أبي فلم - الموضوع الرسمي لأفلام هوليود

[Burdegation]

موعده قريب

مو العاده يكون بشهر 3 !

 

[Superx]

Who Wants to be A Millionaire? ..

Slumdog Millionaire
*شفته بالسينما @.@*

يقولون ان من الصعب ان تجد فلم عظيماً في هذه الأيام , وهم محقون .. ولكن عندما يأتي فلم في حين وياخذ نفساً عميقاً ويثبت نفسه , نعم انه بالتأكيد Slumdog Millionaire واحد من تلك الأفلام العظيمة القوية النادرة . فلم من اخراج بريطاني بالتعاون مع مخرجة هندية , والفلم مبني على رواية هندية . الفلم يتحدث عن اخوين ينشآن ويعيشان من الضغر الى ان يكبرا وهم في قرية فقيرة والفلم يصور الحياة القاسية والمؤلمة للفقراء في الهند , الى ان يصل الأخ الأصغر الى البرنامج الشهير "من سيربح المليون" . الفلم يجمع بين الدراما والرومانسية في ان واحد , وهناك لقطات مؤثرة جداً والOST الرائع كاد يبكيني .. فلم رائع بالفعل اخراج مميز قصة فريدة موسيقى رائعة .. ماذا تريد اكثر من هذا ! .. مدة الفلم ساعتان وأغلب الحديت في الفلم باللغة الانجليزية الا ان بعض المقاطع باللغة الهندية والفلم حائز على 4 جوائز Golden Glob وبالفعل يستاهل ..

التقييم:
IMDB: 8.7
Rotten Tomatoes: 8.3
Me:9.0

By the way هذا اول فلم هندي اشوفه واعجبني بشكل خوراافي .. واحلى شي انه مافي *خرط :xd:* مثل افلام الهنود المعروفة !!

--​

 

[Justice]

^
مايعتبر فلم هندي لوول هذي قصة تحكي عن فتى هندي

 

[Superx]

^
لول .. بس كل الممثلين اللي في الفلم من الهند .. *يعني برايك الفلم امريكي* XD

 

[Andrew X]

الموضوع اسمه ابي فلم..بس انا ودي اذكر افلام : (

مشكلتي اناي اشوف افلام كثير واغلبها انسى اسمها / ماتذكر وين شفتها ومتى >.>"

المهم في فلم رهيييييييييييب نفسي يتكلم عن مرض الفصام الظاهر؟ ولد مريض بهذا المرض والمسلسل يطغى عليه الغموض والرعب ولقطات غريبة واهم شي الأرنب الرهيب اللي في الفيلم !!

ثانيا

فلم رعب فكرته قريبة من ريزدنت ايفل وشخصياته ولد وبنتين وحدة سمرة وفيه ورجال شيبة يصيب المكان اللي هم فيه بتلوث ويظطرون يهربون لمعسكر او شي قريب من هذا ...

معليش على الوصف البايخ بس بسوي معروف اللي يجيب اسامي هذا الأفلام لي لأنها من جد رهيبة ودي اشوفها مرة ثانية -________-"

ولو بتكلم اكثر القائمة تطول بس هذولي الأثنين اللي متشوق اعرف عنهم شي مرة ثانية ..

 

[Silent Dream]

المهم في فلم رهيييييييييييب نفسي يتكلم عن مرض الفصام الظاهر؟ ولد مريض بهذا المرض والمسلسل يطغى عليه الغموض والرعب ولقطات غريبة واهم شي الأرنب الرهيب اللي في الفيلم !!

?

 

[Andrew X]

نعم هو شكرا سايلنت دريم اقدر هذا الشي لك!!

[YOUTUBE]8wqVHjK2bQs[/YOUTUBE]

المشكلة اني شفته من زماااااااااااااااااان بس مازال متعلق في ذهني وودي اشوفه مرة ثانية!! بصراحة من اللي اتذكره انه كاااااااااان فلم عجيييييب ومليان حاجات تلحس المخ ولحظات رعب !! نهايته لحست مخي كليا..

انصح اي واحد يعطيه فيه فرصة ويشوفه

 

[BioMario]

Slumdog Millionaire

أعطية 10/10 واااو بمعنى الكلمة واااااااو ..
أحسن فلم هندي شفته في حياتي ومن أفضل الأفلام في حياتي إخراج و تمثيل و تصوير و أحداث شيء جداً عبقري و عمل راقي .. لازم الكل يشوفة ..

الفلم مرشح للأوسكار و تقييمة من IMDB معطينة 8.7

 

[Silent Dream]

المشكلة اني شفته من زماااااااااااااااااان بس مازال متعلق في ذهني وودي اشوفه مرة ثانية!! بصراحة من اللي اتذكره انه كاااااااااان فلم عجيييييب ومليان حاجات تلحس المخ ولحظات رعب !! نهايته لحست مخي كليا..

الفيلم رهيب .. حاول تقرأ عن تفسيرات الأحداث في المنتديات و المواقع لأنه أكيد ما فهمت الفيلم بشكل كامل P: راح تقدره أكثر .

 

[Dr MaD]

توني خلصت Se7en ..

أعجبني الإخراج بشكل !

بس القصة فيها ثغرات ما قدرت أسلكها !! :annoyed:

 

[Niessu7]

^
هذي أول مرة تشوفه !!!؟؟

انا شاهدته من 5 سنين او اكثر .. وكنت مبقق عيوني دمار ياخي كان .. شاهده اكثر من مرة يستاهل .. *يفكر يشاهده مرة ثانية*

بالمناسبة وش تقييمك المبدئي له .. انا لو راح اقيمه ماراح اعطيه اقل من 9 اسطوري كان ..

 

[Colorization]

The Boy in the Striped Pyjamas

أفضل فلم في 2008 بالنسبة لي. A+

أنصح بقراءة الرواية قبل مشاهدة الفلم.

http://www.amazon.com/Boy-Striped-P...d_bbs_2?ie=UTF8&s=books&qid=1232716228&sr=8-2

 

[Purple Rain]

توني خلصت Se7en ..

أعجبني الإخراج بشكل !

بس القصة فيها ثغرات ما قدرت أسلكها !! :annoyed:

انا مشاهدتي للفيلم قديمه بس الفيلم اذكر انه روعه ..

فممكن تقول لنا الثغرات الي بالقصة ؟؟

 

[Majeed]

أفضل فلم في 2008 بالنسبة لي. A+

محمد اعترف كم مرة قلت هالعبارة :laugh:: ؟؟

 

[Colorization]

محمد اعترف كم مرة قلت هالعبارة :laugh:: ؟؟

3 مرات :laugh::

مع Burn After Reading و Frost\Nixon وهذا. المشكلة انه بعدني ما خلصت كل افلام 2008 الممتازة لذلك رايي يكون متذبذب على طول.

 

[Dr MaD]

انا مشاهدتي للفيلم قديمه بس الفيلم اذكر انه روعه ..

فممكن تقول لنا الثغرات الي بالقصة ؟؟

محتوى مخفي

براد بيت وفريمان رضوا انهم يروحون مع القاتل عشان يعترف .. السالفه مايبغالها والدم اللي عليه كان دم ناس قاتلها .. يعني التهم راكبته .. بالإضافه الى انه النهايه صاروا 8 جرائم مو 7 !
والحين ليش مسكوا براد بيت في الأخير ؟

 

[Himura]

^

محتوى مخفي

لأنه قتل المتهم .. بعد ما اكتشف انه قتل زوجته.

 

[PS]

Slumdog Millionaire

من روائع الافلام التي تعرض في السينما وشيد الى ذكاء المخرج في أختيار الاطفال في التمثيل
الشباب اللي يحبون يشوفون أفلام فيها ذكاء لا تطوفون مشاهدتة

فلم يستاهل تقتنية ,,,, وتقدر تسمية الافضل حتى الان لين مانشوف أفلام 2009
10:9.8

 

[The Heartless]

محتوى مخفي

براد بيت وفريمان رضوا انهم يروحون مع القاتل عشان يعترف .. السالفه مايبغالها والدم اللي عليه كان دم ناس قاتلها .. يعني التهم راكبته .. بالإضافه الى انه النهايه صاروا 8 جرائم مو 7 !
والحين ليش مسكوا براد بيت في الأخير ؟

أخوي إنت شكلك ماكنت مركز بالفلم , آخر مره شفت فيها الفلم كانت من مدة طويلة لكن من الي أتذكره

محتوى مخفي

ان القاتل ( كيفن سبيسي ) لما سلم نفسه للشرطة قال لهم إنه في جثتين بعد الشرطة ماتعرف عنهم شي وإنه راح يدلهم على هالجثث فقط في حالة إن المحققين ( براد وفريمان ) يروحون معه , طبعاً في النهاية طلعت الجثتين الي يتكلم عنهم الأولى هي زوجة المحقق براد بيت في الفلم وسبب قتلها إنها أرتكبت وحدة من الخطايا السبع والجثة الثانية هي جثة القاتل نفسه لإنه كان يعرف إن المحقق راح يقتله بحالة غضب لما يعلمه بموت زوجته ( خاصة وهي حامل ) , وسبب رغبة القاتل بالموت لإنه نفسه أرتكب واحدة من الخطايا السبع وهي الحسد ( كان يحسد على المحقق وظيفته وزوجته وحياته كلها بالخصوص ) .

وبراد بيت مسكوه لإنه أرتكب جريمة قتل حتى لو كانت ضد مجرم سفاح لإنه في النهاية في قوانين هناك , لكن عالعموم أعتقد لو تصير محاكمه ضده راح يخرج بحكم خفيف عليه أو حتى بالبراءة لإنه ذبح القاتل في حالة غضب .

وماأدري عن عدد الجرائم وحسبتهم لإنه مثل ماقلت آخر مشاهدة لي للفلم كانت من مدة طويلة لكن ماأذكر إنه كان في ثغرة بهالموضوع , يمكن الأخوان يقدرون يفسرون لك هالشي .

فلم Seven من أروع ماشاهدت في عالم السينما والجملة الأخيرة الي قالها مورغان فريمان قبل لا ينتهي الفلم تمتلك " العالم مكان جميل يستحق إنك تقاتل من أجله " " أنا أتفق على القسم الثاني من الجملة فقط " .

 

[Superx]

^
انزين ليش ماتحط الجملة في سبويلر تاق xD

 

[Cizer Shnider]

كولو قصدك اربع مرات
نسيت انك قلتها في بنجامين بوتن
عموما حشوف الفيلم انا خلاص ابصملك بالعشرة ان ذوقك من المستوى الرفيع في الافلام

Bedtime Stories
فيلم خفيف كومدي نوعية لن تشاهدها الا كل عشر سنين على الاقل مرة واحده
رجعني ايام زمان ايام الافلام الفانتازي الجميلة بجد انصح بمشاهدته

revolutionary road
فيلم كلاسيكي درامي بس جميل فعلا تمثيل واخراج - واقعي وبيحصل كتير لو تشوف حواليك وتتابع لكن النهاية اممممم لك عليها شوية صعب تكون واقعية الا ماندر
شكرا كولو على النصيحة

 

[Id]

 

[Niessu7]

^

واو .. متحمس اشوفه .. وانت حمستني اكثر .. لا هالاجازة بتكون كلاسيكي

 

[Dr MaD]

أخوي إنت شكلك ماكنت مركز بالفلم , آخر مره شفت فيها الفلم كانت من مدة طويلة لكن من الي أتذكره

محتوى مخفي

ان القاتل ( كيفن سبيسي ) لما سلم نفسه للشرطة قال لهم إنه في جثتين بعد الشرطة ماتعرف عنهم شي وإنه راح يدلهم على هالجثث فقط في حالة إن المحققين ( براد وفريمان ) يروحون معه , طبعاً في النهاية طلعت الجثتين الي يتكلم عنهم الأولى هي زوجة المحقق براد بيت في الفلم وسبب قتلها إنها أرتكبت وحدة من الخطايا السبع والجثة الثانية هي جثة القاتل نفسه لإنه كان يعرف إن المحقق راح يقتله بحالة غضب لما يعلمه بموت زوجته ( خاصة وهي حامل ) , وسبب رغبة القاتل بالموت لإنه نفسه أرتكب واحدة من الخطايا السبع وهي الحسد ( كان يحسد على المحقق وظيفته وزوجته وحياته كلها بالخصوص ) .

وبراد بيت مسكوه لإنه أرتكب جريمة قتل حتى لو كانت ضد مجرم سفاح لإنه في النهاية في قوانين هناك , لكن عالعموم أعتقد لو تصير محاكمه ضده راح يخرج بحكم خفيف عليه أو حتى بالبراءة لإنه ذبح القاتل في حالة غضب .

وماأدري عن عدد الجرائم وحسبتهم لإنه مثل ماقلت آخر مشاهدة لي للفلم كانت من مدة طويلة لكن ماأذكر إنه كان في ثغرة بهالموضوع , يمكن الأخوان يقدرون يفسرون لك هالشي .

فلم Seven من أروع ماشاهدت في عالم السينما والجملة الأخيرة الي قالها مورغان فريمان قبل لا ينتهي الفلم تمتلك " العالم مكان جميل يستحق إنك تقاتل من أجله " " أنا أتفق على القسم الثاني من الجملة فقط " .

محتوى مخفي

كلام جميل وواضح ..
بس المحامي حقه قال انه اذا ماوافقتوا على عرض الجثث هذي ماراح تشوفونها أبد .. كلامه غلط .. براد بيت لو رجع بيته ماراح يحصل زوجته :sarcastic:
الفلم ماهو سيء .. بس ماهو الفلم اللي صدمني (( اليوم اللي قبله شايف بلب فيكشن )) .. اعجبتني الإضائه وحركات الكاميرا .. كتصوير سينمائي أبهرني
بس القصة ما حبيتها بشكل عام .. ووجود ثغرات او احداث في القصة مااقتنعت فيها .. حسيت انها زي ماتقول المخرج يبغى كذا

 

[Colorization]

Valkyrie

واو. فلم رائع جدا. B+

 

[Justice]

هااااه افضل فلم كلاسيكي؟؟؟؟؟ولا لسه؟ لوول

 

[Id]

هااااه افضل فلم كلاسيكي؟؟؟؟؟ولا لسه؟ لوول

للأسف في فيلمين يتنافسون عندي على هاللقب معاه بصراحة ..

و

بصراحة الثلاث أفلام بيرفكت بمعنى الكلمة ... والي ما شافوهم برأي ما شاف أفلام ...

 

[Justice]

^

اميديوس فلم ااااخ غريباً عجيب جداً امممم سؤال شفت taxi driver? اذا ماشفته انا برأيي اقولك ماشفت افلام لوول
وشوف على الطريق A Clockwork Orange راح تفتح عيونك وتقول كيف فلم قديم يتكلم عن هذا الوقت الي حنا فيه
الان؟؟؟!!!!!

طبعاً الحلو في هاالافلام زي اميديوس وتولف انجري مين وتاكسي دريفير واكلوك ورك الحلو فيها انها لها مفاهيم
خاصة وقضايا اجتماعية رهييييبة,لما الواحد يشاهده يحس انه ماضيع وقته على شي تافه .
طبعاً كل افلام سانولي كوبريك تستاهل المشاهده:happy:

 

[Id]

يؤ كيف نسيت A Clockwork Orange واحد من إبداعات ستانلي التاريخية ... من جد فيلم ماتصورت أحداثه ولا قدرت أصدق ستانلي وش قدم لنا في هالفيلم ...

تصدق نفسي صديق الاول الي قلت لك عليه بيجب لي taxi driver .. لول شكل بينكم تخاطر ذهني ..

 

[Purple Rain]

شاهدت هالتحفه :

No Country Fot Old Men

سيناريو خطير والفلم بشكل عام عن الجريمه وعن القدر ..

أجمل ما في فيلم انه بدون موسيقى تصويرية وهذا ابداع وانجاز يضاف للاخوه كوين

وأداء خطير للاسباني خافير بارديم

حيث اجاد براعة دور القاتل الصامت والغامض .. وفاز على دروه باوسكار احسن ممثل مساعد

العتب الوحيد على الفيلم ان النهاية ما توقعتها ..وتمنيت نهاية أخرى

لكن يظل الفيلم Masterpiece

وقريبا راح اشاهد فلم Fargo لأخوه كوين وراح اشوف من احسن هالفيلم والا فارغو ..