hits counter

أحتاج مساعدة في أختيار تخصصي

BioMario

BioMario

مصمم
السلام عليكم ..

شباب مابقى شي إلى تقريباً شهرين علشان أحدد مصيري في الحياة :w00t: ..

الحمد لله تخصصت في كلية الـ IT و عندي تخصصين محتار فيهم بشكل جنوني
طبعاً رح أصلي صلاة الأستخارة علشان هذا الشيء ..

عموماً التخصصين هم Software Engineering و Network Engineering
طبعاً عندي خلفية في التخصصين لأن حالياً ناخذ عنهم مقدمات ..

طبعاً Software Engineering مسلي و حلو لكن جداً صعب أشوفة و الدكتور يقول لنا هذه البداية يعني ولا شي إلي قاعد ناخذة الحين ..

و الـ Network Engineering حلو و أحب النتكوركنج و الأنترنت و طريقة الشبك بين الأجهزة و السيرفرات و جي ..

لكن أريد رأيكم شباب :sweat:
 
اممم

الأولى أعتقد مجالها أوسع في سوق العمل ، و لكن شوف حالك ايش حاب أكتر لأنو المسألة ميول و رغبات قبل أي شي ثاني 🙂

و بالتوفيق علوش ^_^
​
 
أتمنى أحد يكتب الميزات و السلبيات للي داخلين أحد التخصصين ..
Yoshi SD أنا كاتب الموضوع مب للمصخرة , آسف :happy:
 
لو انا مكانك اخترت Software Engineering ..

بس انت تشوف الي تميل له اكثر واختار ولا عليك من احد هذا هو الواقع ..
 
شوف من ناحية الطلب, software engineering من اكثر التخصصات مطلوبة الأن وفي المستقبل. لكن اختار اللي انت جيد فيه.
 
BioMario قال:
السلام عليكم ..

طبعاً رح أصلي صلاة الأستخارة علشان هذا الشيء ..
أنقر للتوسيع...
خير ماتعمل وانا اقلك استخير اكثر من ثلاثه ايام وطبعا استشير قد ما تقدر واسأل عن الوضع الوظيفي في كلا التخصصين واخر شي قبل لاتروح تختار التخصص صلى صلاه استخاره اخير وبعدها اختار الي يميل لي قلبك واكثر من قول (اللهم خرَ لي واختر لي)
والله يختار لك الي فيه الخير
 
BioMario قال:
أتمنى أحد يكتب الميزات و السلبيات للي داخلين أحد التخصصين ..
Yoshi SD أنا كاتب الموضوع مب للمصخرة , آسف :happy:
أنقر للتوسيع...

الصراحة، ما أدري كيف الوضع عندكم. بس 90% من اللي يتخرجون حاسب عندنا إذا جو يتوظفون ما يفرق وش تخصصهم. أهم شي يناظرونه المعدل بالإضافة إلى قدراته الشخصية ومعرفته بالانجليزي. علشان كذا إذا اثنينهم عاجبينك اختر اللي تشوفه أسهل علشان تجيب معدل مرتفع وتستغل وقتك في تطوير ذاتك.
 
تحب البرمجة؟ خش سوفتوير
 
بما ان عندك خلفية عن التخصصين, اعتقد ان القرار راجع لك انت شخصياً. محد يقدر يساعدك فيه.

بس ممكن اقولك شي واحد, لا تفكر تدخل بشي فوق طاقتك وقدرتك.
 
اسأل مجرب ولا تسأل خبير :whistle:
انا أعمل بمجال النتوورك و أدير شبكتين بنفس الوقت , للصراحة النتوورك جميلة جدا وتحس بأنك أنجرت شي كبير وعظيم فعلا ..لكن - أنا شخصيا - بديت احس بالملل منها ..
أحلى مافيها تركيب الشبكة وتطبيق الـRules على الشبكة والتحكم بالكمبيوترات , لكن بعدين بصير كل شي روتيني , و حياتي اليومية أقضيها على حل المشاكل فقط ( انترنت بطيء - طابعة ماتطبع - sharing للملفات ....الخ ) .

شوف أنا بقلك انه الشبكات أو البرمجة , لايمكن تتقن أي وحدة فيهم لو ماكان عندك حب لهالوظيفة , يعني مثلا أبوي نصحني كثيييير ادخل برمجة واتخصص لغة اوراكل لأنه رواتبها عالية جدا , لكن انا الصراحة مخي مش مصمم للبرمجة أبدا ولا لي مزاج لا بالرياضيات ولا الحسابات ولا تعلم أي لغة , وكنت أعشق الشبكات والنتووركينغ من أيام كاونتر سترايك 😡

الخلاصة انه لا تسأل أي احد بهالموضوع , لأن صدقني لما تدخل بالحياة الوظيفية وتمر عليك سنين الخبرة يمكن تحس انه مو هذا الشي اللي كنت تريده .

اذا تحس بنفسك القدرة على تحمل المسؤولية وادارة الشبكات وحفظ الملفات والجري اليومي وراء حل مشاكل الشبكة وتطويرها , فعليك بالشبكات .
واذا تحس بنفسك حب التصميم وابتكار البرامج المساعدة ولك مزاج بتعلم اللغات , فعليك بالبرمجة .
 
المسألة مو استشارة فقط بقدر ماهي ميول ,

انصحك تشوف نفسك وايش تفضل لأن نجاحك بالتخصص مقرون بحبك للتخصص .
 
ما أزيد عن الشباب بشي ..
0- استخير ربك .
1- شوف ميولك أنت مو غيرك .
2- وين تقدر تتوظف وكم المعاش .
3- اسأل ناس تخرجوا من التخصصين وشوف مراحلهم وشلون وصلوا وكيف توظفوا وهل مرتاحين ؟ .
4- راجع النقطة 3 بشكل كبير .
 
من زمان عنكم تي جي : )

أوكي بالموضوع: من اسلوب كتابتك للموضوع شكلك تميل أكثر لهندسة الشبكات.
بس كطالب هندسة برمجة لازم أصحّح لك وللجميع مفهوم خاطئ في هذا التخصص:

Mista Koo قال:
تحب البرمجة؟ خش سوفتوير
أنقر للتوسيع...

ترى البرمجة الفعلية - ولو انها مهمة جداً في هذا المجال - ماهي الشيء الوحيد في هندسة البرمجة.
عملية تطوير برنامج عملية ضخمة وماهي بسطية, فيها تخطيط وإدارة و Documentation كثيفة. تحليل معطيات البرنامج وتصميمه واختباره أهم بكثير من برمجته الفعلية.

السوفتوير إنجنيرينج تخصص ممتع جداً اذا انت مهتم بعمليات تطوير مشاريع السوفتويرز. راح تدرس كيف تاخذ معطيات برنامج, وكيف تحللها, وكيف تسوي خطة تطوير للبرنامج, وكيف تدير المشروع خلال عملية التطوير, وكيف تصمّم البرنامج (من دون أكواد!), وطبعاً لازم تعرف كيف تبرمج المشروع باستخدام افضل لغة برمجة مناسبة لك, وأخيراً كيف تقدر تختبر برنامج وتشوف هل هو فعلاً يطبق كل المطلوب منه.

للأسف ما عندي خبرة بهندسة الشبكات, ولو اني مهتم أقرأ عنها اذا فيه احد هنا له حيل يتكلم عنها 😀

هههههههههه الحين الي يقرأ ردي يقول قاعد أحاول أقنعك p:
 
^
عارف.. عندي مادة هندسة برمجيات هذا التيرم و المشروع رح يقرف أهلنا بأنواع الـdocumentation و الـdiagrams :confuse:

لكن عموما إذا تبي تصير مبرمج ايش تتخصص؟ هندسة برمجيات :wink::
 
مع انه ما عندي اي خلفية عن التخصصين الي ذكرتهم

ولا عندي اي فكره عنهم 😛

بس Software Engineering شكله اكشخ p=
​
 
انا مو الشخص المناسب اللي ممكن يفيدك من ناحية اختيار التخصص ... لكن ترى اي تخصص تدخله بتواجه بعض الصعوبات في البداية ... فلو مثلا شفت فيه صعوبه في السوفتوير وانت مقتنع انه فعلا السوفتوير مناسب... ادخل ولا تخاف وان شالله مع الوقت تتعود عالتخصص وتبدع
 
أنا أيضاً ما عندي أي فكرة ايش ادخل 🙁

Computer Engineeirng
Software Engineering
و لا Network؟

:'(
 
التعديل الأخير:
Kaizoku قال:
أنا أيضاً ما عندي أي فكرة ايش ادخل 🙁

Computer Engineeirng
Software Engineering
و لا Network؟

:'(
أنقر للتوسيع...

على حد علمي, انه النيتوورك جزء من الكمبيوتر انجنيرينج .. بس ما ادري.

عموماً مهما كان اخيتيارك المبدئي (SWE, COE) في السنة الأولى (فريشمان) كل المواد مشتركة. فما فيه مشاكل. السنة الثانية راح تاخذ كورس introduction للسوفتوير وواحد للكمبيوتر انجنيرينج. شوف وش الي ترتاح معاه أكثر. ان كان الي ارتحت معاه هو نفس الي اخترته في البداية, فالحمد لله. وان كان التخصص الثاني, فالحمد لله, الامر جدا بسيط... كل الي تسوي تغير التخصص, وما راح تتأثر أبداً !.
 
أوه كشخة عندكم نيتوورك :wow:.. من متى؟
 
ما اقدر انصحك بالتخصص ، بس اقدر اقلك عمرك لا تسمع الكلام المثالي اللي يقول اختار اللي تحبه ، وخلك واقعي وشوف اللي يبيه سوق العمل
 
King Wario قال:
ما اقدر انصحك بالتخصص ، بس اقدر اقلك عمرك لا تسمع الكلام المثالي اللي يقول اختار اللي تحبه ، وخلك واقعي وشوف اللي يبيه سوق العمل
أنقر للتوسيع...

لا والله معليش.

المسألة مهي مسألة "مثالية" وكلام ينرمى بين الناس. المسألة أكبر من كذا. وش الفايدة انك تختار تخصص ما تهتم له, وراح تضطر انك تعيش طول حياتك المهنية تسوي شي انت ما تحبه. بس عشان وضيفة تعطيك شوية فلوس زيادة.

سوق العمل من خلال زيارتي ليوم المهنة أمس اكتشفت انه متعطش لكل التخصصات. صحيح ان أغلب الشركات تطالب تخصصات معينة ولها أولويّة وكذا. لكن مرة ثانية, وش الفايدة تروح وتشتغل عندهم في شغلة انت في الغالب راح تكرهها, وراح دائماً تفكر تقول: لو اني داخل التخصص الي ابيه كان أنا مرتاح الآن ولو اني اخذ راتب أقل.

هذي وجهة نظري بخصوص الموضوع. وكل شخص يقول اختر التخصص الي تحبه متأكد انه راح يوافقني.
 
انا شوي ويا Mista و شوي ويا G7Ga7
اقدر اقول شوف وين ناوي تشتغل و خذ على هل الاساس
للأسف ، في منطقتنا ، (( السعوديه )) ، لما تتخرج كمهندس برمجيات شغلتك بتكون مثل شغله الي متخرج علوم حاسب يعني مبرمج مع ان شغلتك بالاساس شيء ثاااااااااني (( بس طبعا مو كل الشركات ... اقدر اقول اغلبهم ... لما اقول لهم سوفت وير ... يقولون لي " شنو يعني ؟ علوم حاسب ؟ " "
علشان كذا احتماليه اني ادور لنفسي شغل برا بعد التخرج عاليه لاني ما ابي انربط بالشيء الي انا ما ابدع فيه بعمق (( و لجيت للحق ابي ابدا مشروعي الشخصي برا ))
طبعا احسن شيء اقدر اقولك اياه : سوفتوير انجنيرنج مع مواد Networking
كل التخصصات تبدا تعيد نفسها بآخر سنه تقريبا ... امممم على سبيل المثال ماده الـ OS الي آخذها السمستر هذا عباره عن خليط بين ماده ICS و ماده COE اخذتهم من قبل ... يعني دراستها زي " اوه علشان كذااااااااا " لول
فانت لو أخذت الاساسيات راح تقدر بنفسك تدخل في العميق بشويه شطاره ... علشان كذا انا معزم آخذ كم ماده بالنيتووركينج ... اخذت وحده و باقي وحده و بكذا بيكون عندي قاعده بهل المجال
و القرار بالاخير لك ... زي ما قلت لك ... شوف الي تحبه و الي كيف راح تشتغل في المستقبل ... لاني اشوف بالمنطقه العربيه النيتووركنج راح يكون خيار ممتاز بس اذا كنت معزم انك تطور و تنطلق لمجال و مستقبل ثاني هندسه البرامج راح تفيدك اكثر ^__^
هنا اكون اختلفت مع King Wario لأن الكلام المثالي هذا الصح ... بس خليط بينهم ... اخواني ابوي اختار تخصصهم علشان " سوق العمل " لكن احسهم مغصوبين عليه ... بس انا اخترت تخصصي " لأني احبه و لأني ادري وين بتوجه له بسوق العمل " هنا تقدر تبدع :wink::
 
التعديل الأخير:
^
بالضبط .. الخلاصة:
1- تخصص بشي تحبه
2- تخصص بشي مطلوب في بلدك (مو تتخصص هندسة مفاعلات نووية مثلا)
3- غالبا ما رح يفرق كثير التخصص الدقيق في البلدان العربية.. وإذا ناوي تكمل بعدين تقدر تتخصص باللي تبيه في نفس المجال (عندنا دكاترة cs بكالريوس إحصاء ولا رياضيات ولا هندسة كهربائية!)

G.SKY قال:
لما تتخرج كمهندس برمجيات شغلتك بتكون مثل شغله الي متخرج علوم حاسب يعني مبرمج مع ان شغلتك بالاساس شيء ثاااااااااني
أنقر للتوسيع...
ليش المفروض اللي متخرج هندسة برمجيات ما يصير مبرمج؟ ولا تقصد بمبرمج implementer؟
 
والله شف نفسك انت وش تهوى ولا تشاور احد

ياما شاورنا ومشينا على كلام الناس واكلنا هوا

ضيعت اول سنه جامعيه على اداره اعمال وللأسف ما مشيت فيها لاني اخذت شور الاهل

انا الحين ادرس network وهاذا اخر سمستر لي

من ناحيتي الشبكات جدا رائعه ومطلوبه بكل مكان ورواتبها جدا ممتازه

شوف انت وش تهوى

البرمجه ولا الشبكات

اكيد اخذت فكره عن لغات البرمجه

انا اخذت كم كورس لغات برمجه java و c++ و للأسف ما هويتها

مع اني قبل ما اخش الشبكات كنت ناوي برمجه لكن الحمد لله الله وفقني بالشبكات
 
G7Ga7 قال:
على حد علمي, انه النيتوورك جزء من الكمبيوتر انجنيرينج .. بس ما ادري.
أنقر للتوسيع...
همممم كأني شفت إن في تخصص نيتوركس... يبغليي اتأكد
King Wario قال:
ما اقدر انصحك بالتخصص ، بس اقدر اقلك عمرك لا تسمع الكلام المثالي اللي يقول اختار اللي تحبه ، وخلك واقعي وشوف اللي يبيه سوق العمل
أنقر للتوسيع...
الحين لما أدرس مادة أكرهها ودي أقتل المدرس... بكرا لو أشتغل بتخصص أكرهه ايش ابسوي؟ أقتل نفسي؟ :laugh::

في رأيي الواحد يدخل التخصص اللي يحس بيحبه و يبدع فيه... ما حصل شغلة في بلده؟ مو مشكلة، أرض الله واسعة.
 
شباب بما ان الموضوع عن الجامعات ..

انا ان شاء الله هالسنة أتخرج من الثانوي
وأبي أسألكم متى نخلص من تسجيل الجامعات والاختبارات ؟

يعني في بداية العطلة ولا نصها تقريبا ؟
 
Tanton قال:
شباب بما ان الموضوع عن الجامعات ..

انا ان شاء الله هالسنة أتخرج من الثانوي
وأبي أسألكم متى نخلص من تسجيل الجامعات والاختبارات ؟

يعني في بداية العطلة ولا نصها تقريبا ؟
أنقر للتوسيع...
التسجيل على حسب المكان ، في ناس بداية العطلة وفي ناس وسطها وفي ناس فقط ياخذوا من أول سمستر وغير هذا.

دبر لك جدول ملخص فيه تسجيلات كل الأماكن في المملكة بعد ما تخلص السنة على طول.
 
نادر جدا ما تحصل حد يحب شغلته او اختارها قبل ما يبدا فيها ، والمسألة مسألة تعود

سالفة اني يوم بشتغل بقتل نفسي وما بقدر اتحمل مع احترامي كلام فاضي .. سوق العمل الحين ما يساعد انك تتشرط وايد في الشغلة اللي تبيها ، خصوصا اذا نظرتك كانت ابعد واذا كنت تبي توصل لمراكز افضل ..

الدواير اللي عندنا اغلب الناس اللي تحصل الترقيات وتوصل الادارات هم المهندسين بشكل عام ، غير فرق الرواتب والامتيازات .. اترك هذا كله وغيره عشان اشتغل شغله احبها ؟ خخخخ مثالية

ما حصل شغلة في بلده؟ مو مشكلة، أرض الله واسعة.
أنقر للتوسيع...

لووول ليش هندي هو ؟ .. عموما اسأل راعي الموضوع اذا يبي يشتغل برع او لا
 
انا متحير كمان .. كمبيوتر انجنيرنج او كمبيوتر ساينس

مع اني احس اميل للكمبيوتر ساينس اكثر من الي سمعته .. بس مو عارف ايش الفرق الجوهري او الكبير بينهم .
 
يجب تسجيل الدخول أو التسجيل كي تتمكن من الرد هنا.
عودة
أعلى