أسعار البنزين في السعودية .. ياسلام !

[Humam]

بعد القرار إلي طلع قبل يومين بتخفيض أسعار البنزين والمحروقات 30 % , ما أقدر أقول إلا ياسلام !!

أول كنت أعبي ب 30 ريال والتانكي يكون على النص, الحين صرت أعبي ب 17 ريال full إذا كان على النص ..

يعني التوفير 13 ريال.. اذا الواحد افترضنا يعبي كل يومين ( 4 أيام اسبوعيا ) لمدة سنة يعني في السنة التوفير 2500 ريال حق بنزين بس.. وهذا انا الي سيارتي 4 سلندر وما تصرف, لكن الناس الي سيارتهم كبيرة وتصرف ودخلهم محدود ( البعض يعبي ب 100 ريال يوميا لزوم أعمالهم ) شوفوا قد ايش راح يوفروا .. امس قريت ان واحد يوفر 11 ألف ريال سنويا ..

الحمد لله رب العالمين, نعمة, ولئن شكرتم لأزيدنكم.. الله يحفظ لنا أبو متعب صقر العروبة و يوفقه لكل ما يحب و يرضى 🙂

الله على الطلة والابتسامة.. أسد والأسود قليل 😉

 

[Ginko]

صحيح والله؟!؟!؟

الله يبشرك بالخير، والله بعدي عن البلاد نساني خبرها، كفو والله ابو متعب، اسد من ظهر اسد!

 

[Nintendo]

فعلا والله قرار حكيم من ابو متعب الله يحفظه لنا 🙂

رحت عبيت سيارتي امس فل ( التانكي كان فاااااضي ) ب 26 ريال وانا عادة فوق ال35 🙂 الحين كل يوم بروح اعبي لول 😉

 

[Torpedo]

القرار ساري فقط لنهاية يوم 31 ديسمبر 2006 .. مع ذلك الحمد لله .. اول اعبي سيارتي بـ 50 الحين 35 ريال .. و الثانية كنت اعبيها بـ 75 الحين بـ 52 .. الحمد لله لول

 

[Nintendo]

من جد احمد !! يعني مش لفتره طويله !!

اممممممممم اجل شباب بكره كل واحد ياخذ معه سطل ويعيبه عشان يوم ترجع الاسعار 🙂

 

[Humam]

هو طبيعي يكون ساري لمدة معينة,بس ما قد سمعت انه لين 31 ديسمبر, محد يضمن اسعار النفط تكون ثابتة ..لكن اذا استمرت بمستوى فوق ال 50 ان شاء الله بتستمر هذي التسعيرة أكثر..

المميز في المملكة إن أسعار المحروقات تكون ثابتة فترة طويلة قبل ما يكون أي تغيير, يعني مو كل يوم والثاني تسعيرة مثل بعض الدول..

 

[The Sinner]

انا احسبه خلاص ساري المفعول اجل صدقوا يوم قالوا عبوا بسطول واشربوا منه بعد بس عالعموم الله يحفظ ابو متعب لنا

 

[Nintendo]

والله شباب نحنا بنعمه فيما يخص الاسعار حتى قبل التخفيض .. العالم بره يفكر مليون مره كم راح يوفر للبنزين شهريا 🙂

 

[dragonwarrior]

سيارتي بأمريكا أعبيها ب52 دولار = 15 دينار و ربع = تقريبا 150 ريال ؟ 140 درهم ؟

 

[Ginko]

سيارتي بأمريكا أعبيها ب52 دولار = 15 دينار و ربع = تقريبا 150 ريال ؟ 140 درهم ؟

ما اتوقع عندكم اغلى من عندنا، انا عندنا اللتر ب 3.10$ ، كم انتم؟
انا بما ان الصياره صغيره وكوبيه وياباني اعبي 40$ فل يقعد اسبوع.

 

[Humam]

52 دولار = 195 ريال .. ولللل !

 

[Suzuki Yu]

this is Great

ان شاء الله الحال من أفضل للأفضل , يدوم العز ان شاء الله

 

[dragonwarrior]

ما اتوقع عندكم اغلى من عندنا، انا عندنا اللتر ب 3.10$ ، كم انتم؟
انا بما ان الصياره صغيره وكوبيه وياباني اعبي 40$ فل يقعد اسبوع.

3.10 هذا أرخص نوع عندنا!.! يوصل 3.30 عالراحة! و كل يوم يزيد بشكل ملحوظ

 

[Torpedo]

نععععععععععععععععععععععععععم اللتر بأكثر من ريال O.O .............
و انا كنت ناوي اشتري لي CLK و 6 سلندر بعد .. العععععععن .. خلاص .. غيرت رايي ..

 

[Torpedo]

بالنسبة للمدة .. انا قرأتها في الشرق الاوسط (الجريدة) ...

 

[Pichi]

ما أجمل أن يصدق الراعي مع الرعية وأن يقرن القول بالعمل وأن يترجم المشاعر إلى حقائق وأن يجعل محبته في القلوب ردة فعل طبيعية بعيدة عن التملق أو الخوف ، لقد جعل هذا الملك الصالح منا عيونه التي يرى بها كبد الحقيقة مستغنيا عن الوسيط المجامل أو الغاش أو المنافق أو ذي مصلحة فهنيئا لنا به وهنيئا له بشعبه الوفي وكأني به أول الغيث قطر ثم ينهمر
فأمطر يا سماء الخير حبا تجده حبا وولاء
في كل ربوع الوطن ..

 

[Bounty]

الله يخليه لكم .. و نعم القائد والله ..


بس الخبر سامعه من زمان انا .. ان السعوديه بتخفض اسعار البانزين ..

 

[Double T]

انا امس كانت السيارة فاضية و رحت المحطه و قلت للعامل عبي ب 35 ريال ما عندي الا هي بالمحفظة.... اول مرة اعبي بعد التخفيض.... راح قلي ب 34 ريال يعني حتى اقل مما توقعت ( كنت اعبي ب 55 ريال ) 😀

الله يخلينا بو متعب واحد من خيرات عهده

 

[Hardcore Gamer]

قبل امس.. السيارة كانت عالربع ... العاده افللها اذا عالربع ب 40-43 تقريبا
فللتها ب25 😀

 

[Hironobu Sakaguchi]

الله يديم العز

 

[gray fox]

لووول ..ونحنا الوضع زيادة × زياده !!

من بعد ما كنت اعبي السياره ب36 وهيه مفضيه !! صرت اعبيها ب53 !! وغيرها اربع سلندر كانت ب 50 صارت 70 !! >_>"
الله يعينا !!

وانقولكم مبروك 🙂 والله يديم عليكم هالنعمه يارب ويحفظ قيادتكم !!

 

[m7tram]

ما يصير يقللون السعر عندنا بعد

الله يخليه لكم ان شاء الله

 

[الــخــــارق]

اللهم لك الحمد..
بالعادة كنت اذا بأروح للجامعة وما فيه بنزين كافي
أعبي بـ 20 او 15 عشان ما يطول وهو يعبي وتكفي روحه ورجعه ومشاوير اليوم

قبل أمس قلت بعشرين طووول وهو يعبي وصل فوق النصف 🙂

الله يديم عزك يا بلد..

 

[Tomb raider]

مبروك عليكم وتستاهلون ^-^
من نحنا -__-سياره 8 سلندر تعبيها 170 درهم تقريبا بل !

 

[x-virus]

سعر الجالون عدنا تقريبا ب 6 دراهم و ربع
و الجالون الواحد تقريبا 3.8 لتر
أي سعر اللتر الواحد 1.64 درهم

لله يدوم عليكم النعمه
إنخفاض تكلفة الشحن يجب أن تليها لأسعار المواد الأخرى

 

[Koshiro]

حمد انت عايش في كالفورنيا صح؟
طيب اذا عندكم الغلا كذا كم يوصل في نيويورك؟؟؟؟
والا ماله علاقة؟
والله يجعلك ذخر للبلد والامه يابو متعب🙂

 

[Evolution]

الله يمد أبومتعب بعمره ويبعد عنه أي سوء وجزاه الله خير وكل من ساهم في هذا العمل الرائع ...


شخصيًا ما عبيت السيارة لأني كنت معبيها قبل القرار بيومين ولا انتهى التانك ...

بالمناسبة هذا القرار له عيبين ،

أ) الهجولات وكثرة الدوران في الشوارع لقطاع الشباب ستزيد بشكل كبير وهذا الحاصل .

ب) النقص من هنا سيجعل الجميع يزيد من استهلاكه في أمور أخرى ( نظرية اقتصادية مو كلام من جيبي ) .

وبالمناسبة القرار سارٍ حتى عيد الضحية ...

وفق الله الحكومة لما يحب ويرض

 

[NSider]

توضيح بسيط:
بالنسبة لسعر البنزين الحالي .. فهو فعلاً مؤقت .. لكن ليش مؤقت؟ لأن في بنزين جديد راح ينزل آخر السنة سعره 105 هللات للتر. لكن بعد تخفيض السعر .. المزيج الجديد راح يصير بـ75 هللة بس .. يعني لسه أقل من السعر القديم.
والله يخلي بومتعب ..

 

[Torpedo]

باختصار .. طول عمرنا كنا نستخدم بنزين ما هو " ممتاز " مثل الي مكتوب في المحطات .. ( العن ابو النصب -_-" )

 

[NSider]

باختصار .. طول عمرنا كنا نستخدم بنزين ما هو " ممتاز " مثل الي مكتوب في المحطات .. ( العن ابو النصب -_-" )

هههههه فعلاً .. صحيح أن الممتاز أحسن للسيارة وأقل تلوث .. لكنه أغلى ويحترق أسرع !! يعني خساير ×خساير !