أنا وش علي من توليكن بن بطيخ
>_>!؟ كيف وش عليك...!؟ أنا لمى اقولك بجيبلك مهندس شبكات يصلحلك برنامج الشبكة حقك ولا أقولك بجيبلك سباك بتقولي أنا وش علي...>_>!؟
أي مجاملات يا رجل, فرودو أدائه مذهل حرفياً,
أساساً لقطة إلقاء الخاتم آخر الفيلم يمسح بالأفلام الي ذكرتها مسح وهذا غير شلة الفرح حقه كلهم أدائهم ممتاز جداً...\:
ولو عالمجاملات ترى بيتر جاكسون مو أكبر من جيمس كاميرون عشان نجامل أحد مقابل أحد, يعني هو مو سكورسيزي ولا هيتشكوك مثلاً وكلهم الإثنين من نفس الطبقة هذا لو كاميرون مو أفضل بعد.
ولوتر من أفضل الأفلام بدون منازع الي طبق الرواية لفيلم وأتقن هذا الشيء وأساساً هذا من أكبر الأشياء الي أدهشت النقاد من الفيلم والسلسلة, وبالنسبة للتفاصيل بأفتار أيضاً عادية وما فيها أي شيء مدهش بينما العكس تماماً بلوتر الي كل لقطة تقول الزود عندي عن اللقطة الي قبلها, ومش السبب بتفوقه إنه ما فيه قصة فانتزي غيره, لو فيه وحدة ولا ألف فيلم سيد الخواتم فيلم تاريخي بنفسه مش بعدم وجود المنافس حوله, معليش بس عذرك غريب وغير منطقي.
وبالنسبة لأفلام السبعينات, ترى ناصر انا دايماً أقول إنه ما فيه حبكة بهذي الحقبة بينما القصص ممتازة, إلا ما ندر مثل العراب مثلاً, فأنا معاك بأنه قصص السبعينات معظمها غير محبوكة وتحسها عشوائية في الطرح حتى ولو كانت ممتازة.
Uninvited guest كان جيد جداً والمشكلة أنتم تحاسبون الفيلم على الشربكة الغريبة واللامنطقية في الأحداث بينما لو نظرنا لفيلم هوليوودي أخذ من التطبيل الشيء الكثير (Space Odyssey) ونجي نحاسبه على الأحداث اللامنطقية والغير قابلة للتفسير يطلع لنا العذر المشهور "التفسيرات موجودة في النت"
الاول يعتبر فيلم فانتزي والثاني فيلم
المفروض يكون واقعي, فرق درجة المنطقية والإعتماد عليها بين الإثنين تختلف...\:
وبالنسبة لردك على عمر, لول ناصر أنت حرفياً قاعد تقط خيط يمين وشمال, شيء مستحيل...XD !!
