The_One
Hardcore Gamer
في البدايه احب أهني بطلة الفلم على تمثيلها الاكثر من رائع .. تمثيل خرافي جدا .. معظم الفلم ومعظم مشاهده كان يعتمد على تمثيل البطله فقط .. وأدت الدور بشكل ممتاز وأكثر من رائع ..
فيه فرق مابين ان الممثل يأدي الدور وفيه فرق مابين انه يبدع فيه .. يأدي الدور هو انه يعطيك الاداء المثالي لـ هذا الدور من دون اي ابداع منه .. مجرد انه يأديه على اكمل وجه .. وفيه ممثلين يأدون الدور ويبدعون فيه .. يعطونك اشياء اضافيه انت كـ مشاهد تحس فيها .. وبصراحه .. ماشفت هالشي الا بهالفلم وببطلة الفلم ..
اداء كان مثالي وأكثر من رائع .. قصه ممتازه ومحبوكه بشكل جدا رائع .. احب الفلم لما يكون مميز عن الكل .. هذا الفلم عطاني هالشي مثل ماعطاني انسبشن قبله .. فكره جديده اسلوب جديد قصه جديده .. كل هذي الاشياء شفتها بهالفلم .. ماكنت متوقع ابدا ان مثل هذا الفلم ومثل اسلوبه ومثل فكرته انه يعرض على السينما الامريكيه ابدا ابدا ..
برضو لا انسى الموسيقى التصويريه اللي كان لها اداء وتأثير كبير جدا بالفلم .. الموسيقى كانت من أروع مايكون وكانت فيه بعض المقطوعات اللي أثرت فيني بشكل كبير .. خصوصا المشاهد الاخيره بالفلم والموسيقى التصويريه اللي كانت فيها .. التصوير والاخراج كـ كل كانو ممتازين جدا جدا ..
يمكن لو أعطي تقييم بشكل عام للفلم راح اعطيه 10 .. لكن لو أعطيه من وجهة نظر شخصيه راح اعطيه 9 .. الفلم كانت فيه مشاهد كثيره ماكان لها أي داعي .. يمكن البعض منها كان له تأثير بالقصه .. لكن الكثير منها ماكان له داعي وكانت مجرد أضافه لـ مجرد الاغراء فقط ..
10\9
فلم من أفضل الافلام اللي شفتها بحياتي .. البطله أدت الدور بشكل اكثر من رائع .. ابهرتني فعلا بادائها .. لكن لولا بعض المشاهد كان عطيت الفلم 10 اكيد ..
أعتقد البطلة كان لها أفلام قوية بالسابق وهذا شي مو غريب عليها وترشيحات الاوسكار أكبر شاهد . بس الاخراج عليه إختلاف لأنه وانا أشوف الفلم الي تتكلم عنه ، كان كل تفكيري " هل هذه هي الفكرة الي يرغبون طرحها". يعني بدون مبالغة المخرج مو عارف كيف يسير حبكة الفلم بالشكل المطلوب هذا غير كون أنه جايبين كاست من أوروبا علشان الرخص وينطقون الانجليزية بموجات فينوتيكالية غير مفهومة. وأخيراً بما أن المخرج أنولد وله أسمين، أنا أنصحه أن يحط أسمه الثاني على أفلامه الجايه لأنه سمعته تلطخت بعد هذا الفلم والفشل الاخراجي الذريع.
تقيمي للفلم 5/10
:
