أبي فلم - الموضوع الرسمي لأفلام هوليود

[Lord of Cinder]

أنت شكلك محب للكوميدي...؟؟
طبعاً لكل واحد رأيه ولكن كرأي شخصي أشوف إنه الأفلام الي ذكرتها في كون وذا ديبارتد في كون آخر ويتفوق عليهم بسنين ضوئية و"هم" الي ينقال عنهم ينفع تشوفهم إذا ما كان عندك شيء ثاني تتفرجه لول...!!
أما ذا ديبارتد فإذا أنت تشوف شيء أجله وشوف ذا ديبارتد أول وبعدين إرجع كمل الي كنت تشوفه...XD
أساساً فيلم يضم جاك نيكلسون وليوناردو ديكابريو ومات ديمون يعني كل واحد يقول الزود عندي وش تتوقع منه لا ومن إخراج مارتن سكورسيز...!!

بالعكس ، نادر مااتفرج للكوميدي ، وفلم ذا ديبارتد ماقلت انه سيء ، امتعني كثير وانشديت له لكن امكن عشان له فترة طويلة من شفته ، والا وقتها كان شيء ممتاز للغاية

 

[P0werX7]

أفضل جزء بسلسلة Scream .. مع اني حسيت انه الفلم رخيص بالبداية >.> بس تغير السيناريو، كورتني و سيدني عجزوا لكن للآن التمثيل توب .. الوجوه الجديدة جيدة، واللي فعلاً صدمني

محتوى مخفي

النهاية

تحفة فنية T_T .. نصوص الفلم مو طبيعية خصوصاً مقطع .. Dont *&%# with the original 😛

 

[Old Snake]

^
هو بصراحة التمثيل بالسلسلة عمره ما كان ممتاز لا بهذا الجزء ولا بغيره يعني بالكثير متوسط ولكن الأحداث والأوريجنالتي بالستايل حق القاتل من صوت وقناع إلخ هو الي يميز السلسلة...
عموماً أفضل Quote عجبتني بالفيلم هي...

محتوى مخفي: أفضل محادثة بالفيلم...

Sidney Prescott: What?
The Voice: Welcome home, Sidney. Preview of coming events.
Sidney Prescott: Why don't you come for me, you got the balls for that?
The Voice: Oh, poor Sidney. You think this is all about you? You think you're still the star?
Sidney Prescott: This isn't a f***ing movie.
The Voice: It will be.
Sidney Prescott: These are innocent people.
The Voice: Spare me the lecture! You've done very well by all this bloodshed haven't you? Well, how about the town you left behind. I've got plans for you. I'm gonna slit your eyelids in half so you don't blink when I stab you in the face. You'll die when I want you to, Sidney, not a moment before. Until then, you're going to suffer!​

عدلت وحطيت المحادثة كاملة...

 

[Painkiller Q8]

فلم رعب .. طالب امريكي قس .. يسافر لإطاليا علشان ياخذ كورس اخراج ارواح ..!

الفلم مقتبس من قصه حقيقيه ... وبصراحه الفلم وترني 🙁 مرعب بس من النوع الوسواسي .. مو وحوش وخرابيط !!

8/10

 

[Xeon-Q8]

Fast Five

كعاده فان ديزل .. أكشن وسرعه ولقطات تحبس الأنفاس

اي محب للسلسله .. لازم يدخله من اروع اجزاء السلسله
دوين جونسن(ذا روك) وفان ديزل بفلم واحد وماتشوفه .. ؟ الفلم مست لعشاق الأكشن

اللي يدور عن قصه وسيناريو .. يبعد عن الفلم

10\7^_^

 

[BigSur]

Chole
من أول ماشفت غلافه -قبل اصداره- عام 2009 .. نويت اني اشوفه.. لأجل أن صورة أماندا سيفرد عجبتني ع الغلاف!

فلم درامي وسواسي مريض جيد جداً.. من الأفلام اللي انبنت على فكرة صح بس الفكرة ما انصقلت تمام عشان تعيّشك جوها!
باختصار زوجة تشك بزوجها و تستأجر العاهرة كلوي عشان تكتشف زوجها.. و هاتك يا الأحداث!

أساس القصة صح، شخصية كلوي صح، الفكرة عموماً صح، لكن الأحداث غير مصقولة انها تعيشك شخصية كلوي بكل تفاصيلها!
طبعاً الفلم فيه كم لقطة شاذة.. لكنها ممكن تتعبّر!

Fast Five..

رايح للفلم مغصوب :laugh::
و هالأفلام عموماً مب من نوعي إطلاقاً..
بس الأكشن فيه حاجة ما حصلتش.. غطوا على ناروتو و ون بيس :laugh::

للأمانة الناس طوابير برى السينما و عروض بالهبل -ينعرض بصالتين بنفس السينما بفرق ربع ساعة بس!!!-
و الناس أنواع التصفيق و الضحك لما تجي لقطة أكشنيّة مب صاحية!
و عموماً إذا دخلت الفلم و أنت حاط براسك فكرة -فلم اكشن-، بتنبسط عليه جداً.

 

[Painkiller Q8]

FAST FIVE
رايحله اليوم الساعه 12:15 .... بعد العشاء

 

[T u R k I]

أحد شاف فلم Following ؟ هو الوحيد اللي ماشفته لنولان

بس نوعيته غريبه من التريلر ومدري إذا بيمشي معي

 

[Painkiller Q8]

الي مخهم موسوعة افلام !

في فلم نسيت اسمه .. وهو ان رجل في عيد ميلاده يكون حزين لان اليوم الي بعده راح يدخل المستشفى لعلاج مرض خبيث .. وبعدها يدخل في حلم او غيبوبه واوهام وبلاوي GOTHIC .. والباقي تعاسه في تعاسه ... 🙁

ابي اسمه

 

[BioMario]

5/10
فلم أكشن بطابع أمريكي بحت

لو دخلت Thor أحسن لي, بشوفة قريب إن شاء الله.

 

[MAX9009]

^
اذا ما تحب السلسله ولا السيارات راح تعطيه 1/10 كمان الفلم .. ماهو للكل

 

[Raulioo]

5/10
فلم أكشن بطابع أمريكي بحت

لو دخلت Thor أحسن لي, بشوفة قريب إن شاء الله.

ههه من شكل الغلاف تحسها الطبخة الامريكية مبينة..ثور رأيي اما تشوفه 3D بالسينما واما ما تشوفه على الاطلاق..

 

[MAX9009]

يعني تبغوا الفيلم دراما وقصه يعني اكيد سيارات اكيد اكشن :laugh:: مايبغالها

 

[Painkiller Q8]

فلم رخيص جدا .. وتقدر تقول عنه دعايه Dodge ..
القصه سخيفه ...
الممثلين دمهم ثقيل ...
سيارات؟؟؟ لا مافيه شيء
سباقات ؟؟؟ الجزء الاول كفى ووفى !!
وفان ديزل هو بصوب والتمثيل بصوب !!!
بختصار فلم هندي بحت

4.5/10

 

[BioMario]

فلم رخيص جدا .. وتقدر تقول عنه دعايه Dodge ..
القصه سخيفه ...
الممثلين دمهم ثقيل ...
سيارات؟؟؟ لا مافيه شيء
سباقات ؟؟؟ الجزء الاول كفى ووفى !!
وفان ديزل هو بصوب والتمثيل بصوب !!!
بختصار فلم هندي بحت

4.5/10

يعني أي فلم فيه خرط زايد خلاص هندي ؟ صناعة الأفلام الهندية تطورت جداً وفي أفلام هندية كثير تتغلب على أكبر أفلام هوليود
ما أدري لو الحين صدق في ناس كثير في بالهم الأفلام الهندية = مبالغة في الأكشن + رخص (ما أقصد التكلفة) + ممثلين فاشلين + قصص سخيفة ؟!

 

[soosi]

الي مخهم موسوعة افلام !

في فلم نسيت اسمه .. وهو ان رجل في عيد ميلاده يكون حزين لان اليوم الي بعده راح يدخل المستشفى لعلاج مرض خبيث .. وبعدها يدخل في حلم او غيبوبه واوهام وبلاوي GOTHIC .. والباقي تعاسه في تعاسه ... 🙁

ابي اسمه

Awake

 

[Old Snake]

يعني أي فلم فيه خرط زايد خلاص هندي ؟ صناعة الأفلام الهندية تطورت جداً وفي أفلام هندية كثير تتغلب على أكبر أفلام هوليود
ما أدري لو الحين صدق في ناس كثير في بالهم الأفلام الهندية = مبالغة في الأكشن + رخص (ما أقصد التكلفة) + ممثلين فاشلين + قصص سخيفة ؟!

أظن الرجال كان واضح إنه تعبيره "مجازي" لا أكثر فمالها داعي التكية عالردود بذا الشكل...\:

وفي أفلام هندية كثير تتغلب على أكبر أفلام هوليود

لا...

 

[PS]

^^

أكيد من ناحية الاخراج والقصة والتمثيل وكل شي في أفلام هندية تتفوق على الامريكية.

الامريكان و بعض جمهورهم ماكلين في نفسهم مقلب كبير.

 

[Painkiller Q8]

^
لول .. لاتحدوني اجيب لكم كم مقطع فلم هندي يخرب الموضوع ويقلبه للكوميديا ...
انا اقصد في تعبيري في الوقت الي كانت فيه الافلام الهنديه الاكشن قمة الغباء والمبالغه .. وكل فلم امريكي يصير فيه اكشن مبالغ فيه معروف عندنا في الخليج .. نقول "فلم هندي" ؟ لول
مادري عن بوليوود هذي الايام .. عن نفسي افضل اشوف شاشه سوداء ساعه ونص على اني اشوف فلم هندي
يامه ناس رشحولي افلام هنديه خصوصا في سنوات الاخيره وكل ماشوف واحد اتحسف !

لحد يجي يقولي بوليوود افضل من هوليوود بليز :sarcastic:

 

[BioMario]

لحد يجي يقولي بوليوود افضل من هوليوود بليز :sarcastic:

لو تبي الحقيقة في أفلام كثيرة أفضل بكثير من أفلام أمريكية عملاقة لو تبي الجذب لا هوليود أفضل من بوليود في كل شي.

 

[Painkiller Q8]

^
ممكن يكون فيه افلام حلوه في بوليوود بس ماتقدر تحكم عل افلام الامريكيه من كم فلم هندي عجبك !
هوليوود محد يقرب صوبها لو تجيب التوب موفيز فيها .. كل السنمات العربيه والهنديه والاسيويه يسرقون افلام من هوليوود ..
يعني اذا تبي تقارن بينهم اخذ افضل افلام كل وحده وشوف .. راح تحس انك قللت من مستوى هوليوود بشكل كبير ..

اما اذا جبت افلام امريكيه عاديه وقارنتها في افلام هنديه خارقه فبالتأكيد انت ظلمت هوليوود بالي فيها !
واحب مثال اذا فيه شيء يذكر .. يعني عطني فلم هندي قوي افضل من فلم امريكي قوي .. بشرط يكونون من نفس الجينز !

 

[Naserano]

أنا من الناس اللي قليل يشوف أفلام ولازم اختار الأفلام اللي راح اشوفها بعناية تامة وبعد مشاورات عدة <-- راح زواج موب فيلم 😛eeved:

المهم قررت البارحة إني اشوف The Departed والحمد لله ما خاب ظني فيه ابداً لأن بالعادة الأفلام اللي تضم كوكبة أسماء مشهورة ولها ثقلها في الصناعة يكون فيه هبوط مستوى ممثل عن آخر والشيء هذا ما شفته ابداً في الفيلم .. كل ممثل عارف لدوره وضابطه على اكمل وجه .. ازيد عليهم حبكة المخرج والكتابة الراقية فعلاً والسيناريو الغير متوقع والأحداث السريعة اللي قاعده تصير في الفيلم كلها خلتني على أعصابي إلى النهاية ..

باختصار The Departed فيلم للتاريخ 10\10

 

[KAIN.]

[ عن نفسي افضل اشوف شاشه سوداء ساعه ونص على اني اشوف فلم هندي

تفكيرك يعجبني :

انا شفت كم فلم هندي وطلع صحيح فلم هندي :laugh:: في نص الفلم يصير مشهد و يقعدون يرقصون ايش القصه ما تعرف ؟؟؟

احيانا القصه تكون خرابيط و تكمل الفلم كله و ما تفهم شيء

ممثليهم أسوء منهم مافي و افلام الاكشن الهنديه ممله و ما في ممثل يجذب نظرك
يعني مثلا فان ديزل تقدر تقول يمثل فلم اكشن عادي سيارات و مسدسات و كذا كلام لكنه يجذب النظر لم يلزم فان ديزل سلاح أو يسوق سياره يأتيك أحساس انه متخصص بهذا الشيء مثل له حركاتخ الخاصه مع هذه الأفلام اما لم ياتي ممثل هندي يمسك له مسدس تقول ماسك لعبة اطفال حاله حاله تجيب واحد من الشارع يمسك المسدس بالفلم ما تفرق !

 

[MAX9009]

لول قال افلام هنديه قال ... يادوب يادوب ممكن يمشي حالهم في الافلام الرومانسية هذا اذا ما كان فيها شوية هبل كمان .

 

[H2O]

يادوب يادوب ممكن يمشي حالهم في الافلام الرومانسية هذا اذا ما كان فيها شوية هبل كمان .

!

وين راح فلم " ربوت" أحمد ؟ (&).

[video=youtube;7yBnl_krN_U]http://www.youtube.com/watch?v=7yBnl_krN_U&feature=related[/video]

 

[Painkiller Q8]

^
لوووووووووووول .. فضيع !!!

 

[squall leonhart]

شفت 4 افلام هذا الويك اند

اولا في الطيارة و انا متوجه لدبي DUE DATE .. فلم كوميدي جميل و نظيف ( شي نادر ذي الايام ) .. قي لقطات كثيرة تخليك تضحك بصوت عالي و لكحن في اوقات مملة في الفلم .. عموما الي يبغى فلم حلو و مريح للاعصاب يشوقه 7\10

Source Code في ريل سنما في دبي مول .. فلم خيال علمي ممتاز .. 8 دقائق من حياة شخص اخر تعيشها لمحاولة اكتشاف ما الذي حدث .. تمثيل جيك كان مقبول خصوصا اخر ربع ساعه كان ادائه مثير للمشاعر .. Michelle Monaghan كمان ادائها حلو و ثاني فلم اشوفه لها بنفس اليوم لوول
7\10

3D RIO .. في قراند سينما امارات مول .. انميشن عادي جدا و الثري دي كمان عادي .. اخذت لي غفوة 10 دقايق من الملل ..
5\10

و انا راجع في الطيارة TRON: LEGACY .. الفلم باختصار ساونمد تراك جباااااااااااااااار و مؤثرات خاصة مجنونه ,, مع قصة مقبولة جدا و تمثيل جيد من الكاست خصوصا Michael Sheen اتقن الدور و اعطى طابع خاص للشخصية ..كمان Beau Garrett ادائها لدور جيم كان ممتاز ..

افضل وصف للفلم هو ان الفلم فيديو كلب طويل ل Daft Punk .. و صراحة الاوست الاسطوري يستحق وصف بهذي القوة

8\10


اعطوني نصايح لافلام من النص الثاني من 2010 و انت طالع .. بس بالله لاحد يقلي بلاك سوان و لا ما يشبهه من الافلام الكئيبه ..

 

[Sir Guts]

توني قبل شوي طالع منه .. بالنسبة للأكشن الفلم ماعليه كلام بس بالنسبة للسباقات الفلم Disappointment!
اعطيه 8.5/10

الممثلين دمهم ثقيل ...

الممثلين دمهم ثقيل؟ والله اني ضحكت ضحك عليهم في كم لقطة! .. عاد كان انت ماتفهم قطاتهم فهذا كلام ثاني

سيارات؟؟؟ لا مافيه شيء

سيارات مافي شي؟ ..

محتوى مخفي: همممم

و الخبال اللي شفته في الساحة يوم فين ديزل يتسابق مع راعي البورش؟

وفان ديزل هو بصوب والتمثيل بصوب !!!

الحين فين ديزل صار بصوب و التمثيل بصوب؟ انا والله مدري شنو كنت تطالع في الفلم انت

بختصار فلم هندي بحت

ليش هو كل فلم فيه Stunts و اكشن صار فلم هندي؟

 

[zeldaway]

شباب ما احد تكلم عن اكثر فلم هندى مكلف
اسطوره

 

[soosi]

اعطوني نصايح لافلام من النص الثاني من 2010 و انت طالع .. بس بالله لاحد يقلي بلاك سوان و لا ما يشبهه من الافلام الكئيبه .

هممم في بالي

The Fighter رهيب

Inception رهيب

Toy Story 3 رهيب

127 Hours في لحظات ملل

Tangled يتشاهد