أبي فلم - الموضوع الرسمي لأفلام هوليود

[Akilla]

من أفشل المواقع على الإطلاق.

انت بكامل قواك العقلية ياسلطان؟

 

[Xeon-Q8]

Captain America & Final Destination
3D

ثاني يوم وثالث يوم عيد ..

 

[MAX9009]

امسس شفته بلو راي مابي احبط بك لاكن الفلم بايخ -__-

هو لو جينا نتكلم ع الفيلم من ناحية انه تابع للسلسله فاهو تغير مساره تماماً عما كانت عليه السلسله .. لكن لو جينا نتكلم ع انه فيلم اكشن مع شوية اثاره بالسيارات فاهو جيد خصوصا اخر شي بالفيلم كان حماس ولو انه بالمشمش تنسحب الـ

محتوى مخفي: :

الخزنه

بهذي السهوله من سيارات مو تركس .

 

[T u R k I]

كشخص مايحب سلسلة اكس مين (شفت الأول والثاني وماعجبوني) تنصحوني أشوف فرست كلاس ؟

 

[Xeon-Q8]

^
لآ

 

[just me]

7 / 10

ممتع إلى حد ما .. خصوصا لقطات القتال .. ادريناليييين

 

[Painkiller Q8]

أمس دخل فلم5 3D Final Destination

بصراحه كنت متوقع شيء بايخ "كالعاده" في الجزئين الي فاتوا ... لكن توقعي طلع غلط .. الفلم جيد وبمستوى الجزء الثاني
بصراحه كان التمثيل عادي إلى بايخ في بعض الشخصيات !

لكن الي حاب الجزء الأول والثاني "ضروري ضروري ضروري" يشوفه ... لانه متعلق والاحداث حلوه والموت فيه متقن جدا وجرافكس رائع !

6.5/10

 

[PS]

الفلم مميز من جميع النواحي و الكل متفق على هذا يعني المدح فيه مايزيده شي.

بس الشيئ اللي أبهرني في الفلم اداء براد بيت أخر 10 دقايق ماعرف كيف عاش الدور كان شيئ جميل رويت الممثل في أخر 10 دقائق وااااااااااااااااااو.

 

[Painkiller Q8]

ثاني فلم للعيد .. Captain America: The First Avenger 3D (2011)
الفلم مثل ماتوقعت .. كان المستوى جيد والقصه حلوه .. وأقل أكشن من آخر فلم للأفنجرز الي كان Thor 2011 ..
بصراحه استمتعت بالتعرف على كابتن أمريكا وقصته الي اعتبرها افضل من قصه ثور بمراحل , مع ان الاكشن كان قليل لكن عجبني الفلم واجوائه فعلا في الحرب العالميه الثانيه !
انصح كل محبي مارفل انهم يشوفونه ويكملون مجموعه مشاهدات الافنجرز ,,, وتأكد انك ماتطلع من السينما إلى تشوف آخر شيء في الفلم "بعد الكريدتس كلها"
والحين ناطر فلم الافنجرز على احر من الجمر .. مايو 2012

تقييمي للفلم 7/10

 

[Xeon-Q8]

Captain America

دخلته وانا كنت متوقع شي حلو ..

احداث بطيئه .. ساعه كامله بطئ وتدرج بالقصه واحداث بارده بس بلعتها لان تقديم البطل كان معقول ،، فجأه الفلم يصير اكشن تجاري رخيص (اختر اللي تحب) .. واحداث متوقعه نمت بنص الفلم من الملل
الفلم ممل جدا ، واكشن بايخ شايفينه مليون مره ،، كنت ماشي مع الفلم وكان "اوكي" لمده ساعه او 45 دقيقه تقريبا .. بعدها كان ودي اطلع مدري كيف تحملته للأخر كل شوي اقول الفلم راح يتحسن

اسوء فلم شفته من فتره !

10\3 للبدايه المعقوله للفلم

اللي وده يشوفه ومتحمسله .. لاتضيع وقتك ! روح شوف فلم twilight اصرفلك

طبعا من عوامل الملل : 1- شاشه الأفنيوز المتخلفه ( ترجمه مهتزه ، وضعيفه لغويا ، النظاره تجيبلك الصداع ، الشاشه الوصخه ! )
2- اليهاااااااال .. ملياان يهال وتعليقاتهم وازعااجهم

تحسفت اني حجزته 🙁

 

[alakafi]

كشخص مايحب سلسلة اكس مين (شفت الأول والثاني وماعجبوني) تنصحوني أشوف فرست كلاس ؟

بالتأكيد شوفه يمكن راح يحببك بالأجزاء الحالية , فلم ابداع بشكل مجنون

 

[Raulioo]

شفته امس بالسينما 3D .. فيلم سيء بكل معنى الكلمة ، قصة معروفة طريقة سيرها وتقدر تتنبأ بالاحداث بكل يسهولة..حوارات مستهلكة جدا وسطحية ، التمثيل عادي وما فيه شي مميز ، لقطات الاكشن تقليدية وتجارية وشايفينها بمليون فيلم من قبل ، تأثيرات الـ 3D تعبانة ومالها وجود فعلي بالفيلم الا بكم لقطة محدودة جدا "1 او 2" ، اتشوهت صورة كابتن امريكا بنظري @@ ، فيه نكات يجي منها لكن اغلبها سامج وسخيفة ، الشخصيات كريهة ومستحيل اي وحدة منهم بتشدك طوال الفيلم او تتفاعل معها ومع احداثها والمقاطع العاطفية تعريف لمعنى التصنع والتكلف لدرجة انك فعلا تبغى تمسح دموعك اللي طالعة من مدى سخافة اللقطات ..الفيلم طوييييل جدا وكثيرة هي المقاطع اللي بتغمض فيها عينك دقائق من التعب والنصف الاول فيه نقدر نعتبره حكاية للقصة "قصة فيلم سوبر هيروز شبه تقليدية؟" والنصف الثاني للأكشن والفيلم ما فلح بالاثنين ، النهاية جيدة او على الاقل كنت متوقع ابشع من اللي شفته على معيار رداءة مستوى الفيلم واول مرة يخيب ظني بطريقة ايجابية...
الفيلم تعريف لمعنى افلام السوبر هيروز المجنركة وما فيه شي مميز غير درع كابتن امريكا @@

أحد أسوأ الافلام اللي دخلتها بالسينما بحياتي حتى على معيار افلام السوبر هيروز.. 3/10

 

[Xeon-Q8]

^

هههههههه نفس رايي بالفلم لكن بصيغه اخرى

وحتى النهايه ؟ تعبانه وبايخه وماسوت شي للفلم

 

[Raulioo]

^^

محتوى مخفي: All hail HYDRA

تبي الصدق كنت حاط ببالي انه حبيبة البطل بتروح الملهى الليلي بالوقت اللي اتفقوا يتلاقوا فيه ، وبتبكي هناك لأنها فقدته وبيطلغ لها بطريقة مثيرة للسخرية "أو انها تتخيله عالأقل"، والنهاية خالفت توقعاتي عشان كذا اعتبرته انجاز p=
بس الحين لما فكرت فيها مستحيل كانوا بيستعملون ذيك النهاية لأنها بتعني نهاية القصة وهم اكيد ناوين على جزء ثاني..

تحرير : صبر صبر نقطة توقف .. انا ما استحملت وطلعت من اول ما ظهرت شاشة الكريدتس ، ايش بيصير بعدها "على حسب ما بين كيلر قال" ؟

 

[Yuki]

الفلم biography يتكلم عن حياة جوني ناش ( Joaquin Phoenix ) مغني كنتري - نوع من الموسيقى - انشهر في الخمسينات وعن علاقته مع جون كارتر ( Reese Witherspoon ) ... ما بتكلم زيادة
تمثيل رائع من خواكين استحق عليه ترشيح الاوسكار واروع من رييس فازت بيه بالاوسكار والجولدن جلوب والبافتا
معا اني كنت نعسان و الفلم طويل شوي - ساعتين ونص - مع ذلك ما حسيت بملل ابد وانا اشاهده
انصح بيه -B

كيرا نايتلي و اجواء الريف الانجليزي الساحرة :inlove: ما انسى الاخراج الرائع في مشاهد كثيرة راح تقعد في ذاكرتي لفترة طويلة
OST لا يقل روعه هذا التراك <3
انصح بيه وبشده -A
اقدر اتابعه مره ثانية في اي وقت <3

تحفة ! الاخراج ابداعي بشكل سام ميندس حط كل الي عنده في هذا الفلم يستحق الاوسكار - مشهد السرير والورد المتساقظ حرفيا خلاني كذا o____O - تمثيل ممتاز من الجميع خصوصا كيفن سبيسي وانيت
-A لكن ماهو لأي احد ..

شغلت Premonitin تابعت منه 15 دقيقة بعدين قفلته لول ما شفت شيء جذبني احتمال اسوي له سكيب .

 

[Xeon-Q8]

^^

محتوى مخفي: All hail HYDRA

تبي الصدق كنت حاط ببالي انه حبيبة البطل بتروح الملهى الليلي بالوقت اللي اتفقوا يتلاقوا فيه ، وبتبكي هناك لأنها فقدته وبيطلغ لها بطريقة مثيرة للسخرية "أو انها تتخيله عالأقل"، والنهاية خالفت توقعاتي عشان كذا اعتبرته انجاز p=
بس الحين لما فكرت فيها مستحيل كانوا بيستعملون ذيك النهاية لأنها بتعني نهاية القصة وهم اكيد ناوين على جزء ثاني..

تحرير : صبر صبر نقطة توقف .. انا ما استحملت وطلعت من اول ما ظهرت شاشة الكريدتس ، ايش بيصير بعدها "على حسب ما بين كيلر قال" ؟

محتوى مخفي: All hail HYDRA

بالظبط نفس ماتوقعت .. اول ماطلع وهو بالمستشفى علبالي تم انقاذه وراح يقعد ويلقى الظابط البريطانيه اللي هي رفيجته
ومهما كان حركه انه نايم 70 سنه ماتغير مستوى الفلم .. تويست عاادي وما يخليك تقول "واو"

محتوى مخفي: الكريدتس

ممكن يقصد ظهور البطل المغوار سامويل ال جاكسون لول .. انا اول ماشفته قلت وش يبي هذا
الفلم مو ناقص عاد :laugh::

 

[Raulioo]

^^
أنا ما قلت واو .. قلت انه اقل بشاعة من غيره من المقاطع..حتى هذه مستكثرها على الفيلم p=
اما الكريدت..اللي انت قلته اتذكر انه كان قبل الكريدت .. @@
صحيح حد استنتج ايش تسوي ضابطة بريطانية بالجيش الامريكي @@

 

[Xeon-Q8]

اجل مادري

انا ماصدقت متى خلص الفلم .. كنت اول الخارجين 😛

عادي .. نقدر نفسرها تعاون استراتيجي .. خصوصا في الحرب العالميه الثانيه تعاون استراتيجي بين الحلفاء

 

[Xeon-Q8]

Final Destination 5
3d-imax

فلم يستاهل تدخله 3D .. تحس الإخراج كله قايم على المؤئرات لولاها الفلم مايسوى .. اما انك تشوفه 3d ولا كنسله من راسك

كـ عاده السلسله .. ماكو قصه ، مجموعه شباب خدعوا الموت وبعدين يلحقهم واحد ورا الثاني لول

استمتعت بالفلم .. وطريقه الموت الوحشيه!! بعض البنات والحريم طلعوا من اول لقطه لول! *facepalm*

10\6 وتخب عليه

 

[SAUD~F-16]

بعد ما سمعت كلام كثير عن فلم اسمه اماديوس ! ما اقدر اقول الا ياللهول
1984م

بكل صراحة شباب اهنيكم على اذواقكم الراقية (اقصد الي تكلموا عن الفلم) يعني الموضوع صار وجهتي الأولى اذا بغيت فلم

الموسيقى تعريف للجمال بالفلم:inlove: بس يمكن ما تعجب الي ما يحب الكلاسيكيات

التمثيل خورافي يعني بالنهاية ومن الأخر 10/10
بس فيه سؤال محيرني , هل الأحداث بالفلم واقعية او من نسج الخيال ؟

 

[Al Pacino]

^

الشخصيات حقيقية والقصة بشكل عام بس التفاصيل ماعندي علم اذا فبروكها بعض الشيء عشان تناسب جو الفلم ..

 

[SAUD~F-16]

^
ادري ان الشخصيات حقيقية بس كان قصدي الأحداث الي صارت بالفلم هل حدثت بحياة ساليري وموزارت حقا ؟ او انهم اضافو اشياء من عندهم
على الأرجح انهم اضافوا اشياء..

 

[H2O]

إي شخص محب للأفلام بكسار لازم يشوف فلم The Pixar Story

روعة

 

[alakafi]

شباب ايش في افلام زي saw ?

 

[Xeon-Q8]

^
احداث مشوقه .. بس قصص ضعيفه .. تمثيل ضعيف .. مشاهد تلوع الجبد وتقرف !
تقلب مزاجك

 

[alakafi]

انا قصدي اني شفت السبع أجزاء وعجبني مع انه لو تفصله سيء من معظم النواحي بس الفيلم فيه شي يشد بشكل مجنون مش عارف ايش

كان قصدي ايش فيه افلام زيه يعني مشابهة له : )

 

[Wild Fox]

شباب ابا اقتراحاتكم عن افلام وثائقيه حلوه
عندي Life
Planet earth
ابا اقتراحاتكم عن افلام غيرها ما يهم لو عن الطبيعه او شي ثاني المهم تكون حلوه

🙂

 

[G4mer]

انا قصدي اني شفت السبع أجزاء وعجبني مع انه لو تفصله سيء من معظم النواحي بس الفيلم فيه شي يشد بشكل مجنون مش عارف ايش

كان قصدي ايش فيه افلام زيه يعني مشابهة له : )

امممم والله في فلم dead silence نفس الي مسوي saw

 

[Old Snake]

شباب حبيت أعرف وش أكثر لقطة تأثيراً في تاريخ السينما بالنسبة لكم...؟؟
شخصياً صعب جداً الإختيار لكثرتها ولكن الأكثر تأثيراً وعاطفةً بالنسبة لي كانت...

http://www.youtube.com/watch?v=lwRsx9v2EnA&feature=related

طبعاً مستحييييييييييييييل أدمع بفيلم لول ولكن بهذي اللقطة كان ذلك على وشك الحدوث...(&) شيء مؤثر حتى النخاع...T__T
تحذير ترى حرق ملعون والدين للي ما شاف مليون دولار بيبي...!!

 

[Old Snake]

انا قصدي اني شفت السبع أجزاء وعجبني مع انه لو تفصله سيء من معظم النواحي بس الفيلم فيه شي يشد بشكل مجنون مش عارف ايش

كان قصدي ايش فيه افلام زيه يعني مشابهة له : )

الثلاثية الأولى مو سيئة من أغلب النواحي...بالعكس قصة لا بأس فيها *تفتقد للمنطقية ولكننا نتكلم عن فيلم رعب لول* أحداث مثيرة ومحبوكة بشكل جيد...
بقى التمثيل فهو من متوسط لسيء فعلاً لكن الشي الرائع بالسلسلة هي نهاياتها...أتكلم عن الثلاثية الأولى دايماً النهاية فيهم يشفعوا لجميييييع الأخطاء الي تحصل بالفيلم...
مستواها وأسلوب تقديما جباااار جداً...!! باقي السلسلة ما تابعتها إلا إكمالاً للقصة ولا هي من جرف لدحديرة...\: