أفضل أنواع القطط للتربية

[Super Mario]

السلام عليكم ورحمة الله وبركاته

شباب ودي أربي قطوه ( بسه )
شتنصحوني فيه ؟
سمعت انه السيامي مزعج ؟صحيح؟
و أتمنى تحطون صور

وجزاكم الله خير

​

 

[Colorization]

آنا عندي قطوة عادية، مثل ما يسمونها الناس "قطوة شوارع" ونت بكرامة لول. ممتعة لكن تتعلق بالشخص بسرعة (وأعتقد كل القطط جذي)، من أول ما أركن سيارتي عند الباب أشوفها رجلها من فتحة الباب واقفة تنتظرني أدخل البيت. أهم شي تحط ببالك إنها مسؤولية، تحتاج إنك توكلها بشكل متواصل وتعلمها شلون تروح "الحمام" ونت بكرامة عشان ما تعفس بيتكم.

صورة قديمة:

 

[NSider]

أفضل وأجمل نوع بمراحل في رأيي هو القطط الشيرازية/الفارسية

هي غالية شوي (الأنواع الجيدة تتراوح بين 600-1500 ريال)، لكنها عادة تكون مدربة (وأحيانا معها إثبات نسب!)، وفوق كذا أليفة جدا جدا مستحيل تعض أو تشمخ، وفروها ناعم و "مريّش". هذي صور لبعض الأنواع:

آخر صورتين هي لأغلى نوع منهم حسب ما أعرف، وهو النوع اللي ما أحبه (خشمهم مفعوص شوي لول).

مش مشكلة لو تاخذ شي مهجن شوي لكن أهم شي أن شكله يكون فارسي وأنه يكون مدرب صح ومعاه شهادة صحية. ولا تاخذ ذكر إلا ومعاه أنثى، إلا لو بتسوي له "عملية" لول.

 

[hamad 11]

سمعت انه السيامي مزعج ؟صحيح؟

لا مو صحيح.. اسلوبهم مثل بقية القطاوة.. بس الحلو فيهم انك ما يحتاج تتعب نفسك وتخدمهم بأشياء كثيرة..

مثلاً, الحمام بروحها تطلع خارج وتقضى حاجتها في مكان مخصص معلمينها اياه.. والأكل تحطه لها مكان وهي وبروحها تروح له كل مرة وتاكل.. الشي الوحيد الى كنت اسويه هو اسبحهم.. وهالشي كل ثلاث أيام أو اربعة..

بس سعرهم غالي مرة, قطاوتي جابوهم لي هدية.. للآسف ماتوا بالصيف الماضي (ما يتحملوا الحرارة الزايدة) :cryy: بس قريب رح اشتري قطوتين مثلهم

 

[Nintendo]

اذا ودك تربي وحده خذلك وحده تكون صغيره بالسن وصدقني راح تتونس معها .. اول شئ تكون حركيه وتسوي جو ويكون دمها خفيف جدا وبعدين بنحس انك فعلا ربيتها يوم تكبر .

للاسف مع اني اعشق القطط وياما ربيت منهم ولكن بسبب الربو ماقدر اقعد معهم كثير وطلع قانون عندنا بالبيت يمنع تربيتهم ( اكثر من شخص عنده نفس المشكلة ) .. ولكن ذا مايمنع انه كل فتره نربي وحده من قطط (الشارع ) او قطط الجيران ( لول مادري ليش كل فتره نحصل وحده من قططهم ناقزه عندنا بالبيت ) ..

 

[hamad 11]

بديت اشك انه القطاوي الى كانت عندي شيرازية :slant: مع انهم قالوا لي سيامية

لول شباب شلون افرق بين الاثنين؟

 

[Super Mario]

شباب واحد قالي أنه القطط فيها نوع من الفيروسات تسبب الحساسيه
ما مدى صحة هالكلام ؟

شفت قطوه اسمها spynx والله كل ما أشوفها أشمئز استغفر الله , ما أدري شلون يشترونها الناس !!!

 

[NSider]

بديت اشك انه القطاوي الى كانت عندي شيرازية :slant: مع انهم قالوا لي سيامية

لول شباب شلون افرق بين الاثنين؟

لول اللي عندك شيرازية. السيامية شعرها قصير ولون فروها يتدرج بين الأسود والأبيض مع وجه أسود، وعيونها زرق (جميلة جدا):

ميزتها أنها تخاف تطلع من البيت (لأنها ما تشوف زين في الليل) وتعتمد على البشر في كل شي، لكن عيبها هو أنها مزعجة ومتطلبة جدا.

 

[Nintendo]

شباب واحد قالي أنه القطط فيها نوع من الفيروسات تسبب الحساسيه
ما مدى صحة هالكلام ؟

يس .. القطط تسبب حساسيه لاصحاب امراض الصدر ( تحصلهم يعطسون او يكحون او ماتدخل بالغرفه ) .. وانتبه انتبه انتبه تخلي القطه تقرب من اي امراه تكون حامل لانها تسبب امراض للجنين ...

 

[NSider]

شباب واحد قالي أنه القطط فيها نوع من الفيروسات تسبب الحساسيه
ما مدى صحة هالكلام ؟

شفت قطوه اسمها spynx والله كل ما أشوفها أشمئز استغفر الله , ما أدري شلون يشترونها الناس !!!

إذا معها شهادة صحية تقدر تتطمن من الفيروسات، لكن اللي عندهم أمراض تنفسية راح يعانون من فرو القطط (ممكن تجنب الشي هذا بالغسيل المستمر + أخذ إبر للحساسية).

لول لا يسمعك سترايف. ميزة الـsphynx أنها ما تسبب حساسية.. وبس لول.

 

[hamad 11]

شباب واحد قالي أنه القطط فيها نوع من الفيروسات تسبب الحساسيه
ما مدى صحة هالكلام ؟

شفت قطوه اسمها spynx والله كل ما أشوفها أشمئز استغفر الله , ما أدري شلون يشترونها الناس !!!

خخخ قصدك الى حاطها العضو Strife في رمزيته..

من جد شكلها مقرف, تحسها جلد على لحم

لول اللي عندك شيرازية. السيامية شعرها قصير ولون فروها يتدرج بين الأسود والأبيض مع وجه أسود، وعيونها زرق (جميلة جدا)

وانا احسب قطاوتي سيامية من يوم شريتهم @_@

 

[Leon]

يس .. القطط تسبب حساسيه لاصحاب امراض الصدر ( تحصلهم يعطسون او يكحون او ماتدخل بالغرفه ) ..

سبب كرهي لها .. عشان كدة ما أقدر أربي أي نوع من أنواع القطط ..

الصور حلوة .. 🙁

 

[Super Mario]

اي امراه تكون حامل لانها تسبب امراض للجنين ...

زين انك نبهتني على هالنقطه بالذات

بس هالنقطه عن تجربه ولا كلام علمي ؟؟

لول لا يسمعك سترايف. ميزة الـsphynx أنها ما تسبب حساسية.. وبس لول.

أصلا مجرد انك تشوفها تجيك حساسيه وأمراض :laugh:

 

[Nintendo]

بس هالنقطه عن تجربه ولا كلام علمي ؟؟

تقدر تستفيد من ذي المقاله

http://www.lahaonline.com/index.php?option=content&id=1612&task=view&sectionid=1

 

[NSider]

بالنسبة للقطط والحوامل، الخطر الوحيد هو انتقال نوع من الطفيليات اللي ممكن يعيش في براز القط (وأنتو بكرامة)، والمشكلة هذي ما تصير إلا خلال أول 3 شهور من الحمل. الطريقة الوحيدة لانتقاله للمرأة الحامل هو أن الفضلات تظل موجود لـ24 ساعة بدون تنظيف، وأن المرأة الحامل تجي تنظف الصندوق بنفسها، وبعد كذا تلمس فمها أو عينها بدون غسيل اليد. احتمال بسيط على ما أعتقد، لول. الطفيليات هذي ما تنتقل عن طريق الهواء.

أفضل شي لضمان تجنب المشكلة هذي 100% هو تغيير الرمل اللي في الصندوق يوميا، وأن الحامل ما تسوي المهمة هذي بنفسها. وطبعا بعد لمس القط، لازم الحامل ما تلمس فمها أو عينها قبل ما تغسل يديها (أعتقد المفروض الكل يسوي الشي هذا مع أي حيوان).

هنا معلومات أكثر: http://www.catsplay.com/thedailycat.../cats_pregnant_women/cats_pregnant_women.html

 

[Super Mario]

جزاك الله خير أخ عمر على هالنصايح الحلوه

والشكر لجميع من شارك

 

[BioMario]

طبعاً معروف ان القطط الشيرازية اغلى نوع ..
حتى عندنا في الإمارات غالية ومن اغلى القطط واكثر القطط مطلوبة ..

وهذي على ما اضن بعض الصور لها :-

So Cute ^^

 

[persona]

نفس ماقالوا الشباب وخر القطو عن اثنين..الحامل واللي فيه ربو..

-اشتر لها بيت خلها بمكان قريب من الحمام وانتوا كرامه او مكان مو مخصص للجلوس..
-اشتر لها حمام رمل ..يفضل تحطه يم الحمام وانتوا كرامه
-لا تدلع القطو..ولا تستحقره او تطنشه وازن بين هالشي..اذا دلعته بيتمادى ويبي اكل زياده ووقت زياده وووو..
-اقتصد بالاكل..لا تعطيه الصحن فل ..خله نص او الربع يشبعه لنص يوم كامل..اذا عودته ياكل الصحن كامل..راجع النقطه اللي فوق..
- اذا كنت تربي قطو بروحه..فمرات تجيله حاله هيجان ل..لا تخاف وتحسب انه القطو حاشه مس شيطانى لول..لا..تفسيرها انه يحس بالوحده ويبي شريك حياته الميامومياوي ..
-راجع البيطري اذا كنت تبي تربيه صغير لانه يمر ب فترات تطعيم ..واذا لاحظت تساقط شعر له اذا كان كبير يحتاج لحقنه ..لانه هذي بدايه للجرب..
-قصص الاظافر..لانه اذا طال الاظفر مصيبه ...تتعلق الوساخه فيه..تقطع الزوليه او الاثاث فيه..لول..
-بعض انواع البيسكوتات اللي بالسوق تسبب اسهال (وانتوا كرامه) للقطو..خصوصاً اللي تكون عصه..وخر عن الككاو = تسمم للقطو ..بالوجبه الوحده خليه ياكل نوع واحد من الاكل..
-الحيوانات الاليفه تحب تقلد صاحبها..وتحب جداً الاطفال..القطو اللي عندي يحب ..يقعد على الكرسي..يدرس..يمسك التلفون..يحوش الكيبورد ..لانه هذي التصرفات يشوفها على صاحبه..
تحب تتلزق وتطلب منك انك تداعبها او تعطيها من وقتك شوي، مو حباً فيك..عشان تلصق ريحه القطو فيك(مايشمها البني أدم ، القطط عندها حاسه شم قويه)..وينبه القطط الثانيه انه ..هذا مُلك لي..خصوصاً اذا بالبيت كان أكثر من قطو..

الشيرازي احلى..لكن السيامي شقي جداً لول.... بس الاحلى لو ربيتهم وهم صغار من تطعيم وغيره.. بتتعب لكن بتحس مع السنوات بمعنى كلمه "تربيه"

 

[Xeno]

ماعندي شي أقوله...

بس in b4 the sphynx

 

[NSider]

- اذا كنت تربي قطو بروحه..فمرات تجيله حاله هيجان ل..لا تخاف وتحسب انه القطو حاشه مس شيطانى لول..لا..تفسيرها انه يحس بالوحده ويبي شريك حياته الميامومياوي ..

هذي من جد حالة مزعجة خصوصا لو ربيت قطو صغير وكبر. أفضل حل هو أنك تجيب له شريك أو أنك تسوي له عملية بسيطة وتزيل المشكلة من جذورها. العملية لها ميزات كثيرة:

- تقلل طلعاته بره البيت، وبالتالي..
- ما راح تجيه أمراض من بره (ومنها المرض اللي يؤثر على الحوامل)
- ما راح يتخانق مع قطط ثانية
- لو كانت أنثى، ما راح تجيك حامل من قطو شارع قبيح
- راح تقل عدائية القط (بترجع براءته لول)
- بشكل عام راح يطول عمر القط
- لو جبت شريك، راح تصير أشياء صعب تفسرها لإخوانك الصغار لول

 

[Naif]

بس in b4 the sphynx

ههههه.. متاخر.. شوف الرد السابع

 

[pacino]

بديت اشك انه القطاوي الى كانت عندي شيرازية :slant: مع انهم قالوا لي سيامية

لول شباب شلون افرق بين الاثنين؟

اذا كنت تبي شيرازيه غير مهجنه ( من ام واب نفس النوع ) راح تلاحظ اختلاف بلون العيون..كل وحده له لون بروح..

 

[Lunar Poet]

- ما راح يتخانق مع قطط ثانية
- راح تقل عدائية القط (بترجع براءته لول)

امم سمعت ان العكس! عدائيته تزيد، خصوصاً لو كان ذكر (السبب هو ان الاستئصال يزيل العضو فقط و ما يزيل العامل النفسي .. فالقط تبقى عنده الرغبة لكنه ما يقدر يحققها، فيشعر بالغيرة من القطط الثانية فتزيد عدائيته) ..

 

[MALDINI]

شفت قطوه اسمها spynx والله كل ما أشوفها أشمئز استغفر الله , ما أدري شلون يشترونها الناس !!!

اللي مايعرف للصقر يسوي كنتاكي
انا ناوي على وحده خلاص .. عجبتني بعد ماقريت عنها .

***

 

[NSider]

اذا كنت تبي شيرازيه غير مهجنه ( من ام واب نفس النوع ) راح تلاحظ اختلاف بلون العيون..كل وحده له لون بروح..

القطط الشرازية أنواع كثيرة، ونوع واحد منها فيه الميزة اللي تذكرها..

امم سمعت ان العكس! عدائيته تزيد، خصوصاً لو كان ذكر (السبب هو ان الاستئصال يزيل العضو فقط و ما يزيل العامل النفسي .. فالقط تبقى عنده الرغبة لكنه ما يقدر يحققها، فيشعر بالغيرة من القطط الثانية فتزيد عدائيته) ..

لا مو صحيح. ما راح يصير حمل وديع، لكن راح تقل طلعاته من البيت، وراح يحصر نفسه في مساحات أقل، وراح تقل عدائيته بشكل واضح (إذا كانت عدائيته هي بسبب الرغبة)، وراح تصير فيه تغيرات هرمونية كثيرة عنده. في مشكلة جانبية أنه ثبت علميا أن وزن القط يزيد بعد العملية.

 

[ZiZ]

الصراحة أنا من واقع خبرة أنصحك بالـ Longcat

يجي بعده sadcat

و seriouscat

بس احذر من أنك تجيب drillcat

 

[Super Mario]

اللي مايعرف للصقر يسوي كنتاكي
انا ناوي على وحده خلاص .. عجبتني بعد ماقريت عنها .

والله حدي مستغرب :gasp:

الله خلق وفرق :laugh:

بالله عليك شوف الفرق ؟؟؟؟؟؟؟؟؟؟؟؟؟

 

[Ash Storm]

والله حدي مستغرب :gasp:

الله خلق وفرق :laugh:

بالله عليك شوف الفرق ؟؟؟؟؟؟؟؟؟؟؟؟؟

استغفر الله العظيم شكلها قبيح -____-


انا بعد اريد اربي قطة, بس الاهل رافضين -____-

و انصحك بالفارسي!

 

[q8 spy]

يازين الخرفاان ياناس

خلك من القطاو ورب خرفاان

 

[hyuga neji]

مادري شلون تحبون القطط وكل الحيوانات(وانتم بكرامة) اخاف منهم وبالذات القطط والكلاب

بس بحاول اكسر الخوف واربي قطط انشاءالله كل شي يعدي علي خير

المهم بحط لكم صور ويليت الي يعرف نوعهم يقولي وكم سعرهم لان بشتريهم وماعرف اسعار^^

هذي صورهم

واسمحوا لي علي جوده الصور


سدت نفسي*_*

تشبه البقره