أحتاج مساعدة مع كرت الشاشة

[Colorization]

كرت الشاشة اللي عندي (GeForce 9600GT) عطوني معاه وايرات المفروض اركبها على الباورسبلاي لكني ما كنت موصلها عشاني ما اعرف. من شوي حاولت ألعب كريسيس وورهيد لكني ما قدرت مع إني حاطها على Minimum - 800*600 Windowed، مو معقولة تكون بطيئة بهالدرجة يعني (كأنها slideshow مع إني حاط كل شي off وأسوأ الخيارات) لهذا عرفت إنه المشكلة مني لأني مو مكمل تضبيط كرت الشاشة. صكرت الكمبيوتر وحاولت أركب الوايرات لكن ما عرفت شلون. اتمنى احد يساعدني.

هذي صورة الكرت (مو عارف حتى وين اركب الواير فيه) :

هذي صورة الواير المرفق معاه:

الكونكتر الوحيد اللي لقتيه عند الباورسبلاي:

كونكتر الواير مختلف:

المشكلة الثانية: هل الباورسبلاي راح يستحمل اصلا وإلا لأ؟ اعتقد إنه حده 305 واط، من الصورة:

مواصفات الجهاز:
Intel Pentium 4 HT 3.6 GHz
RAM 2GB (اربع شرائح 512)

أستخدم ويندوز فيستا 32 بت. الجهاز pre-built من ديل، Optiplex GX620 (للي حاب يطلع على مواصفاته أكثر ان كان ممكن تساعده).

 

[DoGnA]

الله يعينك يامحمد ...

المفروض يكون في كرت الشاشة على يمين الكرت نفسه ال Power connecter مثل اللي في الصورة :

ومكتوب في مواصفات الكرت أن البور سبلاي المناسب لازم يكون 600W minimum ...

وطبعا هذا شي مبالغ فيه والافضل يكون عندك 450W minimum .. وعلشان تكون في الجانب الآمن فأنا أعتقد ان البورسبلاي حقك مهو كافي لتزيد الطاقة اللازمة ...

 

[game-R]

الله يعينك يامحمد ...

المفروض يكون في كرت الشاشة على يمين الكرت نفسه ال Power connecter مثل اللي في الصورة :

صورت لك صور من جهازي

1



2



3

]
ومكتوب في مواصفات الكرت أن البور سبلاي المناسب لازم يكون 600W minimum ...

وطبعا هذا شي مبالغ فيه والافضل يكون عندك 450W minimum .. وعلشان تكون في الجانب الآمن فأنا أعتقد ان البورسبلاي حقك مهو كافي لتزيد الطاقة اللازمة ...

البور سبلاي عندي 700W بس ما تحتاجه 450W اتوقع كافي

بعدين البورسبلاي عندي الوايرات جاهزه فيه ما احتجت اللي تجي مع كرت الشاشه




ان شاء الله اكون ساعدتك ولوبالقليل اللي اعرفه​

 

[ABUALI]

من الباورسبلاي تطلع اربع كونكترات تركب في هذا النوع من الفتحتات.. هذي مخصصة للسيدي درايف والهاردسك، يمكن انتا استخدمت كل الكونكترات الموجودة عندك في الباور سبلاي حق الهاردسكات اللي عندك

وعلشان توضح الصورة أكثر هذي صورة لسيدي درايف توضح كونكتر الكهربة فيه

 

[The Doctor]

لو تاخد باور سبلاي محترم، أتوقع حتى 350W يكفي (بس لا تاخد أقل من 450W 😛)

و إذا اخدت باورسبلاي جديد فبيحتوي على واير pci-e و ما بتحتاج الكونفرتر اللي جا مع الفيديوكارد

 

[Zero]

انتظر رد حسين في الموضوع ، للأسف شفت الصور ومادري ويش صاير .

توقعت ما بتقدر تلعبها البارحة مادري ليش ، عموما منتظر إنطباعاتك اليوم ويا رب تضبط عندك .

شكله الجهاز فحط وهو يحاول يشغلها .. مسكين : ( .

 

[L O R D]

يا محمد مثل ما قالك Dogna في منفذ على الكرت و تركب عليه التوصيله و تمدها بسلك من الباور سبلاي , حاول تطلع الكرت و تبحث عن المنفذ ذا
بس المشكله الحين هي بالباور سبلاي لأن ما اظن يقدر يتحمل تشغيل الكرت حتى لو فككت اسلاك الهاردديسك و السي دي رومز (مدري كيف بتشغل الجهاز وقتها P: )
لذا انصحك تشتري باور سبلاي جديد و بتلقى من مواصفاته انه يدعم المنفذ الي يتطلبه الكرت
(على فكره لو قدرت تشغل الكرت حتى بالبوار سبلاي الحالي جهازك بيتعرض لـrestarts واجد و الكهرباء الضعيفه بتأثر على عمل القطع الثانيه)

 

[Colorization]

شكرا شباب على المساعدة. عرفت الحين وين اركب كل شي لكن شوفوا:

الوايرات بعيدة عن بعض حيل. ما ادري Dell شلون تفكر لما سوت الجهاز لول.

اوكي خلونا من الوايرات، بما إني ما راح استفيد لو ركبتهم (بل راح اضر الجهاز) بس في شي مستغرب منه حيل. قبل لا اسوي فورمات كنت مركب الكرت بدون وايرات وكنت العب كل شي بشكل ممتاز: World in Conflict و Sins of a Solar Empire و Dawn of War كلها كانت تشتغل على الـMaximum وكل الخيارات مفتوحة. بعد ما سويت الفورمات صارت تطلع لي رسالة تقول لي لازم اركب الواير والكرت ما راح يشتغل بالشكل المطلوب من دونهم. طيب شلون قدرت العب الألعاب اللي فوق بالسابق؟

مابي العب كرايسيس، على الأقل ابي اشغل The Witcher بشكل معقول!! 🙁 أمس خلصت الديمو وكنت حاط الخيارات كلها Minimum من دون AA\AF ومع هذا اللعبة كان فيها تباطىء. والله زعلان مو عارف وين الخلل بالضبط. (ملاحظة: حملت آخر تحديث لكرت الشاشة من الموقع الرسمي)

 

[game-R]

شكرا شباب على المساعدة. عرفت الحين وين اركب كل شي لكن شوفوا:

الوايرات بعيدة عن بعض حيل. ما ادري Dell شلون تفكر لما سوت الجهاز لول.

خليني اخمن الجهاز كان عندك من زمان بعدين اشتريت كرت الشاشه صح

 

[Colorization]

^ ايه اكيد، كرت الشاشة built-in لذلك ما كان يساعد العب عليه اي شي (Company of Heroes كنت لما اشغلها تسوي ريستارت للكمبيوتر).

 

[Humam]

لول كويس محمد إنك عرفت كيف تركبهم.. بس كمان محمد ما تحس ان المعالج الي عندك هو السبب ؟ Intel Pentium 4 HT 3.6ghz.. متوفر في السوق من أغسطس 2004, يعني صار له 4 سنوات و نص, يعني طبيعي يكون أقل من متطلبات الألعاب الجديدة اذا بتشغلها بأداء ممتاز.

أيضا تأكد إن راماتك سريعة بما فيه الكفاية و متوافقة مع بعض, و الهارد ديسك الي عندك تأكد إنه سريع بما فيه الكفاية أيضا, لازم الانترفيس يكون SATA, صدقني بتلاحظ فرق كبير في الأداء.

 

[hussien-11]

كلام همام صحيح ، الألعاب الجديدة صارت تحتاج بشكل كبير تواجد معالج ثنائي النواة ..
​

 

[Colorization]

الكمبيوتر كله راح اغيره على بداية السنة الجديدة ان شا الله، بس ما ودي انطر 3 اشهر عشان العب ذا ويتشر 🙁 انا عارف إنه جهازي يحلم يشغل كرايسيس (انا جربتها بس عشان اشوف شلون بتكون) لكن انصدمت إنه كل شي صار له tunning down. انا بس مستغرب شلون كنت العب بشكل طبيعي بالسابق؟ يعني ما كنت اعرف إنه الكونكتر هذا مهم ولعبت عليه العاب كثييييرة وكانت كلها شغالة بشكل ممتاز. الحين اي لعبة حتى على الـLow مو راضية تمشي بفريم ريت ثابت. هو أكيد فيه ملف هنا وإلا هنا راح بس مو عارف شنو.

 

[Zero]

ما أنتبهت للمعالج ، يالله تلعب كرايسس مع معالج جديد ويفضل يكون كواد و Radeon 4780 إن شاء الله ( لو كنت ناوي عليه فعلا ) .

 

[DoGnA]

الكمبيوتر كله راح اغيره على بداية السنة الجديدة ان شا الله، بس ما ودي انطر 3 اشهر عشان العب ذا ويتشر 🙁 انا عارف إنه جهازي يحلم يشغل كرايسيس (انا جربتها بس عشان اشوف شلون بتكون) لكن انصدمت إنه كل شي صار له tunning down. انا بس مستغرب شلون كنت العب بشكل طبيعي بالسابق؟ يعني ما كنت اعرف إنه الكونكتر هذا مهم ولعبت عليه العاب كثييييرة وكانت كلها شغالة بشكل ممتاز. الحين اي لعبة حتى على الـLow مو راضية تمشي بفريم ريت ثابت. هو أكيد فيه ملف هنا وإلا هنا راح بس مو عارف شنو.

غريبة !!!

طيب جرب تحط الدرايفر القديم اللي كان موجود قبل الفورمات .. يمكن يحللك المشكلة ؟!!!

 

[Colorization]

حبيت أشكر كل الشباب اللي ساعدوني بالموضوع، جربت كل الطرق وللأسف ما نفعت لذلك قررت أرجع للويندوز إكس بي والحمدلله اللعبة شغالة زي الفل على الهاي (الظاهر الإكس بي خفيف على الكرت او شي؟). أقصد ذا ويتشر.

ههههه شباب عندي مشكلة جديدة بس هذي فعلا غريبة لأنها أول مرة تصادفني، انا ركبت جميع اللغات من دسك الإكس بي (علّمت على install right to left ...etc) لكن لما اروح لقسم الكيبورد وأحاول أضيف لغة، ما يحط لي إنه عندي لغة عربية أبدا. حاليا قاعد أكتب عن طريق أحد مواقع الفيرتشوال كيبورد.

 

[The Doctor]

روح للكنترول بانل (الكلاسيك فيو) ادخل على Regional and Language Options:

 

[ABUALI]

حبيت أشكر كل الشباب اللي ساعدوني بالموضوع، جربت كل الطرق وللأسف ما نفعت لذلك قررت أرجع للويندوز إكس بي والحمدلله اللعبة شغالة زي الفل على الهاي (الظاهر الإكس بي خفيف على الكرت او شي؟). أقصد ذا ويتشر.

يعني كنت مغير نظام التشغيل
كان اكس بي، الالعاب شغالة مظبوط
فرمتت إلى فيستا؟ صارت المشكلة
رجعت أكس بي راحت المشكلة

يعني غيرت نظام التشغيل واحتمال تغييره يأثر على جودة تشغيل الالعاب وماذكرت في ردك أنك غيرته! :annoyed:

المهم أتوقع ما اشتغلت الالعاب مضبوط على الفيستا لأنك ممكن تحتاج رامات زيادة، لأن الفيستا يستخدم الميموري بشكل أكبر من الاكس بي

 

[Colorization]

Kaizoku, I did that and nothing happened.

ABUALI, I was using Vista (running all the games normally), then I got a problem and formatted with Vista again and the GPU problem surfaced, and now I'm back to XP.

 

[The Doctor]

سويت ريستارت و لا طلع العربي؟

همممممم