hits counter

أحتاج اسوي App للآيفون .. من أين ابدأ ؟؟؟

Painkiller Q8

Painkiller Q8

True Gamer

السلام عليكم ورحمة الله وبركاته

apple-ipad-stupid.jpg


احتاج مساعده او آراء بعض الشباب حول تصميم برنامج للـiPhone

السبب: انا اشتغل في مؤسسه من اهم المؤسسات في الكويت في قسم System Development
والشغل من سنوات كله في الــOracle وقواعد البيانات وعمل صفحات انترنت نت وبرامج تغطي جميع اقسام المؤسسه ...

وفي عام 2008-2009 جاء مدير عام جديد وهو اكثر انسان شفته في حياتي يحب التطور ودائما سباق ويبادر في عمل افضل الامكانيات والتكنلوجيا لهذه المؤسسه..

في الاجتماء ولأول مره فكروا انهم يصممون برنامج لمنتجات Apple وقالو راح نوفر دوره لتعلم كيف تصمم برامج للآيفون في 2012.. وطبعا اخوكم "الملقوف" قال انا مستعد اصمم البرنامج الآن :nerd:
كنت افكر المسأله بسيطه .. بس بعد ما Gooogleــت فيها .. طلعت مصيبه :surprised:

لان .. الأمر المضحك ان ماعندي ادنى فكره في تصميم برنامج على الآي فون .. وازيدكم من الشعر بيت .. انا اطول فتره جربت اجهزة الماك كانت لاتتجاوز 10 دقائق .. كل ما اكون في المعارض اضغط اتلمس الماوس واطقطق في الكيبورد الأنيق .. وبس !

فالحين وضعت نفسي في موقف وابي اصمم برنامج تعريفي عن المؤسسه بشكل عام
يعني برنامج مجرد صور وكلام فقط .. وبالاصبع اغير الصور وادخل الاقسام لأقرأ الاشياء المهمه عن المؤسسه !

برنامج فكرتة ابسط من البسيطه .. والفكره موجوده بالكامل .. لكن من وين ابدأ ؟

اول شي لازم عندي Mac ? اوكي الدوام طلبوا لي Mac Pro i7 .. بس بعدها :what:

فأتمنى من الي عنده فكره او نولج تطوير برنامج على الماك .. يفيدني بمعلومات ومعطيات مبدأئيه وبس يفهمني من أين ابدأ , وترا اقل شيء ممكن استفيد منه ياشباب ..لحد يبخل بأي معلومه

وكان فيه عضو مسوي لعبه عندنا في المنتدى بس نسيت اسمه .. ومسحت الرسائل من فتره وراحت رسائله .. وينك 🙁 ؟!​

وآسف على الإطاله
 
التعديل الأخير:
احلا شي اخوكم (((الملقوف)))) بالتوفيق انشاء الله:laugh::
 
App للايفون !! ياخي درينا انك تحب الاكس بوكس .. :laugh:::laugh:::laugh::

امزح :laugh:: لبى قلبك الله يعيننننننك بس ماتوقع الشغله صعبه مره اشوف الـ Apps تنزل بالهبل يوميا بالستور ..
 
التعديل الأخير:
Game Salad اسهل خيار متاح, برنامج مجاني يعمل بخاصية Drag and throw, لكن لا يدعم الويندوز.
 
عشان ما تقول اني ما احبك لوول لقيت لك هذا الموقع http://www.appmakr.com/ انشا الله يفيدك .. فيه مساعدة لتصميم الابز للمبتدئين
 
كل اللي اعرفه إنه لازم تكون عندك خبرة بلغة Objective C
 
لا تخاف الشغله بسيطه, ما اظن تحتاج ماك بس يفضل يكون عندك ايفون عشان تجرب البرنامج عليه, لو تعطينا بس نبذه عن البرنامج؟ هل بيكون فيه networking?
 
الله يعطيكم العافيه شباب .. Ninja انا فكرت في قيم سالد . بس المشكله الشعار اول مايشتغل البرنامج يطلع Game Salad .. واحس انه مو مناسب .. مع ذلك راح ابدأ فيه
وفيصل اشكرك على الموقع .. شكله مفيد جدا :inlove:

البرنامج لافيه شبكه ولاحتى انيميشن او اي شيء معقد .. راح يكون مجرد Text لكن على صور يعني كلام بخلفيه صوره.. يعني كأنه بروجكت على Power Point .. بس اقسام بسيطه وكل قسم اضغط عليه تطلع صوره فوق صغيره وتحتها كلام
وطبعا فيه ازرار يمين ويسار والهوم...الخ مثل البرامج العربيه العاديه الي احجامهم 650k 😛
مثال:
images

متطلبات وشروط الإلتحاق في المؤسسه
  • صور البطاقه
  • صورة الجنسيه
  • الموئهل الدراسي
  • بلا
  • بلا
  • بلا
  • بلا
_________________________________

^
يعني تخيل هذي شاشة الآي فون.. والناس الي برا يقرأون المتطلبات فقط .. يعني مافيه ادخال بيانات او اي شيء من ها القبيل
 
التعديل الأخير:
هو أتوقع تقدر تسجل عضوية مطور ويا Apple بـ 100$ اتوقع و يكون عندك الصلاحية تدخل للكميونتي مالهم عندهم أشياء جاهزة و templates اتوقع.
لكن لو تبي الأحتراف لازم تعرف الأساسيات اللغة يلي هي الـ C او الـ ++C
 
ممكن نفس الطلب بس على جوال اندرويد 🙁
متوهق واحتاج مساعدة
 
انا استخدم برنامج Xcode تبع apple بس استخدمه للبرمجه بالـC
شوف اللينك راح يعطيك فكره باللي تقدر تسويه بالاكس كود
http://www.youtube.com/watch?v=LtJl799MFA0
زي ما تلاحظ بالفيديو مافيه اي شي تسخدم فيه اي من لغات الC حاليا بس ما ادري اذا راح تحتاجها اذا كنت تبي تسوي شي بروفيشنال
 
انا دارس برمجة C++ وفجوال بيسك وهذي الامور .. وفي الدوام اوراكل ...الخ
بس انا جديد في الماك واذا بدخل لغه جديده او مماثله لكن برنامج جديد ادري راح اضيع واحتاج وقت اتعلم على البرنامج وبعدها ادخل في التصميم !
لذا حاليا ابي الطرق السهله مثل drag n drop واشياء اسويها بالــTools يعني بدون تعقيد .. واذا البرنامج خلص راح يكون فيه تكريم ومكافئه وبعدها ادخل الدوره في 2012 ومن هناك يصير خير !
--
ابي ارخص جهاز Mac book حتى لو من جيل قديم .. كم سعره ؟ وفيه في امزون؟ لان كل ما اعمل بحث يطلعلي الاصدارات الجديده .. انا ابي واحد قدييييييييييييم بس للتجربه ولأني ماقدر اخذ الي في الدوام معاي البيت !
 
ماك قديم؟ ما لك إلا تدور مستعمل، لا تنسى أن منتجات آبل سنوية، دور لك مستعمل ما أتوقع صعب تحصل، حتى لو محليا.

ما أقدر أساعدك في الموضوع، لكن أحب أقول يعجبني طموحك يا خالد وتجربتك لكل شيء، بالتوفيق.
 
الي سوى اللعبة الي تتكلم عنها هو Smilling face بس هو سوها على الـ PC مو على الـ IOS ...
 
Noah`s Ark قال:
أحد قال لك تتليقف؟
أنقر للتوسيع...

مو احيانا تكون اللقافه مطلوبه .. منى كسب خبره اجباري .. ومنها ان شاءالله اطلع بنتيجه حلوه ويكون شيء ايجابي في مسيرة العمل!!

*حاليا في مرحلة جمع المعلومات وخطط العمل* لي الحين احتاج المساعده اذا فيه احد عنده شيء لايتردد
 
ماادري اذا راح يساعدك ولا لا بس فيديوهاته رهيبة فيها شرح كامل عن الوبجيكتف سي وكيف تسوي برامج للايفون.

تعديل: خخخخخخخخ نسيت اهم شي, الفيديو!!!

[video=youtube;1Xqn5IHbusA]http://www.youtube.com/watch?v=1Xqn5IHbusA&feature=BFa&list=SP640F44F1C97BA581&index=1[/video]
 
التعديل الأخير:
^^
hليوم يوم المساعدات العالمي :laugh::

برضه هذا اقتراح من شخص فاهم ويقولي اسهل شي تشتغل عليه
http://www.appcelerator.com/

شكرا لكم وان شاء الله نستفيد
 
^
اوف وشلون نسيت Appcelerator :tongue:

اختيار ممتاز
 
^^
يووه لسة شلت منه شرح مفصل لشي احتاجه من الظهر بس ما حطيته لاني ما تعمقت فيه بعد
اختيار موفق ^^
 
يجب تسجيل الدخول أو التسجيل كي تتمكن من الرد هنا.
عودة
أعلى