أبي فلم - الموضوع الرسمي لأفلام هوليود

[T u R k I]

أفلام PIXAR كلها حط في بالك ان اي شي يسووه يطلع ممتاز إلا Cars 2 قريت انطباعات سيئة بس ماشفته أنتظر النسخة الصافيه منه

Ratatouille
Toy Story 1,2,3
The Incredibles
Finding Nemo
Monster Inc
A Bug's Life
Cars
WALL-E
Up

كلاسيكيات ديزني بس طوف الأغاني لأنها ترفع الضغط لوول

The Lion King (أفضل فلم انميشن شفته)
Aladdin
Tarzan
Mulan
The Emperor's New Groove
The Little Mermaid
The Hunchback of Notre Dame
Beauty and the Beast
The Princess and the Frog

في برضوا من Dream Works مع اني مااحبهم كثير لأن أغلب أفلامهم مكررة

عندك Shrek الجزء الأول
Spirit: Stallion of the Cimarron هالفلم مظلوووم أعتبره من أفضل أفلام الانميشن اللي شفتها

والياباني فيه Studio Ghibli استديو معروف وهو اللي عمل على Spirited Away ماعندي خلفية كبيرة عن أفلامهم لأني ماشفتهم كلهم

لكن اللي أنصحك فيه بقوة Howl's Moving Castle أجواءه قريبه من سبيرتيد أويي

أفلام أخرى

The Iron Giant
Corpse Bride
Coraline

 

[m7787m]

Naserano

+1

spirited away تحفة فنية وأحد أفضل أفلام الأنمي

وإذا كنت تبغى فلم بنفس روعته فلازم تشوف أفلام استيديو جيلبي

Howl's Moving Castle
Laputa Castle In The Sky < عدنان ولينا مستوحى منه 😀
Princess Mononoke

 

[Solay]

كلاسيكيات ديزني بس طوف الأغاني لأنها ترفع الضغط لوول

حرام عليك,من أفضل الأشياء بأفلام الانميشن او غيرها هي الفواصل الغنائيه,تعطي جو راحه للفلم.

 

[Naserano]

Howl's Moving Castle
Laputa Castle In The Sky

شدوا اهتمامي صراحة .

اوكي اتضح إني سبق وشاهدت أفلام أنيميشن (3D) مثل

Finding Nemo
Monster Inc
Cars
WALL-E
Kung Fu Panda
HTTYD

تقريباً مستوياتهم متقاربة بس أفضّل الأول والاثنين الأخيرات .. توي ستوري اتعطش على ما اشوفه بس كل ما اتذكر إنها ثلاثية اتراجع .

واتفق مع تركي الفواصل الغنائية أكثر شيء يخليني ابتعد عن الأنميشنز الكلاسيكية !!

 

[T u R k I]

^ مااشوف فيه تقارب بالمستوى, بيكسار = ابداع وابتكار أما دريم ووركس أغلب أفلامهم تقليدية ومكررة وتعرف أحداثهم من البداية مثل HTTYD الاوفر ريتد

Ratatouille و Toy Story لازم تشوفهم أهم شي, ماأبالغ لو قلت ان الثلاثية من أفضل الثلاثيات السينمائية كل الأجزاء ممتازة

بالنسبة للأغاني في الانميشن المشكلة لما تجيك أغاني طفوليه وغبيه أو بعض المحادثات يخلونها أغاني -___-

 

[m5050]

حرام عليك,من أفضل الأشياء بأفلام الانميشن او غيرها هي الفواصل الغنائيه,تعطي جو راحه للفلم.

ذكرتني بأغنية فلم أناستازيا (آه لو في الأحلام :inlove🙂 .. ذكريااااااات

 

[Solay]

أما دريم ووركس أغلب أفلامهم تقليدية ومكررة وتعرف أحداثهم من البداية مثل HTTYD الاوفر ريتد

أفلام دريم ووركس بالعادة ماتجي بمستوى مرتفع مثل بيكسار بس انها تكون ممتعه,ومع ذلك اشوف فيه استثناءات مثل هاو تو تراين يور دراجون اللي اقدر اقارنه بافلام ديزني عامة..

شريك الأول كان رهيب بعد على حسب مااذكر.

 

[Painkiller Q8]

زمااااااااااان عن الضحك والكوميديا :laugh::
سهره مع الشباب امس !!!

انصحكم فيه: 8/10

 

[HighlyRed]

LA Confidential 1997

شخصيًـا، ما كنت من الناس اللي تتابع أفلام قبل الألفية، على أساس اختلاف الصورة (يشابه فكرة الالعاب القديمة بعد أن رأيت الرسوم المُبهرة) لكن من المدح الزائد على The Usual Suspects قررت أشوفه، ويا إني اكشفت شيء عظيم ضاع عليّ والفلم كان فعلاً من أفضل ما رأيت.. يكفي مشهد النهاية. من هنا فكرت أشوف فلم ثاني يكون فيه كيفن سبايسي (أنا مُعجب بالممثل، شفت له أفلام كثيرة) ووقع الاختيار على هذا. فكرة الفلم كانت ممتازة، لكن "القصة" نفسها اللي خلت مشاهد 18+ موجود هي ما جعلتني أفكر مليًا بمتابعة الفلم. أحداث الفلم كانت ماشية على رتم متصاعد، أداء الممثلين كان متميّز لكن "كيفن سبايسي" توقعت أفضل من هذا بعد The Usual Suspects، لكن يظل أداء ممتاز. نهاية الفلم تليق به، توقعت أفضل لكن لا بأس بالنهاية. بشكل عام الفلم خلّاني أفكر أشوف افلام التسعينات بعد سابقه، ولولا "القصة" لكان الفلم ظهر بصورةٍ أفضل.

7/10.

 

[T u R k I]

أفلام دريم ووركس بالعادة ماتجي بمستوى مرتفع مثل بيكسار بس انها تكون ممتعه,ومع ذلك اشوف فيه استثناءات مثل هاو تو تراين يور دراجون اللي اقدر اقارنه بافلام ديزني عامة..

ماقلت انها مو ممتعه لكن زهقت من هالاسلوب

ومااقول ان HTTYD سيء لكن اللي أقول انه اخذ فوق حجمه, مااشوف اللي يميزه عن باقي افلام دريم ووركس

شخصيًـا، ما كنت من الناس اللي تتابع أفلام قبل الألفية، على أساس اختلاف الصورة (يشابه فكرة الالعاب القديمة بعد أن رأيت الرسوم المُبهرة)

مافيه مقارنة أبد بين الالعاب والافلام من هالناحيه

الفرق بالافلام ان التصوير يكون قديم وفيه افلام قديمة احسن بمراحل من الموجود الحين

وبعضها مهما كانت قديمة ماراح تفقد لمساتها مثل The Godfather اللي شوي ويكمل 40 سنة

 

[HighlyRed]

^

أصلاً أفلام هذي السنة اللي تستحق تشوفها تنعد على الاصابع.
حاليًـا، قاعد أجهز لأفضل سلسلة في التاريخ، Lord of the rings مع متعة البلوراي.. نشوف كيف الافلام "مفروض" تكون.

 

[Al Pacino]

TRON: Legacy


شفته أمس مع الشباب بلور راي وعلى ساوند سستم، ماكنت متوقع شي كبير من القصة بس كانت جيده وافضل من الي توقعته، الفلم تقنيا مذهل جدا! الصوت التأثيرات الإخراج شي متعوب عليه ويستاهل تشوف الفلم كامل عشان هالشي، الاداء جيد ، سلبيته الأكبر هي الحوارات حسيتها تميل للتقليدية شوي، بالنهاية كانت تجربة ممتعة ويستحق المشاهدة.


8

 

[Old Snake]

فيلم كيف تدرب تنينك فيلم ينافس مستوى بيكسار رغم إنه من دريم ووركس أكيد بتجي حوله صجة غريبة...XD

(يشابه فكرة الالعاب القديمة بعد أن رأيت الرسوم المُبهرة)

لو أكتبلك قائمة أفضل 100 فيلم عندي بتشوف فوق الخمسين بالمية منها أفلام من منتصف التسعينات وقبل...!!

 

[Painkiller Q8]

TRON: Legacy


شفته أمس مع الشباب بلور راي وعلى ساوند سستم، ماكنت متوقع شي كبير من القصة بس كانت جيده وافضل من الي توقعته، الفلم تقنيا مذهل جدا! الصوت التأثيرات الإخراج شي متعوب عليه ويستاهل تشوف الفلم كامل عشان هالشي، الاداء جيد ، سلبيته الأكبر هي الحوارات حسيتها تميل للتقليدية شوي، بالنهاية كانت تجربة ممتعة ويستحق المشاهدة.


8[/QUOTE]

لو تشوفه على IMAX راح تعطيه 9.5/10 اقل شي 🙂 ...
انا بطلبه من امزون بلوري 3D .. لانه من اروع افلام 3D IMAX

 

[T u R k I]

فيلم كيف تدرب تنينك فيلم ينافس مستوى بيكسار رغم إنه من دريم ووركس أكيد بتجي حوله صجة غريبة...XD

طيب قولي ينافس بإيش بالضبط ؟

محتوى مخفي: سبويلرز

البطل اللي محد يعطيه وجه وبالنهاية يصير بطل ويشجعوه حتى البنت تبوسه بالنهاية
لما البطل يهاوش ابوه وبالاخير يتصالحون وابوه يقول انا فخور فيك
اكشن ممل
الغبار اللي يجي في النهاية والكل حزين يحسبون البطل مات وواضح انه حي

انا متأكد فيه أكثر بس بما اني شفت الفلم من زمان نسيته
باختصار حركات مكررة كثير بالانميشن وفلم predictable لأقصى درجة

بس لو نشوف بيكسار اعمالهم مبتكره من ناحية الافكار والقصص والاخراج وماهي predictable

محتوى مخفي: مثلاً Cars

البطل مافاز بالسباق في النهاية وهذا الشي ماتوقعته نهائياً

 

[Old Snake]

مو لازم القصص أوريجنال عشان تكون ممتازة...قصة الأسد الملك تقليدية ومقتبسة من قصص أخرى رغم كذه أعتبره أفضل فيلم أنميشن مع طريق الأرواح...!!

 

[T u R k I]

^ أنا كلامي عن المقارنة بين HTTYD وافلام بيكسار مو عن مستوى HTTYD بشكل عام يعني بالمقارنة اشوف الكفه لبيكسار بالراحه

بخصوص القصة ماعليها كلام لكن الاخراج هو اللي مكرر

 

[Old Snake]

بيكسار أفضل أكيد بالكلية ولكن HTTYD ينافس لا يتفوق...
عموماً كأفلام 3D ما أشوف شيء ينافس ثلاثية توي ستوري و وال-إي...

 

[Naserano]

ليش ما أحب الأفلام اللي يحبونها الناس .. ليييش !!؟

بس عندي لبس بسيط .. أيهم نزل قبل الثاني Saw ولا Se7en لأني ملاحظ تشابهات كثيييييرة بينهم !!

على العموم الفيلم كما توقعته تماماً .. تماماً

محتوى مخفي: سبويلر

مجرم متسلسل .. ناس يلاحقونه .. مطاردة في نص الفيلم .. آخر شيء يلقونه ويحصل تويست ..والمصيبة الأعظم إن التويست اللي ازعجتني فيه البشرية جداً جداً متوقع أساساً وين التويست بالضبط والله إني كنت متوقع اللي بيصير بالضبط !!

أيضاً الجزء المتعلق بتريسي زوجة المحقق مشلول حرفياً .. وجودها مثل عدمها وحواراتها تعيسة ومتوقعة وأحيان اكمل لها بعد :laugh:: المشكلة حتى طريقة تعرفها على سمرسيت (اذا كان هذا اسمه) جداً غبية .. من جدك يا فينشر ؟؟؟؟؟

آداء فريمان وبيت يمكن يكون أفضل ما في الفيلم .. باقي الممثلين ميه , ايه نعم حتى Kevin Spacey ..

ايه صح .. ممكن تفسير منطقي لسبب رجعة سمرسيت للقضية .. تفسير منطقي رجاءاً , لأن الفيلم اعطاني سبب غبي بكل ما تحمله الكلمة من معنى !

باختصار Se7en فيلم جيد لا أكثر واوفر ريتد بعد ..

7

 

[Solay]

والمصيبة الأعظم إن التويست اللي ازعجتني فيه البشرية جداً جداً متوقع أساساً وين التويست بالضبط والله إني كنت متوقع اللي بيصير بالضبط !!

لول عاد مشكلتك انك ذكي,انا عن نفسي ماتوقعت النهايه أبدا.

 

[Al Pacino]

انا ماذكر الفلم تمام فماقدر اجاوب على أسئلتك بالسبويلر بس بعيد الي قلته لك بتويتر

حاول بكل قدرك انك ماتتحمس للافلام بسبب كلام الناس خاصة اذا كان المدح قوي عليه والاهم من كذا لاتتحمس عشان الجوائز الي كسبها، ذا هيرت لوكر ربح 6 جوائز اوسكار على ماعتقد مع ذلك شفت الفلم بدون مافكر فيها واستمتعت فيه كثير واذكر اني عطيته بهالموضوع 8.5 بينما الكل أجمع على ان الفلم مايستاهل كل هالجوائز.

2_ بطل سالفة الترايلرات تراها تحرق نص احداث الفلم ! :confident:

 

[Naserano]

^
لول على سالفة الترايلرات .. قلت لك من قبل ما اقدر اشوف فيلم ما أعرف عنه الا صورة البوستر وطاقم العمل (مدري بس أحس إني اضحك على نفسي واحتمال اضيع وقتي بعد)

بعدين على فكرة ترى حرفياً ما فهمت شيء من الترايلر حق الفيلم .. غامض بشكل + نسيت كل اللي شفته في الترايلر صراحة !!

لول عاد مشكلتك انك ذكي,انا عن نفسي ماتوقعت النهايه أبدا.

لأ بس من جد يعني وش يبي يصير كلها احتمالين

محتوى مخفي: الاحتمالين

.. يموت المحقق .. يموت القاتل..

واتحدى اعتى كتاب النصوص يطلعون بنهاية غير هذي !!

نسيت اضيف إن زاوية الكاميرا في آخر مشهد عبيطة بشكل -____-

 

[Solay]

^

محتوى مخفي: ه

التويست موب بالموته نفسها,التويست انه كمل خطته حتى على نفسه.

 

[Naserano]

اذا هذا التويست اللي مزعجيني فيه العالم فـ ميه من جد هالمرة !!

أنا عارف إن راح يكمل خطته من يوم

محتوى مخفي: ..

قال فريمان تراه يبيك تذبحه و و و و

+ سبق وشفناها في عشرطعش فيلم .

 

[Solay]

محتوى مخفي: ل

اجل من جدك القتله نفسها تويست؟!

بعدين بالعكس اشوف ان التويست رهيب والقصه نفسها وحبكتها كانت حلوه..

عموما عن نفسي مااحب احد يجيني ويقول ان هالفلم فيه تويست,لأني طول الفلم أجل اوسوس لا لا موب صاير زي كذا وإلا أجلس اطلع تفسيرات من راسي.

 

[Naserano]

^
المشكلة سمعت كلام كثيير من الشباب عن الفيلم والتويست بالذات .. حتى تقييمه في IMDB موب هيّن ابداً

على العموم موب أول مرة آكل مقلب في فيلم ..

ما أقول الا الله يهدي بعض الناس لو مخليني اشوف Oldboy كان ممكن يكون اصرف :sarcastic:

 

[Yuki]

كرستفر نولان بيكتب قصة فلم سوبر مان القادم في 2012
http://www.imdb.com/title/tt0770828/
راسل كرو و امي ادمز و من كاست الفلم ... مثير للأهتمام P:

مع طريق الأرواح...!!

ايش يطلع هذا (&) ؟

حاول بكل قدرك انك ماتتحمس للافلام بسبب كلام الناس خاصة اذا كان المدح قوي عليه والاهم من كذا لاتتحمس عشان الجوائز الي كسبها

منجد .. مثل ما حصل معاي اما تابعت Pulp Fiction كنت رافع التوقعات فوووق واما تابعته طلع الفلم خرابيط >.>

 

[Old Snake]

ما أقول الا الله يهدي بعض الناس لو مخليني اشوف Oldboy كان ممكن يكون اصرف :sarcastic:

هذا هو الي من جد أوفريتد...:sarcastic:
إتق الله يا آدمي Se7en ما عجبك..!! الفيلم من روائع هوليوود ويخليك تعرف ليش ديفد فينشر عبقري إخراج...
ياليت كان له نسخة إسبانية يمكن كان عجبك...:yuck:
وكيفن سبيسي تمثيله غبي يارجل>ـ>!!
وتراك يا ناصر فاهم تويست الفيلم غلط...

محتوى مخفي: ....

الفكرة من التويست إنه قدر يجمع بين آخر خطيئتين بشكل ذكي...!!

يش يطلع هذا (&) ؟

spirited away...(&)

 

[Al Pacino]

كرستفر نولان بيكتب قصة فلم سوبر مان القادم في 2012
http://www.imdb.com/title/tt0770828/
راسل كرو و امي ادمز و من كاست الفلم ... مثير للأهتمام P:

نايس! تتوقعون شي ممتاز زي ذا دارك نايت ؟ ( ممتاز مو إيبك زي مايبالغون البعض :sarcastic: )

 

[T u R k I]

^ محد بالغ الفلم اسطورة (&)