أخطر مراجعة في التاريخ-- Sonic The Hedgehog نسخة ال 360-PS3 (تستحق موضوع منفصل بقوة )

[Humam]

المراجعة من مجلة سويدية اسمها Super PLAY ..

ترجمة الكلام:

Graphics: 4/10
The human gesticulation is motion capture at it's finest.

Sound: 1/10
Perfect. Voices, music, sound effects. Perfect.

Control: 3/10
Not optimal but it is undeniably used in a interesting and creative way.

Longlivety: 4/10
Sonic Team knows how to make a good game long.

Total: 3/10 (not an average)

هههههههه تعليقات جبارة.

المراجع الثاني للمجلة أعطى اللعبة 2 / 10

ههههههه.. شباب, معليش, بس انتقل إلى رحمة الله القنفذ سونيك عن عمر يناهز 15 عام.. وذلك بعد معانة طويلة من المرض والألعاب الفاشلة , يتقبل العزاء في شركة سيجا فرع ناجويا بجانب شارع هيدوتشي ساكامورا.. وللاتصال بوالد القنفذ السيد يوجي ناكا يرجى مراجعة دليل الهاتف الياباني.

وشكرا !

 

[Nintendude]

الله يرحم ايامه 🙁

 

[Mario2]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
افضل سونيك .. راح تنخسف بتقاييم المواقع الثانيه ..

 

[Andrew X]

الله يرحم سونك 3D ..

 

[NSider]

خخخ رهيبة المراجعة. المجلة هذي محترمة في السويد على كلام اللي ترجم المراجعة، لكن المراجعة مضحكة فعلاً! شوفوا آخر جملة في المراجعة:

It's only natural that Yuji Naka earlier this year announced that he is leaving SEGA. His mission is accomplished.

 

[Mada Mada Dane]

الي سوته سيجا بسونيك حرام ..

اول كان سونيك = ماريو .. نفس المستوى تقريبا وفي تنافس ..
الحين ويييييييييييين لول .. لاتعليق صراحه

 

[Pichi]

لول , اضحك ولا ابكي :cryy: ؟

 

[Ash Storm]

لووول على المراجعة و الكلام الي فيها تحسها مراجعة كوميدية :yuck:
على اي حال ننتظر تقييم سبوت و مراجعته ,, مش عارف ليش طولوا @@ ؟

 

[Evolution]

والله ما أدري هالسويديين وش يبون

اللعبة عندي شريتها اليوم واللعبة صراحة من أجمل ما لعبت من أيام فاينل فانتسي !!

العالم فيها جميل جدًا والرسوم جميلة لكن البعض متعصب وهذا السبب

 

[DeaDMaN]

wow .. تحطيم من جد !

 

[Humam]

العالم فيها جميل جدًا والرسوم جميلة لكن البعض متعصب وهذا السبب

المشكلة مستحيل الغالبية تكون متعصبة, كل الآراء الساحة تثبت إن اللعبة كارثية..

 

[Double T]

مدري عن اللعبة صراحة ..... بس هذي الأيام اشوف التقيمات نازله بالحضيض

اخاف تكون تصفية حسابات بين المراجعين

 

[Evolution]

المشكلة مستحيل الغالبية تكون متعصبة, كل الآراء الساحة تثبت إن اللعبة كارثية..

التجربة خير برهان يا استاذ همام

البعض من النقاد أصبح يريد أن يصبح مشهور على ظهر وحساب لعبة ، ولك في جيف وزيلدا خير مثال !!!

أنا أعطي تحدي واحد أعجب حتى بأي إصدار ثلاثي الأبعاد لسونيك وما ينجن بهذي !!!

 

[Final Fantasy]

أنا قلت لكم من قبل أني خلاص غسلت يدي من سيجا ؟؟

well ... now you all know :slant:

 

[Evolution]

Sound: 1/10
Perfect. Voices, music, sound effects. Perfect.

ممكن احد يترجم ؟
انا اشوف الوصف كامل ،
والدرجة 1 من 10

كيييييييييف؟

 

[Final Fantasy]

ممكن احد يترجم ؟
انا اشوف الوصف كامل ،
والدرجة 1 من 10

كيييييييييف؟

يستهزأون :yuck:

 

[dragonwarrior]

POWEND
ههههههههههههههههههههههههههههههههههههههههههه
لوووول سيجا

 

[Bounty]

لول صراحه كلام مو واقعي ..


يعني معقوله الموسيقى تاخذ 1 ؟ و الجرافكس ياخذ 4 ؟


ليلحين مو مصدق هالمراجعه ..

 

[Naif]

مبالغين في بعض الاشياء .. الاصوات و الجرافيكس ما يستاهل هذي التقييمات ..

 

[RIZE]

لووووووووووووووووووووووووووول ... طوب ... أخخخخ

من الضحك خبطت راسي بالطوفه ألى ورا وطلعت لى صعرورة -.-

تبا لكي يا سونيك حتى بالضحك تعكرين المزاج وتضيقين الخلق

 

[squall leonhart]

و الله قلتها مليون مره اللعبة زباااااااااااااااااااااااااااااااااااله لكن بعض الناس مو راضين يقتنعوا .. معقوله المواقع كلها غلطانه no way .. اللعبة ما قرينا عنها اي انطباع حسن ابدا لا من المراجعين و لا من الي جربوها ...


ايش نقول غير حسبنا الله على سيجا الي قتلت واحده من سلاسلي المفضله . بس المشكله ان اللعبة بتبيع بسبب الكاجولز .. و سيجا رح تشوف ان اللعبة نجحت فليش تعدل و تطور فيها

 

[ryo hazuki]

المفروض ابدا ما نضحك لازم نحزن على المستوى المنحط لكن يلي يخلينا نضحك ان فيه ناس الله يهديهم سوو ضجه للعبه و قالو افضل سونك على الاطلاق :gasp: فهذا المضحك ولا بالعاده يكون لاتعليق


انا متأكد سونك 2008 او 2009بيكون محطم و روعه في الجرافك و في كل شي تقريبا

 

[Humam]

إايفلوشن أكيد التجربة خير برهان, الحقيقة الديمو عندي, سواء بيلد جديد والا قديم.. انا قد قلت من زمان إذا مهازل الديمو ما تم تلافيها فاللعبة راح تاخذ تقييم ضعيف جدا .. علشان كذة التقييم أعتبره غير مفاجيء إطلاقا.

وحتى المقارنة مع زيلدا ما أدري على أي وجه ممكنة, لاحظ كم بيرفكت أخذت زيلدا وتعال نشوف سونك:

1up: 5.5 / 10
Gamedaily : 2.5 / 5
EDGE: 3 / 10
ُإي جي إم : لول نسيت واحد يذكرنا بالله ( هم راجعوها صحيح ؟ )

عموما الي عاجبته اللعبة محد راح يجبره على رأي و الله يهنيه 🙂

 

[NSider]

مو مشكلة، لعبة سونيك للـWii انطباعاتها إيجابية جداً وقادمة في مارس 2007. 🙂

 

[Humam]

مو مشكلة، لعبة سونيك للـWii انطباعاتها إيجابية جداً وقادمة في مارس 2007. 🙂

عبي الفراغات التالية بما يناسبها من الحروف:

م... أخ.... من قد...د إلا عس...ان.

بس خذها بالشقلوب, إن قديد نسخة الWii لول.

 

[Kratos]

على اي حال ننتظر تقييم سبوت و مراجعته ,, مش عارف ليش طولوا @@ ؟

ماهم قادرين يجلسوا 5 دقايق على بعضها من سوء اللعبة ..
--------------------------------
أنا أشوف إن اللعبة بتبيع بشكل كبير لأن أغلب جمهورها من الأطفال ..
و الأطفال ما فرقت عندهم رسوم معفنه .. أصوات خايسة .. تحكم تعبان .. أهم شي لعبة سونك و يجري فيها بسرعه
أخواني الصغار لعبوا سونك هيروز على الإكس بوكس و كانت نسخة فيها مشكلة بالصوت و عجبتهم
( لا أحد يجي ينقز لي يقول مين الأطفال .. أنا ما أقصد أحد بالمنتدى )

 

[Xeno]

حصلت على جميع الموسيقات الموجودة باللعبة , بأستثناء موسيقات Level 10 & 11

أفضل أسطوانة موسيقية قادمة لهذي السنة بلامنازع :laugh:

I Mean It

من جد شباب التراكات باللعبة جنون

التراكات متنوعة بشكل كبير جدا , لوووول على موسيقة ال Dusty Desert تقول جابوا خبراء بالموسيقى العربية 😛


للي يبغى الوصلة يبعتلي رسالة خاصة ::

:roll:..............

 

[sehro]

بس احس في مبالغه في التقييم...على الاقل الموسيقى ._. !

تعديل:موتحسو انها بايخه لما تجيبو رد لشخص من موضوع ثاني...ياخي هذا رأيه...انشاءالله قال انها افضل موسيقى في تاريخ الفديو جيمز..يظل رأيه -_-....

 

[Tomb raider]

Graphics: 4/10
The human gesticulation is motion capture at it's finest.

Sound: 1/10
Perfect. Voices, music, sound effects. Perfect

مستغرب يعني !!
1/10 ...؟؟؟؟ ما ادري بس مبالغين
الجرافيكس كان متوسط ...
بس التحكم معاهم حق بصراحه ..اوكي انا مب جاي استهزأ..بس ما اقول غير الله يعين سيجا ..+مب متأمل شي من نسخة Wii

 

[persona]

It's only natural that Yuji Naka earlier this year announced that he is leaving SEGA. His mission is accomplishe

ههههههههههههههههههههههه ..
تقايييم أقل من متواضعه.