أبي فلم - الموضوع الرسمي لأفلام هوليود

[Burdegation]

قاعد احوس وادور أفلام سجون لقيت Cell 211 حلو ؟

واذا احد يعرف شي ثاني غير شاوشانك و A Prophet

escape from elcatraz
last castle
longest yard (كوميدي)

 

[Painkiller Q8]

اليوم شفت AVATAR 2009 BLUE-RAY 7.1 TRUE HD SOUNDS
عشت جو الفلم للمره الثالثه وكأنها اول مره .. مع اني شايفه IMAX لكن البلوري اروع بكثير .. خصوصا اذا الصوت 7.1 شيء ثاني !

طبعا هذي المره اكتشفت اشياء كثيره في الفلم ... مثال: عظام الافتارز من كاربون 😛 معلومه عجبتني !!
هذا الفلم فيه احساس في كل ثانيه وابداع لانهائي ... بغض النظر عن الجرافكس الجبار ... القصه والاخراج روعه بمعنى الكلمه

10/10

 

[SAUD~F-16]

^
اكيد 10/10 (ستيفن) ما يخرج اي كلام

 

[Leon]

^
اكيد 10/10 (ستيفن) ما يخرج اي كلام

المخرج جيمس كامرون .. مش ستيفن .

 

[T u R k I]

هذا الفلم فيه احساس في كل ثانيه وابداع لانهائي ... بغض النظر عن الجرافكس الجبار ... القصه والاخراج روعه بمعنى الكلمه

معك بالاخراج والمؤثرات لكن القصة ؟

 

[chris]

^
القصة بالنسبة ليا ضعيفة -___-

 

[Raulioo]

قبل شوية شاهدت الجزء الرابع من قراصنة الكاريبي، كان جيد جداً ومسلي من البداية حتى النهايه و لحظات الملل فيه نادره، لكني اعتبره اسوأ الاجزاء بالراحه، خصوصاً ان القصه لك عليها وشغل سريع اي كلام, تقييم 8 او 7.5 يوفي بحقه.
جوني ديب يمتلك الفلم كله كعادته، ما اخذت كفايتي من جاك سبارو، في انتظار الجزء الخامس!

نفس الشي..اليوم شفته ، بصراحة كل شي بغض النظر عن القصة و"بعض" المشاهد المؤكشنة كان ممتاز ، الثري دي كان عادي جدًا بس المحادثات خصوصا اللي يكون طرفها جاك سبارو قد المستوى بل ارهب من المتوقع كمان..والسكربت عموما بالفيلم ما كان سيء اطلاقا ويكمل روعة واتقان تمثيل اغلب الشخصيات الاساسية..
بالنسبة لي بالراحة أفضل من الجزء الثالث اللي كان وصمة عار للسلسلة .. اكثر جزء ما ساعدني بمتابعته للنهاية شي غير موسيقات هنز زيمر الخلابة "واللي حسيته شي ناقص للأسف بهالجزء الرابع".. بس هذا الجزء حسيته "أقل" طفولية منه عالأقل p=

محتوى مخفي: الشيء اللي ما عجبني باحداث الفيلم

سالفة ذاك القديس والحورية..حسيتها فاشلة وما جابت لسيناريو الفيلم غير سطحية وغباء زايد..ما كان لها لزمة ابدا

على فكرة ما حسيت فيه شي كان مقطوع عندنا مثل ما سمعت بسينمات الخليج..كيف اتأكد ؟

 

[Old Snake]

أفضل من الجزء الثالث اللي كان وصمة عار للسلسلة

بالراحة أفضل جزء بالسلسلة هو الثالث...أساساً الإخراج والمؤثرات والأوست فيه بكوكب وباقي الأجزاء بكوكب ثاني شيء خرافي بحق...!!
هو الشيء الوحيد الي خربه هو كيرا نايتلي والدور الرجولي السيء حقها الي أخذ مساحة واسعة "للأسف" بالفيلم...
*طبعاً كلامي أستثني منه الجزء الرابع بما إني ما شفته...*

فيلم أفاريج ويستحق المشاهدة بما إننا نتكلم بنهاية المطاف عن فيلم رعب...
أنتوني هوبكنز قام بدوره بشكل جيد ومش فاهم إيش الي ما أعجب البعض فيه كحكح الي فوقي كحكح...(&)

5.9

 

[Raulioo]

^^
لااااا لا أقبل ان يتم تلبيس هذه التهمة الظالمة علي 🙁
أنا قلت الفيلم بالنص الثاني كان سيء جدًا بس تدني مستواه ماله علاقة بهوبكنز اللي قدم اداء رائع وكان ثابت المستوى على طول الفيلم..
ولما قلت ما بشوف منتجات هوبكنز القادمة .. وضحت ان العبارة ساخرة وقصدي انه يختار افلام مؤخرا تطلع تعبانة بغض النظر عن مستواه هو وجودة ادائه فيها..
تحرير : بخصوص الكاريبي فالثالث تقنيا كان ما عليه كلام .. بس للأسف هذا الجانب ما اعتبره من اولوياتي بالحكم على جودة الافلام..الحوارات والقصة والمضمون وحتى التمثيل للبعض ظهروا بشكل متواضع جدا وهذا اللي نقص قيمته بشكل كبير عندي..زيمر كان لازم يخبي اوستاته لهالجزء 🙁

 

[Genocide Diego]

للأسف نيكولاس كيج صار يمثل عشان الدخل المادي فقط وما يهمه المستوى مثل الماضي

طاح من عيني الصراحة بعد ما كان أحد أفضل الممثلين في العقد الماضي

5 / 10

 

[H2O]

^

كويس إني شفت تقييمك وكلامك عن الفلم , شفته بصيغة جيدة وبغيت أحمله وحسيت إنه شغل تجاري بحت.
لول رحت لليوتيوب عشان أشوف ترايلر عنه لفت رد عجبني :laugh:: :

LIKE IF PIRATE BAY BROUGHT YOU HERE

أفكر أشوف The Hitchhiker's Guide to the Galaxy

أحد ينصحني فيه ؟ هل الكوميديا اللى فيه أوريجنال ولا فقط تقليد على الافلام الاخرى زي طقة scary movie ؟ -_-

 

[Xeon-Q8]

للأسف نيكولاس كيج صار يمثل عشان الدخل المادي فقط وما يهمه المستوى مثل الماضي

طاح من عيني الصراحة بعد ما كان أحد أفضل الممثلين في العقد الماضي

5 / 10

هالفلم واحد من اسوأ افلام نيكولاس .. واسوأ فلم شفته هالسنه

 

[Sir Guts]

اليوم شفته الفلم روووعة و مضحك بشكل خورااااافي و احلى من الجزء الأول بمليون مرة و الحلو في الموضوع اني بعد اسبوعين مسافر تايلند بعد .. طبعا اللي امتلك الفلم هو zach galifianakis بو لحية و بدونه الفلم مايسوى. احداث الفلم عجيبة و غصبن عنك تضحك

محتوى مخفي: Daft Punk

طبعا انا من اكبر عشاق Daft Punk و قعدت اصفق في السينما لما جات اغنيتهم:inlove:

10\10

 

[Al Pacino]

الجزء الاول اعتبره متوسط ومش متقبل تطبيل الناس المبالغ فيه .. عسى الثاني يكون أفضل.

 

[Unknown]

الجزء الاول اعتبره متوسط ومش متقبل تطبيل الناس المبالغ فيه .. عسى الثاني يكون أفضل.

1+

 

[H2O]

The Hitchhiker's Guide to the Galaxy

سخيف.


طول الفلم وانا ماادري إيش جالس يصير , الاحداث تمشي بسرعة بشكل لا يصدق , اصلاً إلى الان مااعرف فكرة الفلم ؟ كوكب الارض تمدر ؟؟ وشخص واحد اللى نجى وراح لكوكب مدري إيش إسمه.
وهبالة تصير منت عارف مين اللى فكر فيها أول ليش حطوها اساساً في الفلم واشياء في بداية الفلم يتكلمون عنها وعن اسئلة , ولازم نجد الجواب ومدري إيش وفي النهاية يسحبون على كل شيء .! والكوميديا ؟؟ فلم بريطاني -__- !!

إيش الهبل اللى جالس اتكلم فيه وانا ليش شفته من الاساس !! كان ميت في 2005 ولا احد درى عنه !!


10/1
الواحد عشان المؤاثرت اللى فيه جداً رائعة.

 

[m5050]

الجزء الاول اعتبره متوسط ومش متقبل تطبيل الناس المبالغ فيه .. عسى الثاني يكون أفضل.

زيك اشوفه فلم عادي

 

[Raulioo]

الجزء الاول اعتبره متوسط ومش متقبل تطبيل الناس المبالغ فيه .. عسى الثاني يكون أفضل.

من جد الشباب اللي معي كانوا يضحكون على اي شي يجي بالطريق وانا علامات الاستفهام تدور حول راسي..محادثات ما فيها كمية كوميدية دسمة وحتى المواقف في اللي تحسه مصطنع وقليل اللي يسحب الضحكة فعلا منك ، أفلام مثل The big lowboski هي اللي اعتبرها كوميديا حقيقية ابا عن جد ..@@

 

[SAM]

ياشباب فيه فلم شايفه انا وعيال عمي يوم كنا صغار

كان تويست مرعب وبططل

سالفته عن شباب وبنات مراهقين رايحين الغابه مادري وش كانو بيصورون " الظاهر انهم سمعو ان الغابه مسكونه وراحو يصورون استهبال " وانققلب الوضع جدي وجاء تويست في عقولهم وذبحو بعض او شيء كذا ..

الي يعرف اسم الفلم يعلمنني

 

[Old Snake]

^
Book of Shadows: Blair Witch 2...??

 

["a7mad"]

محتوى مخفي: صورة كبيرة

اول فلم انميشن احس بتغير .. افلام الانميشن معروفه نهاياتها .. لكن هنا بالنسبة لي اشوف انه افضل افلام الانميشن من بعد توي ستوري ..

10/10 بدون تردد


_____

محتوى مخفي: صورة كبيرة

ما توقعت الرعب اللي فيه لهاذي الدرجة !

لدرجة اني صارخت في بعض اللقطات 😛

9/10

انصحكم بذولي الفلمين​

 

[Painkiller Q8]

بروح السينما بعد شوي

هذا الفلم

احد شافه؟؟ الغلاف شكله بايخ بس التريلر حمااااس!

تعديل: 6/10

 

[SAM]

^
Book of Shadows: Blair Witch 2...??

يب يب ثانكيوو بعنففف

بيكون الفلم المطلوب مشاهدته الليله هع

 

[s3rorh]

the rite

للتو شفت الفلم .. وطلع الفلم بايخ .. وما قدرت أكمل ساعه بمشاهده الفلم ... لدرجه كنت أتثاب لما طلعت أول لقطه مرعبه ( على أساس إنها مرعبه -__-" )



شباب .. أبي فلم !! .. أحس طاقه روحي من الملل

 

[Khalid]

هل انا الوحيد اعجبه بايرتس أوف كاريبيان 4 واايد .. من زماان ما رحت فلم و اندمجت فيه طول الوقت .. فلم مسلي و ممتع جداً .. 8.5 احلى من الثالث بمليون مره اللي صج مليت و انا قاعد اشوفه على وفتها .. ترتيبي 2-1-4-3 ( من اليمين الى اليسار )

 

[Painkiller Q8]

هل انا الوحيد اعجبه بايرتس أوف كاريبيان 4 واايد .. من زماان ما رحت فلم و اندمجت فيه طول الوقت .. فلم مسلي و ممتع جداً .. 8.5 احلى من الثالث بمليون مره اللي صج مليت و انا قاعد اشوفه على وفتها .. ترتيبي 2-1-4-3 ( من اليمين الى اليسار )

الفلم ماله داعي ... السلسله كلها أوفر ريتد !

 

[T u R k I]

^ انت الاوفر ريتد :xd:

بخصوص هانغ أوفر الفلم حلو لكن معكم حق مو للدرجة الخيالية اللي قاعد أشوفها

أفلام مثل The big lowboski هي اللي اعتبرها كوميديا حقيقية ابا عن جد ..@@

كل ماتذكرت هالفلم أستحقر الكوميديا المسخره اللي صرنا نشوفها ألحين, أعتبره 5# عندي بالكوميديا

-

للتو شفت فلم الجريمة الكوري I Saw the Devil



هذه ثاني مرة أشوف فلم كوري بعد Oldboy والبطل نفسه موجود هنا بدور الشّرير وأداءه كان مجنون, طبعاً الفلم مايقارن في Oldboy

الفلم دموي بقوة وجوه حلو ولقطات الأكشن حلوة, مايعتمد على القصة والدراما مملة المشكلة خصوصاً بالنص ساعه الأخيرة مليت لدرجة ان ودي يخلص

عموماً يستحق المشاهدة 10/8

 

[H2O]

كل ماتذكرت هالفلم أستحقر الكوميديا المسخره اللي صرنا نشوفها ألحين, أعتبره 5# عندي بالكوميديا

عطينا الاربعة 🙂

 

[DEMON]

اليوم شفته الفلم روووعة و مضحك بشكل خورااااافي و احلى من الجزء الأول بمليون مرة و الحلو في الموضوع اني بعد اسبوعين مسافر تايلند بعد .. طبعا اللي امتلك الفلم هو zach galifianakis بو لحية و بدونه الفلم مايسوى. احداث الفلم عجيبة و غصبن عنك تضحك

طبعا انا من اكبر عشاق Daft Punk و قعدت اصفق في السينما لما جات اغنيتهم

10\10

انا رايح اشوف الفيلم

 

[T u R k I]

عطينا الاربعة 🙂

صعب أقول خصوصاً اني ماأتابع كوميدي كثير وأنا قصدت انه ضمن أفضل 5 مو بالمركز الخامس اذا فهمت كذا

جاء في بالي واحد حلو Kiss Kiss Bang Bang شفته ؟