أبي فلم - الموضوع الرسمي لأفلام هوليود

[SCREAMING_RAGE]

همممم من زمان على الموضوع هذا ..........فعلاً سنة 2011 سنة مخيبة جداً للأفلام .

اخر فلم شفته في السينيما كان

تبغون الزبده؟!

محتوى مخفي: !

الفلم فكرته عباره عن روبن هود... لكن في المستقبل

الناس اللي شافوا الفلم بيفهموا علي.

 

[rsm]

قبل شوي شغلت فلم Angels & Demons و ما استحملت حتى اكمل 10 دقايق من الفلم ! فررررررق كبيييير عن الرواية و الله .. ما توقعت يكون الفرق لهالدرجة

محتوى مخفي: للي قرأوا الرواية

بداية الفلم .. كان بالرواية ماكسيميليلان كوهلر هو الي كلم روبرت لانغدون حتى يحضر و يشوف جثة روبرت فيترا و يشوف وسم الإليمانيتي و بنته فيتوريا ما بتشوف جثة ابوها الا متأخر شوي .. في الفلم فيتوريا هي الي تدخل ببداية الفلم للمختبر و تلقى عين ابوها و شوي تلقى ابوها ميت ! شي ثاني في الراوية مصورين فيتوريا على انها بشورت و ثياب غير محتشمة .. بالعكس في الفلم باين انها محتشمة و هيك 😀 .. برضو مثلا القاتل انا تصورته على انه واحد خايس و نتن و وجهه فيه ندبة في وجهه من كان صغير و يده كبيرة و سودا .. اجي اشوف في الفلم يطلع لي واحد مزيون و مدري كيف .. ايش اللي ؟!!
في نهاية الرواية لما يركبوا فوق بالهيلوكبتر حتى يبعدوا المادة المضادة مدري شيسموها في الرواية بيكون لانغدون مع الأخ مساعد البابا في الهيلوكبتر .. في الفلم فيه واحد منهم مو موجود .. و اخر شي لما تنفجر المادة المضادة في الرواية الفاتيكان ما بتتأثر ولا بيصير فيها اي شي .. اما في الفلم الكنيسة بتتأثر و الفاتيكان بتتأثر ..

 

[Fahad Al-Shareef]

معليش على الدخلة العشوائية، بس الصور ذي فطستني ضحك :laugh::laugh::

منجد! مدري ليش ثلاث ارباع ادوار هيلينا سودواية ونفس الستايل.

ترا كلها اربع او خمس افلام اللي زي كذا . الباقي ادائها أنيق ورايق. زي The King's Speech.

 

[Naserano]

للتو انتهيت من مشاهدته.. راح اختصر كلامي !

فيلم أقرب للكمال لولا طوله اللي على غير سنع وبعض اللقطات "السامجة".


الفائدة العظمى اللي طلعت بها من الفيلم هي معرفتي بقصة Malcolm X .. الآدمي هذا عليه لسان من حديد!!!
+
تأكدت إن Denzel Washington أفضل ممثل أسمر في تاريخ هوليوود.

9.5

 

[ALONE]

فيلم السهرة لليوم كان محبط للغاية وكان

1.75 / 10

لاينصح بالمشاهدة وتضيع الوقت 🙁

 

[Output No. 3]

The lincoln lawyer

هممم الخطة تغيرت، كان من المفترض اني اشوف موني بول بس دام السالفة فيها براد بيت قررت انتظر شوي لين تنزل نسخة البلو راي، ووقتها شفت رد سعود وما ترددت بشوفة الفيلم لإني احب افلام المحاماة والجريمة والثيلر....بالنسبة للفيلم، شغل فخم! استغرب لما يقولوا ميمنتو ولا شتر آيلند لحسة.. وتركو هذا ! 30% من إحداث الفيلم ما فهمتها وبإذن الله ناوي اشوف الفيلم مرة ثانية قريب... او الزبدة يعني الفيلم مكثف بالاحداث وبالعادة الي زي كذا انا اعتبره شغل فخم لإنه مو إي مخرج يقدر يحصر احداث ومشاهد كثيرة بساعة و50 دقيقة فهذا يعتبر إبداع.. بالعادة فيلم زي كذا ياخذ ثلاث ساعات... بالنسبة للقصة انا شخصياً افضل لو طرحت بشكل سلس غير عن الشكل الي طرح فيه، يعني احس انهم زودوها بحبكة الاحداث >.>" بس صراحة .. يظل الفيلم واو ! انا اعشق الافلام الي تجعل المشاهد يحرك مخه ويفكر مع الفيلم... الفيلم ذا موب خلاني افكر بس الا لحس مخي لحس والله :\ شيء بصراحة يخليك تسمتع وانت تشوف الفيلم..لكن عندي عيب بسيط، تسلسل الاحداث بالبداية ملخبط بشكل عشوائي، ولهذا اعيد واكرر لو كان الفيلم طلع بشكل اسلس شوي كان اخذ الـ10 بالـراحة.. بالنسبة للبطل Matthew McConaughey.. فبصراحة اقولها حرفياً، الدور هذا حق الفيلم وُجد ليؤديه Matthew.. احياناً راح تنسى انك تشوف فيلم عبارة عن "تمثيل"! نادراً ما اشوف فيلم الحوارات والمظهر والاحداث.... صنعت لأجل الممثل والفيلم هذا أتقن هالشيء بالراحة وبصراحة ارفع القبعة للبطل على الإتقان الرائع للدور ومجهود جبار يستحق عليه الاوسكار..!! ولا يهون بقية الطاقم كان فيه إسماء غير معروفة بس لمعت بالفيلم أي انه بالنهاية التمثيل ما عليه إي كلام .... بخصوص الحوارات بصراحة شيء تحفة ..!! اول ما تخلّص الفيلم راح تستغرب كمية توافق الحوارات مع البطل مما تجعلك تنسى انك جالس تشوف فيلم اساساً... وبصراحة الفيلم منجد ما يعرف متى ينتهي XDD !!! يعني خلاص بعد كمية الاحداث المهولة الي شفتها المفروض تكون متوقع نهاية قريبة لكن حسيت المخرج جاب العيد شوي النهاية ممطوطة بشكل عجيب وكإن المخرج يبي يسوي تويست بالغصب بس تبون الصراحة؟ ما احس هالشيء أثر على العمل لإنه بالنهاية الفيلم طلع بنهاية محترمة رغم البلبلة الي قبله, نقدي الاول والاخير راح يظلّ عتاب على تكثير الاحداث والحبكات واللحسات مع تقليل الوقت، لو المخرج شوي خذ راحته بالوقت وسدح الاحداث بشكل منتظم او على الأقل إذا ما يبي يزود الوقت كان ممكن يخرج الفيلم بشكل سلس ويحذف كثير من الاحداث خصوصاً احداث النهاية ويطلع لك عمل فنّي محترم، لو صار هذا الفيلم كان ممكن ياخذ تقييم كامل مو بس يطلع بشكل رائع..!! بالنهاية الفيلم واحد من افضل افلام 2011 على الإطلاق وصار لي زمن ما شفت فيلم بهالسنة محترم وإنصح فيه لعشاق الثيلر والجريمة وخصوصاً اجواء المحاكم.. والي عجبه بانريمال لازم يشوف هالفيلم بس يتحمل اللحسة الغير مبررة ويحاول يوقف كل مشهد 5 دقايق عشان يستوعب ولا يسوي زيّ ويعيد مشاهدة الفيلم مرة ثانية لول.

8.9\10 < ما حسيت انه الفيلم يستاهل 9 ، لكن بنفس الوقت ما حسيت انه يستاهل 8 حاف (&).


//

ناصر، شفت مالكوم قبل إسبوعين تقريباً ونفس رأي تماماً!! خصوصاً بسالفة الوقت الزايد الي ماله داعي واللقطات الخاشة عرض >_>"

 

[CODE-X]

احد يعرف فيلم كويس من نوع :

؟

 

[D.K]

للتو انتهيت من مشاهدته.. راح اختصر كلامي !

فيلم أقرب للكمال لولا طوله اللي على غير سنع وبعض اللقطات "السامجة".


الفائدة العظمى اللي طلعت بها من الفيلم هي معرفتي بقصة Malcolm X .. الآدمي هذا عليه لسان من حديد!!!
+
تأكدت إن Denzel Washington أفضل ممثل أسمر في تاريخ هوليوود.

9.5

فريمان ما يوافقك الرأي.

 

[T u R k I]

1.75 / 10

لاينصح بالمشاهدة وتضيع الوقت

خويي مدحه لي اليوم بالجامعه يقلي افضل من رزدنت ايفل ديجنريشن "هذا وهو يموت بشي اسمه رزدنت ايفل" وانا ماادري ماتطمنت للفلم ..

 

[Xeon-Q8]

تأكدت إن Denzel Washington أفضل ممثل أسمر في تاريخ هوليوود.

هذا fact وامر محسوم من زمان

عند هالممثل لسته افلام تستاهل اوسكار وجوائز طويله .. بنا نفسه كأسطوره

Man on fire
American gangster
training day

أفضل ممثل اسمر البشره احب اطالع افلامه .. توب

 

[D.K]

وفي المقابل، فريمان عنده Se7en, Shawshank Redemption, Unforgiven, Glory, Million Dollar Baby, Driving Miss Daisy, Street Smart وغير أدواره في باتمان و شغل الـNarration الجبار إلا يقدمه.

فريمان واحد من أعظم الأشخاص في صناعة الأفلام الغربية، نقطة اثنين ما يختلفوا فيها.

 

[DEMON]

تأكدت إن Denzel Washington أفضل ممثل أسمر في تاريخ هوليوود.

فاكت !!

 

[Xeon-Q8]

اكيد مورغان فريمان ممثل كبير وافلامه قويه واسطوريه

لكن تقمص دنزل واشنطن للدور ... يعيشك جو الفلم غصب .. يخليك تتفاعل معاه .. تحس نفسك انت البطل
اتقانه للدور شي خيالي ماشفت ابدا ممثل يضبط الدور نفسه

هذا اللي ماحسيته موجود بشكل ملحوظ في فريمان

 

[Al Pacino]

تأكدت إن Denzel Washington أفضل ممثل أسمر في تاريخ هوليوود.

أفصل أداء لـدينزل كان بهالفلم وبموافقة الأغلبية .. خذها كـتحذير عشان ماترفع له الستاندرد كثير بأفلامه الثانية وتتوقع اداء بهالخرافية .. هالممثل أحطه تحت جيم كيري عندي >> بيذبحني حمدي 😀

لا فعليًا ترتيب الممثلين عندي بعد الباتشينو مش متيقن منه .. مجموعة كبيرة تشمل (دي نيرو-نورتن-جوني ديب-براد بيت-واشنطن-كيري-براندو والقائمة تطول) هالمجموعه مستحيل تخرج عن الخمس الاوائل عندي بدون ترتيب.

Output No. 3 !

همم غريبه ماحسيت بكمية الغموض الكبيرة الي توصفها، خاصة وانك تقول راح تشوفه مره ثانية عشان تستوعب! بالنسبة لي مع النهاية كل شي وضح تماما.

 

[Output No. 3]

^
يمكن المشكلة فيني >.>" هي مو مسألة غموض زي شتر آيلند هي مسألة انه الاحداث زايدة حيل ، يعني احياناً انسى وش صار لول.
واوكي راح اعتبر نسيانك لتوم هانكس في القائمة مجرد نسيان... نسيان :

\\

فريمان يعتبر حسن حسني السينما الامريكية، مو إنه أي كلام زيه قصدي من ناحية أي فيلم يسوا يمثل فيه دور جانبي.. ادوار فريمان هي سبب اول لنجاحه ، لكن ايضاً هو تمثيله رائع ومتقن..

 

[Al Pacino]

ياخي قلت القائمة تطول ولو بكتب كل الي يستحق الذكر مابخلص 😀 واكيد توم هانكس وروسل كرو وكيفن سبيسي و و و على رأس القائمة : )

 

[Naserano]

مشكلة فريمان الأزلية إنه قاعد يكرر نفسه في اغلب أدواره .. الشايب العاقل الرزين !
بينما واشنطن مثل ما قال عبدالله عدا عن إن أدواره مختلفة الرجال هذا يعرف كيف يتقمص شخصيته بشكل يخليك تنسى إن اللي تتابعه فيلم.

 

[SAUD~F-16]

امس شفت مومينتو للمره مدري كم.. انا واقع بحب هذا الفلم :inlove: الرهابه كل الرهابه فيه ومتعه مش طبيعية

الي يطلعلي فلم من نفس النوع ويكون ممتاز يكون احسن واحد بالعالم

old snake شغل الموسوعة حقتك وانبش لي كم فلم الله لا يهينك:nerd:

 

[Old Snake]

بنفس فلسفة ميمنتو ما فيه لولولكن عندك بريمل فير شوفه, كو بنفس المستوى ولكنه ممتاز وفيه كم منعطف في القصة بيذهلك إن شاء الله.

 

[Wild Fox]

^^
نسيت اقلك على Immortals
ياخي كرهوني بالاسطوره الاغريقيه .. زوس طالع ورع و بزر و بوسايدن و بقيه الشله نفس الشي ..
الاكشن في الفيلم مو مميز .. ال3-d زي قلته
القصه؟ مافي شي مميز .. التمثيل عبيط
4 و كثير عليه :\

 

[Old Snake]

^
لول كنت متوقع واضح أصلاً بما إنها من نفس الي سووا 300...\:
للأسف الأفلام الي تحاكي الإغريق قليل الي تتقنها, رغم كذه مجرد لعبة أتقنتها بشكل مذهل *يا لبى قلبه GoW...:inlove:*
شفت تروي...؟؟ رهيب ومن أفضل أفلام الإغريق كمان جلاديوتور بس أكيد شفته لول...(&)

 

[Wild Fox]

اكيد الاثنين هذول شفتهم ..
300 افضل من الخميقه Immortals بكثييييييييير !
ندمت اني دخلته و اتمنيت اني داخل Reel Steel 🙁

 

[Brewmaster]

فريمان ما يوافقك الرأي.

فريمان بكل ادواره لعب "دور واحد" دبنزل في فلم واحد "ثلاث ادوار" .. (&)

 

[DEMON]

فيلم الليلة باذن الله ، ان شاء الله يستاهل .

 

[Al Pacino]

^

ههههه خلنا نشوف اقتباسي منه بتويتر كان "بول شيت" ولالا 😀

 

[DEMON]

^^
اصلا ما ابغا اشوفه الا لهذا السبب :laugh::

 

[Naserano]

L.A. Confidential

تعرف الفيلم اللي تشوفه وأنت نعساااان وفجأة تصحى من شدة رهابة أحداثه!! هذا هو بالضبط.

عتبي الوحيد على الفيلم هو ركاكة التشابك ما بين بعض مشاهده + التسارع الشديد للأحداث في نهاية الفيلم.
ما أحب اتكلم عن التمثيل لأنه ما يغطي العيوب الظاهره في بعض الأفلام مثل الملل *أبد ما ألمّح لأي شيء* لكن صراحة انبهرت من آداء راسل كرو! ابداً ما توقعت اشوف له آداء "ممتاز" من بعد The Gladiator و A Beautiful Mind


شخصياً اصنفه كثاني أفضل فيلم جرائم وتحقيق.... الأول The Secret in Their Eyes بكل سهولة.

9

 

[Old Snake]

الأول The Secret in Their Eyes بكل سهولة.

يبطي عظم لول...XD

 

[Naserano]

^
هممم خبري بك ما شفته حمدي؟

 

[T u R k I]

ابداً ما توقعت اشوف له آداء "ممتاز" من بعد The Gladiator و A Beautiful Mind

مستغرب من كلامك!! الرجال دايم تمثيله ممتاز.