أوكي جمعت لي كم لعبة تنفع للموضوع:
Manhunt PS2
بهذي اللعبة راح تاخذ دور قاتل. ما اذكر وش القصة بالضبط أو وش هدفك في اللعبة. لكن الي اعرفه ان هاللعبة كانت على وقتها أعنف لعبة على الوجود. كان ممكن تسوي excutions للأعداء شبه واقعية باستخدام اسلحة مختلفة. الجزء الثاني كان تقييمه العمري في البداية AO, Adults Only 21+. لكن حذفوا فيه الين وصلوا الى M, Mature 17+. أتوقع يعطيك فكرة عن غرابة اللعبة.
No More Heroes Wii
لعبة ثانية من سودا 51. اسلوب البريزينتيشن جداً غير اعتيادي. واللعبة ممتعة اجمالاً.
Rule of Rose PS2
اسلوب لعبها يشبه لعبة the clock tower أو لعبة Haunting Ground اذا تعرفها. لكن قصة اللعبة وأتموسفيرها هنا هو الي من جد يخليها غريبة. اللعبة من نشر سوني في اليابان. بس سوني الامريكية والاوروبية رفضوا ينشرونها في امريكا. أتوقع لما تلعب اللعبة تعرف السبب.
Noby Noby Boy PS3
من تطوير نفس الشخص المريض نفسيا الي طور كاتاماري داماسي. ما يحتاج تلعبها. كل الي تحتاج تسويه عشان تاخذ فكرة للعبة انك تشوف هالفيديو:
http://www.giantbomb.com/quick-look-noby-noby-boy/17-256/
Phantasmagoria PC
أيام الـ90ـات هي أكثر الايام جنونا في التطوير على البي سي. أنواع واشكال الالعاب الغريبة. وهذي وحدة منهم. أنا ما لعبتها الى الان, لأني ما اعرف كيف احصلها, لكني جداً متحمس اشوف وش سالفتها. شيك فيديوات لها بيوتيوب.
Flower, Sun and Rain PS1 - DS
لعبة ثانية من سودا51. هالمرة اللعبة أدفينتشر مو آكشن. اللعبة فيها غموض وتحقيقات وكذا. مثيرة للاهتمام.
Hotel Dusk DS
لعبة بوينت اند كليك ادفينتشر غير اعتيادية بالآرت. مملة شوي, لكن تنطبق عليها مواصفات الموضوع.
Robinson's Requiem PC/3DO
سمعت عنها قبل. انت شخص في كوكب مهجور وهدفك انك تعيش. يقولون عدد الطرق الي ممكن تموت فيها أو تخرب عليك اللعبة بسببها موش مومكونة. يعني تقدر تقطع يدك أو رجلك, أو يجيك طير ويقلع عيونك من وجهك مباشرة. المضحك انك منتب ميت, لكن لازم تكمل اللعبة وانت اعمى...... يب قلت لك, فترة الـ90ـات كانت غريبة على البي سي.
Eternal Darkness GC
أول لعبة رعب من نشر ننتندو. جداً غير اعتيادية, خاصة بالقصة وببعض ميكانيكيات اللعب الجديدة والي ما حتشوفها في العاب ثانية.
House of the Dead: Overkill Wii
اللعبة عبارة عن أون ريل شوتر اعتيادية. لكن طريقة تقديم اللعبة, والشخصيات الرهيبة, والحوارات المضحكة والنهاية المقرفة كلها تخلي اللعبة غير اعتيادية.
بس هذا كل الي عندي :laugh::. أهم وحدة في القائمة هذي كلها هي كيلر 7. الباقي اختياري.
تعديل: اذا تبغى مطوّرين امريكان العابهم غير تقليديه على البي سي عندك:
Warren Specture
من أهم العابه: System Shock, Thief, Deus Ex
Tim Schafer
تتميز العابه انها كوميدية. أصلاً تيم شيفر انسان رهيب, على حسب كلام الناس, ما فيه احد عرف يدخل الكوميديا في الالعاب افضل منه. أهم العابه: Monkey Island, Full Throtle, Grim Findango. قريم فيندانجو بالذات الناس يقولون هي الأفضل. دور صور لها, السيتينقز حقت اللعبة خرافية. ان شاء الله ينعاد اصدارها على ستيم أو xbla أو غيره.
تعديل 2: أحب اقول انه فيه مئات الالعاب الغريبة تلقاها على البلايستيشن 1 و 2 والدريم كاست, وكل هالالعاب عبارة عن العاب يابانية ما نزلت في امريكا. فاللي يقرأ الموضوع ووده بألعاب يابانية غريبة, عليه بواحد من هالاجهزة, ويدّهر يدور عن العاب يابانية.
تعديل 3: اوكي ان شاء الله اخر تعديل :laugh::. تذكرت كم لعبة شوتر غير اعتيادية على الطاير: Max Payne, Cryotasis, STALKER, FEAR
برضو أحب اضيف العاب WarioWare على الجيم بوي او الجيم كيوب لأنها رهيب ومناسبة للموضوع, وأخيراً Rhythm Heaven على الدي اس.
