أكره الـ iPod .

[Ash]

حساس لدرجة مقرفه ..

قبل كم يوم كنت حاط الأيبود بجيبي مدة ما تعدي الدقيقه , فجأه لما طلعته الشاشه كانت مكسورة ! مع العلم انه الي سويته بس مشيت للسياره .

وديته عند الوكيل مع الكفاله علشان أعرف شالحل , قالي الي يشتغل هناك احتمال انه بيكون في تبديل شاشه و هذا يكلف 250$ يعني تقريبا iPod جديد ! قالي بيخليه عنده و راح يدق علي , و مر 4 أيام و ما في حس .

أحد مرت عليه هالحاله ؟ و شالحلول الي متوفره لي بالضبط ؟ و هل فعلا تبديل الشاشه يكلف 250$ ؟

ياريت أحد يساعد لأنه صراحه الجهاز ما مر عليه شهرين و ما مداه , بالانتظار شباب .

 

[Leon]

فعلا الله يعينك ..!!! , خسارة الجهاز جديد لسة , أنا عندي النانو والحمدلله ماشي معايا زي الفل .

لكن 250$ ..؟؟!!! , كثير جدا بالنسبة لمبلغ تصرفه علشان شاشة فقط !! ,لكن إذا فعلا طلع سعره الحقيقي خذلك واحد جديد أفضل لك (-_-) .. والله يعوض عليك ..

 

[Ash]

دخلت موقع ikaput و يقول التبديل تقريبا 100$ عنده !

معقوله النصب الي عندنا ؟

 

[Humam]

فيصل الغلط منك.. انت الله يهديك يدك يد غوريلا وجسمك جسم ثور.. لا تلوم الجهاز ! لوووووول تتوقع في أحد من حلف الMac ممكن يرد الآن برد مشابه ؟

 

[Leon]

دخلت موقع ikaput و يقول التبديل تقريبا 100$ عنده !

أوتش ..!!!! والله فرق كبير في السعر , معقولة ويسووها التجار عندنا ليه لأ , وماخفي كان أعظم .. (-_-) ..

 

[Ash]

فيصل الغلط منك.. انت الله يهديك يدك يد غوريلا وجسمك جسم ثور.. لا تلوم الجهاز ! لوووووول تتوقع في أحد من حلف الMac ممكن يرد الآن برد مشابه ؟

لوووول يمكن ننتظر و نشوف P: .

 

[sehro]

والله غريبة..انا ممكن يوميا احطه في جيبي لول بس الشاشه عندي معدومه جدا يعني ماتتمتع لما تشوف فيها فديو ..في نقطه مادري ايش هي وسخ ولا ايش هرجتها بس من داخل الشاشه يعني مو من الخارج..تزعجني لما اشوف فديو ب_ب ... بس والله مدام الشاشه قابله للكسر بسهوله اجل بحافظ عليه اكثر

 

[king zell]

لووول أكيد الجينز اللي لابسه ضيق

 

[Khalid-S]

همام ... في شي اسمه واقع لول .....

انا عندي فيديو نفس هذا .. اخذته اول ما نزل طبعا .. الى الان عايش مع انه طاح مليون طيحه .. وجت عليه مويه مرات عديده لكن الجهاز عايش وشغال مثل العسل ..

الله يعينك فيصل ... شوف في اكثر من حل ...
يا انك تشتري جديد وهذا اسوء الحلول ......

يا انك تصلحه عند الوكيل وتحاول تخفض السعر ..
لا تفكر ترسله للموقع او شي .. تكلفه الشحن والارسال ووالخ تكلفك واحد جديد.

اذا صلحه .. خذ لك هذا بما انك "تكسر" 😛 اجهرتك.

موجود في كل محل .. روح جرير واعتقد تحصل واحد مثله .. او محل iPod.

 

[Ginko]

هذي منتجات ابل الله لا يبلانا.


وفعلا اتوقع نصاب الي تعاملت معه.

 

[Khalid-S]

هذي منتجات ابل الله لا يبلانا.


وفعلا اتوقع نصاب الي تعاملت معه.

Zune يسلم عليك ..

 

[Ginko]

Zune يسلم عليك ..

الله يسلمه، والله لي فتره ما دقيت عليه، منحرج منه مره 🙁

 

[Khalid-S]

الله يسلمه، والله لي فتره ما دقيت عليه، منحرج منه مره 🙁

حرام عليك ياشيخ .. الرجال قاعد يدور له صاحب عشان يتشارك معاه بالاغاني .. لكن مو محصل مسكين .. الوحده قاتله.

 

[Mista Koo]

عاد قبل فترة كنت بأشتري لي واحد.. شكلك بتخليني أبطل
يعني أحول على السوني؟؟ همممم

 

[Sir Doyle]

عاد قبل فترة كنت بأشتري لي واحد.. شكلك بتخليني أبطل
يعني أحول على السوني؟؟ همممم

إيه إيه حول لسوني ..... الله لا يبليك بمنتجات أبل

 

[DREAM]

إيه إيه حول لسوني ..... الله لا يبليك بمنتجات أبل

أفضل خيار لك يا عيسى:yuck:

 

[Bounty]

btw سوني يقولون برنامجه معقد .. ما ادري شنو قصده الي قال لي بس يقول افشل برنامج << اعتقد الي ترسل منه اغاني للجهاز ..


الله يعينك فيصل .. ما تهنيت فيه توك شاريه -_-

 

[Justice]

صراحة انا عندي اي بود صراحة ما استفد منه ابدا ابدا
عندي اجهزة غطت عليه صراحة من رائيي اشوف الكرفيت افضل منه

 

[Ash Storm]

btw سوني يقولون برنامجه معقد .. ما ادري شنو قصده الي قال لي بس يقول افشل برنامج << اعتقد الي ترسل منه اغاني للجهاز ..


الله يعينك فيصل .. ما تهنيت فيه توك شاريه -_-

فاشل و بس؟

كلمة فاشل قليلة جداً على ذاك البرنامج المتخلف !! يمسح اغاني بكيفه و اغاني ثانية ينقلها للجهاز و بعدين ما تشتغل و حالة ما يعلم بيها إلا ربنا لول !!

ما أنصحك بسوني, و صدقني الأي بوود يتحمل بس أنت حظك زفت 😛 نصيييب !!

 

[AMG]

btw سوني يقولون برنامجه معقد .. ما ادري شنو قصده الي قال لي بس يقول افشل برنامج << اعتقد الي ترسل منه اغاني للجهاز ..


الله يعينك فيصل .. ما تهنيت فيه توك شاريه -_-

بالنسبة لبرنامج سوني فهو كارثة ماهو معقد بس خصوصا ال connect player لووول مرات يحط و يمسح اغاني من عنده ، لكن عندك ال SonicStage جيد بس مافيه خدمات مثل ال iTunes و بطيء في نقل الاغاني بالمنسبة انا كان عندي سوني واكمان NW-A608


فيصل الله يعينك ، انا الايبود فيديو و انا من زمان ماني قتنع فيه حسيته حساس كمان الايبود نانو القديم فيه مشكله الحساسية الزايدة ، اما النانو الجديد فهو صلب و صعب ينخدش ، ما اعرف ليش ابل ما تنزل ايبود فيديو مصنوع من نفس النوعية الي مصنوع منها الايبود نانو الجديد


لكن مشكلة الشاشة اول واحد شفته تصيرله هو انت ، يعني في الجامعة عندي ناس كثير اعرفهم عندهم ايبود فيديو و يحطوه في جيوبهم و يعملوه معاملة الكلاب و ماشي معاهم 100% :slant: :slant: :slant:

واضح ان في عين صبته :yuck: :yuck:

 

[Ash]

يعني مافي الا انتظر النصابين او اشتري واحد جديد :slant: ..

عبد الله شلونه الZune ؟ الجهاز جيد يعني ؟ و شالي ينقصه مقارنة للiPod غير الاسم P: ؟

لوول خالد , وينه عني من زمان , مشكلتي ماحب الف بأماكن الاكسسوارات .

مشكورين جميعا عالمساعده .

 

[Ginko]

على حد علمي ما ينقصه شيء، بالعكس فيه اشياء مافيه بالاي بود. مثل الشاشه الاكبر ويشغل wma وفيه وايرلس. عموما هنا تلقى كل شيء عنه ما ابي احول الموضوع الى مقارنه.

http://www.zune.net/en-us/meetzune/techspecs/player.htm

 

[Ash]

و الله ممتازة سالفة الوايرليس بس المشكلة مافي مستخدمين أشوفهم أبد فالغالب ماراح استفيد من هالخاصية .

لول iPod Vidoe 80 Giga اغراء , بس للاسف كرهته , شكرا عبدالله .

 

[Khalid-S]

Zune فيه bugs كثيره جداَ ... هذا الكلام مو عندي .. عند الخبراء والمراجعين.

It did not take very long before the first Zune player bug was spotted by Zune users. This first reported bug seem to be coming from the Zune firmware. Some tracks bought from the Zune marketplace are skipping at their beginning. The player skips the track for a fraction of a second and continues again. The same doesn't apply to non-DRM songs...

فيصل اذا عجبك Zune خذه .. لكن انصحك نصلح الي عندك لان من جد حرام ... حاول فيهم ينقصون السعر او شوف غيرهم ..

 

[persona]

وانا اكره الاجهزه اللي مثل هالنوع بشكل عام !!

الله بالخير طال عمر؟ !؟XD!

 

[Mista Koo]

إيه إيه حول لسوني ..... الله لا يبليك بمنتجات أبل

خخخ شفيك عصبت هدي اللعب P:
بالعكس الآي بود عاجبني كثير.. وشفت السوني أرخص بشوي بس المميزات أسوأ
وترى أنا مو حاقد على أبل ولا شي... لا تاكلني >.>

Zune فيه bugs كثيره جداَ ... هذا الكلام مو عندي .. عند الخبراء والمراجعين.

خخخ أتوقع تطلع فيه Blue Screen Of Death

 

[Ash]

Zune فيه bugs كثيره جداَ ... هذا الكلام مو عندي .. عند الخبراء والمراجعين.

It did not take very long before the first Zune player bug was spotted by Zune users. This first reported bug seem to be coming from the Zune firmware. Some tracks bought from the Zune marketplace are skipping at their beginning. The player skips the track for a fraction of a second and continues again. The same doesn't apply to non-DRM songs...

فيصل اذا عجبك Zune خذه .. لكن انصحك نصلح الي عندك لان من جد حرام ... حاول فيهم ينقصون السعر او شوف غيرهم ..

مافي قدامي الا انتظر المكالمه 🙁 , طولوا من جد "بيمر عليهم اسبوع" , شكلي بكره بمرهم لأنهم "مصخوها" .

 

[Zero]

يمدحوا الـWALKMAN المضاد للصدمات ، خصوصا وأنه أعلى جودة صوتية من الآيبود *.*

 

[Sir Doyle]

يمدحوا الـWALKMAN المضاد للصدمات ، خصوصا وأنه أعلى جودة صوتية من الآيبود *.*

أمممم بصراحة أنا مو من متابعين الـ mp3 بشكل مكثف بس أخبار الأبل أتابعها ... ما اتذكر إني قريت أن جهاز الـWALKMAN أعلى جودة في الصوت من الآي بود.... ممكن تعطيني المصدر ؟؟ أريده من موقع معروف مو مدعوم من الشركة المنافسة لو تقدر؟..... لا تفهمني غلط أنا بس حاب استفسر لا أكثر

 

[Golden_Sun]

افاااا، سلامات ما يشوف شر الأيبود!!
بس شلون الكسر اللي بالشاشة؟؟ زلق ولا الشاشة نفسها تحركت لورا؟

انا باستعمالي للأيبود Mini والحين انتقلت للنانو (الاحمر!!).. احس ان النانو حساس اكثر من الMini، اذكر الـMini طاح مني فوق المليون مره!! اكثر من 4 مرات بالشارع ومره منهم تكرفس وانقلب لنص الشارع ومرت سيارة بالوسط وماصار له شي P: ومريتن عالسلم ومره حذفت فيه اخوي (بط جبدي!!) .. وللحين عايش P:

اما النانو احس من اول طيحه من الطيحات اللي ذكرتها فوق بروح فيها!

اعتقد نفس الشي ينطبق عالأيبود القديم والفيديو الجديد، حساسيته زادت فلازم يكون استعمالك شوي اقل "دفاشه" من قبل، ولا تنسى تركب له حماية سواء كانت الحماية بلاستيك او جلد، فيه منها وايد في فيرجين، جرير، محلات الايبود.

مع تمنياتي للآيبود مالك بالصحة والعافية :>