انطباعات حلوة وباخذ منها ذا جيرك و وقرونهوق دي .. وميد نايت ناوي عليه من يوم ماكتب عنه سوبر اكس ..
اضافة : انا اكثر نوع احبه من الافلام هو الكوميدي .. بس الافلام الغربية ماصارت تعجبني كثير خاصة وانهم ينكتون على شخصيات معروفة عندهم وتصير الكومييديا ناقصة فـ صرت اتجة للكوميديا المصرية .. والي ايضا صارت متواضعة هالايام .. مادري هل انا اكتفيت من الكوميديا ولا ايش .. على العموم اتمنى اني اشوف افلام كوميدية غربيه من نوع دمب & دمبر و لاير لاير .. هالاثنين بالنسبة لي افضل فلمين كوميديه من افضل ممثل كوميدي . وانصحك يا ألكس بـ لاير لاير اذا انت ماشفته .
The Curious Case of Benjamin Button (انتاج سنة 2008)
قصة الفيلم تحكي عن بينجامين بوتون اللي يأدي دوره براد بيت و هو شخص ولد و هو عجوز و مع مرور السنين عمره ينقص أكثر و أكثر و ينتقل إلى مرحلة الشباب...الخ. قصة الفيلم غريبة و بأحداث واقعية و هي مقتبسة من قصة قصيرة صدرت عام 1922.
أكثر شيء جذبني في الفيلم هو النص. لأن القصة فانتازية بأحداث واقعية تماماً. و المعالجة الدرامية للقصة متقنة لدرجة كبير رغم صعوبتها. فعلى سبيل المثال الرواية تبدأ و بينجامين يكون عجوز و عايش مع الناس اللي تبنوه لكن في الفيلم البداية تكون مع مشهد ولادة يبنجامين ! و أحداث الفيلم ما كانت تتمحور فقط على بينجامين بل تشمل الشخصيات اللي قابلها بينجامين أثناء وجوده في دار المسنين انتقالاً إلى مشاركته في الحرب العالمية...الخ و كيفية تأثير هذي الشخصيات على بينجامين و هذا الشيء أثر في مدة الفيلم الطويلة لكن شخصياً ماعانيت منها لأن كل هذي الأحداث كان لها مغزى و ماحسيت بملل في سردها و الفضل يعود لأسلوب السكرين بلاي اللي ذكرني كثير بفيلم فورست جامب مع العلم إن كاتب الفيلم هو ايريك روث وهو نفس كاتب فروست جامب وهو عنده قدرة رهيبة يصياغة سكرين بلاي متميز من الروايات. و طبعاً مستحيل أنسى مجهود المخرج دافيد فينشر في طريقة اخراجه للنص و كمان التصوير و الكاميرات المستخدمة في الفيلم كانت ملائمة تماماً وتدخلك جو مع الفيلم. و التحرير و التوليف في الفيلم كان متقن جداً و قدر يولف مابين المشاهد بشكل سلس مع إن شيء صعب إنك تنتقل ما بين مشاهد في في زمنين مختلفين تماماً في طوال الفيلم.
التمثيل كان أهم الركائز الفنية اللي ارتكز عليها الفيلم. براد بيت أدى دور جيد و قدر يوصل الناحية النفسية للشخصية بشكل واضح. و لكن الأداء المتميز و المفاجئ كان من نصيب الممثلة تراجي هنسون (في دور أم بينجامين) لان مع صغر سنها نسيباً إلا إنها قدرت تزبط دور الأم لطفل عجوز !
واحد من أفضل الأفلام اللي نزلت في السنين الأخيرة و أنصح به الكل وخاصة اللي يحبوا الأفلام الدرامية.
انطباعات حلوة وباخذ منها ذا جيرك و وقرونهوق دي .. وميد نايت ناوي عليه من يوم ماكتب عنه سوبر اكس ..
اضافة : انا اكثر نوع احبه من الافلام هو الكوميدي .. بس الافلام الغربية ماصارت تعجبني كثير خاصة وانهم ينكتون على شخصيات معروفة عندهم وتصير الكومييديا ناقصة فـ صرت اتجة للكوميديا المصرية .. والي ايضا صارت متواضعة هالايام .. مادري هل انا اكتفيت من الكوميديا ولا ايش .. على العموم اتمنى اني اشوف افلام كوميدية غربيه من نوع دمب & دمبر و لاير لاير .. هالاثنين بالنسبة لي افضل فلمين كوميديه من افضل ممثل كوميدي . وانصحك يا ألكس بـ لاير لاير اذا انت ماشفته .
فلم من إخراج وبطولة روبرت دي نيرو .. سببين كافيين عشان اشوف الفلم .. ايضا الفلم من بطولة Chazz Palminteri .. فلم درامي قصته تتكلم شخص ايطالي يعيش حياة متقلبة مابين ابوه المستقيم ورئيس الحي " الغير مستقيم " وأصدقائه الي دائما يتسببون بمشاكل هو مايحب يتورط فيها .. طريقة الاخراج وسرد القصة ممتاز والفلم يميزه شي ويعيبه آخر ..
الشي الممتاز بالفلم هو الموسيقى او المقاطع الغنائية الي تجي بفترات معينة من الفلم كانت شئ جميل جدا وراقي ... وهي مقدمة من شخص معروف بهذا المجال ويوم بحثت عنه طلع رابح 4 جوائز اوسكار ومترشح غيرها 20 مره كلها للـ Best Music, Original Song !! وأسمه Sammy Cahn .
بينما الشي السيئ بالفلم والي ضايقني مره هو اداء الشباب بالفلم .. ما اخفيكم ان اداء روبرت دي نيرو وشاز كانو ممتازين بل كل الممثلين الكبار كان اداءهم من ممتاز الى جيد جدا .. لكن اداء الممثلين الصغار " الشباب " كان اداءهم اقل من عادي بل سيئ وقتل بعض متعة الفلم بالنسبة لي .
الفلم كان رائع الي يبغى فلم لروبرت خفيف ومايهمه الاداء مره هالفلم بيكون مناسب له .
سلاام عليك .. بغيت اقول انه ماخذ من قودفالز كم شغلة ويحاول يحتك فيه.. بس قودفالز كان الاداء فيه " أفضل اداء شفته " .. لكنه زي ماقلت " فشل " اذا قلنا انه حاول يسوي شي زي قودفالز .. لكنه وفق بتقديم فلم ممتاز اذا نظرنا له من جهة انها أول تجربة أخراج له .
اداء كريستان بيل تحسن كثييير عن دارك نايت .. بالنسبة لي هو كان الاسوء بذاك الفلم .. بينما بهذا الفلم كان اداءه ممتاز .. وايضا روسل كرو اداءه ممتاز لكنه مو أفضل من سوابقة ( بيوتفل مايند - ذا انسايدر ) .. احداث الفلم رائعة وفيه مقاطع محزنة كثير .. النهاية كانت مفاجئة ومذهلة ..
أفضل اعمال المخرج الكبير Petter Jakson الفلم المقتبس من الرواية التي تحمل الاسم نفسه
الفلم مقسم إلى 3 أفلام ( The FellowShip Of The Ring , The Tow towers , The Return Of The king ) قسمت لثلاث أجزاء كل جزء يحمل معه مغامرة مختلفة عن الاخرى ولعدم المقدرة لجمعها في فلم واحد
مدة الـ 3 افلام مجموعة هي 11 ساعة مملوءة بالمغامرة والحماس حيث لن تشعر بالملل لمشاهدتها
تمثيل طاقم أول مرة أشوفه في الشاشة وكان دورهم ممتاز جدا من أفضل ما كان , مناطق القصة مصممة بشكل يفوق الخيال , موسيقى رائعة جدا موافقة لأحداث الفلم , عوالم وثقاقات مدهشة
مشروع ذو ميزانية محدودة و غير ربحي سواه مجموعة عشاق لسلسلة ميتل جير في ايطاليا
الفلم متاح للتحميل مجاناً و مدبلج للانجليزية بدون الغاء اصوات الممثلين باللغة الايطالية
هيديو كوجيما مدح الفلم
و بعض محرري المجلات قالوا انه جيد لدرجة ان الفلم الهوليوودي مستحيل يطلع بنفس مستواه
للأسف أشكال الممثلين غير مناسبة لادوارهم مع ان تمثيلهم ممتاز
The Karate Kid فلم دراما/أكشن , انتاج 2010 .. من بطولة الطفل الموهبة Jaden Smith والقدير Jackie Chan .
الفلم ريميك على فلم قديم بنفس الإسم سنة 1984 , وهذا السبب اللي خلى تقاييم الفلم نازلة على ما أعتقد , لأن اللي شافوا الفلم الأصلي القديم والحين شافوا الريميك ماعجبهم الوضع وقعدوا يسبوون بالفلم , بس البعض الآخر يمدح الريميك ويقول انه إعادة للفلم القديم بس بصورة ممتازة.. عموماً انا من اليوم ورايح ماقمت أهتم لتقاييم الموقع IMDB المهزلة بصراحة .. : (
عموماً خلنا نتكلم عن الفلم بشكل عام .. أفضل شي بالفلم أنه تم اختيار الممثلين اختيار موفق تماماً وخاصةً هنا أقصد (جاكي شان) وبصراحة اندهشت نعم اندهشت وحط تحتها 20 خط , اندهشت من الأداء الإبداعي من الممثل , ماكنت متوقع انه بإمكانه انه يمثل أدوار قوية وشحصيات جادة ويتقنها الى هذا الشكل الرهيب .. طبعاً أغلب افلامه اللي نعرفها يمثل بشخصية كوميدية .. اما هنا كان شي مختلف تماماً وطلع بصورة رهيبة ومقنعة لأبعد الحدود .. أما بالنسبة للولد Jaden Smith اللي حبيته من أول من أول ماطلع على الشاشة واتوقعت انه بيكون رهيب , طبعاً للي مايعرفه هو ابن الممثل الكبير Will Smith وشارك معه في فلم The Pursuit of Happyness , عمره 12 سنة في الحقيقة وبالفلم بعد .. الصراحة حبيت تمثيله وايد وتحسه يمثل بواقعية وبعيد عن التصنع وبالرغم من صغر سنه الا انك تشوف انه ماسك الفلم كلم ومخليه ماشي على على حسب الأصول , تنفيذه للحوارات والتعامل مع الدور الموجه له والتعامل مع الأحداث مثل ماينبغي وتجسيده لشخصية الولد بكل مايحدث له على حسب قصة الفلم , ياسلاااام شي ممتاز والله اننا نشوف نجوم صاعدين لعالم السينما منذ بدايته بهذا الشكل الرهيب , وان شاء الله لو استمر على هذا الاداء المتألق بنشوفه في المستقبل واحد من أعلام السينما مثل والده Will Smith . هناك أيضاً بعض الممثلين الآخرين اللي احب اذكرهم هي الممثلة Taraji P. Henson بدور الأم للممثل (Jaden Smith) في الفلم ماكان لها ظهور كبير في الفلم , بس كانت ممتازة أيضاً .. أتذكر اني شفتها في فلم Smokin' Aces من قبل.
الفلم يعتبر بالمقام الاول انه فلم دراما وتحدث عن قضايا ومشاكل مهمة خلال أحداث الفلم وطرحها بشكل مميز .. وطبعاً لقطات الأكشن الرهيبة والحماسية على الرغم من انها كانت قليلة لكن الإخراج فيها كان ممتاز وأظهرها بشكل حماسي ومؤثر وقوي وبحركات جميلة .. الى جانب كل هذا الحوارات القوية والذكية اللي نادراً ماتشوفها بأفلام هالوقت .. للأسف ماحصلت اقتباسات في موقع IMDB ولكن كنت بكتبة لكم كم جملة عجبتني في الفلم .. ايضاً مع مع كله هذه الدراما والقصة الا انه توجد بعض اللقطات والمشاهد المضحكة واللطيفة اللي تجعل المشاهدة أكثر متعة وبنفس الوقت مترابطة بشكل كبير وذكي جداً مع أحداث الفلم والأفكار اللي حاب الفلم انه يوصلها للمشاهد .. بلا شك الساوندتراك المتنوع في الفلم في اللقطات الدرامية التي يعمها الهدووووء وايضاً في اللقطات الحماسية والأكشنية , بإختصار ساوندتراك متوافق مع احداث الفلم على اتم مايكون.
أكثر شي حبيته في الفلم هو أداء الشخصيات الإحترافي بصراحة , وبالرغم من طول مدة الفلم ساعتين وثلث .. ماحسيت أبداً بالملل والرتابة ولا طالعت على ساعتي عشان أشوف كم مرة من الوقت أو كم باقي من الوقت .. لأني بالفعل كنت أشوف فلم واقعي جداً وخلاني أعيش القصة والأحداث واتعايش مع الشخصيات واتعاطف معاها بشكل كبير لدرجة اني أتأثرت جداً في واحد من مواقف الفلم وكان ودي بعد مايخلص هالمشهد اني أصفق بحراارة للإبداع هذا .. المشهد
يوم الولد يدخل على جاكي شان ويشوفه يكسر السيارة ويصيح وبعدين يدخلون السيارة ويتكلمون ويشرح له المأساة وبعدين يوم الولد يعطيه العصاية ويطلع برع السيارة ويخليه يمسح دموعه ..
معنى الإبدااااااااااااع.
ماذا يسعني ان اقول ؟ وصفي لهذا الفلم مابيوفيه حقه أبداً , هالفلم يستاهل انك كتب عنه بدون ماتوقف .. فلم فاق توقعاتي جداً وبالمرة ماتوقعته يكون بهذا المستوى , لأن التريلر اللي شفته ماحمسني ومخلاني اتوقع ان الفلم بيكون مميز لهذي الدرجة .. عموماً أنصح أي واحد يحب الأفلام الدرامية مايفوّت هالفلم أبداً لأنه فيه اشياء وقيّم ومعاني كثيييرة ورهيبة .. بكل بساطة واحد من أفضل أفلام سنة 2010 بالنسبة لي .. رجاءً لاتهمتمون لتقييم IMDB لأن هذا الفلم يمكن أكثثثثر فلم اندر ريتد في تاريخ الـموقع. ان شاء الله الفلم ينزل بأقرب وقت على بلو-راي لأنه هذا الفلم يستاهل ان الواحد يحتفظ فيه بمكتبته الخاصة مع الأفلام العظيمة.
ياساتر 10 !! جاكي تشان ممثل مبدع وكنت اقدره .. بس اخر افلامه صارت زي بعض " اكشن - كوميدي " ودائما وبأغلب افلامه يؤدي نفس الدور
( واحد كوميدي يعرف يلعب كاراتيه ) -_-"
بس بما ان هالفلم عطيته 10 وعلى كلامك اداء جاكي جاد فـ الفلم انظم للقائمة وبشوفة بالعطلة ان شاء الله ..
همممم تقييم IMDB اعتبره مقياس للأفلام الرائعة اذا كان تقييمه فوق الـ 8 فـ هذا الشي يعني ان الفلم لاقا شعبية بين الناس وانه يسوى ينشاف " مع ان فيه كم فلم فوق الـ 8.5 ماعجبتني " بس الاغلبيه تعجبني
وايضا مقياس للأفلام السيئة اذا كان تقييمة تحت الـ 4 معناتها مايسوى ينشاف ..
لكن التقاييم الي تكون بين الـ 6 - 7 هذي ما اقيس عليها تقييم imdb .. بس الـ 5 كنت حاطها مع الـ 4 على انها من الافلام الي ماتسوى بس اعتقد " وانا اثق بذوق سوبر " انها بتنظم للـ 6-7 بعد ماشوف فلم جاكي ..
زبدة كلامي ان تقييم imdb له تأثير " خفيف " علي .. لكنه مو مقياس صارم + غير مهمش كليا : )
تصفحته عـ سريع .. صحيح انه يوافقني بشغلات كثيره كانت تستاهل وبالراحة اكثر من الي اخذته بـ imdb مع imdb معطيها حقها بس مو كامل .. بس انه باخس اشياء مهمة بعد زي فلم سناتش + شتر ايلند .. شتر ايلند ماشفته بس مو معقولة بعد هالمديح له واخراج سكورزي وبطولة ليوناردو يعطيه 67 !؟
اخيرا شي اكيد مافيه ولا موقع بالدنيا ممكن يوافقك بكل شي بس كـ موقع افلام "مرتب ومنظم" .. imdb هو الافضل !
يكفي ماكتبه سوبر أكـــــس عن الفلم , ماخلى لي شي أقوله , قام سوبر بوصف الفلم وصف رائع ودقيق و تناول كل الجهات في الفلم .
لهذا السبب أنا بدكر شي واحد بس : أبا أقول أن المخرج Harald Zwart و نجم جاكي شان , أستطاعوا في هذا الفلم أن يصنعوا نجم جديد لسينما الامريكية الا وهو Jaden Smith .
أن شاء الله ماينقطع عن السينما الان هذا الولد موهوب بشكل كبير و سيمتع المشاهدين بشكل كبير .
ترايلر حلو .. ذكرني بـفلم ديزني حق الامبراطور الي يتحول لـ لاما نسيت اسمه .. اذا كان بنفس مستواهـ فهذا اكيد بشوفه ... مع اني احس هالفلم اغلبه بيكون بشخصيات محدودة ومكان محدود " غابة " عكس فلم الامبراطور الي كان من افضل افلام الانميشن على شفتها بحياتي " اكيد مع الدبلجة "
