز ابو كاس ما ادري وشي

احس التوائم هذولي واحد بس معدلينها بالكمبيوتر ...

قمة الملل ،
وطبعًا الدعايات النسائية هذي ما ادري وش تبي

 

[ahmed_cube]

شكرا عمر على الموضوع ... فتحت لنا فرصه جيدة لمناقشة الاعلانات العربية السخيفة .

بصراحه و بكل صراحه و الم السخافه و الغباء ليس بالاعلانات بل فينا نحن .. مع كل اسف فلولا اننا نحن شعوب تبحث عن ما في بطونها لا ما كان مجال لهذه الاعلانات ان تكون .

كلها دعايات شوكلاته و اكل و شرب و المشكله على مدار السنه تقريبا ... من فترة لما حط الاخ عمر (( انمي لفر )) فيديو عن اليابان و قال التلفزيون عندهم اغلبو دعايات للدي اس , صابني قهر غريب من نوعه و فتحت الموضوع مع اصدقائي... لاحظو الفرق ... بيننا كاشعوب متخلفه و اليابان الدعايات عندهم عن التكنولوجيا مش عن الاكل و الشرب .

لا ادري كيف يمكن نحل هذا الشيء.. يمكن المسؤلين عن هذه القنوات يجب عليهم انتقاء الاعلانات مو لازم كلها تكون عن البطون في اشياء اخرى او على الاقل عملية توازن بين اعلانات المنتجات ..

اذا لاحظتوا كل الردود تقريبا تهاجم الدعايات الي عن الاكل و الشرب

و بالفعل هذه هي الدعايات السخيفه جدا .. احترم تلفزيون دبي اقلها عندهم نوع ما من التوازن في دعايات عن سيارات عن تلفزيونات و في دعاية فرحت لما شفتها عن برنتير جديدة من سامسونج .

نهاية ما نقدر نقول غير ... الله المستعان

 

[Koshiro]

دعاية اوريو لين شفتها ودي افجر الكرة الارضية لهذه الدرجة وصل الغباء بالجنس البشري عشان يطلعون اشياء مثل ذا الدعاية؟

 

[Khalid-S]

شباب .. صدقوني الدعايات الامريكيه مو اقل سخف من العربيه .. نفس الشي اتذكر الدعايات الفرنسيه .. كلهم نفس المستوى.

مو عشان المنتج-الدعايه .. اي شي عربي نقوم تسبه او نطلع فيه عيوب الدنيا .. ماشفتوا عيوب البشر الثانين .. التلفزيون ما يوري شي والله .. الحياه بينهم توريك بلاويهم.

 

[Koshiro]

شباب .. صدقوني الدعايات الامريكيه مو اقل سخف من العربيه .. نفس الشي اتذكر الدعايات الفرنسيه .. كلهم نفس المستوى.

مو عشان المنتج-الدعايه .. اي شي عربي نقوم تسبه او نطلع فيه عيوب الدنيا .. ماشفتوا عيوب البشر الثانين .. التلفزيون ما يوري شي والله .. الحياه بينهم توريك بلاويهم.

الدعايات الايطالية للفووووز::

 

[DeaDMaN]

الله يرحم أيام التلفزيون والمسلسلات .. هو بدون شي انا ما أقرب من التلفزيون ولا المسلسلات, لكن لما اكون جالس مع اصحابي .. ممكن نشوف مسلسلات لكن اغلبها نفس الفكرة والممثلين تقريبا ً نفس الشخصيات في كل المسلسلات ..لهذا ماأحب اشاهدهم, و الدعايات مملة وفكرتها مالها دخل في المنتج او تكون دعاية غبية ..لهذا تكون أكثر شي يكرهني في التلفزيون ÷_÷

 

[king zell]

الواحد لا طلع برا ديرته عرف قيمتها من جد

الدعايات في بريطانيا تعريف السقامة بأم عينها.. أحس إنهم يسسونها عشان ينفرون الناس من منتاجاتهم


بس صراحة.. ما بين كل فترة و فترة يطلع اعلان اعلانيين قويين مرة و متعوب عليهم

 

[dragonwarrior]

فيديو عن اليابان و قال التلفزيون عندهم اغلبو دعايات للدي اس , صابني قهر غريب من نوعه و فتحت الموضوع مع اصدقائي... لاحظو الفرق ... بيننا كاشعوب متخلفه و اليابان الدعايات عندهم عن التكنولوجيا مش عن الاكل و الشرب .

loool
i saw thier ADs they also have lot of FOOD and junk food in thier TV not just us

....the only difference that we have only food commercials
when they have food and other products commercial.


APANDERADO FTW

 

[Double T]

بس صراحة.. ما بين كل فترة و فترة يطلع اعلان اعلانيين قويين مرة و متعوب عليهم

انا اموت على دعايات سنكرز مررررة خطيرة ... تحس الي يسويها اكبر محشش في الدنيا 😀

اما عن الدعايات الباقية ما يقهرني الا يجي واحد شامي او مصري و يسوي انه يعرف يتكلم خليجي هذي تفقع مرارتي <<< مو قصدي تريقه على اخوانا الشوام و المصريين ... يعني ما عندنا ممثلين احسن يتقنون اللهجة ؟؟؟

 

[الــخــــارق]

أحد يذكر الممثلين اللي يجيبونهم في دعاية مكدونالدز -___-
يا كان يرفع ضغطي ..
يعني واضح انه مهوب خليجي وغير كذا لبسه للشماغ -__-

 

[ZiZ]

بس خل عنكم... بعض الأحيان تطلع دعايات بطلة...

زي شماغ دسار... وحديد السعودية (حقت Godzilla و الفيصلية)...

 

[king zell]

شباب صحيح اللي يطلعون يسوون دعايات و مسويين خليجين يقهر

لكن كلنا نعرف لو جو قالوا لنا ادطلعوا في دعاية ما أحد راح يطلع ::

 

[الــخــــارق]

دعاية حديد سابك الى الان تبهرني ..
مع انها مر عليها سنة تقريبا لكن فكرتها وطريقة تنفيذها ابدااع 🙂

فيه دعاية الصيانة الفورية السريعة لتويوتا تستحق الإشادة بعد ..

 

[Gon freeces]

ألاعلانات ؟
🙁

 

[Naif]

لووول اذكر في دعاية الفانيلات و البنطلونات الداخليه (ما اذكر شو نوعها) كانوا يطلعون رجال و اطفال لابسينها داخل البيت و فرحانين و قاعدين مع بعض و بعدين يطلعون على السلم .. لوول كانهم لابسين كندورة ولا جلابية .. كان يضحك وايد ..

دعاية حديد سابك الى الان تبهرني ..
مع انها مر عليها سنة تقريبا لكن فكرتها وطريقة تنفيذها ابدااع

انا بعد تعجبني ..

حلوة دعاية (الذهب يضل الى الابد ).. يوم الحرمة بتعرس .. احسها مؤثرة شوي ..

اكره اسلوب دعايات قناة One .. صح انه اسلوبها جديد .. لكنها مملة وايد ><.. مرات يحطون سبويلر من الفلم/المسلسل ..

 

[Zero]

من فيكم شاف دعايات تركية وهندية في الحلاق ؟ 90% منهم أدوات نسائية خصوصا منتجات إزالة الشعر الزائد P: + سخافات تفوق الوصف، يعني راح يحس أن الدعايات اللي عندنا وضعها أفضل بكثير

صحيح تذكرت شي ، دعايات البيرة أكرهها كرة كلها شباب خكارية وما عندهم سالفة ، أما الدعايات الوحيدة اللي أحسها تسوى هي دعايات السيارات لأنها رهيبة + الشي اللي مسويين عليه الإعلان يسوى .. شي قيمته 150 ألف ريال أو أقل أو أكثر غالبا ..

أف .. كنت باقول شي زيادة ونسيت .. معليش المرة الجاية &_&

 

[Denso]

ايه ولا عاد دعاية ابو سيوف مره معروف
أو حاطين جزرة معرسة على رز وش هالعبط -________-



لكن ما في على دعاية axe ^_^

 

[ahmed_cube]

loool
i saw thier ADs they also have lot of FOOD and junk food in thier TV not just us

....the only difference that we have only food commercials
when they have food and other products commercial.


APANDERADO FTW

صحيح كلامك بس يمكن انا منفعل شوي و نفسي بدعاية فيديو جيمز واحدة في التلفزيونات العربية او دعاية i pod او لابتوب 🙂 على الاقل

 

[Matt Casamassina]

دعاية دواجن السعودية, اللي ولد قاعد مع ابوه في السيارة عاد الأب شاف الولد يصيح, قال له شفيك!! ما ني متذكر شصير بعدين بس الزبده انه يقول يبي ام ثانية عشان تطبخ له دجاج الوطنية...

رأيي انه اللي مؤلف هذي الدعاية يبيله وحده بالنعال... أحد يستغني عن أمه عشان أكل, صج يبيله النعال :evil:

على فكرة هذي ما كانت مجرد دعاية هذي كانت حملة دعائية على مستوى الصحف و الشوارع و شنوا عليها الناس، المثقفين و المسؤولين و التربويين حملة مرعبة الله لا يوريك حتى وقفت... من جد سقامة و بياخة و قيم سخيفة للي ألف الدعاية، تحس أنه يبي يخلف فطرة الناس عشان يبيع دجاجة تعبانة مليانه هرمونات.

على فكرة، مو كل السعوديين يرفضون يطلعون بالدعايات و لا كل الخليجيين، كثيرين منهم يطلعون بدعايات سخيفة من جد، مثل دعايات بطاطس ليز، ناس كاشتين بالبر، بالثمامه يمكن و متقاطين بكيس ليز... يالله لك الحمد و الشكر... ليش ما يطلعون ليز بنكهة الضب لهالخكاريه أحسن؟! دعايات شركة الاتصالات السعودية صايره حلوه من جد و في احيان كثيرة مؤثرة. و ممثلينها سعوديين.

لا، و الا دعاية سيارة ياريس بمعارض عبداللطيف جميل... شباب سعودي بكل وضوح، لكن يعطون أسوأ صوره عننا، أحس اللي بيشوف الدعاية بيحسب أننا سخيفين، خصوصا اللي يناظر شعره و هوا المكيف يلعب فيه، ياربي بس على الدلع خخخخخخخ.

و الا دعايات هيدآند شولدر... قمة السخافة، بنات في فصل دراسي يعنني مشاغبات بيربطون شعر زميلتهم،،، اللي هي الوحيدة اللي مطلعه شعره بينما كللللللل الباقيات محجبات على تلفزيون السعودية خخخخخخخخ، و لا يقدرون من شدة نعومته و يناظرون باستغراب. يعني ما استغربوا ليش مطلعه شعرها على تلفزيون السعودية اللي ما تستحي؟؟؟ شكلها ناسية كانت تصور دعاية للام بي سي و جت بسرعه للفصل قبل تفوت الحصه.

 

[Hardcore Gamer]

دعاية لكزس طالعه شيء ..
😀

 

[Matt Casamassina]

بعدين في نقطة ثانية، بخصوص الإعلام كله. بس خلونا في الدعايات... ليش دائما بالدعايات يصورون شعوبنا بغير صورتها الحقيقية؟ يعني أنا أدري أننا و أهل الامارات ملتزمين كثير باللبس التقليدي بالنسبة للرجال، و المقاييس الدينية بالنسبة للنساء. ليش مثلا لما يجيبون عائلة سعودية أو اماراتية خارج البيت تكون الأم متبرجة لأقصى حد و كأنها رايحة لحفلة و كاشفه وجهها أو حتى شعرها. ليش ما تكون الصورة تشبه الصور اللي نشوف بالشارع الواقعي، ليش يبغوننا نرفض واقعنا؟ حتى لو عندنا فئة زي كذا فعلا، و أنا أشوفهم بالشارع، ليش ما يكون التوجيه للأغلبية الملتزمة؟ صارت الأغلبية مهمشة. و حتى الدعايات اللي يكون سلوك الممثلين فيها متأمرك لأقصى حد، يعني بالقوة بيطلعونا أمريكان؟! من جد شي يجيب الهم و تحسه مو واقعي و مايع.

 

[Dark Link]

arabic commercials lacks creativity...

Most genius ad EVAR
V
V
V
[YOUTUBE]2mTLO2F_ERY[/YOUTUBE]

 

[m7tram]

لول , كل شي بصوب وأعلان العطور الي كل يوم عطر على اسم اغنيه من اغاني المغنين , ولا أعلاانات البنوك الغبيه , ولا أعلان سوق سالميه هههههههه .

يعني اشياء عبيطه بشكل مو طبيعي , وصج تخلف , اصلا لما يحطون أعلانات أغير على طول واحط على اي شي لين ما يرجعون المسلسل او البرنامج .

ياحليلي قبل سنه :yuck: .

 

[SALAH]

Dark Link مافهمت الدعاية عن شو ؟...مشروب كحولي ؟ :slant:

عموما , راااااحت أيام دعايات ليمون و نعناعة :yuck: و حليب تنمو معه الاجيال و هذاك الرجل الشهير في دعايات البامبرز ( قطري او سعودي ) و دعايات الخضروات اللي ترقص

مدري هالفترة الاخيرة الدعايات كلها سخف X عبط -__-


أكثر شي اكرهه دعاية ( أحب التمثيل ) , وحدة تمثل انها ماتت في الصالون و الناس يخافوا ويقولوا مالها مالها , تطلع لك وتقول ( أحب التمثيل ) , يآآآآآآآآربي على السخافة , مالقوا غير سوالف الموت يعملوا فيها دعاية ؟! :sealed:

بالنسبة لدعاية فيمتو فأنا من الآخر مو فاهم منها شي , بشوف مشهد سخيف وبعديه منظر عائلة على التلفزيون ويصيحوا ..الله اعلم دعاية شو :slant:

الغريب صراحة انه العرب عندهم مبدأ ( الدعاية السخيفة و الحمقاء للفوز )
بينما في الغرب عندهم مبدأ ( الاعلان الابتكاري و الابداعي للفوز )

احتمال يكون السبب انه في الغرب الاعلانات عامة تنتشر في المواقع و البلوجز بعكس الاعلانات العربية اللي تنحمد بعد اسبوعين او شهر بالكثير , فتحس نفسهم سادة من الابداعات فتوجهوا للسخافة و الحماقة على أساس انه التفكير فيها أسرع و يمكن تحقق نتائج جيدة للمنتج ..


أما واحدة من أفضل الدعايات اللي شفتها ..دعاية احدى شركات الاتصالات :laugh:

[YOUTUBE]A4uvrQC1qHQ[/YOUTUBE]

 

[Isaac]

Phoenix Down!?

 

[*legend*]

أكثر الدعايات سخف هي اللي تبع عصير مدري ايش , اللي يجي يقول لك :

هذا الشبل من ذاك الأسد و هذا العصير من تلك الفاكهة
ما أعز من الولد الا ولد الولد , و ما أعز من ا لفاكهة ألا عصيرها
.....
و عبارات ثانية كلها بنفس المنوال , اكثر دعاية كرهتها بحياتي هذي ><"

خخخ من الجانب الأخر دعايات الفياجرا تخليني انسدح من الضحك , لول