طبعاً القصه حقيقيه جداً.. وما عمري تعلقت بشخصيه حقيقيه مجرمه لكن اليين عندها ذاك الشيء المميز المختلف اللي يخليك تتعاطف معها كا "إنسانه", مجرمه وقتلت سبعه رجال واحد بسبب و6 بدون سبب, قاتله, صعب تتعاطف معها أعرف,لكن ليش قتلتهم؟؟ هذا السؤال ما جاوبته ايلين نفسها في العشر سنين اللي قعدتها في السجن ولا حتى في اليوم قبل الأخير من إعدامها في اخر مقابله عشان أبحاث الفلم.. أصلاً في اخر مقابله لها كانت تبرر بشكل مجنون أن كل اللي حصل أن الشرطه خلتني أقتل الرجال الباقيين بعد ذاك المغتصب, ولا هم أصلاً كانوا عارفين ولا قيين بصماتي( واضح انها انجنت في أخر أيامها). والفلم يغوص في الإجابه بشكل عميق, نظرة إيليين للعالم ونظرتها السيئه للرجال , مثل ما قالوا العاملين خلف الفلم أن هدفنا موب توثيق الحدث بل سرد رساله ومو مهم إذا جبنا الحدث بالدقه الكامله أو لا.. حتى المشاهد من طفولتها كانت في البدايه وقليله جداً, المغزى منها إيش وخلاص, وبعدين نجي للأهم ليش ايلين تقتل وهي شخص جداً ما عمره فكر يقتل!! وشخصيه طيبه جداً , لا وتقتل ناس غريبين عنها جداً ما عمرها قابلتهم أو عرفتهم وهذا اللي يميزها كــserial killer والعجيب عنها , وبعدين نجي لكيف ممكن نظرة المجتمع لك, تربيتك ونظرتك لنفسك وأعظم رغبه عندك واللي عاجز تحصلها والحياه اللي أنتا تشوف أنك تستحقها بس موب قادر تصلها, كيف الأشياء ذي تشكلك أنت كإنسان كفرد , وبعدين نجي لحقيقة أن الحياه تحطك في مشاكل, ردة فعلك للمشاكل ذي, إيش أنت ممكن تسوي عشان تخرج منها, اليين فاشله فعلاً فاشله في الشيء ذا, وهذا من أكبر الأشياء اللي خلتها مجرمه, كانت بتكب العهر ومصمله على الشيء ذا, لكن بعد كم طلب وظيفي وكم كلمه تحطيميه وكم ضرف صعب رجعت للشيء اللي تسويه, رجعت لكل الذل والنظرة السيئه من الرجال, لكن أول كانت تقدر تتعامل معها بأنها تطنش, لكن في المره الثانيه الوضع صار إجرامي فعلاً, وبعدين الفلم يدخل في سؤال "أنت تشوف عاهره, لكن ليش تعاملها بشكل سيء؟؟ ليش تقولها أسوأ الكلام وتعاملها كحقيره, اوكي! العاهره مب أحسن إنسانه ايه نعم, العاهره أخذت أسهل طريق عشان تهرب من مشقة الحياه نعم, لكن تفهم ليش هذي الإنسانه صارت عاهره, أن كل شيء حصل بسبب, أن كل شيء سيء إحنا صرناه, كل عيب هو ردة فعل لحياه قاسيه عشاناها, ضروف صعبه! لو الناس وعت لها الفهم ونظرت لإيليين كإنسانه , من منظار إنسان لإنسان وعاملوها بشكل جيد, لو جاها واحد وقالها أنا احبك وغاض نظره عن أنها عاهره عن مظهرها السطحي وبدا يغوص في جوهرها(هي إنسانه جميله من الداخل في الحقيقه), كان ممكن إيلين الأن تعيش الحياه اللي هي تستحقها, الحياه اللي ما تتعامل فيها مع إحساس رهيب بالحقد على رجل, وتقتله, يعني هذي أهم نقطه في الفلم واللي أنا تعلمت منها شيء جديد صراحه.. واللي خلتني أفكر أن مسألة إعدام إيلين خطأ كبير جداً, ايلين ضحية مجتمع كامل, ضحية تربيه ووالدين سيئين,ضحية نفسها وسوء تعاملها مع مشاكلها, كل اللي لازم تعطيها مده معينه في السجن , ومعالجه نفسيه قويه عشان تنظر للعالم بنظره أخرى, عشان يعالجون حقدها, كنت أتمنى كذا, وللأمانه لما قالت "الناس مستحيل يسامحونك على هكذا أشياء وأتمنى أنهم يسامحونك" أثرت فيني جداً.. لأن من خلال ذا شفت أهمية "العفو" لأي مجتمع وطبعاً القصاص حق لأهل القتيل إنتقاماً, لكن الدين يقول "العفو" أفضل,ودرجته عند الله عظيمه, يعني فعلاً من خلال الفلم وضحتلي اهمية التسامح مع هكذا ناس, أنك تعطيهم فرصه ثانيه , طلقه ثانيه, عشان يخدمون مجتمعهم بشكل أحسن..عشان السعاده اللي كانوا متمنينها, وإعتذاراً منا إحنا كمجتمع أننا جزء من السبب اللي شكل إيلين بالشكل ذا, أعتقد أن المجتمع مدين لإيلين بإعتذار,وهذا رأيي..
Aileen: "Love conquers all." "Every cloud has a silver lining." "Faith can move mountains." "Love will always find a way." "Everything happens for a reason." "Where there is life, there is hope."
[laughs]
Aileen: Oh, well... They gotta tell you somethin'
.
