أستبيان لتطوير اللعاب الفيديوا في السعودية و الشرق الاوسط

[king zell]

أتفق مع مادا مادا

سالفة إنه القسم موظفينه أجانب مش عذر.. الفيصلية شركة كبيرة و مسألة إنهم يوصون طرف يترجم مجموعة اسألة صارت معضلة؟


عاد عبدالرحمن اللي يشوفك يقول مقطعين الفيصلية تقطيع احنا عالرايحة و الجاية.. ترا ياما مدحناهم سواء لما سهلوا علينا أمور E3 أو لما قدموا يوم اللاعبين و غيرها من المبادرات الرائعة


لكن اليوم شفنا شي مفروض يكون أفضل و ما في مبرر فعلي لكونه بهالشكل.. راح ننتقد.. و النقد عشان اذا قرأ عنه مسؤول أو طرف ذو علاقة يوصله لصاحب الشأن و احنا المستفيدين مستقبلا

و شخصيا أنا عبيت هالإستبيان لما أرسل للإعلاميين من قبل E3 حتى


و أكيد أنصح الكل يعبيه على الأقل عشان توصل المعلومة بغض النظر عن الطريقة.. (لكن في النهاية راح توصل فكرة مش كاملة لأن في كثير على الأقل برا TG ما راح يعرفون معاني الأسئلة و مغزاها طالما هي بالإنجليزي)

 

[Brewmaster]

^
الأخ طارق الدخيل ترجم الأسئلة ووزعت على عدد كبير من المواقع والمنتديات أعتقد 90% الآن عارفين ايش هي الأسئلة , مافي خوف من هالناحيه .

 

[king zell]

شي يشكر عليه و إجتهاد ان شاء الله يكون له نتيجة إيجابية


و بنفس الوقت يثبت اللي قلناه قبل إن مسألة الترجمة للعربي جدا بسيطة و مفروض تصير من قبل الفيصلية

 

[G7Ga7]

مرة ثانية, أنا ماني قاعد أتعذر لسوني أو اي شيء. كل الي قاعد أقوله انه بغض النظر, لازم يُشكرون ويُقدرون على المبادرة. صحيح ماهي قد الي نبغاه منهم, صحيح انها باللغة الخطأ, صحيح ان مظهرها غير احترافي جداً, لكن تقدير بسيط للجهود هو كل الي بغيت اشوفه بدال السلبية الطاغية في أول ردود الصفحة الأولى.

 

[king zell]

ما فهمت عبدالرحمن مقصدك للآن

الحين سوني سوت استفتاء عشان الأون لاين لازم نشكرها؟


في مشكلة كبيرة أعتقد فينا و هي إننا نسوي أشياء جزء من واجبنا و نعتقد إن الناس لازم تشكرنا

جزء من عمل سوني إنها تبحث و تدرس السوق عشان تحصل فرص جديدة للإستثمار.. هذا واجبهم.. و اذا كان فيه شي غلط فإن النقد في محله و ما في أي سبب إن شكر يقدم لهم




أنا بتفق معاك لو إنهم مسويين شي خارج نطاق المتوقع مثلا.. مثل مؤتمر F1 اللي أقاموه أمس مثلا و اللي أعتبره شي أكبر من إنه يقام بالسعودية صراحة

 

[Zero]

أنا أخذت الاستبيان بجدية وجاوبت على جميع الأسئلة بصراحة تامة، أتمنى يأدي الغرض اللي سووه لأجله.

 

[Five]

هممم شكل الاستبيان غير رسمي ابدا وشكله غير مقبول بالنسبة لي , ماتوقع راح تكون فيه نتيجة .

 

[JOE]

اول ما شفت عنوان الموضوع ما توقعت مبادرة جدية .... لحد ما دخلت موقع الاستبيان :sarcastic:

بغض النظر عن وسيلة سوني في الاستبيان "المخجلة" كيف تبغاني اصوت بنفس و ثقة اذا كان هذا هو الجهد الي بذلوه في جمع الاصوات ؟ اذا استبيان و ما فلحوا فيه تبغاهم يساهموا في دعم المطور العربي ..... هيا ... اعطني بريك لو سمحت .

+ سدوا نفسي عن اللغة العربية في الجيمز تماماً ،،،،، انا اخترت "لا لا اهتم إطلاقاً بتعريب الالعاب او واجهتها" ..... الي يبغوه حصلوه و هذا انا ريحتهم .

 

[السليل الأخير]

خلونا نكون شوية منصفين .. فكرة الاستبيان حلوة لكن التطبيق خطأ
أعتقد هذي اول مرة نشوف استبيان للجمهور العربي من سوني او غيرها فأكيد توقعوا يكون فيه أخطاء
يا ليت لو محمد أو غيره من اللي يقدروا يتواصلوا مع الفيصلية يوضحلهم المشكلة و انزعاج اللاعبين من طريقة الاستبيان و لغته
عني انا جاوبت عليه و ان شاء الله الاستبيان الجاي نشوفه بشكل احترافي اكثر .. ما في شي يجي دفعة وحدة

 

[SU7]

اللي حنا نبغاه هو انه يكون في خيار للترجمة باللغة العربية بدون دبلجة وما اعتقد انها صعبة

 

[G7Ga7]

الحين سوني سوت استفتاء عشان الأون لاين لازم نشكرها؟

على حسب ما فهمت الاستفتاء لدعم اللغة العربية وتطوير الالعاب في المنطقة وراح يفيدنا فعلياً, مش مجرد استفتاء رقم 122332432. وفي رأيي لازم نشكرها على المبادرة هذي. الاستفتاء هذا -المفروض- بداية خطوة لدفع دعم اللغة للأمام في الصناعة. صحيح ماهي الخطوة المثالية, لكني ممتن انهم بدؤوا. عاد لو انتهى الموضوع على الاستفتاء وخلاص ما فيه خطوات ثانية, هذا كلام ثاني.

أنا قاعد اشوف الصورة الكبرى, الاستفتاء مو مجرد اسئلة واجوبة وأرقام وخلاص هذي شغلته. أنا متفائل انه ممكن يكون السبب في وجود اللغة العربية بالبلايستيشن 3 وبعض الألعاب.

 

[squall leonhart]

بمضوع تعريب الالعاب .. شباب احد جرب توي ستوري 3 المعربة على ال ps3 .. صراحة تنفيذ التعريب 10\10 سواء كتمثيل صوتي( ما عدا وودي -__-) و او ترجمة للقوائم .. فريق كبير بينها و بين تجربتهم الاولى wall-e .. اتمنى الكل يدعم اللعبة خصوصا لو عندك اخوان صغار لان اللعبة ممتعة جدا و مسلية

 

[SULTAN 3]

على حسب ما فهمت الاستفتاء لدعم اللغة العربية وتطوير الالعاب في المنطقة وراح يفيدنا فعلياً, مش مجرد استفتاء رقم 122332432. وفي رأيي لازم نشكرها على المبادرة هذي. الاستفتاء هذا -المفروض- بداية خطوة لدفع دعم اللغة للأمام في الصناعة. صحيح ماهي الخطوة المثالية, لكني ممتن انهم بدؤوا. عاد لو انتهى الموضوع على الاستفتاء وخلاص ما فيه خطوات ثانية, هذا كلام ثاني.

أنا قاعد اشوف الصورة الكبرى, الاستفتاء مو مجرد اسئلة واجوبة وأرقام وخلاص هذي شغلته. أنا متفائل انه ممكن يكون السبب في وجود اللغة العربية بالبلايستيشن 3 وبعض الألعاب.

11111111+

اهنيك على طريقة تفكيرك وانا اوافقك عليه 100%

 

[king zell]

على حسب ما فهمت الاستفتاء لدعم اللغة العربية وتطوير الالعاب في المنطقة وراح يفيدنا فعلياً, مش مجرد استفتاء رقم 122332432. وفي رأيي لازم نشكرها على المبادرة هذي. الاستفتاء هذا -المفروض- بداية خطوة لدفع دعم اللغة للأمام في الصناعة. صحيح ماهي الخطوة المثالية, لكني ممتن انهم بدؤوا. عاد لو انتهى الموضوع على الاستفتاء وخلاص ما فيه خطوات ثانية, هذا كلام ثاني.

أنا قاعد اشوف الصورة الكبرى, الاستفتاء مو مجرد اسئلة واجوبة وأرقام وخلاص هذي شغلته. أنا متفائل انه ممكن يكون السبب في وجود اللغة العربية بالبلايستيشن 3 وبعض الألعاب.

عبدالرحمن انت معطيهم كريديت فوق اللازم

ترا كل الأجهزة الإلكترونية تقريبا من شركة سوني و اللي تباع عن طريق الفيصلية تحتوي على واجهة مستخدم عربية

حتى لو نبي نتكلم عن شركات الألعاب فقط.. الشركة اللي ماخذة تصريح رسمي من نننتيندو لتوزيع أجهزتها في الخليج موجودة في دبي و ما بدأت الا قبل فترة قصيرة جدا (ما تتعدى سنتين) و قدرت خلال هالفترة القصيرة تاخذ اذن من ننتيندو (المعقدة) إنها تعرب البكج حق الوي (الجهاز).. أيضا بلوتو بنفسها سعت و تعبت عشان تقنع THQ تسوي تعريب لعدة ألعاب منها Wall-E و Red Faction..

لما تجي متأخر و تسوي شي مسوينه أغلب القطاعات المختلفة من قبلك.. هذا ما يسمى مبادرة.. هذا اسمه لحاق الركب.. ما أتوقع إنه شي يستحق الشكر

يعني اذا على هالأساس.. لما مايكروسوفت تسوي دعم رسمي للLive في المنطقة راح نشكرها و نسميها بادرة؟ بالعكس هذا شي بتسويه لأنه واجب عليها و مرغومين عليه لمتابعة المنافسة.. و هم مقصرين أساسا بعدم دعمه و قاعدين يعطون أعذار واهية من سنين

 

[G7Ga7]

همممم كلامك منطقي. ممكن أكون من جد معطيهم كريديت فوق اللزوم. لكن بنفس الوقت انتم مو معطينهم كريديت على الاطلاق. تعريب كونسول رسمياً أتوقع أكبر من تعريب لعبة أو تعريب كرتون جهاز. وإذا كانت سوني تحاول -زي ما احنا شايفين- المفروض نعطيهم كريديت ولو بسيط على هالشيء, حتى لو كانوا متأخرين حتى لو ما كانت بادرة بمعناها الحقيقي حتى لو كانت بالطريقة الخاطئة هذي.

محمد احنا نختلف بالمبدأ, انت تشوف ان تعريب الكونسول لحاق ركاب, والمفروض سوني تسويه غصبٍ عنهم. أنا من الناحية الأخرى لازلت أعتبر هالشيء ضخم, والمفروض نكون ممتنّين للي يسويه, وفي هالحالة هو سوني.

يعني اذا على هالأساس.. لما مايكروسوفت تسوي دعم رسمي للLive في المنطقة راح نشكرها و نسميها بادرة؟ بالعكس هذا شي بتسويه لأنه واجب عليها و مرغومين عليه لمتابعة المنافسة.. و هم مقصرين أساسا بعدم دعمه و قاعدين يعطون أعذار واهية من سنين

لا, لأن سوني هي الي كانت سباقة بالبادرة هذي وأظن كلنا شاكرين لها على هالشيء.

لو سوني تحط اللغة العربية في جهازها هالسنة, وتجي مايكروسوفت وتقول بنحط عربي في جهازنا السنة القادمة, ما راح نعتبرها بادرة لمايكروسوفت, بل شيء واجب عليهم ومروغومين عليه لمتابعة المنافسة.
عارف الجملة الأخيرة شوية لحسة :laugh:: . فكر فيها لوهلة يمكن توضح لك.

 

[king zell]

يمكن عبدالرحمن انت تشوف الشي من منظور مختلف عني بحكم إني شخص متواصل مع الشركات اللي هنا.. فاعرف ليش أحيانا ما يعربون أو يصدرون أشياء مثل كذا أعطت الإنطباع للشباب إنه شي مش رسمي (لولا توضيحي لهم)

و صدقني الأسباب غالبا ما تكون كسل أو مجرد قلة خبرة و عدم إهتمام


يعني حتى لو شفتنا قاسيين إتجاههم شوي.. هالشي راح يكون في صالحنا.. ما تدري يمكن شخص ما قاعد يشوف هالكلام الحين و ينقله لهم و المرة الجاية نشوف مجهود أفضل بمراحل و في النهاية نكون مستفيدين جدا