جودفاذر فلم يعيشك جو ما تحس فيه باي فلم ثاني.طاقم تمثيل كبير .ادوار جبارة للممثلين و سرد قصصي جميل.بالاضافة الي اللالحان الي ما تنسى.والاخراج المُبهر
شاوشانك بالنسبة لي افضل فلم بعد سلسلة جودفاذر. لو بكتب عنه ما راح اخلص.فلم يخليك تتمنى انه ما يخلص .افضل نصيحة ان الي ما شافه لحد الحين يروح يشوفه
فلم آخر من إخراج المخرج الشهير Tim Burton وبطولة الممثل Johnny Depp كعادة أفلام بورتون الـ Creepy مثل ( Edward Scissorhands , The Nightmare Before Christmas ) الفلم هذا يعتبر أكثر فلم له من هذه الناحية .
القصة رائعة كعادة أفلام المخرج ودور Johnny مدهش كالعادة وعرف كيف يتقمص الدور بشكل رائع
فلم كوميدي من بطولة جيم كيري ومورقان فريمان وجنيفر انستن .. فلم حليو ماستمتعت فيه كثر استمتاعي بأفلام جيم كيري الثانيه بس يبقى فلم جيد .. قصته حلوه بس تمنيت لو انهم استفادو منها و قامو بتطبيقها بشكل احلى .. جيم كيري كالعاده وبكل افلامه اداء ممتاز .. اعجبني اداء جنيفر وكنت ظالمها نوعا ما قبل ماشوف الفلم .. تنصحوني اشوف الجزء الثاني ايفن المايتي ؟
7
ملاحظة : شباب ياليت الي يبي يذكر أي شي عن قصة أي فلم او اي شي حتى لو كان ما يأثر يحطها بـ سبويلر تاق ويكتفي بوصفها حلوه او شينه .. لان بهالموضوع انحرق علي كذا حدث بكم فلم .. فـ عشان الواحد يقرى الانطباع وهو مرتاح ياليت تلطبون هالطلب .
أفضل فلم شاهدته في حياتي من بعد تايتنك , قصة غير متوقعه مره و غير تقليديه ابداً ابداً .. اداء مذهل من كريستيان بيل خلاني اقول ان تمثيله في دارك نايت زباله و مع مرتبة الشرف
10
:crying:
قمة الابداع , انصح بالمشاهده
10
اقل من الي توقعته بكثيييييير , عجزت افهم زبدته , تحس ان الفلم خلص قبل ما يبدأ
5
ثريلر على شوي رعب , حلو يستحق المشاهده
7
:inlove:
اسرار توني اعرف عنها في قصة باتمان كله , النهاية لا تعليق !! ابدااااااااااااااااااااااااااااااااااااااع
9
مضيعة وقت
ابغى اعرف وش المميز في افلام الاكشن !! اسحله رشاشات , سيارة تنفجر واااو
القصة قمة في الغباء , يعني فيلم ماشي على رتم الاكشن و شوية كوميديا , و في النهاية تشطح فجأه و تعطينا نهاية دراميه ؟؟ سلامات !!
3
توقعت احسن من كذا بكثير , لكن لا بأس
7
برضو توقعت احسن من كذا , شخصية Big Mike كانت فارغه بالنسبة لي و ما عجبتني
6
نوعي المفضل من الافلام , فلم دراما يركز على شخصية معينه تكون متقنه دورها و بنفس الوقت لها ماضي غامض , و الاحداث هادية جداً و النهاية bittersweet.
9
تحفة فنية , و لو انه بصراحه اول 45 دقيقة القصة كانت مشوشه. Must see
9
يجي منه
6
اذا بتشوفه شوفه بلوراي , لأنه ما يستاهل الا على المؤثرات بس
فلم رائع ! تقديمه بطريقة وثائقية شي مميز صراحة .. اداء ممتاز للبطل Sharlto Copley تحمست اشوف فلم the a team عشانه .. بدايته ممكن تكون ممله شوي لكن مع قرب النهاية تبدا الاثارة والمتعة .. مستواه التقني او السينمائي ممتاز جدا .. انصحكم به .
فلم The Prestige من أفضل الأفلام اللي شفتها ويستاهل 10 بالكامل ويعتبر درس لباقي الأفلام في كيفية صنع فلم بأداء مميز من الطاقم وقصة رائعة كل واحد من الممثلين بدل جهد أكثر من باقي أفلامه ( زي ما ذكرت أداء كريستين بيل في الفيلم أفضل من أداءه المعفن في The Dark Knight ) كذلك أداء Hugh Jackman .
فلم ممتاز ! الي كان محمسني للفلم احد الاصدقاء الي كان يقول انه شاف دينزل واشنطون بأفضل اداء له بهالفلم وانا كنت اخالفه واقوله مستحيل يوصل لمستوى مالكوم اكس .. وفعلا ماوصل مستواه والسبب اكيد ان بـ مالكوم اكس دور البطوله كان له لوحده بينما هنا البطوله منقسمه بينه وبين Ethan Hawke هذا غير مدة فلم مالكوم اكس الطويلة .. اداء دينزل كان رائع واستحق الاوسكار .. وايضا ايثان هاوك ابدع بدوره .. الفلم يملك حبكه بالقصة ومن الافلام الي بتعطيك تويست رهيب بالنهاية .. فلم يستحق المشاهدة .
صحيح الفلم حاول بأنه يطلع بتويست أليم .. بس للأسف فشل بهالشي ... واعتقد ألي اثر على هالشي هو بأنه النصف الاول من الفلم راح تشاهده وانت مو فاهم شي + عدم ربطهم ما بين الاحداث بصورة جيده ... والنتيجه كانت عدم إنلحاس المخ .. او الشعور بالرهابة لما تشوف وتعرف التويست ألي صار و ألي تصير عاده بباقي افلام التويستات أمثال Vantage Point وخلافة
وراح تكتفي بكلمة (( اهااا ... يعني هذا ألي صار )) فقط لا أكثر >_>
وبالنسبه لحركات الأكشن مثل القفز فوق السيارات و القتال مع افراد الشرطة .. أو حتى قياده السياره ... حسيت فيه بعض من اللاواقعيه .. يعني لو مسوينها بفلم ثاني نمشيها ام بهالفلم حسيتها مو راكب
عموماً ... في افلام جابت العيد ومن اسوء ما يمكن ان يتخيله المرء .... و افلام اخرى رهيبة قدرت تحجز لها مكان سواء عندي أو عند غيري
أما فلم salt قدر يكون ما بين الاثنين .. ويخرج بتقدير ( جيد ) ...
6 من 10
اوووه صحيح ... وكالعادة .... انجلينا كل مالها وتزيد حلاة 3>
بعض افلام الـHeroes تجعلك تتمنى بأنك تكون مكان البطل ولو لثواني ... و أما في بعض الأفلام فا لا ! و فلم Batman : under the red hood أحدها
فلم انميشن رائع قدرت من خلاله احس بالمسؤولية والمواقف والمصاعب والمواجهات ألي ممكن تجيني لو صرت بطل ليوم واحد فقط ! ... على عكس بقيه الأفلام ألي تحسسك بأنه البطل عبارة عن شي Cool و يصير اقوى لما يعصب ولا يهُزم و وقوته تظهر بأخر 10 دقايق من الفلم بس !!
فلم إنتاج عام 2009 وهو إعادة إصدار ( Remake ) لفلم كوري منتج عام 2003 إسمه A Tale Of Two Sisters .
الفلم رعب نفسي وتم تقديمه بشكل مدهش حقا . بإختصار وبدون ذكر أي شيء عن القصة ... اللي يبغى فلم رعب صدق يشاهده . قصة وتمثيل و Soundtrack رائع جدا .
وصحيح اني كثير ازور هذا الموضوع علشان استفيد من راي الاعضاء واشوف افلام
بس احيانا كثيرة اندم اني باخذ براي البعض 😀
يعني الصراحه فيلم kick ass لو اخر فيلم في الدنيا المفروض ما اشوفه
مادري ايش يعني البروبجاندا الرهيبة اللي سواها بعض الاعضاء عن الفيلم لدرجة انى كنت حموت واشوف الفيلم
وبعد ماشوفته اتحسرت على الدقائق اللي ضيعتها عليه
فعلا العب جيمز كان ابرك
دائماً منتجات باتمان تنجح نجاح باهر و بصراحة ما ادري ليه ؟ هل :
1 - لأن عالم باتمان سوداوي و كئيب عكس "غالبية" السوبر هيروز الاخرين ؟
2- هل لأن باتمان ما عنده أي قدرة خارقة ؟
3- هل بسبب ان نوعية اعداء باتمان مميزين ( كات ومن ، بطريق ، جوكر .. الخ )
4- هل بسبب العالم القوطي Gothic و الذي يطغى على معالم باتمان ككل ( و أولهم مدينة جوثهام)
5- هل بسبب التركيز ، الجهد ، المال المبذول على منتجات باتمان و اللي يخليها في الاخير تنجح و إذا كان نعم ، ليه السوبر هيروز الثانيين ما يصير لهم زي كذا ؟
بصراحة ... لازلت لا اعلم ؟
و في الاخير ... ممكن يكون هذا المكان الغير مناسب لهكذا تساؤلات و لكن من باب ذكر الشئ بالشئ .
أسطورة 1900 او La leggenda del pianista sull'oceano وهو فلم ايطالي الاصل من بطولة الرائع Tim Roth فلم درامي من اروع الافلام الدرامية الي مرت علي .. تيم روث يظهر بأفضل اداء له واتقان للدور الصعب .. الفلم اقرب تشبيه له هو فلم Amadeus لكنه مايوصل مستوى Amadeus الخرافي بس يبقى قريب منه لانه قدم قصه مبتكره ولها معنى كبير .. صراحة imdb مدري من وين يجيب هالتصنيفات فانتزي !! رومانس !! كلها مالها دخل بالفلم وانا لو شفتها قبل ماشوف الفلم كان ترددت بشوفته .. فلم قمة لايفوته اي واحد يشاهد الافلام بكل انواعها .
