أبي فلم - الموضوع الرسمي لأفلام هوليود

[Superx]

من 1970 إلى 1979 لا أعلم سر الإبداع اللذي يختبئ وراء هذه التسع سنين , شهده هذه الفترة من الزمن أفضل ماصنعته السينما الأمريكية من أفلام ,هل هو من النص المتميز أم من المخرجين المبدعين أم من الممثلين اللذين لم نشهد لهم مثيل حتى وقتنا الحاضر, من غير تفكير ستعلم أن سبب الإبداع هو اجتماع كل هذه العوامل مع بعضها البعض لتكون شيء لن يتكرر مرة أخرى أبداً.​

أوافقك تماماً , فترة السبعينات كانت فترة ذهبية في عالم السينما.

حمستني للفلم , خاصةً لأن البطل دستن هوفمن , وشكله الفلم فيه دراما راقية.. طبعاً لو عجبك تمثيل هوفمان مابقي لك الا تشوف Midnight Cowboy .. لازم تحصله بأي طريقة.

كانت سهرة ممتعة و أنا أشاهد الفلم بلوري , هدية جميلة من سوبر أكـــــــــــس أشكرك جزيل الشكر على هذه الهدية الجميلة.​

العفو , ماسوينا شي .. وأنت تستاهل أكثر من جي: )

 

[Hironobu Sakaguchi]

حاليا جالس اشوف افلام جيمس بوند من اول لاخر شي, منها اول مرة اشوفه ومنها مجرد فيديو جيمز
الان انا في ثالث فلم goldfinger

 

[Al Pacino]

^
كيل بيل .. أحسنت الإختيار

شو رايك أي جزء أحسن الاول ولا الثاني ؟ .. لأني للحين ماشفت الثاني , في ناس تذمه وتقول مايستاهل ينشاف حتى!

وعن نفسي متحمس لجزء ثالث , كل شي يجي من تارنتينو حلو

تعديل: أي على فكرة فلم الرقص مع الذئاب اللي تقول عنه 3 ساعات ودقيقة , مب اربع ساعات !!

لالا بالعكس مستواهم جدا متقارب والثاني فيه ميزه ظهور مايكل مادسن :inlove: .. الاول ممكن يكون افضل بشي خفيف بس كل جزء مايسوى شي بدون الآخر .. اعتبرهم مع بعض فلم واحد طويل ..

الرقص مع الذئاب النسخة الي عندي هي الـ Directors Cut فـ احتمال تفرق عن الي عندك ومدتها بالضبط 3:56:39 😀

Al Pacino

لازم تشوف Pulp Fiction لأنه أحد أفضل أعمال تارنتينو .

افا عليك شايفه من زمان وحتى كتبت عنه هنا وعطيته 10 .

 

[m7787m]

^

إنت كذا 😛

 

[Death Note]

لو اوصف رهابة الجزء الثاني من كيل بيل ماقدر اوفيه قدره ! حورات آليمه جداً والتمثيل صخر !

 

[إحساس]

Pulp Fiction

مع اني شفت الفلم متاخر جدا .. لكن حبيت اشوفه وانا مرتاح من الجامعه تماما ..

الفلم فاق توقعاتي تماما صراحه .. وماكنت متوقع ان اي فلم يوصل لهذا المستوى الاسطوري ابدا ..

من بداية الفلم راح تعرف وتتاكد بان الحوارات اللي في الفلم رهيبه بشكل خيالي وخرافي .. لدرجة ان اي حوار بالفلم يستاهل اوسكار لحاله ..

اتقان رائع جدا من الممثلين اللي بالفلم .. وكنت متوقع من اللي شفته ان الممثلين لايزالون بالساحه .. وفعلا هالشي صار صحيح .. الممثلين كبار جدا الى الان وصعب انهم يجتمعون في فلم واحد زي كذا ..

اعتبر نفسي محضوض لما شفت قصه رهيبه مثل كذا .. القصه وحبكتها كانت ماشيه بشكل ممتاز بدون اي عشوائيه .. وانا كنت احاول اني اركز على هالشي كثير .. لاني متحطم تماما من العشوائيه اللي تطلع فيها افلام هذي اليومين ..

الفلم يعتبر [ تحفه ] ماتتكرر .. صحيح اني نادرا اشوف افلام .. لكن هذا الفلم جذبني كثير كثير وفاق توقعاتي ..

باختصار .. الفلم هذا راح اعتبره [ امنيه ] اتمنى اشوفها .. لما احاول اشوف اي فلم ثاني ..

10\10

 

[Majeed]

Back To The Future Trilogy

لأول مرة أشوف الثلاثية كاملة .. كنت شايف الأول من سنين وحتى مب لين نهايته .. وشفت جزء من الثاني .. الثالث ماشفته أبد ..

واو واو .. ما أدري وش أمدح ووش أخلي !! الإخراج أو التمثيل أو الشخصيات أو السيناريو !! كله على بعضه شي خرافي وكلاسيكي ومافيه مثله !!

مايكل فوكس ممثل عبقري .. في الجزء الثاني مثل خمس شخصيات مختلفة !! وكريستوفر لويد مايقل عنه عبقرية .. شخصية الدوك براون أسطورية من أولها لآخرها !!

صعب علي أصدق أن هالسلسلة صنعوها في الثمانينات .. مستوى الإخراج والمونتاج عالي جداً وينافس بعض أفلام هاليومين حتى ..


أكبر تحية ..

 

[m7787m]

^
1+

السلسلة شفتها أكثر من مرة وكل مرة أشوفها وكل مرة أحس إنها أول مرة

 

[Jonas]

أمس شفت

رائع جداً كالعاده , أحسن جزء بالراحه من ناحية الكوميديا و الشخصيات تحسنت كثير (جيسي الي كنت اكرهها صارت كويسه). ريكس و هام هههههه باقي زي ما هم اكثر شخصيات مظحكه بين المجموعه. القصة و النهاية كلهم 10/10

محتوى مخفي: الي ما شاف الفلم لا يفتح السبويلر

احلى لقطة في الفلم هي تحول بز الاسباني هههههههههههههه , و افضل شخصية جديده هو باربي الرجال. عيوني دمعت على المشهد الي كان بيطيحون في النار حقت الزباله 🙁

10/10

 

[The Last Lombax]

^

أمس شفته

محتوى مخفي: سبويلر النهاية

نهاية الفلم خلتني أبكي 🙁 , تذكرت ألعابي اللي رميتها لما نقلنا للبيت الجديد ( دمى توي ستوري على دمى اللي تجي مع هابي ميل ماكدونالد , قعد أجمعها فوق 7 سنين )

تقييمي للفلم 10/10 ( عشان النهاية )

 

[Painkiller Q8]

الله !! توي ستوري 3 .. شفته 3D في السينما ... وان شاءالله اشوفه هذا الاسبوع نسخه بلوري في البيت 🙂

 

[Hironobu Sakaguchi]

Back To The Future Trilogy

لأول مرة أشوف الثلاثية كاملة .. كنت شايف الأول من سنين وحتى مب لين نهايته .. وشفت جزء من الثاني .. الثالث ماشفته أبد ..

واو واو .. ما أدري وش أمدح ووش أخلي !! الإخراج أو التمثيل أو الشخصيات أو السيناريو !! كله على بعضه شي خرافي وكلاسيكي ومافيه مثله !!

مايكل فوكس ممثل عبقري .. في الجزء الثاني مثل خمس شخصيات مختلفة !! وكريستوفر لويد مايقل عنه عبقرية .. شخصية الدوك براون أسطورية من أولها لآخرها !!

صعب علي أصدق أن هالسلسلة صنعوها في الثمانينات .. مستوى الإخراج والمونتاج عالي جداً وينافس بعض أفلام هاليومين حتى ..


أكبر تحية ..

انت صديقي
هذه الثلاثية من حبي لها اتذكرها من يوم طفولتي حتى مع فلم الكرتون وكلهم عندي الان مواهاهاهاها
يستاهل البلوري ايضا في 26 اكتوبر

هذه الثلاثية + رباعية داي هارد من الافلام الي اشوفها طول حياتي باستمرار بلا ملل :inlove:

 

[Black]

Back to the Future .. احلى شيء الأغلفة :laugh::
مؤخرا شفت Pulp Fiction وانفجر معدل الحماس عندي لـ Kill Bill Vol.3

 

[Magnificent]

Lemon Tree - شجرة الليمون

2008

انتاج الكيان الصهيوني (شهد شاهد من اهلهم) ، يصور معاناة أرملة فلسطينية ورثت عن زوجها مزرعة اشجار ليمون واقعة في منطقة حدودية قريبة من تل ابيب ، لا يفوتكم يا شباب

 

[Painkiller Q8]

بالله احد يقولي البنات شنو يعجبهم من أفلام ؟؟؟

اجل اسوي هااااايب على فلم Avatar ... ولما شافته المدام تقول (سخيف) :confuse:

 

[Tanton]

البنات يحبون رعب ورومانسي

 

[Painkiller Q8]

البنات يحبون رعب ورومانسي

ياعمي اي رعب اي بطيخ .. هذي تخاف من ظلها !!!

والرومانسيه اكثر افلام تجيبلي المرض !!!

المسأله يبيلها استراتيجيه .. الظاهر بجرب فلم دراما حزييييييييين..الخ

 

[Raziel]

بالله احد يقولي البنات شنو يعجبهم من أفلام ؟؟؟

اجل اسوي هااااايب على فلم Avatar ... ولما شافته المدام تقول (سخيف) :confuse:

أفاتار قيمته الحقيقية بالإبهار البصري وتقريباً أفضل فيلم وظف عنصر الـ3D حتى الآن
الباقي صفر على الشمال قصة مكررة ألف مرة ومعادة بشكل رخيص جداً .

بخصوص البنات خياراتك في الغالب لازم تكون بعيدة عن الإثارة (انسيبشون) والأكشن (عد وإغلط) والخيال علمي (آلينز - ستار وورز ..إلخ)
خلك محصور بين الدراما غير الفجّة (أبعد دراما المافيا وذابح وقاتل :laugh:🙂 والرومانس خصوصاً الكوميديا الرومانسية اللي كل قصصه يتراضون
بعد شجار ومشاكل لمدة ساعة ونص :laugh:: وأفلام ديزني وبيكسار بالتأكيد ..

ممكن تضيف الفانتزي (Lord Of The Rings - The Imaginarium of Doctor Parnassus - Pan's Labyrinth .. إلخ) بس حسب قابليتهم للقصص الفانتزية 😀

واذا تبي حل رهيب وبعيد عن الأفلام ؟ المسلسلات الأمريكية وعلى رأسها GG و 90210 :laugh::
المشكلة وأنا أخوك ترى نسبة من المهتمات بالأفلام والمسلسلات وأقولها صراحةً ومن متابعتي لمنتديات مختلفة تُتابع لأجل لبس/مكياج فلانه 😛
فلا تجتهد كثير وتتعب في هالمجال .

Lemon Tree - شجرة الليمون

2008

انتاج الكيان الصهيوني (شهد شاهد من اهلهم) ، يصور معاناة أرملة فلسطينية ورثت عن زوجها مزرعة اشجار ليمون واقعة في منطقة حدودية قريبة من تل ابيب ، لا يفوتكم يا شباب

ممتاز جداً , سبحان الله هالأيام عندي إهتمام بأعمالهم وهالأسبوع منزل فيلم ليبانون 2009
شكلي ببدء أشوف ذا قبل ليبانون ..

 

[Painkiller Q8]

^
لا ماينفع مسلسلات .. شافت معاي لوست الموسم الاول والثاني .. وبعدين قامت تخاف منه

الظاهر بجرب الافلام الخايسه يمكن احسن لول !!

 

[Def-yusuf]

^
Definitely, Maybe

 

[Mesharey]

^
لا ماينفع مسلسلات .. شافت معاي لوست الموسم الاول والثاني .. وبعدين قامت تخاف منه

الظاهر بجرب الافلام الخايسه يمكن احسن لول !!

Twilight :tongue:

 

[Dark Master]

^
لا ماينفع مسلسلات .. شافت معاي لوست الموسم الاول والثاني .. وبعدين قامت تخاف منه

الظاهر بجرب الافلام الخايسه يمكن احسن لول !!

جرب أفلام Desney أو Ice Age ...

 

[Painkiller Q8]

@Def-yusuf
حطيته في القائمه

@Meshary
شفنا كل الاجزاء .. كان حلييو !

 

[Superx]

البنات مايحبون سينما .. البنات يحبون توايلايت بس.

وتامر حسني . (&)

 

[Mesharey]

خالد جرب :

Veer Zaara

 

[Painkiller Q8]

^
فلم هندي ؟؟؟ انحش يولد !!! مالك امل اخلي فلم من انتاج بولي وود يدخل بيتنا !!!!

خلاص شباب حليت المشكله .. جمعت اسماء 6 افلام وشكلهم مناسبين 🙂

 

[Jonas]

مشاري ترا فيه موضوع ثاني خاص بأفلام بوليوود :tongue:

 

[s3rorh]

خالد أكو فلم قصته المدام أذبحت زوجها لانه يقابل الفيديو جيمز أكثر مما يقابلها... الفلم ممكن يسعد المدام... بس أكيد بخليك تعيش حاله رعب بالسنين القادمة

 

[The Last Lombax]

^
الله يقطع أبليسك موتني من الضحك :laugh::

 

[Zulfiqar]

One Flew Over the Cuckoo's Nest: رهيب 5/5

بعد ماخلص الفلم دخلت imdb وشفت الكاست, mind-blown بعد مااكتشفت إن داني دي فيتو يمثل في الفلم.