hits counter

أعضاء تروجيمنج المتخرجين لعام 1432 || وين نروح ؟ ||

شباب صدق سالفة ان اللي توهم طالعين من الثانوي مايقدرون يدخلون البعثه الا لو كانوا يبون طب؟!

طيب حركة دراسة كم شهر على حسابي وبعدين يضموني معهم ماتضبط بعد؟!

اذا الأجوبه ايه ابي مصدر.

تعديل:دخلت موقعهم تو ومافيه أي شي يتكلم عن الموضوع اللي اسأل عنه,ماادري من وين بعض الناس جابوا الكلام..

بس والله زادوا النسب عيال الذين أجل 80 بالقدرات و 80 بالتحصيلي!!!!
 
التعديل الأخير:
^
ابتعاث البرنامج للباكلريوس فقط للتخصصات الطبية "طب - اسنان - علوم طبية - ... الخ" .. نفس السنة الماضية

وتقدر تدرس على حسابك بالتخصص اللي تبغاه "حتى لو غير الطب" وتحول بعد فترة الى البرنامج
 
بس اللي مكتوب انه حتى موجود تخصصات الهندسه وبعض تخصصات الادارة مثل المحاسبه والإدارة الماليه.
 
^
متاحة للدراسات العليا فقط ..
الشروط الخاصة للابتعاث في مرحلة البكالوريوس ( يقتصر التقديم على التخصصات الطبية فقط )


1. ألا تقل نسبة الثانوية العامة للمتقدم عن 90% في قسم ( العلوم الطبيعية أو ما يعادلها ).
2. أداء اختبار القدرات العامة، والحصول على درجة لا تقل عن 80% .
3. أداء الاختبار التحصيلي، والحصول على درجة لا تقل عن 80% .
4. ألا يكون قد مضى على حصوله على شهادة الثانوية العامة أكثر من ثلاث سنوات بدءاً من العام الدراسي 1428هـ ـــ 1429هــ .
5. ألا يزيد عمر المتقدم على اثنتين وعشرين سنة، ( ولا يقبل من ولد قبل تاريخ 5/12/1409هـ ).
6. يشترط للقبول في بكالوريوس الطب في الجامعات الأوربية الحصول على درجة ( 5 ) في IELTS. أو ما يعادله.

الـتسجـيل عـلى موقـع الـوزارة الإلـيكترونـي
من الإثنين 1/9/1432هـ الموافق 1/8/2011م
حتى الجمعة 12/9/1432هـ الموافق 12/8/2011م​
أنقر للتوسيع...

http://www.mohe.gov.sa/ar/studyaboard/King-Abdulla-hstages/Pages/7.aspx
 
شباب انا اليوم خذيت الشهاده وطلع اسمي بالشهاده (FARES) والجواز (FARIS) هل لازم اعدله ولا لا .
 
احد عنده اي علم عن كلية إعداد المدربين و شروطها !؟
 
FAROOS قال:
شباب انا اليوم خذيت الشهاده وطلع اسمي بالشهاده (FARES) والجواز (FARIS) هل لازم اعدله ولا لا .
أنقر للتوسيع...
اذا ناوي تقدم على الابتعاث .. اي لازم يكون مطابق لها
الحاجات الثانية مدري
 
أخ فارس أنا اللي اعرفه إنك لازم تمشي على اللي في الشهادة .. في جميع التقديمات.

حالياً اشوف وضعك عادي ويمشي بالراحة لكن المشكلة اذا كان اسمك في الشهادة فيه خطأ إملائي فادح .. واحد من ربعي اسم عائلته "AL THOBAITI" وفي الشهادة "AL HOBAITI" يعني أكلوا حرف الـT :laugh::
 
أوبس أفتكر السنة إللي فاتت شروط القبول كانت أسهل من كذا...

خذوها نصيحة إللي بيقدم بعثة طب بشري عن طريقهم....ترى ماراح يرسلوك إلا على المجر و هولاندا و الدول إللي زيها...يعني لاتفكر يرسلوك على أمريكا أو كندا..

و كمان لازم تتعلم لغة البلد إللي درس فيه ....البعثة تقريبا شهر4 السنة الجايا زي ما عملوا معانا

بالتوفيق
 
التعديل الأخير:
^
71% آخر شيء كنت متوقعه الصراحة بحكم إني حسيت بجيبة العيد في الاختبار ..

س: متى يبدأ التقديم على جامعة الملك سعود .. لازم يكون عندي باك أب
 
شباب, أي شيء عن برنامج أرامكو الCPP أنا موجود هنا, توي متخرج منه هالسنة وبأبتعث لجامعة في أمريكا..
نصيحة, أي واحد درجته بالتحصيلي بتجعل صعب عليه ينقبل بجامعة زينة في السعودية لا يفضل يروح كلية على السي بي سي.. السي بي سي ما يعتبرون التحصيلي ولهم إختبارهم الي تدخله بشرط 80 قدرات و90 ثانوي و90 مواد علمية..

لما تدخل البرنامج بالغالب أبوك لما يشوف كل الطلاب طالعين للخارج بيهديه ربك ويحس إنها مصلحتك ويخليك (حالة أبوي الي ببداية السنة مو مقتنع بالدراسة بالخارج والحين ما عنده مشكلة ).. وبنفس الوقت تقدر تروح للبترول إذا تبي.. لا تكلمهم ولا شيء, وإختر جامعات أمريكية على إنك تقدم لها بس لا تقدم, في آخر السنة قول لهم ما قبلني شيء وبيسمحون لك تروح للبترول! والبترول بدورهم لو كنت ناجح من السي بي سي ما يطلبون منك شيء ثاني ويقبلونك مباشرة للفريشمان وبالتخصص الي أرامكو إتفقت معك عليه من بداية السنة!

على العموم, للي يبي يعرف آلية قبول البترول من المهتمين بالجامعة, فهي تنظر 20% للثانوية 30% للقدرات 50% للتحصيلي.. والعام كانوا يبون النسبة العامة بعد معادلتها تكون 84 للقبول, أعرف ناس كانوا قريب جداً منها وما إنقبلوا.
 
Smile Face 100 قال:
^
71% آخر شيء كنت متوقعه الصراحة بحكم إني حسيت بجيبة العيد في الاختبار ..

س: متى يبدأ التقديم على جامعة الملك سعود .. لازم يكون عندي باك أب
أنقر للتوسيع...
يوم الجمعه والامام يوم السبت .
 
وبنفس الوقت تقدر تروح للبترول إذا تبي.. لا تكلمهم ولا شيء, وإختر جامعات أمريكية على إنك تقدم لها بس لا تقدم, في آخر السنة قول لهم ما قبلني شيء وبيسمحون لك تروح للبترول!
أنقر للتوسيع...

النقطة هذي بالذات فرحتني الحمدلله .. اللي فهمته إنه موب شرط يغصبونك وإن قرار الابتعاث سواءً داخلي ولا خارجي بيدك (حتى وإن كان بالطرق الملتوية) .. لأن أنا نسبة الابتعاث للخارج تساوي صفر وفي نفس الوقت مصمم على البترول والسي بي سي جداً راح يفيدني.

والعام كانوا يبون النسبة العامة بعد معادلتها تكون 84 للقبول, أعرف ناس كانوا قريب جداً منها وما إنقبلوا.
أنقر للتوسيع...
اوف يقطع أم تخريبة المزاج 🙁
طيب باعتقادك كم راح تكون للسنة هذي؟؟
 
^

ما أبي أحطمك, لكن أتوقعها أعلى لأنه الطلاب السعوديين مع كل سنة يتحسنون خاصة مع إنتشار الوعي بأهمية الإختبارات مثل التحصيلي والقدرات وإنه السالفة مو بس ثانوية.. والسبب الثاني والأهم هو أن العام قبلوا 3600 طالب بينما هالسنة أسمع إنهم بيقبلون فقط 2000 طالب تقريباً! فبالقليل بتكون عند ال85!

النقطة هذي بالذات فرحتني الحمدلله .. اللي فهمته إنه موب شرط يغصبونك وإن قرار الابتعاث سواءً داخلي ولا خارجي بيدك (حتى وإن كان بالطرق الملتوية) .. لأن أنا نسبة الابتعاث للخارج تساوي صفر وفي نفس الوقت مصمم على البترول والسي بي سي جداً راح يفيدني.
أنقر للتوسيع...

أنا صارت معي إنه الجامعات تأخرت بقبولي وحسبوا إني ما إنقبلت بجامعة فعرضوا علي أروح للبترول لكن نبهتهم إني مقبول بمكان وبأروح له.. على العموم, فيه كم من طالب بعد بطرق غير ملتوية حصلوا على البترول, تناقشوا من بداية السنة وتعبوا رؤوسهم وبالموت حصلوا على الموافقة.. لكن أسلوبي أشوفه أحسن بلا صداع رأس بلا هم!
 
^

حسبتها لك وطلعت 81 بالضبط إذا الثانوية 100 والقدرات 85 والتحصيلي 71..
لو بس جايب بالتحصيلي أكثر..
على العموم, ما أتمنى تتأثر.. حالياً لا زال لك فرصة بالسي بي سي حسب أداءك بإختبارهم بس أنصحك تذاكر له بالإنجليزي والرياضيات عشان تضمن مكان.. ولا تنسى جامعة الملك عدالعزيز الي ما أتوقع قبولها صعب.. وأخيراً لا تنسى بعض الكليات الممتازة مثل كلية الجبيل الجامعية..
الملك سعود قبلوها تقريباً بمستوى البترول..
 
ولا تنسى جامعة الملك عدالعزيز الي ما أتوقع قبولها صعب
أنقر للتوسيع...
ولا يحاول يقرب منها
أزفت جامعة على وجه الأرض
حسافة ان اسمها جامعة المؤسس
 
التعديل الأخير:
cry.gif


إن شاء الله في الأمر خيره بشيلها من راسي على كذا
 
شباب ممكن رابط برنامج ارامكو الـ CPP .

اخوي slifer dragon بالنسبه لك وش اسهل اختبار ارمكو ولا اختبار التحصيلي .
 
http://www.saudiaramco.com/ar_sa/home/join-us/jobs-and-programs-for-saudis/programs-for-high-school-graduates-and-2-year-diploma-graduates/scholarships--apne---vcgnep.html#%25D8%25A7%25D9%2586%25D8%25B6%25D9%2585-%25D8%25A5%25D9%2584%25D9%258A%25D9%2586%25D8%25A7%257C%252Far_sa%252Fhome%252Fjoin-us%252Fjobs-and-programs-for-saudis%252Fprograms-for-high-school-graduates-and-2-year-diploma-graduates%252Fcollege-degree-program-for-non-employees--cdpne-.baseajax.html

بالنسبة للصعوبة, فالإختبار التحصيلي أصعب لأنه 5 مواد كاملة ومنها أحياء:sarcastic:
إختبار أرامكو مجرد رياضيات وإنجليزي
الرياضيات أصعب من التحصيلي بقليل لكن مو بالفرق المخيف
والإنجليزي إختبار أرامكو فيه فرق صعوبة واضح بينه وبين التحصيلي, بس أي واحد واثق من مستوى إنجليزيته ما راح يواجه مشاكل وبيجيب درجة كاملة أو قريب من الكاملة في الإنجليزي.. ( الي يحس إنه بالتحصيلي حل بالإنجليزي بسهولة فلا يتوقع إنه بيجيب العيد في إختبار أرامكو )

على العموم, كنصيحة لأي واحد يبي يدخل البرنامج, قبل موعد الإختبار ب4 أيام خلي لك كل يوم 3 ساعات تقريباً مراجعة الي ذاكرته للتحصيلي من مادتين الرياضيات والإنجليزي (على إفتراض أن إنجليزيتك مو قوية) وبإذن الله تضمن تأدي زين بالإختبار.. لو إنجليزيتك زينة, فمذاكرتك سهلة الحمدلله وبتقتصر على الرياضيات.. أهم شيء تركزون فيه بالرياضيات هو التفاضل والتكامل (وخاصة الثاني الي بتجي منه أفكار كثير منها مساحة وحجم).. الباقي ذاكروه بس أنا قلت تركزون على التفاضل والتكامل لأنه نسبة كبيرة من الأسئلة منه..
الإنجليزي ما أذكر وش لازم تركز عليه.. لكن الي أذكره إنك لازم تتعود تقرأ قطع بشكل جيد وتجاوب على الأسئلة عن القطع.. ولا تخافون الأسئلة بسيطة جداً ولو كنت فاهم الفكرة العامة والبسيطة للقطعة بتحلون الأسئلة بسهولة ولا تتوقعون شيء مثل القدرات يحتاج تفكير عميق بالقطعة وفلسفة!
ترا المذاكرة قبل إختبار أرامكو فعلاً مفيدة خاصة إنه كثير من الطلاب ما يذاكرون فبتكون دفعة قوية لكم عليهم بالإختبار.. والي حاط برأسه البرنامج بشكل جدي يمسك نفسه قبل الإختبار بكم من يوم عشان يأدي زين وينقبل بهالبرنامج الممتاز!
 
مشكووور اخوي . وبغيت اسئلك كيف صعوبة البرنامج والسنه التحضيريه خاصه .
 
^

السنة الأولى من البرنامج الي هي التحضيرية أصعب من تحضيري الجامعات بالراااحة..
الإنجليزي الي بتدرسه بيكون أكثر تقدم من الي تدرسه بالتحضيري ومتوقع منك تسوي أشياء أكثر وتجيب درجات بإختبارات عالمية للإنجليزي مثل التوفل والآيلتس.. وبنهاية السنة فيه كورس تكتب بحث كامل ويعتمد عدد صفحاته على مستوى إنجليزيتك.. بحالتي كان 10-12 صفحة!
الرياضيات بتخلص الرياضيات الأساسية الي الجامعات تأخذها بالسنة التحضيرية بعد أقل من 5 شهور بالبرنامج وبعدها تبدأ تآخذ Calculus الي هي مادة فريشمان(سنة ما بعد التحضيري) بالجامعات وحسب تخصصك ومستوى الرياضيات حقتك يحدد قد إيش بتأخذ كالكولوس لأنه فيه طلاب يخلصون منهج الفريشمان كامل!
حسب تخصصك بتأخذ إما كيمستري أو فيزيكس لمدة 7 شهور تقريباً وبتخلص منهج الفريشمان كامل بالإضافة لكم من مادة من سنة السوفومور(سنة ما بعد الفريشمان) مثل لو كنت مع الكيمستري ممكن تاخذ أورجانيك كيمستري ولو كنت فيزيكس ممكن تأخذ ثيرمودايناميكس وفلويدز وممكن تأخذ إليكتريستي (ما أدري مادة فريشمان ولا سوفومور) أو جيولوجيا..
وفيه كورسات الحاسب, بتأخذ كورس وورد, وكورس إكسيل وكورس برمجة سواء Java ولا C++..
وفيه كم من كورس زايد بتأخذه بس ما ذكرتهم لأني بس بأذكر الكورسات الي فيها أكثر الشغل!

لول, السي بي سي بالراحة أصعب من تحضيري الجامعات عندنا:laugh::

ما بعد التحضيرية, يعتمد على الجامعة الي أنت مبتعث لها..
 
^^
يعني بالعربي العذاااب بعينه :sweat:
 
^

إيه, لكن صدقني بعد التخرج بتحس بمتعة وإنجاز وإنك إستفدت الكثير! الحين لما أشوف الي بآخذه السنة الجاية بالجامعة كثير منه غطيته بالسي بي سي فبيكون سهل علي وخاصة إنه الإختبارات بالسي بي سي أصعب من مستوى أغلب الجامعات.. فإعداد قوي لك إنك تجيب درجات عالية بحياتك الجامعية..
وفي النهاية تذكر البرنامج يضمن لك وظيفة وحياة مستقبلية ممتازة لو مشيت فيه.. فأشوفه يستاهل التعب!
وحسب ما أسمع, الطلاب الي ما ينقبلون بجامعات في أمريكا ويروحون البترول حتى لو ما كانوا ذاك الزود بالسي بي سي, بأول سنتين يطلعون دوافير قدام باقي طلاب الجامعة ويجيبون درجات خرافية بعد الضغط :tongue:
 
طيب الحين المهم بس اجتاز التحضيري ولا لازم نسبه فيه . وكم اقل نسبه لاجتيازه .
 
^
إجتياز التحضيري شروطه كالتالي:
-نسبة عامة للسنة 2.5 من 4.0
-نسبة الفصل الثالث من السنة 2.5 من 4.0
- النجاح بكورس الريسيرتش بيبر
- النجاح بكورس العمل التطوعي
- درجة مطلوبة بإختبار التوفل أو الآيلتس حسب مستواك بالإنجليزي

لو حققت هالشروط أنت متخرج.. لو ما حققتها ترجع لمجموعة مراجعة الطلاب ويقررون إمكانية تخرجك من عدمها.. أضمن لك لو تشتغل بالسنة التخرج ما راح يكون صعب.. الصعب هو إنك تجيب نسبة عالية, لكن 2.5 ما هي صعبة لو كنت تركز بالحصص وتذاكر للإختبارات وتسلم الواجبات أول بأول.
 
طيب اختبار التوفل تدخله باول التحضيري او اخره .
 
^

لك ثلاث فرص.. واحدة بعد الدخول بشهر تقريباً وواحدة بعدها بشهرين وواحدة بعدها بشهر أو إثنين وبعدين لو إحتجت تختبر على حسابك.
 
شباب أحد سمع بالشركة البريطانية للطيران والفضاء BAE Systems أو كما تسمى باليمامة .. أمس واجهت واحد من أقاربي يقول الدراسة سنة وخمس شهور اعتقد تطلع بعدها فني طيران أو إداري .. مدري صراحة بس جازت لي دامها بهالمدة وزد عليها نظام التأمينات ومكافأتهم اللي بحدود 5000 والرواتب في حال مسكت الوظيفة كحد أدنى اعتقد 12000 .. يعني ما هي هيّنه ابداً !!

المشكلة اللي كلمني ضعيف جداً في اللغة الانجليزية ومع ذلك مشى فيها وبالراحة .
 
يجب تسجيل الدخول أو التسجيل كي تتمكن من الرد هنا.
عودة
أعلى