نقاش فلم [أبي فلم] - نقاش الأفلام 2018

[fatal framer]

مثل ؟
ما عندي فكرة إذا الفيلم بوصل الخليج مقطع بعد الترجمة و لا كل دولة بتقطع الفيلم حسب ما بتشوف ؟؟

اللي فهمته من السينما اللي عندنا انهم ينطرون الموزع الرسمي وبعدها الوزارة تقطع فيه وتسلمه السينما او انها تمنعه

اتوقع كل دولة بالخليج تقطع على كيفها

اتذكر فلم jumanji الاخير ذا روك بالكويت مقطعين اكثر من البحرين

 

[k87]

صدور التريلر الرسمي



مادري ليش بس احس هالجزء بالنهاية بنكتشف بانه prequel للاصلي

 

[dro]

توني خلصت Batman Begins.
الفلم جيد لكن مب للدرجة الي توقعتها من شدة مديح الثلاثية. عموماً واضح إنه أضعفهم وأكيد راح أشوف الثاني.

ايش صار عليك (&)

 

[retha]

ايش صار عليك (&)

 

[dro]

الفيلم مجرد ساعتين @_@

 

[MH MD]

توقعت شوي محبوك قصصيا وبأحداث افضل بما انه مبني على كتاب،

بالعكس تجربة الكتاب كانت سيئة كثير، كأنه فانفيكشن مكتوب بالانترنت ومش كتاب فعلي، اتوقع مهما كان سوء الفلم لسه بيكون احسن منه، اقل شيء تشوف الايستر ايجز تتحرك وبشكل رسمي

 

[Solay]

بالعكس تجربة الكتاب كانت سيئة كثير، كأنه فانفيكشن مكتوب بالانترنت ومش كتاب فعلي، اتوقع مهما كان سوء الفلم لسه بيكون احسن منه، اقل شيء تشوف الايستر ايجز تتحرك وبشكل رسمي

والله؟ اجل اللي سمعت رأيه شكله موب لمها.

يب الايستر ايجز اتوقع افضل بالفيلم أكيد بس ممكن القصه او الشخصيات على الأقل يكونون افضل بالكتاب على الأقل ما تشوف تمثيلهم الكلبي.

 

[MH MD]

والله؟ اجل اللي سمعت رأيه شكله موب لمها.

يب الايستر ايجز اتوقع افضل بالفيلم أكيد بس ممكن القصه او الشخصيات على الأقل يكونون افضل بالكتاب على الأقل ما تشوف تمثيلهم الكلبي.

من اللي شفته بالتريلرات الاولية القصة كانت متغيرة كثير اصلا عن الكتاب وبشكل افضل كفكرة، عادي التطبيق يكون سيء بالباقي بس اعطاني امل انه في شيء متماسك اكثر هنا، يبدو لا....

 

[Just Human]

صدور التريلر الرسمي



مادري ليش بس احس هالجزء بالنهاية بنكتشف بانه prequel للاصلي

أنا دائما كنت أرى فيلم "المفترس" كفيلم الجزء الواحد .. ما أقدر أفهم كيف وصلوا معاه لكل هالسيكولز وبكل إصرار!!

 

[fatal framer]

مادري ليش احسه اقتباس فاشل

slender man كلعبة اوكي بس اللي شفته من التريلر مايشجع

 

[k87]

شاهدت A quiet place
الفلم إهانة لعقل المشاهد ما تشفع لها جودة التمثيل

اممم شكله ماعجبك

 

[Unknown]

كيف سلسلة Maze Runner؟ محمله لأخوي 4K .. وباقي عندي بالجهاز مدري احذفه او اشاهدهم

 

[k87]

كيف سلسلة Maze Runner؟ محمله لأخوي 4K .. وباقي عندي بالجهاز مدري احذفه او اشاهدهم

سيئة

 

[fatal framer]

كيف سلسلة Maze Runner؟ محمله لأخوي 4K .. وباقي عندي بالجهاز مدري احذفه او اشاهدهم

حلوة نفس اجواء the hunger games

انت شوف الاول على الاقل لاتعتمد على كلامنا اذا جاز لك كمل

 

[used2Bcat]

كيف سلسلة Maze Runner؟ محمله لأخوي 4K .. وباقي عندي بالجهاز مدري احذفه او اشاهدهم

كان عندها البونتيشال مع أول جزء خصوصًا مع فكرة المتاهة، لكن بعدين صارت سيئة و تجيب الحموضة.

====

أخر 3 أفلام شفتها:
-A Quite Place، كونسبت غياب الصوت كيف يغير كثير في أيش أقول، الإستمتاع في الحياة، الراحة و العملية؟ غياب الصوت أيضًا ساعد في خلق أجواء مميزة للفلم لما يصدّر أي صوت أو أي كارثة تحدث،
مشكلة الفلم الأكبر إن شخصياته تشيزي، و احداثه تشيزي، و النهاية تشيزي أكثر! اللي يشفع له التمثيل أكثر شيء.

- Lawarance of Arabia الفلم طويل جدًا و شفته على جلستين ولكنه ممتاز. مشهد السراب خصوصًا شيء عجيب.

- The Godfather أخيرًا شفته لأول مرة، قبل كنت أتحاشاه لأني كنت أحسبه فلم مافيا أكشن و عجيب شقد طلعت غلطان مع افتتاحية الفلم حتى! أي فلم مافيا يبدأ ب عرس؟
و أخذ راحته بالعرس فوق النص ساعة وكان شيء جدًا مميز وخلاني hooked up مع تمثيل ال باتشينو و براندو الجبار و كملته كامل جلسة وحدا.

 

[Geralt]

صدور التريلر الرسمي



مادري ليش بس احس هالجزء بالنهاية بنكتشف بانه prequel للاصلي

ما اعرف ليه اصبعي راح لزر ديسلايك

 

[كويكر]

12angry men

انصح الجميع بمتابعة هذا الفلم ,خصوصا اللي يحب الحوارات بالافلام ,الفلم عميق جداً ويحمل رسائل كثيرة ,وتقييمه عالي رغم انه قديم جداً

 

[fatal framer]

12angry men

انصح الجميع بمتابعة هذا الفلم ,خصوصا اللي يحب الحوارات بالافلام ,الفلم عميق جداً ويحمل رسائل كثيرة ,وتقييمه عالي رغم انه قديم جداً

او يقدرون يشوفون الريميك 1997

 

[Grumpy]

او يقدرون يشوفون الريميك 1997

ما شفت الريميك..و لكن اشك انه يوصل لابداع الفيلم الاصلي.

افضل الي يقدر، يشوف النسخة الاصلية.

 

[fatal framer]

ما شفت الريميك..و لكن اشك انه يوصل لابداع الفيلم الاصلي.

افضل الي يقدر، يشوف النسخة الاصلية.

اهو كتقييم فلم سنة 97 نازل عن الاصلي

صراحة مايهمني الاصلي لو صج بشوف الفلم اتابع الريميك احسلي

اذا التصوير قديم والرتم بطيء ليش اطالع اللي بالخمسينات حق القهر ؟

 

[ZIBIT]

12angry men

انصح الجميع بمتابعة هذا الفلم ,خصوصا اللي يحب الحوارات بالافلام ,الفلم عميق جداً ويحمل رسائل كثيرة ,وتقييمه عالي رغم انه قديم جداً

هذا الفلم عظيم جداً.
هنري فوندا يا حبيبي.

 

[the obscure]

أفلام ليوني مع إنيو تحتوي على أفضل موسيقى في تاريخ السينما الغربية، بدون ألحانه الأفلام هذي بتفقد الكثير من قيمتها.

إنيو الأفضل في السينما الغربية بلا منازع، ما فيه أحد يقرب منه حتى.

 

[Unknown]

بعيدا عن هوليوود ومقاييسها .. لو وش يعمل Tom Holland مابيوصل لـ 10% من الي شفته من Nathan Fillion لول

 

[fatal framer]

الفلم سنة 2010

مقتبس عن قصة حقيقية اخت يتهمون اخوها بجريمة قتل ما ارتكبها وتحاول تطلعه من السجن

عجبني الفلم وتمثيل هيلاري سوانك كان قوي بالفلم وافضل اداء

محتوى مخفي: نهاية الفلم

شي محزن انه اخوها بعد ماطلعته من السجن بعد مرور 18 سنة مات بعد طيحته من جدار بعد مافكر ياخذ طريق مختصر

 

[Buck]

آخر 5 أفلام شفتها ( Horror )

The Visit 2015

أم ترسل ولدها و بنتها لبيت جدهم وجدتهم ليقابلوهم لأول مرة .
الأمور تكون طبيعية ف البداية .. بس مع كل يوم يمر , يبدأو يلاحظو تصرفات غريبة جداً من الجد و الجدة .. و ف الليل تزداد غرابة!
فيه مفاجئة و سرّ خطير عند الجد و الجدة !! و لم يكتشفوه الأخ و الأخت يبدأو يحاولو يخرجو من هناك بأي طريقة .
عجبتني فكرة الفيلم, حسيت فيها تغيير عن أفلام الرعب اللي متعود عليها ( عائلة تروح لبيت و يطلع مسكون بالأرواح .. الخ )
هل الفيلم ممتاز!؟ ممم لا . لكنه و بشكل مفاجئ , مش سيئ أيضاً! يعني كنت متوقع مستواه أقل من كذا بعد ما سمعت كلام سيئ عنه .
أنصح فيه ؟ إلى حداً ما, يس .
تقييمي للفيلم : 2/4

IT 2017

آه .. كنت ناوي أشوف هالفيلم من أول إعلان له, بس للأسف ما شفته الا قبل كم يوم .
طبعاً الفيلم حصل مديح و شهرة كبيرة ع الإنترنت, و غالباً الكل شافه هنا ف ما يحتاج أتكلم عنه كثير .
كيف شفت الفيلم؟ يبدأ بشكل ممتاز! لكن مستواه يقل مع مرور الوقت .
أنصح فيه ؟ إذا بتشوفه و أنت عارف أنه فيلم رعب موجه لصغار السن . يس أنصح فيه!
تقييمي للفيلم : 3/4

The Ritual 2017

بعد موت أحد أصحابهم , 4 شباب يتفقوا أنهم يرجعوا يتقابلوا .. و يطلعوا في رحلة hiking .
الأمور تكون طبيعية ف البداية , إلين أحدهم يقترح أنهم ياخذو طريق مختلف يؤدي إلى الغابة .
بعد ما يمشو شوي فيها, يبدأو يلاحظو نقوش غريبة على الأشجار . و بعد أول ليلة ف الغابة تبدأ تجيهم كوابيس و يتصرفوا بشكل غريب في نومهم!
يكتشفوا لاحقاً أنه فيه روح شيطانية قديمة تعيش في الغابة . و تبدأ رحلة الهرب و الإختباء و محاولة الخروج من الغابة!
أنصح فيه ؟ مممممممممممممم . لو بتشوفه لا ترفع توقعاتك أبداً . مدري ليه, بس دخلت عليه بتوقعات عالية نوعاً ما.. وطلعت محبط =(
تقييمي للفيلم : 2/4

Cult of Chucky 2017

ك شخص يعشق سلسلة chucky , شوفته كانت ضرورية! ( الأجزاء الثلاثة الأولى هي اللي أعشقها جداً بشكل أدق )
حبيت أنهم أستخدمو دمى الـ good guy الأصلية عوضاً عن المسخ اللي سووه في آخر كم جزء .
ما حبيت "الفكرة الجديدة" في الجزء هذا .. حسيتها سخيفة .
فيه محاولات جيدة هنا وهناك ف الفيلم . لكن مجملاً .. meh .
هنا لو بحطه في ترتيبي للأجزاء :
#1 Child's Play 2
#2 Child's Play
#3 Child's Play 3
#4 Bride of Chucky
#5 Curse of Chuky / Cult of Chucky
#6 Seed of Chucky

أنصح فيه ؟ إذا أنتا فان للسلسلة, يس أكيد . غير كذا لأ .. لو بتشوف شي شوف أول جزئين .. و بعدها قرر إذا ودك تكمل ولا لا .
تقييمي للفيلم : 2/4

A Quiet Place 2018

في عالم post-apocalyptic , عائلة من 4 أفراد يحاولو النجاة من مخلوقات عندها قوة سمع خرافية!
تشوفهم ما يتكلمو مع بعض و عوضاً يستخدموا لغة الإشارة في التواصل! ما يلبسوا أحذيه عشان لا يطلعو أصوات أثناء مشيهم .. و يسكبوا الكثير من الرمل حوالين بيتهم . كل هذا عشان لا يطلعو أي صوت ممكن يجذب هذي المخلوقات!
فكرة الفيلم رائعة .. التصوير في الفيلم ممتاز . و الأداء التمثيلي كان متوسط .
أنصح فيه ؟ يس! ( بس لا تتوقع فيلم رعب تقليدي .. و ممكن البعض ما يعجبه هالشيئ . )
تقييمي للفيلم : 3/4

ـــ

بحاول أكتب أكثر عن الأفلام اللي أشوفها / أحبها مستقبلاً .

 

[Buck]

Psycho 1960

أحد أكثر الأفلام الأيقونية وشهرة . ودائماً يذكر ضمن أفضل أعمال السينما .
يعني اللقطة هذي Click أتوقع الكل شافها ولو بالصدفة ( لا تضغط لو متحسس من الحرق )
هذا ثاني فيلم أشوفه للمخرج الكبير هيتشكوك .. الأول كان Vertigo و اللي حبيته أكثر و أنصح فيه للي ما شافه! ناوي أشوف Rear Window و The Birds مستقبلاً .
في مواقع يصنفو الفيلم على أنه Horror, بس شفته غموض/تشويق أكثر من أي شيئ ثاني . هيتشكوك معروف أنه " ملك التشويق " على فكرة .
Psycho يتكلم عن فتاة متوترة و وخائفة بعد ما سرقت مبلغ كبير من مكان عملها عشان تقدر تتزوج الرجل اللي تحبه .
و هي ف طريقها للهروب من مدينتها, تضيع عن طريقها و تحصل نفسها عند أحد الفنادق أو الموتيلات بالأصح وتقرر أنها ترتاح فيه لليلة هذي . وهناك تقابل ... Norman Bates . رجل الإستقبال في الموتيل .
يسير بينهم نقاش عادي .. و تكتشف مع الوقت أنه يعيش مع والدته . إمراءة متسلطة و .. مريضة عقلياً ؟ و تبدأ من هناك الأحداث .
أنا بدأت أشوف أفلام كلاسيكية من 5-6 سنوات تقريباً .. أتكلم عن الأفلام قبل 1970 .
كانت عندي نظرة سطحية جداً وقتها .. كنت أقول مستحيل الأفلام القديمة يكون فيها تمثيل ممتاز .. أو إخراج ممتاز .. أو إستخدام ممتاز للموسيقى .. ألخ .
بس بعد ما شفت Vertigo عرفت أنه هالكلام بعيد كل البعد عن الصحّة , و سرت أدور عن أفضل الأعمال الكلاسيكية و أشوفها .

a Classic

.
.

3/4



حملت 12 Angry Men كمان و راح أشوفه قريب .. شفت الشباب يتكلمو عنه هنا , و سامع عنه كثير من قبل ف قلت لازم أشوفه!

 

[Tohi]

السلام عليكم ورحمة الله وبركاته.

حبيت أسأل عن فيلم الانميشن تبع the killing joke , كيف مستواه؟ كيف اقتبس الكوميك؟
لأني سمعت إنها وحدة من أفضل قصص باتمان وأكثرها سوداوية، فكان فلم الانميشن حقها مثير للإهتمام جدًا @@

 

[abdullah-kh]

السلام عليكم ورحمة الله وبركاته.

حبيت أسأل عن فيلم الانميشن تبع the killing joke , كيف مستواه؟ كيف اقتبس الكوميك؟
لأني سمعت إنها وحدة من أفضل قصص باتمان وأكثرها سوداوية، فكان فلم الانميشن حقها مثير للإهتمام جدًا @@

عن نفسي ما أعجبني أبدًا، وطالع متواضع كثير في الشكل، تجربة الكوميك أفضل بمليون مرة وهي الخيار الأمثل.

 

[Buck]

12
Angry
Men
1957

.
.

هالفيلم ... أسطوري .
شفته أمس الليل لأول مرة, ما كنت داري أنا ايش مفوت على نفسي!
الفيلم يتكلم عن قضية شاب مفترض أنه قتل والده .. و يجي القرار في يد المحلفين الـ 12 .
يسير بينهم تصويت على إذا كان الشاب مذنب ولا لأ . في حال أتفقوا أنه مذنب, الشاب راح يعدم بالكرسي الكهربائي .
ف المفترض أنه الـ 12 كلهم يتفقوا على قرار واحد حتى يتم . 11 منهم يقولو أنه مذنب الا شخص واحد!

و يبدأ يشرح وجهة نظره, وليش أنه غلط أنهم يتسرعو في قرار مثل هذا .
الأداء التمثيلي , الكتابة في الفيلم , إختيار زواية التصوير .. كلهم أشياء تدرس!
بداية الفيلم كان فيه مشهد طويل شوي .. كان one take! ما لاحظت هالشي إلين أنتقلو للـ take الثاني!!
أغلب الفيلم أصلاً عبارة عن مشاهد طويلة . وهو إنجاز رائع لم نشوف متى هالفيلم أتصور .
أتوقعت أنه يعجبني لكن ما أتوقعت أني أحبه هالدرجة! حتى أفكر أطلبه مع طلبية الـ Blu-ray الجاية من أمازون .

Masterpiece

.
.

4/4

 

[كويكر]

12
Angry
Men
1957

.
.

هالفيلم ... أسطوري .
شفته أمس الليل لأول مرة, ما كنت داري أنا ايش مفوت على نفسي!
الفيلم يتكلم عن قضية شاب مفترض أنه قتل والده .. و يجي القرار في يد المحلفين الـ 12 .
يسير بينهم تصويت على إذا كان الشاب مذنب ولا لأ . في حال أتفقوا أنه مذنب, الشاب راح يعدم بالكرسي الكهربائي .
ف المفترض أنه الـ 12 كلهم يتفقوا على قرار واحد حتى يتم . 11 منهم يقولو أنه مذنب الا شخص واحد!

و يبدأ يشرح وجهة نظره, وليش أنه غلط أنهم يتسرعو في قرار مثل هذا .
الأداء التمثيلي , الكتابة في الفيلم , إختيار زواية التصوير .. كلهم أشياء تدرس!
بداية الفيلم كان فيه مشهد طويل شوي .. كان one take! ما لاحظت هالشي إلين أنتقلو للـ take الثاني!!
أغلب الفيلم أصلاً عبارة عن مشاهد طويلة . وهو إنجاز رائع لم نشوف متى هالفيلم أتصور .
أتوقعت أنه يعجبني لكن ما أتوقعت أني أحبه هالدرجة! حتى أفكر أطلبه مع طلبية الـ Blu-ray الجاية من أمازون .

Masterpiece

.
.

برضو احد الاشياء اللي ماذكرتها ومهمة فيه

محتوى مخفي: سبويلر

ان كل الفيلم تقريباً من بدأ للنهاية صوّر بغرفة واحدة
وهذا درس كبير لصناع الافلام ان الفيلم ممكن يكون ناجح بدون التنقل الكثير بمواقع التصوير وزيادة التكاليف على الفاضي