أكبر تحدي بحياتك ؟

[Huda]

السلام عليكم









مادري ايش ذكرني بسالفه التحدي خخخخ
قبل كم سنه كنا بمصر وفي النهار نعيش حاله طفش عجيبه وماعندنا غير الأونو نلعبها فمن كثر مالعبناها اثرت بعقلي انا وخواتي الثنتين
فقررنا نتحدى بعض والي يخسر يصير عبد الفايز 3 أيام كنت انا واختي الكبيره (اكبر مني بتسع سنوات ) جادين جدا !
اختي الي اكبر مني على طول حست بجديتنا فنسحبت من اللعبه خخخ
المهم حصل مالم يكن في الحسبان وفزت انا ولأول مره على اختي الكبيره لانها غشاشة درجه اولى شلون فزت مادري !
طبعاً التحدي كان جدي ومافي شيء اسمه ماابغى ولا ماراح اسوي
وصارت اختي عبدتي ثلاث ايام ههههه
والله اكتشفت اني مجرمه :cryy:
ياأني عذبتها تعذيب
كنا اذا جينا ننزل من التكسي اخليها تفتح لي الباب ههههه


المهم انا اخبر خابره اغلب تحدي الشباب على الشنب ولا ؟ :laugh:​

 

[Abdullah]

خخخخ @ حكايتك. كنت مسافر مع أقاربي و قمة الملل .. تحديته ماتش في الويننج إيلفن و الفايز يروح مع الخاسر محل ألعاب و يشتري له أي شيء (أي شيء) يبيه على حسابه. المهم، مزاجي كان معكر و بقوة و فوق ال5 شباب حولينا جالسين يشجعونه و يهتفون بهتافات الإستهزاء علي و أنا ودي أقتلهم واحد ورا الثاني .. بالنهاية فازني 1 - 0 و بالغش و الضغط على زر Start بين كل هجمة لي. لكنه كان غبي جداً، و ما أشترى إلا أشياء زي وجهه، كم عشرة لعبة كوبي + يدة أصلية + ميموري كارد + شنطة. :yuck:
بس بعد كذا سألته، لو فزتك فعلاً هل راح تشتري اللي أبيه؟ وقال لي بكل وقاحة لأ.

أحس أني أمين زيادة عن اللزوم. :slant:

تحرير: هذا واحد من التحديات، أكبر تحدي كان مع الوالد الله يذكره بالخير و مدري على إيش، المهم كان على أنه لو فازني مايشتري لي جهاز ألعاب (منزلي) جديد لمدة، تنتهي المدة الشهر الجاي. :yuck:

 

[Aoks]

اوكي هذا تحدي انا شفته بس ما كنت متورط فيه خخخخخ :laugh:


قبل سنتين وفي اخر يوم من الاختبارات في الجامعه

اثنين من الشباب تحدوا على لعبة بلياردو

وقالوا الي يخسر يعشينا كلنا في آبل بيز <<< كان توه فاتح :laugh:

واحنا كنا تقريبا 17 واحد :yuck:


وصديقي المسكين انهزم :cryy:


واخذهم لآبل بيز بس 5 انسحبوا لأنهم رحموه و الظاهر 4 دفعوا من عندهم :yuck:
​

 

[Ginko]

هممم تحدياتي كثيره، بس الي اذكرها حاليا هم اثنين.

واحد كان اني ما اشرب ببسي لمدة 4 شهور (كنت مدمن، على الاقل 3 باليوم) واذا سويتها يعطيني الي تحداني 1000 دولار، المهم فزت فيه. وتحدي ثاني اني احلق قرعه على 500 دولار، وسويتها.

 

[Hwoarang]

ما اذكر أني سويت تحديات كبيرة مثل اللي كاتبينها بردودكم
يعني بالكثير الشخص المغلوب بالأونو أخليه يسوي لي كوب شاي

 

[Xeno]

هممم تحدياتي كثيره، بس الي اذكرها حاليا هم اثنين.

واحد كان اني ما اشرب ببسي لمدة 4 شهور (كنت مدمن، على الاقل 3 باليوم) واذا سويتها يعطيني الي تحداني 1000 دولار، المهم فزت فيه. وتحدي ثاني اني احلق قرعه على 500 دولار، وسويتها.

لول شكلك تصاحب اللي عندهم الكاش بس. p:

 

[Sinker]

مباراة شطرنج مع صديق قريب لي دام 12 ساعة و النتيجة كان تعادل هذا كان أطول و أكبر تحدي لي في حياتي و في أشياء ثانية مثل واحد صاحبي أجى من مدينة بعيدة عنا با 350 كيلومتر عشان يتحداني في تيكن 3

 

[persona]

اركب طلقة الدبوس مقابل 20 دينار

وربحت

 

[The Shark]

كنت طالع مع شباب ... و في أول الطلعة تحدينا بعض على إن الي يقدر يشرب علبة بيبسي مقاس وسط على نفس واحد بيختار واحد من الخسرانين بالتحدي انه يتكفل كل مصارييف الطلعة من عشا و مواصلات ... إلخ .. المهم صفينا حنا الأربعة و قعدنا نشرب ...
خلصنا ربع العلبة و ما في مشاكل ...
قربنا نخلص نصها و بدأ التأزم ...
بعد ما خلصنا نصها ازداد الوضع سوء ...
لما خلصنا ثلاث أرباعها ... تفجر الوضع سوءا ... و ما قدرنا نكمل ...
و كل واحد فينا تقريبا فتح فمه لا اراديا ... و الببسي طلع من فمنا و من خشومنا ...
في الأخير وسخنا ملابسنا ... و حالتنا صارت حالة ... و كنسلنا الطلعة و كل واحد رجع بيته ...

 

[itachi]

كان عندي جهاز نوكيا الغطاس ..اللي يقولون ضد الماي طبعا أنا ما خليته كذا قمت بالكثير من التجارب مع الماي وشفته أوكيه ..شكله ضد الماي
المهم يوم تغديت مع واحد من أصحابي وتحداني إني أحط الجوال في كاس ماي :laugh:
وبالفعل حطيته في الكاس وظل يشتغل ...ههههههههههههه لكن حصل ما لم يكن في الحسبان
:embarrassed: شكلي فرحت بالسالفه وخليته مده بالكاس لحد ما طفا الجهاز :cryy:

 

[DeaDMaN]

همم , غير دوريات الجيمز .. p: حاليا القبول في جامعة من ال4 اللي افكر فيهم "georgetown uni , wisconsin madison, michigan state uni , penn state uni" -_- الرد يوم 01 may , غير جورج تاون كلشي احسه سهل لكن.. يارب خير .

 

[Captain Jack Sparrow]

والله اذكر كنا نسوي انواع التحديات ولما يجي وقتها اقول خلاص مالها داعي ::

 

[MR1]

أغلب التحديتات الي اطيح فيها أباري احد بلعبه (video games عموماً / بلنتيات بكورة كدم / تشويت كورة قدم / تنس طاولة / سباحة / .... الخ)

بس فيه تحديات خلتني احط كيس ثلج على ركبي و أيدي (اقفز من الدور الثاني على سطح الملحق / تزحلق و أنت راكب السيكل من على الزحليقه [فيه قدامها جدار على بعد متر و نص / نط من علو 3 أو 4 أو 5 أمتار منب متأكد كم على المسبح على بطنك) =\

 

[53]

عن نفسي .. أنا أفشل واحد بالتحديات وغالباً ما أدخل فيها , بس أحس فيه شي جدي وشغل طلبات صعبه وغيره . أبطل . لو بتحدي أحد لازم اكون واثق 100% والا لا .(حتى لو كان ضحك وغشمره).