أبي فلم - الموضوع الرسمي لأفلام هوليود

[PS]

مش نفس جودة الاول لكن يستاهل تشوفه. أجمل فلم يصيغ معنى فنون القتال.

 

[m7787m]

شباب عندي أفلام Stars Wars من الأول للسادس . أشاهدهم بالترتيب ( 1,2,3,4,5,6 ) أو بحسب الزمان اللي نزلوا فيه ( ترتيب صدورهم ) ؟

 

[BaShEnGiNeeR]

The Terminal


بعد انقطاع طويل عن الافلام بحكم الوقت القصير جدا هذي الايام وبالياله اشوف لي فلم بالويكند .. اخيرا شفت فلم .. وكان خير رجعه .. فلم كوميدي من بطوله توم هانكس و كاثرين زيتا .. الفلم ممتع جدا .. توم هانكس يظهر بأفضل اداء له واتقان دور صعب بطريقة ممتازة جدا ! الفلم مش كوميدي حيل يعني لاتتوقع انك تضحك لكنه ممتع جدا واحداثه رائعة .. ينصح به .


8.5

الفيلم هذا من يوم ما عرفته من 4 سنين وانا شايفة فوق 100 مره فيلم عجيب ولم اجد فيه اي غلط او انتقاد فعلا من الروووووائع

 

[Revolver]

شباب عندي أفلام Stars Wars من الأول للسادس . أشاهدهم بالترتيب ( 1,2,3,4,5,6 ) أو بحسب الزمان اللي نزلوا فيه ( ترتيب صدورهم ) ؟

شاهدهم على حسب صدورهم, يعني 4,5,6 ثم 1,2,3

 

[Dr MaD]

شباب عندي أفلام Stars Wars من الأول للسادس . أشاهدهم بالترتيب ( 1,2,3,4,5,6 ) أو بحسب الزمان اللي نزلوا فيه ( ترتيب صدورهم ) ؟

انا مابعد شفتهم كلهم للحين .. لكن أنصحك على حسب ترتيب صدورهم .. لأن السلسلة سووها عشان نشوفها بهالطريقة

 

[JIN KAZAMA]

اوكي امس شفت الفيلم اللي المنتدى كله كان يقول انه معقد :

الفلم رهيب للاخر , يخليك مشدود طول الوقت عاوز تعرف ايش اللي بيحصل في الجزيره
اخراج مارتن رهيب جدا تغلل في اعماق الشخصيه البطله بشكل ممتاز, اداء ليوناردو كبير , في مفاجاءت حلوه في الفيلم
والموسيقى التصويريه كانت ممتازه جدا , على العموم فيلم يستحق المشاهده وعاوزله شويه تركيز وراح تفهمه بكل سهوله
تقييمي له : 9

 

[zeldaway]

فلم مكرر
ولكن الجزيره خطيره وطبعا التمثيل

 

[Al Pacino]

Pineapple Express


فلم اسطوري !! من زماااان ماشفت فلم ممتع فيه هالكمية الرهيبة من الكوميديا .. والكاست الممتاز والاداء المتقن .. كلها خلت هالفلم من افضل الافلام الكوميديا الي شفتها اذا ماكان الافضل .. اداء James Franco جدا اعجبني.. الي اعجبه هانقوفر اضمن له ان هالفلم بيعجبه مع ان هانقوفر ماعجبني مره وشوف الكوميديا الي فيه عادية .... حلو انك تشوف فلم كوميدي جديد مافيه قلة ادب زي باقي الافلام الجديدة .. فلم راائع لايفوتكم .


9.5

 

[m7787m]

^

1+

 

[PS]

Al Pacino

لااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

كيف هذا التقييم العالي , هذا التقيم يباله عمل كبير حتى يتحصل , الفلم لا يرتقي الى 8 حتى تعطيه 9.

حسيتك تبى تقول خاطري أعطي الفلم 10 بس شي واحد ماعجبني من جي عطيته 9.5

أطالبك بأعادة تقيم مرة أخرى و أذا رافضت , عطني تفصيل ممل ل 9.5 على كل شي القصة و التمثيل و الادوار الثنوية و أجواء الفلم و الحوار .:

 

[Al Pacino]

ههههههههههههههههه بي اس انا ماراجع لعبة عشان احط نقاط لتقيمي لها.. بالنسبة لي بتقييم الافلام يرجع لأستمتاعي بالفلم فقط وهالفلم قدم لي متعة وسعة صدر كبييرة ..

اوكي بـ ألبي رغبتك وافصلك بالنقاط الي ذكرتها .. بالنسبة للقصة كانت ممتازة وتسلسل الاحداث ايضا ممتاز التمثيل جدا متقن من البطلين ومن باقي الكاست ( بالعاده الافلام الكوميدية مايكون فيها اتقان كبير ) الادوار الثانويه قمة !! يكفيك الثلاثي الرهيب ذا .. اجواء الفلم مادري وشلون اوصفها انا مادقق بالتفاصيل حيل خاصة وانه فلم كوميدي فـ هالنقطه مو مهمة مع ذلك الفلم اتقن الاجواء الاكشنية .. الحوار كوميدي من الدرجة الاولى .. فيه مقاطع بدون مبالغة بغيت افقد السيطره على نفسي من الضحك !


الي عنده اي نصائح لأفلام مشابهة ياليت يذكرها .

 

[PS]

بسامحك عشان شي واحد أنت قلته و أنا أقتنعة فيه

بالنسبة لي بتقييم الافلام يرجع لأستمتاعي بالفلم فقط وهالفلم قدم لي متعة وسعة صدر كبييرة

تراني بعدي معصب , أذا بغيت تقيم فلم مرة ثانية مثل هذا النوع و بتعطيه تقيم مثل هذا قولي عشان ما أدخل موضوع الافلام.

 

[Superx]

آل باتشينو انت رهيييب .. أحييك

لو تحب هالانواع من الافلام شوف Superbad و Fanboyz و Observe and report و Forgetting Sarah Marshall و knocked up و 40 yeas old girl virgin .. تحشيييش :laugh::

اهم شي تشوف سوبر باد.

 

[PS]

أكتملت تجمعوا لمحششين في موضوع الافلام هاي الصفحة تعتبر السقوط السقوط العظيم في تاريخ موضوع الافلام

 

[m7787m]

The 40 years Old Virgin

الفلم بإختصار عن شخص عمره 40 سنة وهو بتول ( ما مارس الجنس ) يشتغل في محل للإكترونيات وتبدأ الأحداث في جعل أصحابه إنه يفقد عذريته .....

فلم كوميدي جميل فيه كم لقطة 18+ .

8/10

 

[Al Pacino]

ههههههههههههههه ps هدي شوي

سوبر : سوبر باد شايفه .. فانبويز احسه يصلح للي شاف ستار وارز .. اوبسيرف حطيته بالقائمه .. الباقي كله شفته ..

 

[PS]

The 40 years Old Virgin

كلام فاضي , للمراهقين فقط.

 

[Painkiller Q8]

حاشني مرض جديد

كل ما اشوف فلم انام 🙁 .. قبل اضحك على الي ينامون الحين صرت مثلهم !!!

اففففففف ... حتى لو الفلم قوي هم انام !!

ابي حل ... RedBull مثلا ؟

 

[persona]

ماشاءالله الشباب كريمين بالتقاييم :evil::

 

[PS]

Painkiller Q8
التهيئة النفسية و الحماس للفلم وحدهم يجعلوك مستيقض لا ردبول و غيره.

 

[Painkiller Q8]

لول .. طول عمري اشوف افلام واعرف اهيء نفسي للفلم واشوف ولا اطوف جزء من الثانيه او اسرح ..

ولاكن في الآونه الاخيره ماني قادر اسيطر على النوم .. بس يمكن لان الروتين تغير وصار يومي شاق واجي اختم اليوم بفلم والحصيل هو النعااااس !!

 

[PS]

أرهاق العمل لا يقاوم و بعد تزيد عليه مشاهدة فلم هذا شي صعب , أرتاح أحسن لك و أكيد مابتقدر تنتهي من فلم و أنت مرهق.

 

[Dr.MoDmEn]

النوم بالافلام مشكله مالقيت لها حل , لدرجة انه مرات ممكن اكون متعود انام الساعه 11 , لما اناظر فلم النوم يجيني قبل موعدي بساعتين ! ولاحظت انه رغبة النوم تتناسب طرديا مع قوة الفلم 😀

الحل ماصرت اشوف افلام بالليل 🙁

 

[جون سيلفر]

:fd3:

 

[Khalid]

^
10 مره وحده .. بالكثير 7

 

[Bakloyd]

في الاسبوعين الاخيره شفت كم فلم في السينما لاول مره في حياتي، شفت:

Resident Evil 3D
6/10

يمكن كنت بعطيه اقل اذا ماشفته ثري دي..

The Other Guys
7/10

ممتع، الكم دقيقه الاولى منه احسن شي في الفلم.

Despicable Me
7/10

فلم طفولي بزياده وماضحكت فيه اللا في كم لقطه وكانت عاديه حتى. بس كان جيد بشكل عام.

Takers
4/10

بااااااااااااايخ ما انصح فيه احد، متأكد اني كنت بعطيه ١ من عشره لو ماشفته في السينما.

Mr.Nice
7.5/10

سيرة حياة هاورد ماركس، مهرب حشيش. فلم ممتع وافضل ما شاهدت في السينما حتى الآن، بس اللي قرو الكتاب الاصلي كانو محبطين منه لاسباب كثيره.

 

[Naserano]

شباب حد يسوي فيني معروف ويوضح لي نهاية انسيبشن !!؟؟

مدري وش السالفة كل ما احاول اجيب للنهاية تفسير يطلع لها تناقض آخر.

 

[Al Pacino]

Vol 1 | Vol 2


شفت الجزئين .. واو على الاخراج .. تارنتينو ابدع بأخراج فلم متكامل من ناحية الاكشن والدراما ولمسة كوميدية " الجزء الاول " .. كاست الفلم أجمع على اداء مذهل حتى الكمبارس الي ماتشوفه الا بـ لقطة وحده طول الفلم والي بالعاده يكون اداءه " مش الحال " اتقن الدور .. الفلم حطمني ببداية ونهاية الجزء الاول لكنه دائما يعود ويثبت لي انه فلم يستحق الاحترام ومن روائع ما أخرج تارنيتو واحطه تحت Reservoir Dogs من ناحية الاخراج ..


9

في احتمال جزء ثالث بس من ناحيتي ما اتمنى هالشي .

بغيت اسالكم شباب عن فلم Dances with Wolves يستاهل ينشاف ؟ كنت ناوي اشوفه البارح بس يوم شغلته وشفت مدته 4 ساعات !!! حولت لـ كيل بيل .. ومحتار اشوفه ولالا .. لو بشوفه مستحيل اشوفه بجلسه وحده .. فـ هل يستاهل " فعلا ! " ؟

 

[Superx]

^
كيل بيل .. أحسنت الإختيار

شو رايك أي جزء أحسن الاول ولا الثاني ؟ .. لأني للحين ماشفت الثاني , في ناس تذمه وتقول مايستاهل ينشاف حتى!

وعن نفسي متحمس لجزء ثالث , كل شي يجي من تارنتينو حلو

تعديل: أي على فكرة فلم الرقص مع الذئاب اللي تقول عنه 3 ساعات ودقيقة , مب اربع ساعات !!

 

[m7787m]

الثاني تكمله للأول وتقريبا المستوى متشابه ( مع أفضلية الثاني عندي )

Al Pacino

لازم تشوف Pulp Fiction :inlove:لأنه أحد أفضل أعمال تارنتينو .